T.Co (開源道)

营业中

休息中

呢間餐廳主要食烤卷，我地叫左一份燒牛肉卷同牛肉飯，食物即叫即整，燒牛肉份量多而且肉質都幾香口，個皮都幾煙韌，即刻燒制既，入面仲有芝士，蕃茄，青瓜，洋蔥等配料好好味。 雞肉飯配有飯同醬汁，搞混一齊食好惹味，醬汁有沙律同另一款秘制醬，雞肉份量好多。咖啡仲做緊買一送一優惠好抵飲，今次飲左杯齋啡比較濃郁咖啡味，而另一杯就好有奶味既latte，買一送一係款式可以混合甘買既，所以梗有一款岩你，唔知佢遲d會唔會推出更多新口味。

人氣爆登 一試難忘 過江龍菲律賓烤卷龍豬情侶心血來潮想食烤卷，在社交平台搜尋時，看到這間菲律賓烤卷，一於一試究竟。滋味牛肉烤卷$45❤❤❤❤❤烤卷即叫即做，卷皮脆脆，牛肉鮮嫩多汁，搭配上美乃滋，會有甜甜的味道。香嫩雞肉烤卷 $45❤❤❤❤❤雞肉口感滑嫩，調味恰到好處，配上蕃茄及酸瓜，口感清新。滋味牛肉飯(大) $55 ❤❤❤❤❤牛肉飯份量相當滿足，牛肉配上美乃滋，一口米飯，一口牛肉，不會過甜，建議一試。凍拿鐵咖啡&凍美式咖啡 (買一送一) $35❤❤❤❤❤咖啡買一送一，十分超值！咖啡能消去烤卷帶來的烤肉味。❤愈多愈推薦(最多5❤)龍豬情侶評價：過往龍豬情侶對菲律賓的美食印象較為刻板，認為味道會偏向重口味，但此烤卷讓我們對菲律賓美食另眼相看，是外賣的好選擇。龍豬情侶建議大家可以盡快熱食，或是回家後可先行烤焗，味道會更佳。推薦指數：10/10好味指數：10/10服務指數：9/10餐廳︰T.Co (開源道) 地址︰觀塘開源道63號福昌大廈地下A6號舖

呢間人氣菲律賓烤肉卷店自去年登陸香港接連喺多個熱門地方例如觀塘、中環同尖沙咀開店而且人龍不絕真係好受歡迎. 原來喺菲律賓有成600間分店咁多. 烤餅即叫即包保證新鮮，新鮮食材配上秘製滋味醬汁夠晒特色好味，方便之餘價錢夠經濟，真係打工仔福音. ⭐️香嫰雞肉卷餅味道偏甜少少辣，雞肉嫩滑，青瓜清爽，餅皮外皮酥脆咬落鬆軟. ⭐️滋味牛肉卷餅除咗主角牛肉，配料豐富，有齊青瓜、蕃茄、洋蔥、芝士，滿足一日營養所需，健康又好味. 醬汁好多爆汁. ⭐️烤雞肉大碗飯味道同卷餅差不多，就係轉左飯底，好大碗. 米飯粒粒分明，味道都係甜甜地. 色彩繽紛，望到個人都精神晒. 即磨咖啡跟餐加$15，散賣都有買一送一，抵飲味道都幾好不算連鎖咖啡店. 整體性價比好高，想平靚正快食一餐，呢個都係個好好嘅選擇.而家OpenRice仲做緊外賣七五折，好抵呀.

