Table

营业中

休息中

之前都成日去table食早餐，今次係第一次喺度食晚市！我幾鍾意呢度環境開陽，木系嘅感覺令人覺得好舒適。而且呢度食物選擇亦都好多，份量都大。而家晚市星期一至四都有推廣優惠，都幾抵食。所有晚市主菜都可以升級小食和特色飲品。酸種麵包配餐湯餐湯係周打蜆湯，鮮味香濃。烤酸種麵包非常香脆，有咬口，配湯一齊好正！炭燒頂級封門牛柳伴燒新薯、烤時令蔬菜、燒原個蒜頭賣相超級吸引，封門牛柳點了五成熟，非常多肉汁，而且有油香，牛肉味道香濃，非常不錯。黑椒汁好惹味，夠鹹香。秋葵新鮮，爽脆。燒薯仔外脆內軟，好味！浦燒鰻魚北海道咖喱蛋蓋飯呢度嘅咖喱都好出色，濃郁惹味。厚切蒲燒鰻魚，魚油豐富，加上滑蛋，口感一流！Table水果茶推介水果菜，裏面的水果亦都新鮮爽脆，好清爽的感覺。櫻花燕麥玄米綠茶估唔到呢個配合都幾好味，玄米綠茶帶有些少花香，幾特別。藍莓芝士蛋糕芝士味清新不膩，餅底帶有肉桂，香氣十足 ！整體來說，這裏的食物質素很不錯，難怪平日都排晒隊！

印象中Cafe都係好睇唔好食😂不過屋企人話放假想打卡就即管上網search吓～呢間將軍澳同黃竹坑都有分店，日系裝修又有啲機同咕𠱸坐墊，大地色都幾舒服話晒都係三日連假，都好多人排隊，不過唔使10分鐘就入座啦！叫咗個黑松露意粉，牛扒薯條，餃子同唐陽炸雞個意粉好濃好入味，值得一提係個餃子真係幾特別就咁睇佢個樣，你係估唔到佢係餃子，脆脆哋，好味喎！！等緊嘢食嘅途中侍應好貼心咁同返我哋講杯柚子烏龍茶要等多陣，因為啱啱沖緊新茶底。唔係講笑，個烏龍茶搽底好濃，唔知係咪因為啱啱換咗新嘅茶底，真係好好飲，比起出面嘅廢水更好飲呀！！！所以最後忍唔住再叫多杯😂😂😂😂茶底夠濃，沒有偏甜，少甜就真係少甜，有時你出面買手搖飲品真係成日炒車，就算叫佢少甜，最後都係會勁甜連嘢飲都可以咁有水準，下次一定要再食

位於將軍澳中心嘅西餐廳咖啡店Table，裝修走簡約木系風格，帶點綠植元素☘️俾人一種悠閒嘅感覺😎午市套餐由$78-$118不等，包含主菜同飲品。另外更可以加配前菜、小食、甜品同特色飲品等等，款式豐富。👐🏻🍴餐湯及香蒜牛油手工酸種麵包（套餐追加$22）是日餐湯係周打蜆湯，質感濃稠，充滿牛奶同忌廉嘅香味，食到粒粒洋蔥🧅薯仔同蜆肉，幾足料。酸種麵包煙靭有咬口👄幾香蒜味，點湯食更滋味😋🍴楓樹糖漿堅果燕麥杯（套餐追加$22）燕麥有咬口，微甜，表面灑上提子乾、蘋果絲🍎同多款堅果，味道幾香👅口感豐富～🍴鹿兒島黑豚餃子（套餐追加$28）第一次見呢款外型嘅餃子😆係用腐皮包住黑豚肉，餡料調味唔錯👍🏻帶腐皮油香😋🍴炭燒安格斯西冷牛扒薯條（$118）牛扒大大塊，大約7成熟，有炭燒香味，肉質幾腍👄幾香牛味，配香脆既薯條🍟同清爽既沙律🥗性價比幾高👍🏻🍴法式紅酒燴牛尾飯（$78）牛尾同紅蘿蔔都炆得夠腍，入味👅法式紅酒汁酸酸地，帶香草味，送飯一流👍🏻如果唔食飯可以配意粉，都係一個唔錯嘅選擇👐🏻🍴黑朱古力慕絲蛋糕（套餐追加$38）黑朱古力慕絲順滑，朱古力味道幾濃🍫甜度適中。🍴雪糕西班牙咖啡（套餐轉配$26）咖啡味道香濃☕️

