Surf & Turf Grill and Bar

营业中

休息中

一個普通星期二晚上去開赤柱，見到竟然咁嘅時勢仲開咁大間餐廳就入去支持下 。叫咗一個夏威夷薄餅，OK 的，唔會差過出面同等價錢水平的餐廳 。但個海鮮飯 seafood payla 真係超晒班，我估唔單止打低大部分同價錢水平餐廳，甚至更高級嘅都未必比得上 。(可惜無影相 。)濃郁海鮮味，啲飯軟硬適中，入口真係弱弱地嘩咗一聲 。唔止食物，氣氛都一流 。得嗰三枱客，都有外籍歌手現場演唱 。又唔係話唱得好好，但好識搞氣氛，結果仲請咗兩個外籍父女上台唱，人少少都感到好 relaxing。台前仲有張 pool table，位置又在商場邊有露天部分望出海 。整體感覺係好有誠意 。咁多嘢埋單只係每人$250 唔駛 (晚上仲可以 claim free parking) 。我自己一定會再嚟，希望佢捱到下去 。

誤打誤撞進了家印度餐廳，環境屬實唔錯，確切來講是一家bar 多過間餐廳，當然對食物的期望就不要太高了，普普通通.. 坐下消磨下週末時光倒是不錯的.. 2份lunch set =$304, 唔算貴.

價錢一d都唔貴，食材好新鮮，味道好。叫左 pizza , 意粉，印度咖哩雞，海鮮沙律。全部都好好味。印度菜尤其出色，好地道。係飲品貴咗d，一杯果汁要幾十蚊。下次去赤柱會再去依間餐廳。

新開餐廳，食物味道不錯，環境超正，仲有live唱歌，又有卓球玩，好有氣氛，因為太好味，主菜忘記影相，食埋甜品，好滿足，整體都好好，食物款式都多選擇， 下次一定會再來，美中不足，甜品款式不算太多