SUN HARU

营业中

休息中

本身想食拉麵但係大排長龍，太肚餓既關係放棄拉麵🫢，發現隔離有韓國野🇰🇷望望menu比二人餐價錢吸引左，唔洗加一，人均都唔洗$100😱不過餐廳比較早last order(8:30pm)，入座後店員都好有禮貌提醒要快小小order(8:21pm入座）❣️✧前菜荳芽同木耳絲兩款都帶麻油香，個人比較想試泡菜✧亞之媽炸雞半隻要左蜂蜜芥末口味，炸雞放左一陣先食都仲暖暖地，但就唔係好食得出係蜂蜜芥未味，不過雞肉都幾滑身，食左好幾件都無骨（無留意係咪無骨炸雞🤔）✧炒牛肉炒粉絲，調味岩岩好，但粉絲唔算q彈，份量一人份✧傳統雜錦紫菜包飯，青瓜、蛋、紅蘿白、韓 式黃蘿白、牛蒡同火腿？味道較為健康，紫菜包飯期望既麻油味都好微✧生姜蜜小甜，微甜帶姜蜜小小辣用現金結帳有9折，整體不過不失啦，人均都唔洗$100又有炸雞食算係咁啦。

行過見呢間野新開，入面坐滿人數不小，諗住都無伏啦所以幫襯一下。坐落叫咗個韓式泡菜流水冷麵拼韓式無骨炸雞。上菜居然係茶記用來裝餐蛋麵個種黑色膠碗，算啦可能好食呢，食落完全唔係水冷麵個種味，甜得黎好淡，唔可以話唔好食，維持生命咁囉。個炸雞就根本係咕嚕雞球個種炸雞，完全無韓式風味，勝在雞本身幾滑，唔係掛名韓式可以一試。另叫辣炒泡菜牛肉飯，呢個就無乜特別好講，平平無奇無驚喜。講真佢價錢算正常啦向旺角，不過質素同擺盤向旺角有其他更好選擇，競爭力差小小啦。都係食完一次就唔會返轉頭。

前幾日，在旺角同友人行完街之後，路過女人街，看見一間新開的餐廳—Sun Haru，入到去見到好多漂亮的韓國人偶，牆上面的圖鴉都好靚，我們便叫了幾樣菜品，分別是：紫菜明太子蛋捲($88)韓國牛肉炒粉絲($78)紫心脆薯餅($28)以及一個雞胸肉石鍋飯($78)；飲品就分別叫了一瓶蜂蜜柚子茶($20)和一杯芒果沙冰($38)。沙冰的外型製作得很好，滿滿一大杯。炒粉絲十分好吃，但有啲油膩；紫心脆薯餅，炸得啱啱好；最後，石鍋飯飯有飯焦，啲飯焦好好味味道：8/10（有啲食物太油膩）回頭率：9/10（性價比都唔錯）價錢：5/5

亞之媽炸雞😋蜂蜜芥末 表層炸得黃金香脆，仲有D肉汁，不過記得一定要趁熱食呀，加上豐富蜂蜜芥末味，醬汁比例岩岩好，唔會好油膩，超邪惡😈韓國炒粉絲辣豬肉😁口感煙韌，食材簡單，健康味美，辣豬肉較肥，但夾埋D粉絲，食起黎夠哂香口~傳統雜錦紫菜包飯 火腿😎 有白米 韓國壽司海苔 芝麻香油 芝麻等等，大人細路都一定中意~再黎返杯，大大杯，又夠哂味道既芒果沙冰 同 蜜桃乳酪沙冰，滿足!位置方便，而且座位都坐得好舒服，行完街同朋友黎慢慢食，方便之選呀

🔸二人套餐 $198🍗亞之媽炸雞半隻 (蜜糖芥末)好明顯唔係即炸😬😬叫完唔夠5分鐘就上炸粉太多，成件雞都好厚粉同鞋😥同埋啲醬唔痴雞 我寧願佢另外俾醬我自己點🫡🫡🍙傳統雜錦紫菜包飯太乾身……好明顯冇搽麻油，完全唔夠香🥹同埋佢係用白烚雞肉🐔冇肉汁➕肉香味 我見之前嘅食評係用火腿🍖🥢韓國炒粉絲（烤牛肉）叫做比較好嘅一碟🫡🫡食落有啲甜味，味道可以 但偏偏佢太油了🥹成碟太濕身，冇炒嗰種乾身😵‍💫😵‍💫又係一樣，唔係即叫即整，上到枱唔係熱嘅🥶💭整體唔合格👎🏻仲好失望，因為冇一碟餸係令我覺得ok，唔知係咪我哋咁啱唔好彩😔.評分♡👅味道：5/10👀回頭率：4/10🤙🏻性價比：5/10