今日有人約出去食午餐，suggest 去食Table。平時行過很多次，次次都有人在等位，所以都無什麼動力想去試。但是，今次有人約到，便去試下la～一看特飲的dried friut 便知道是打card的好地方。我食的咖哩炸魚，size 不錯，而且咖哩份量十足。一定好過Coco的。今次的彩蛋一定是附近的狗狗食客。這間食市是pet friendly 的。可能openrice 下一個filter 便可以加是否pet friendly option 了。

開業至今經常來食有次8號波有開我都嚟環境服務價錢性價比非常之高不過經過今日之後大失所望今日來想要杯水，不過宜家斟水要自助了可能我嘅期待較高覺得呢度喺高級餐廳情願你加價我也不想服務少咗咁我去大x樂都係一樣啫做好一樣嘢好容易一直做好喺好難正常 等佢吾使自助斟水個陣我再嚟Good luck

將軍澳中心食肆大多都係集團式，Table只係一間小店，但見食評同食物種類都唔錯，雖然去到要等位，但等15分鐘都唔算耐，服務同食物質素都ok，值得一等嘅。🍴冬蔭公汁蝦球蕃茄意大利粉 $88⭐️⭐️⭐️⭐️如果唔食得辣會覺得有少少辣，但幾香幾惹味，入口有淡淡冬蔭公味亦有蕃茄味，意粉同𧎚同樣爽口彈牙，唯一要彈就係個汁太稀。🍴炭燒安格斯西冷牛扒 $118⭐️⭐️⭐️⭐️Lunch無得揀幾成熟，standard係7、8成熟，嚟到符合預期有7成，入口juicy亦有炭香味，呢個價錢正價比ok啦，反而我鍾意外脆內軟嘅薯條多啲。二人共消費：$209

吉列豬扒北海道咖哩蛋蓋飯呢道吉列豬扒北海道咖哩蛋蓋飯睇落真係好吸引，咖哩醬夠多，仲有煮到岩岩好既蛋，而具個豬扒無被咖喱汁整到淋晒，擺盤好有心思，整碗飯即刻升級。咖哩醬嘅味道濃郁，帶有奶香同淡淡嘅甜味，搭配白米飯，吸收得好好。豬扒外層香脆，內部肉質鮮嫩，口感很好。整體來講，呢道菜味道平衡，適合喜愛咖哩同日式料理嘅食客，無論係外觀定係味道都幾好。安格斯板腱牛肉石窩烏冬牛肉質地嫩滑，肉香濃郁，湯底濃味但唔油膩。石窩烏冬吸收咗湯汁，口感滑順，彈牙，食落去令你感受到熱辣辣嘅溫暖，特別係喺寒冷嘅日子，真係好舒服。呢道石窩烏冬無論係牛肉質量定係湯底都表現得相當好，熱辣辣嘅感覺令人滿足。