最近我去咗新開嘅餐廳——T. Co，我見好多地方都開咗分店，聽講佢哋嘅卷餅同飯都好好食，於是我決定去試下！牛肉卷，牛肉煮得剛好，肉質鮮嫩，配上新鮮嘅蔬菜，味道超正！每一口都好豐富，真係唔會膩！🥩雞肉卷，雞肉嫩滑，搭配特製醬汁，口感一流，食完之後心情都好好！🍗大雞肉飯，份量十足，飯粒鬆軟，雞肉多汁，真係一碗令人滿足嘅美食！🍚Iced Latte，咖啡香濃，冰涼可口，非常適合夏天飲！☕️T. Co 絕對值得一試！💖

呢間鋪勁多分店成日見到，忍唔住去try try!牛肉烤捲餅身厚度適中唔會太厚，食落甜甜地，牛肉肉味同調味相比雞更濃同惹味，另外仲配有番茄、青瓜、洋蔥，加埋啲醬更加惹味，同餡料好夾～雞肉烤捲雞肉烤得啱啱好，唔會太乾，配料同醬汁就同牛肉烤捲一樣～個人中意牛肉烤捲多啲～香嫩雞肉飯（大）飯橙黃色，煙煙韌韌咁好有口感～同樣都係嗰三款醬汁～拿鐵咖啡（凍）T.Co（開源道）📍觀塘開源道63號福昌大廈地下A6號舖

成日同同事去駱駝漆行街經過呢間賣烤捲嘅外賣店，次次都好奇佢究竟係咩味。最近終於搵到機會同同事去試下啦～我地叫左都幾多野，但佢地出餐速度都算幾快，幾分鐘就已經整好兩個烤捲，所有野落單後唔洗10分鐘就已經ready，真係值得一讚牛肉烤捲呢個包裝設計好方便，唔洗驚d餡料跌出黎👍🏻 餅身薄薄地唔會太厚，牛肉口感唔錯，食起上黎一絲絲咁，另外仲配有番茄、青瓜、洋蔥，但最正係d 汁！有三種顏色嘅汁，同餡料味道好夾雞肉烤捲雞肉烤得啱啱好，唔會太韌亦唔會好油。除左雞肉之外，其他配料同醬汁就同牛肉烤捲一樣。兩個烤捲其實不相伯仲，兩種肉都同醬料配料好夾，不過我個人中意雞肉烤捲多d～香嫩雞肉飯（大）米飯同我地平時食開嘅有d 唔同，橙黃色，煙煙韌韌咁好有口感。佢亦同雞肉烤捲一樣有雞肉、番茄、青瓜、洋蔥，同三款醬汁。但同雞肉烤捲唔同嘅係佢帶有少少辣，我個人覺得佢辣辣地幾惹味美式咖啡（熱）同事唔飲得凍野，叫左熱美式咖啡。佢話杯咖啡幾香幾濃郁，食完咁多野飲返杯真係perfect match拿鐵咖啡（凍）啱晒唔中意飲甜野嘅我，飲完真係好提神醒腦。呢個份量亦剛剛好，而且佢唔似得出面咖啡店好多凍咖啡咁落超多冰

今日去完踩單車 去到觀塘嗰陣諗住買外賣返屋企食 點知好多舖頭都已經閂咗門嗰陣都只係禮拜日嘅八點幾 咁啱見到呢間T.Co Express 諗起平時晏晝佢超級當排隊咁依家就係時候試吓佢啦 我哋真係好肚餓啊，所以我哋叫咗好多嘢滋味牛肉烤卷平時食開烤餅都係幾辣 但係可能因為呢一個係菲律賓 式所以呢食落去呢仲甜甜地添好啱我呢個唔係好食得超級辣嘅人呢個係超足料 有牛肉粒青瓜蕃茄洋蔥同埋芝士 食一個都真係夠飽香嫩雞肉烤卷每一口都充滿了香料和烤雞的濃郁味道 雞肉經過精心烤製 外皮酥脆 內裡鮮嫩多汁 搭配的新鮮蔬菜和特製醬料 既增加了口感的層次 又為整個烤卷帶來了清新的味道 一口咬下去 各種味道在口中完美融合香嫩雞肉飯米飯粒粒分明 香氣撲鼻 搭配上香嫩的烤雞 真是絕配 雞肉的味道鮮美 與米飯的清香相得益彰 配菜的選擇也很有心意 蔬菜的新鮮脆嫩 加上特製的醬汁 甜甜地好開胃 令到成道菜更加豐富 Cappuccino咖啡香氣濃郁 奶泡細膩綿滑 入口即化 每一口都能品嘗到咖啡的醇厚與奶香的完美結合 平時唔飲開cappucino既我都好鍾意飲呢款 值得一試 另外餐廳仲有sparkling維他檸檬茶 係第一次見餐

