Table

营业中

休息中

經過被這個小清新的植物佈置吸引，咁啱2:30經過，有下午茶，所以決定來這間餐廳試一下，叫左兩個下午茶set。環境方面:環境大，乾淨企理，坐得好chill好舒服，裝修好靚。服務方面:見到服務員都好多，人手充足，而且侍應服務態度都很好。食物質素方面:開頭諗住平平無奇食個下午茶，但有驚喜，食物質素好好，無論湯，酸種麵包，水果茶，意粉都好好味👍🏼真心值得再去👍🏼價錢方面:下午茶套餐，加埋cake同飲品餐湯，人均$100都唔洗。而且下午下午茶都好大份，可以當lunch食。所以性價比好高👍🏼打算下次同朋友嚟試吓晚餐👍🏼

行過幾次見到好多人排隊，環境幾靚，望入餐廳見到食物賣相都不錯，決定搵日去食…當日唔算多人排隊，等咗一兩個就可以入座，員工安排咗中間座位，感覺好似canteen，坐得亦唔舒服，沒有椅背、座位只係石級上放咗一個咕𠱸，呢個位已經有啲扣分黑松露忌廉牛肝菌蝴蝶粉，冇味嘅玫瑰阿薩姆奶蓋茶，個底勁厚糖漿，成杯好藥水味加咗份美式炸薯條，又係冇味，自行加咗枱上面調味鹽同茄汁，麥當勞都好味過佢龍蝦汁海鮮意大利扁意粉，由隔籬位未入座，到佢哋差唔多食完，等咗足足30分鐘先嚟到。以為有幾驚艷，一心期望嘅龍蝦汁，原來只係不過係蕃茄汁。同埋成碟最上當眼處嘅青口係可以冇咗，摷勻成碟都搵唔返，有幾隻蜆肉同樣都係，剩係得個殼，啲肉唔知去咗邊?????食後感，冇下次，好難食，好失望，好後悔…以前呢個位嘅Cherry, C0T好食過呢間好多倍

今日同屋企人係將軍澳中心揾到間cafe，係商場中心，環境優美，佢開放式既設計吸引左我，於是入去食個dinner首先每人嗌左個飲品或甜品，蘆薈蜂蜜洋甘菊花茶，清甜潤喉胚芽芒果沙冰，香濃胚芽奶蓋，芒果味濃熊啤啤冰檸檬茶，熊仔好可愛，用黎打卡岩哂餐前嗌個烤雞凱撒沙津，烤雞香口嫩滑有肉汁，雞件大塊而且有5至6塊，沙津菜清新爽口跟住就嗌主菜啦，冬陰功波士頓龍蝦意粉，龍蝦肉質彈牙，意粉配搭酸辣冬陰功汁，開胃好味北海道刺身帶子海膽汁意大利飯，帶子厚肉鮮味，意大利飯配合鮮甜海膽汁，綿密香濃，比帶子更好味香煎西班牙杜洛黑毛豬鞍架，黑毛豬鞍厚切，唔肥但肉汁豐盈，口感彈牙，真係好好食最後食埋件杏仁朱古力蛋糕，清新可口既杏仁cream加朱古力蛋糕，配搭恰到好處

好少黎將軍澳行街，今次一入黎就俾我地發現到依間好正既西餐廳😍同屋企人食得好滿足而且坐得好舒服😎下次一定會再黎！尤其黑毛豬鞍架，超好食！Food list🍽️炭燒頂級封門牛柳 $208香煎西班牙杜洛黑毛豬鞍架 $188好彈牙口感十足，好入味，我平時唔多仲意食豬肉，但依個黑毛豬鞍我愛上左😍法式低温慢煮紐西蘭羊膝 $168冬蔭功波士頓龍蝦意大利粉 $168龍蝦肉大大舊好爽又鮮甜！北海道刺身帶子海膽汁意大利飯 $158好濃郁海膽汁同芝士好creamy，個意大利飯粒粒都吸收左汁好正！原條蒲燒鰻魚北海道咖哩蛋蓋飯 $138鰻魚原條咁上好足料好好味！烤雞凱撤沙律 $88意大利陳年黑醋布拉塔芝士田園沙律 $88Memories $88榛子杏仁朱古力蛋糕 $58鹿兒島黑豚餃子(5隻) $58外面脆脆包住入面彈牙又惹味既黑豚肉好有肉汁！Table雪糕咖啡 $52咖啡味好濃縮，咖啡迷必叫！熊啤啤冰檸檬茶 $50熊啤啤好可愛打卡一流！胚芽芒果沙冰 $42蘆薈蜂蜜洋甘菊花茶 $36