有次行街經過呢間餐廳🍴排長龍，開放式裝修設計，整體以木系設計為主，帶俾人溫馨舒服嘅感覺，有提供兒童餐椅，非常貼心💕蜜糖燒雞髀飯🍚大大隻雞髀燒得焦香，粟米肉粒飯，飯上的忌廉汁味道較淡，配上蜜糖雞髀，味道剛剛好。雞髀肉質嫩滑。黑毛豬東京黑蒜豬骨讚岐烏冬🍜整個烏冬湯底充滿黑蒜香味，黑毛豬肉片不會太韌。鹿兒島黑豚餃子🥟餃子皮炸得薄脆，裡面的黑豚肉調味不錯。是日餐湯➕香蒜牛油手工酸種包🥖西式的羅宋湯做法，口感比較濃稠。酸種包點上餐湯，味道更突出。安格斯牛肉芝士漢堡🍔牛肉漢堡多汁好吃，配上千島醬汁，喜歡芝士漢堡的人不要錯過。菠蘿蘆薈夏日特飲🥤飲品上有小片菠蘿🍍，蘆薈梳打水帶來清新氣息。Table水果藍蝶花梳打🥤自行將藍蝶花加入飲品杯，飲品底部有百香果汁，攪拌完之後味道更清新。手搖Table水果茶🥤茶底味道較濃郁，夏天來一杯水果茶，消暑之選。Table雪山🧁賣相非常適合打卡🤩奶油上舖上馬卡龍，少量乾花和棉花糖，為甜品增添色彩，最驚喜的是切開奶油裡面是朱古力和雲呢拿雪糕，創意十足。

又來到這家餐廳試下呢道鹹蛋肉餅飯，絕對名副其實。酥脆的肉餅外層,切開後露出金黃鮮嫩的內餡,與滑溜的白米飯,令人垂涎欲滴。肉餅本身口感鬆軟,肉質細緻鮮嫩,鹹蛋黃內餡恰到好處,不會過於鹹膩。米飯也恰到好處地吸收了肉餅和鹹蛋的香氣,增添了層次感, 也為整道菜式帶來清新爽口的平衡。餐廳環境雖然不大,但裝修簡約而不失溫馨。服務人員專業有禮,用餐過程中能全程照應。價格方面,考慮到菜品的分量和質素,性價比相當優秀。

食物、侍應服務和衛生程度佳。如音樂可調低一點，食客會相應將聲量調低，整個環境會相對寧靜些。價錢合理，有很多不同款式的選擇，一定會再光顧，不過要預留排隊時間，因為任何時候都有不少人排隊。

餐點以咖哩牛腩飯為人氣招牌,一上桌便引發食客的興味。咖哩醬汁濃郁微辣,牛腩肉質鮮嫩入味,搭配香噴噴的白米飯,各味道和諧融合,涮口爽口。令人難忘的是那股淡淡的香料香氣,令人回味無窮。當季新鮮檸檬汁再加上冰塊,清新酸甜剛好,完美中和了咖哩的濃郁,讓整個用餐體驗更添清爽。整體而言,這份巴基斯坦咖哩牛腩飯搭配凍檸樂,不僅滿足了挑剔的味蕾,更帶來異國風情,讓人仿佛置身於繁華的巴扎市集。這份餐點無疑是這家餐館的明星菜色。強力推薦給喜愛異國料理的食客。

諗起喺西貢區食早餐，就會想嚟呢度。佢的早餐唔貴，環境好，免加一，食物幾健康，性價比唔錯。今次同朋友揀喺1115嚟到，諗住俾佢有多啲選擇，可以揀食早餐或午餐。我點早餐，最後朋友等多15分鐘，點午餐。黑松露炒蛋+車打芝士腸+楓糖堅果燕麥杯：$52，好抵食。香腸俾朋友食；炒蛋可轉煎蛋/太陽蛋。之前試過炒蛋、太陽蛋，今次唔小心嗌咗煎蛋，冇咁好，兩隻蛋似油泡，多油，蛋過熟；碟上有少量芝麻醬沙律菜；最鐘意係楓糖堅果燕麥杯，甜度剛好，堅果脆，燕麥有咬口，好味熱咖啡：微苦，唔係好特別，但佢係即磨，有heart咖哩汁炸雞蛋包飯：$88；上檯時覺得好大碟，對女仔嚟講份量多咗少少，最終朋友亦食唔曬；賣相吸引，蔬菜豐富，炸雞有5-6件，蛋煮得好靚；雖然話食唔曬，但朋友都食咗好多熱奶茶：朋友飲咗一啖就冇飲，茶色望落好靚，可能唔啱口味餐廳環境好正。食嘢限時，好似係入單後75分鐘。有人龍等位，但因為限時，所以唔使等好耐。非常推介！！