公司樓下開咗一段時間嘅菲律賓烤卷 今日終於買咗嚟試下🌯滋味牛肉烤卷🌯香嫩雞肉烤卷SET優惠兩件$75即叫即整 攞上手仲熱辣辣肉嘅份量好多 又夠醬汁 完全唔會覺得乾噌噌🧆滋味牛肉飯(大) ($55)同烤卷嘅牛肉一樣 但就多咗飯份量超大份 細食嘅2個人都夠食☕凍咖啡 ($35)咖啡買一送一 凍$35 熱$25有LATTE & AMERICANO都好大杯 味道亦唔錯為返$17.5/杯超抵飲去邊度搵！呢間係菲律賓過江龍價錢唔算貴又大大份

✨✨ 餐廳主要係外賣為主多，不過如果想係舖頭食埋都有一張枱既空間。員工服務快速，野食都係即叫即整，好有溫度。 ✨✨‼️‼️咖啡做緊優惠 $35買一送一 梗系要飲返杯啦 ‼️‼️而且都有二人套餐選擇，或者”T set”優惠價(即係買兩件優惠)，所以都幾抵架，幾岩同朋友過黎一試。📍滋味牛肉烤卷牛肉質地非常鮮嫩，烤製得非常到位，外層微焦，內裡卻保持著多汁的口感。搭配的醬汁香料味道恰到好處，為每一口增添了豐富的層次感。包裹的餅皮則鬆軟，與牛肉的口感形成了良好的對比。📍 香嫩雞肉烤卷雞肉經過精心醃製，肉質鮮嫩且多汁，口感十分滑順。外皮酥脆，內裡的雞肉與新鮮蔬菜的搭配，使整體口感清新不膩，十分適合喜愛清淡口味的食客。📍滋味大碗飯（大）飯的份量非常足，夠2個人一齊share食，米飯粒粒分明，搭配各種豐富的配料。肉類和蔬菜的搭配讓這碗飯色彩繽紛，味道鮮美。特別是醬汁的調味，增添了飯菜的風味。🔹🔹🔹🔹🔹🔹🔹🔹🔹🔹#T.Co (開源道) (觀塘)觀塘開源道63號福昌大廈地下A6號舖🔸🔸🔸🔸🔸🔸🔸🔸🔸🔸 #觀塘美食 #觀塘好去處 #觀塘食好西 #觀塘好去處 #ChaTraMue #TCO

今日我和朋友去了這間觀塘菲律賓獨特滋味餐廳。我們叫了：滋味牛肉烤卷滋味牛肉烤卷的牛肉質鮮嫩，烤得恰到好處，外焦內嫩。搭配香料的醬汁，增添了層次感，每一口都能感受到肉汁的豐富。包裹的餅皮鬆軟香嫩雞肉烤卷香嫩雞肉烤卷的雞肉經過精心醃製，肉質鮮嫩多汁。卷餅外皮酥脆，內裡的雞肉口感滑順，搭配新鮮的蔬菜，讓整體口感更加清新。滋味大碗飯（大）滋味大碗飯的份量十足，米飯粒粒分明，搭配豐富的配料，營養均衡。肉類和蔬菜的搭配讓這碗飯充滿色彩，味道鮮美，特別是醬汁的調味，令人食指大動。同埋員工服務態度都非常之好。Today, my friend and I went to this unique Filipino restaurant in Kwun Tong. We ordered:Savory Beef RollThe beef in the Savory Beef Roll is tender and grilled to perfection, crispy on the outside and juicy on the inside. Paired with a spiced sauce, it