將軍澳新開環境優美西餐廳。餐牌選擇種類多最後叫了以下食物。 1.小食拼盤（$128） 份量非常多，有四隻雞翼，有四個炸蝦，有四個春卷，大量薯條，非常香脆，一大班人再岩食呢個。 2.牛肝菌西班牙香腸薄餅（$118） 薄餅以薄批為主，面上有大量的牛肝菌和西班牙香腸。 用上蕃茄底做餡料， 非常開胃 ，惹味 香橙綠茶（+$18） 非常Fresh 是日餐湯+蒜香酸種包（+$38） 蕃茄忌廉湯配上香口脆卜卜的蒜香酸種包。 3.安格斯板腱牛肉石鍋烏冬（東京黑蒜豬骨湯）（$108） 非常濃郁的黑蒜豬骨湯底，配上煙煙韌韌的烏冬，仲要用上石鍋，熱辣辣，岩哂呢幾日冬冷冷的天氣。 TABLE水果茶（+$20） 非常多種水果，有火龍果，菠蘿乾，藍莓，橙，西柚乾等多種水果，非常fresh。 廚師精選沙律（+$28） 新鮮爽口的沙律菜 4.心太軟（$78） 熱新辣的心太軟，非常香濃的朱古力蛋糕，配上流心的朱古力醬，正 5.榛子杏仁朱古力蛋糕（$68） 朋友揀左這一款蛋糕，愛杏仁的不能錯過，蛋糕以朱古力為底，面頭有滿滿的榛子和杏仁，非常香口。 

好多人都選擇有人排隊嘅餐廳，我今日去咗呢間Table，我早餐都未食，所以好肚餓，一坐低我叫咗呢個午餐“香煎加拿大琢肉眼拼車打芝士腸意粉”。一食，嘩，塊豬扒被“那”到唔知點形容，咸過龍虎豹都唔緊要，有咩理由咸過條車打芝士腸？同佢2個侍應講，佢哋做咗一個唔係第一次聽到嘅反應，連反映比廚房都費事，唔通啲老闆會每日食一塊？吸收得鈉多會影響健康喎。公道一啲, 佢個沙津同意粉係正常的，但塊豬扒真係食咗一舊條脷都咸到痹咗！做食要有良心啊！

職員態度差劣，一幅唔想招呼的嘴臉。聖誕節要等位屬正常，但是未入座已經唔想招呼你入嚟咁。可能因為阻住收工，未幫襯就已經令到人唔想去。佢哋非常成功，成個商場咁多食市，睇吓做得幾耐。

諗住食好少少早餐，去了呢間餐廳， 真係試一次就好了，加十蚊有非常薄的麵包，真係十分失望， 塊豬扒好明顯有落梳打粉，味道和口感不是很好， 個炒蛋十分油😮‍💨， 吃了一半不可以再吃落去😑

而家Cafe越開越多，亦都越賣越貴，每次去完Cafe扮Chill 都有少少肉赤，仲要唔係間間都好食！叫咗兩杯嘢飲，正常發揮，不過不失，跟餐可以有半價，都算合理！呢間餐廳出品中上，除咗啲意粉可以做到al dente，賣相做得幾好，起碼睇得出唔係hea 做。個咖哩蛋包飯，同我之前食過幾間所謂嘅咖喱蛋包飯專門店，佢呢度做得同嗰啲所謂專門店，我食唔到有乜嘢分別，個賣相大家都差唔多，但係價錢就起碼相差一截。我覺得呢間餐廳最值得欣賞嘅地方係價錢中肯，我認為係可接受範圍囉，比起好多我之前去過嘅所謂Cafe老實好多。

朋友介紹呢間食lunch set見到人地枱面個餐真係勁大碟我比個吉列豬扒吸引左朋友就叫精選餐，係牛扒件牛扒厚身但非常淋非常好食仲有大量薯條我果個吉列豬扒啲炸粉唔厚豬扒就有啲啲乾配埋個蛋包飯呢個價錢冇投訴我覺得四個人三個餐就剛好我地另外加多左芝士蛋糕、開心果蛋糕兩件都好食

跟友人早上11時多了所以先試了牛扒滑疍早餐、牛出色朋友選了魚柳配火腿通心粉、湯濃滑另－位試了雞通粉也香滑好味另－位試了午餐牛尾飯和午餐西冷有驚喜即磨咖啡可以的！試了小熊檸茶出色友人試了西柚烏龍茶和全日早餐份量大早餐約$68-88午餐約$88-100坐得舒適有設計感清新好坐顏色柔和中等價位值得推介