每次嚟到旺角唔知有咩好食，都會走入通菜間尋寶。今次同朋友嚟咗韓國餐廳，sun haru試一試，原來佢都有好幾間分店。食韓國嘢少不免食下水冷麵、石鍋飯同埋炸雞，呢一度嘅水冷麵會拼糖心蛋同埋一份炸雞，中配無骨炸雞/雜錦小食/雞胸肉韓國水冷麵拼糖心蛋配無骨炸雞冷麵汁酸酸甜甜，調配得幾好味，水冷麵食落非常清涼，但個人鍾意再凍d。無骨炸雞粉將唔會太厚，炸得香脆又Juice，啖啖肉。五花腩泡莱炒飯拼太陽蛋 $78炒飯有好多五花肉片，飯都炒得較為乾身，加上太陽蛋嘅蛋汁一齊食，非常好味。韓國特色蛋卷 $88 芝士二重奏蛋卷都一定要點，尤其佢加入兩種芝士，芝士味香濃之餘，仲可以拉絲。蛋卷熱食嘅時候，香軟味道濃郁。但凍凍地都唔差，蛋卷會微微變硬，更有口感。士多啤梨沙冰 $38蜜桃乳酪沙冰 $38味道正常又超大杯，但好大杯沙冰好易融化，令d 水融得好快，好易流出來，但係太凍又飲唔到太快😅😂有少少尷尬整體黎講，食個快晚餐，價錢都唔係太貴，可以係一個好既選擇

叫左外賣2-3人餐個炸醬麵d麵係油麵黎？？個海鮮餅厚過酒樓嘅薄罉，蛋真係好多，但一塊total 得2條魷魚，其他人堂食有嘅蝦真係一隻都見唔到，連蔥都唔多條，成塊都係粉同蛋，蔥咁平都慳我真係唔知講咩好。個炸雞係正常口味第一次因為劣食而打評語，係好平，但平都應該要俾正常野俾人食囉....配菜個醃蘿蔔就好似就咁俾白醋浸左一晚就黎出黎咁，唔夠入味...泡菜湯係比較好少少，但我感覺似辣嘅羅宋湯多d...豆腐，泡菜係好足料的

SUN HARU 📍旺角通菜街1A-1L號威達商業大廈地下E及F號舖裝修簡單企理 塗鴉牆好得意😂前菜有泡菜 酸蘿蔔 麻油浸豆芽 木耳 酸酸甜甜 幾開胃🪨烤牛肉石鍋拌飯 $78石頭鍋飯熱辣辣 仲整到飯焦入面有好多配料：牛肉 翠肉瓜 菠菜 紅蘿蔔絲 木耳 芽菜 生雞蛋店員會比成支韓式辣醬自己擠🌶️撈埋甜甜地辣辣地 食唔停口🍱韓國炒粉絲便當拼蛋卷 芝士炸雞 $72韓國粉絲特別好咬口 好香麻油味配菜有翠玉瓜 麻油浸豆芽 木耳 菠菜蛋卷夠厚又嫩滑 入面仲有啲紅蘿蔔粒粒無骨炸雞炸到香口鬆脆肉質好嫩唔乾 食落有淡淡芝士香味 唔會覺得膩🍘紫菜粉絲卷 $28另外仲叫啲香口野做小食炸得外脆內軟 粉絲乾濕度啱啱好🍓士多啤梨沙冰 $38🍑蜜桃乳酪沙冰 $38大大杯 又靚又好飲味道唔會太甜 清爽解渴推介指數 (5分為滿分)：整體 ❤❤❤❤❤ 味道 😋😋😋😋 抵食 👍🏻👍🏻👍🏻👍🏻👍🏻環境 ⭐️⭐️⭐️⭐️ 服務 👨‍🍳👨‍🍳👨‍🍳👨‍🍳👨‍🍳

超值套餐精選一人炸雞套餐 ＄98前菜有泡菜、醃芽菜、醃海帶、酸蘿蔔炸雞可選：甜辣/蜂蜜芥末/牛油蜜糖/芝土撒粉炸雞揀咗蜂蜜芥末味，蜜糖芥末汁少少辣甜甜地相當惹味，雞肉肉質嫩滑，而且帶汁外脆内嫩！主食可選：海鮮湯/泡菜湯/大醬湯/韓國粉絲今次試咗泡菜湯配白飯，個泡菜湯都煮得幾出色 ，入面啲泡菜多到夠你每啖，都有是湯底好濃郁，省辣度適中，街豆腐質地比較結實幾滑香仲有少少豬腩肉，加白飯食泡菜湯都係第一次，估唔到咁好食一人便當餐 ＄98便當可選：紫菜包飯便當/韓國粉絲便當/烤牛肉/辣豬肉/芝士炸雞/雞胸肉紫菜包飯便當，紫菜包飯好足料，餡料有黃瓜、青瓜、蛋絲、紅蘿蔔絲所以口感好豐富，仲有烤牛肉芽菜同芝士卷蛋做配菜雜錦小食3P三款特色韓式炸物，都炸得非常香口，送飯一流飲品鳳梨青檸梳打，柑桔檸檬梳打酸酸甜甜，夏天要來清熱解暑一流