🌮菲律賓特色卷餅專門店觀塘開左見到呢一間卷餅專門店，喺菲律賓有600間分店，一直都想試，今次就買來試吓，試完係好有驚喜！岩曬我口味🤩🐮滋味牛肉烤卷+🐤香嫩雞肉烤卷($75)同墨西哥卷餅有啲唔同，醬汁嘅味道係甜甜地，而且配埋蕃茄、青瓜、洋蔥等配料，層次感非常豐富，係食到停唔到口。而雞肉卷餅的雞肉一啲都唔鞋，個汁同樣都好好味，而且仲勁多汁食到流晒啲汁出嚟！烤牛肉大碗飯($55)主食及配料同烤餅材料一樣，但就係轉左飯底，估唔到一樣系咁夾，唔會好dry！

T.Co 位於觀塘的繁華地帶裝潢簡約現代給人一種輕鬆自在的感覺店內空間不大但擺設整齊適合快速用餐或外賣❤️香嫩雞肉烤卷雞肉鮮嫩多汁搭配特製醬汁口感層次分明令人一試難忘❤️滋味牛肉烤卷牛肉煮得恰到好處肉質柔軟香氣四溢搭配新鮮蔬菜增添口感❤️滋味牛肉飯飯粒鬆軟牛肉的味道濃郁搭配的醬汁更是提味讓人一口接一口我見下午茶餐都幾抵食經過不妨可以試一試💁‍♀️T.Co (開源道) (觀塘)👣觀塘開源道63號福昌大廈地下A6號舖

今日跟朋友到官塘工廈行街掃貨，行經駱駝漆大廈對面，見一間以賣菲律賓烤卷為主的專門店＜T.Co ＞，見賣相吸引，價錢合理，就決定試試。呢度嘅烤卷/碗飯，2人份的話，可以節省約$10-$15，即磨咖啡，仲買一送一，真係好抵。＜T.Co ＞店面細細，以外賣為主，有一張 靠牆的立食位，有牛肉/雞肉，可選擇配烤卷/飯，再以不同調味醬料搭配。每份烤卷係即點即做，包保熱辣辣，所以真係要趁熱食😋🌯牛肉烤卷烤卷內放入牛肉粒，芝士，青瓜，蕃茄，洋蔥，再加上醬料，烤卷咬落帶煙韌，味道帶少許甜味，牛肉粒口感結實，牛味香濃，夾埋一齊食，超好味。🌯雞肉烤卷配料都是一樣，芝士，青瓜，蕃茄，洋蔥，雞肉口感軟腍，味道就帶香辣。整體兩款烤卷都非常惹味，值得一試。🥄雞肉飯雞肉帶辣味，黃色米飯，粒粒分明，口感帶軟糯，加上蕃茄，洋蔥，青瓜，醬汁，撈埋一齊飯，好好食。凍咖啡，買一送一

開源道呢間店舖好吸睛原來呢間店喺菲律賓已超過600間分店主打即叫即包嘅烤卷有雞肉 / 牛肉選擇我地每人揀咗一款味道比起平日食嘅墨西哥卷更滋味✨滋味牛肉烤卷✨香嫩雞肉烤卷兩款肉粒都香軟惹味添上洋蔥．芝士．新鮮蕃茄同青瓜最後加上滋味醬汁超多料．好重手口感同味道都好豐富✨滋味牛肉飯米飯上面添加海量牛肉．配菜同醬料輕輕拌勻．惹味又飽肚✨拿鐵咖啡Latte 奶同咖啡比例恰好味道香醇買一送一．抵呀以後下午茶 又多個選擇喇

這間主打特色烤卷及碗飯的外賣店愈開愈多，餐廳提供數款套餐選擇，價錢經濟實惠。烤卷有牛肉及雞肉的選擇，即叫即製，調過味的牛肉及雞肉會打成肉碎做餡料，配上蔬菜、蕃茄、青瓜和洋蔥等配料，配搭芝士和特式醬汁，烤餅立即烘熱，熱辣辣，烤卷卷得實淨，再用盒盛上，食得乾淨衛生。仲有個大份雞肉飯，米飯用上菲律賓米，比較幼身，金黃色的飯粒很有飯香，配上香濃的肉粒，爽脆的新鮮蔬菜及特式醬汁，味道層次豐富。想推介他們的咖啡都很不錯。