將軍澳中心這家位置原本也是相似風格的西日cafe”cherry” 。裝修同樣是溫暖時尚的木色設計，環境舒適。下午茶價錢比較實惠，而且有追加小食優惠，叫了一個意粉套餐試試。黑松露煙肉野菌忌廉意大利粉意粉份量對女生來說剛剛好，不會太多太少。忌廉汁很creamy，意粉有咬口，野菌和煙肉的份量很足。整體不錯。紐約芝士蛋糕跟餐追加了一個精選蛋糕。份量比較大，忌廉芝士是硬中偏軟的口感，酸酸甜甜，不會太膩。餅底比較特別，是海棉蛋糕作底；整體不會太乾/太濕，賣相簡單優雅。Latte 喝到的第一口很有驚喜，非常香濃！可以再試試其他

第一次食依間，星期五晚餐時段，等位時間算快，坐低直接俾QR Code 客人落單，沒有set ，可加錢叫小食同飲品。一行二人被安排坐在中間的二人枱位置，餐點方面選擇了拿破崙大蝦番茄意粉及大啡菇黑松露意大利飯，另外加錢叫了一杯凍泡沫咖啡及香橙蘆薈綠茶，並加配是日餐湯及蒜香酸種包。$28 是日餐湯及蒜香酸種包椰菜花忌廉湯：味道略帶酸，口感算細膩蒜香酸種包：蒜香味道不太濃烈，口感普通$108 拿破崙大蝦番茄意大利粉味道不過不失，醬汁酸度適中，搭配紅黃椒絲，令口感及視覺上更為豐富，惟大蝦有沙及不夠爽口。$108 大啡菇野菌黑松露意大利飯味道不錯，調味正常，口感creamy，幾乎每一口都能品嘗到菇菌。$18 加配的香橙蘆薈綠茶（已點少甜）外表igable，味道卻令人失望。一個甜字已不足以形容依杯飲品，一口的糖漿味，橙同綠茶的味道不太突出，加上底部的蘆薈粒，甜上加甜，所以我飲左幾啖就放棄。而是日最驚嚇的飲品是花了$17 加配的泡沫咖啡  當侍應哥哥放低杯泡沫咖啡，並報上它的名字時，我真係呆左，因為我真係未見過一杯連一滴泡都冇既泡沫咖啡，相反，我係個杯底見到成寸厚既糖漿，佢俾我既感覺就似美式＋幾滴奶＋

今日叫咗個卡邦尼同埋香蒜欖油意粉，兩個意粉完全冇寫係辣，我同小朋友一齊去食，卡邦尼太多黑椒，小朋友辣到放唔到入口，而香蒜意粉完全冇寫話係辣，但係有辣椒粉去煮🥲而走嘅時候同店員反映，佢話廚師話酒店正統卡邦尼就係有黑椒（但多到我都覺得辣），而佢堅稱香蒜欖油意粉Menu上有寫到辣椒兩字， sorry我完全搵唔到。恕我呢個客人太低級，去唔到酒店程度。唔知新開定點，但覺得職員嘅態度同回答客人問題都要有返啲嘅質素😒但係食物賣相同餐廳環境係10分好嘅

朋友推薦餐廳,相約幾位朋友一齊試一試,餐廳簡約小清新設計,座位上坐得舒服, 感覺好CHILL餐牌有太多食物選擇,樣樣都好正,當我地仲諗緊簡邊幾款食物好,高高男經理經過,主動向我地提供意見,不嫌其煩答我地問題,當然唔少得問埋經理邊幾款靚靚打卡飲品推介啦,點知見到高高男經理去咗沖嗰幾杯嘢飲比我哋喎😂😂另外餐廳既服務都好親切，有位細細粒既經理都好樂意解答客人問題👍🏻👍🏻西班牙黑毛豬石鍋烏冬（$98）石鍋熱辣辣上枱,烏冬彈牙,份量多又抵食,另外有三款湯底可選擇四式芝士薄餅（$108）四式pizza，真係食得出有唔同芝士味道鐘意食脆脆既薄餅必試低溫慢煮頂級封門牛柳（$188）配燒汁/牛肝菌汁伴燒新薯、烤時蔬賣相太吸引,一黎到個個都爭住食,雖然肉質有少少韌,不過好好味😋可惜唔記得影相🍓胚芽奶蓋士多啤梨沙冰（$42）胚芽奶蓋香檳提子沙冰 （$42）熊啤啤冰檸檬茶（$46）熊啤啤個樣咁可愛,點捨得飲,茶味濃Table水果茶（$38）一飲覺得好清新,勁愛呢杯飲品飲品打卡一流,每杯飲品整得好靚,最重要好好飲隔離枱有人生日,先發現呢間餐廳會附送即影即有生日卡,下次帶朋友黎呢到慶祝生日都係一個唔錯既選擇