呢日黎到將軍澳呢間Table, 屋企人話成日都見到人排隊所以都好試試佢, 我今日就特登早D 黎排一排隊, 見到7點過後就開始有人龍, 唔想排好耐既話最好7點前黎到就唔駛等咁耐, 但都要過半數人先入得黎坐, 同埋都有限時~ 佢既位置都幾chill~ 同埋佢平日唔同時間都有promtion 做緊, 有一日仲有薯條任食! 都真係幾抵! 我地就叫左一個封門柳餐加左D 小食,分別係薯條、湯同埋cake! 另一個餐就叫左啤酒雞, 兩個main course都冇叫錯! 都真係好高質, 封門柳超重牛味, 食到我地停唔到口, 佢既生熟程度岩岩好, 唔會太UN又唔會太生, 岩哂我地口味! 點埋汁食又提升左D 味道! 仲有蒜伴碟, 真係Perfect! 另外個啤酒雞都真係世一, 隻雞切開就覺得好高質,因為超多汁, 真係好JUICY, 同埋勁嫩,真係岩岩好熟, 佢地D 火候都控制得好準確! 個皮又焗到勁脆, 真係想再encore! 小食既湯配蒜蓉包都岩哂我口味! 薯條夠哂熱辣辣! Cake 都好好食! 簡直perfect!~

將軍澳高質又好味Table 不論假日抑或平日都大排長龍～人氣滿滿好喜歡店內裝修風格～開放式設計環境舒服🍴炭燒安格斯西冷牛扒份量好足😋勁大塊牛扒煎到恰到好處配上自家調製醬汁👏🏻好味😋跟埋即炸脆口薯條🍟🍴西班牙風乾巴馬火腿薄餅薄批餅底好香脆～加入芝士，同巴馬火腿夠鹹香跟餐優惠價加配小食、飲品同甜品✅性價比高🥤玫瑰阿薩姆奶蓋茶 ～ 淡淡玫瑰香奶茶🥤玄米抹茶士多啤梨燕麥奶配雪糕🍧期間限定抹茶味濃郁～配埋士多啤梨醬口感豐富甜品✨蘆薈楊枝甘露✨榛子杏仁朱古力蛋糕 @tablecafehk #Table #Tablehk #將軍澳美食 #西餐咖啡店#香港探店 #香港咖啡廳 #西餐探店#香港美食 #香港探店 #香港必食餐廳 #將軍澳美食 #西餐咖啡店 #Table #Tablehk Table 📍將軍澳唐德街9號將軍澳中心G樓G87及G90號鋪

Weekend下午茶set $58起就有一個可以選的款式有好多意粉、軟包、墨西哥卷、炸魚薯條、燒春雞都有怕唔夠飽可以+$18要個咖喱飯/燕麥杯/餐湯包或者炸薯條炸魚薯條（$68），好大條，差唔多長至一條前臂，炸得好香脆，而內裏魚肉好嫩滑，仲有好多炸薯條，抵食燒春雞（$78），半邊雞，熱辣辣，脆皮，有肉汁，好食餐湯（+$18）是蘑菇湯，好濃旭的蘑菇湯，每啖都有粒粒蘑菇碎，而餐包是酸種麵包，用牛油塗面，再焗熱，食得出的用心。燕麥杯（+$18）健康得來又好食，濃濃的燕麥，非常容易入口，加上絲絲的蘋果絲，另口感更得豐富，仲有不少的果仁同提子乾，另味道酸酸甜甜，食食下就食哂了。