季尾好多舖頭都清貨減價😆所以我Weekend就同朋友去左行街shopping，係旺角買衫又買鞋，行到攰就揾左呢間韓國菜坐低食下野😋佢嘅食物選擇都幾多，味道都唔錯幾正宗！＊＊＊＊＊🐽🍳五花腩泡菜炒飯拼太陽蛋 $78泡菜炒飯勁大份😆食到超飽！推薦將半熟太陽蛋撈飯食！好香架🤤🤤🫕🍜傅統部隊火鍋跟泡麵 $98部隊鍋有少少辣，食得好過癮，如果鍾意辣仲可以加埋前菜送嘅辣泡菜一齊食添😋鍋入面有豬肉片、肥牛、香腸、午餐肉、年糕、同一啲蔬菜菇類😍超豐富呀！🫐🍧藍莓沙冰 $38🥭🥤芒果乳酸梳打 $28＊＊＊＊＊

今日夜晚去咗旺角，諗唔到食咩好。經過見到呢間韓國餐廳新開，仲有新開9折，見幾抵就入去試下一坐低就用QR code落單，都好方便清晰，最後點咗個二人餐，因為見$198都包3樣野食+2杯野飲。二人餐：1份亞之媽炸雞半隻，我點咗（甜辣）1份辣豬肉炒粉絲，1份傳統雜錦紫菜包飯，1份前菜（少少泡菜同芽菜），1杯凍蜂蜜柚子茶（要加$3）同1罐雪碧。我覺得性價比都算幾高，係旺角200蚊有找之餘仲要味道都唔差，員工服務態度都幾好，最後用現金比有9折Total埋單$181，經開旺角諗唔到食咩又想食韓國菜都係個好選擇

📍SUN HARU(旺角)旺角通菜街1A-1L號威達商業大廈地下E及F號舖今日同妹妹帶埋媽咪出嚟旺角行街，晚餐時段行到嚟呢條食肆林立嘅通菜街覓食，見呢間韓國料理門外咁多人，一睇就知係好食，我地都唔執輸，要拎籌排隊，地方雖然迫啲，但嘢食好味，足以彌補返呢小小嘅不足🤟🏾👉2-3人餐 💰$368🩵- 無骨炸雞半隻可揀有骨或無骨，我地比較懶，鐘意一口咬落去啖啖肉就揀咗無骨，炸粉唔會太厚，咬落好金香鬆脆，雞肉仲好嫩滑多汁，啲汁多到咬落去彈到去阿妹度，真係要小心，揀咗甜辣味，都幾夠辣，好惹味，會係食唔停個感覺，小心會食完再叫嚟食🩵海鮮煎餅煎餅裡夾住滿滿嘅海鮮，食得出有魷魚圈、蝦仁、青口、蟹肉等等，全部都好鮮甜，食落仲好新鮮爽口，煎餅唔會太厚皮，仲煎到有微焦，脆脆地，幾香口-🩵五花腩炸醬麵第一次食呢款炸醬麵，個感覺又幾唔錯，醬汁幾濃味伴上看似油麵嘅麵條，煙煙韌韌，幾好咬。五花腩炆到好林好入味，有少許肥，食落有骨膠原感覺，阿妹聽到就即刻食多兩舊-🩵泡菜腩肉湯跟飯可以係我最鐘意食嘅韓國料理之一，泡菜湯煮到腩肉都好入味，腩肉又唔會煮過龍，仲有豆腐同洋蔥，將啖飯放埋湯加餸一啖擺入口，真係好滿足，辣辣地又易入

SUN HARU係旺角開咗新店啦！接完友人收工，就一齊去食晚餐先，環境舒適，牆上壁畫畫得好靚呀，打卡一流[ 無骨炸雞 - 半隻 配 蜂蜜芥末 $98 ] 半隻份量都唔少㗎，炸雞大大件，香噴噴熱辣辣，外層脆卜卜內裡肉質嫩滑又juicy，炸皮無厚粉，淋上蜂蜜芥末醬，味道甜甜地，無骨之餘每口啖啖肉，食到停唔到口新鮮熱辣辣嘅 [ 海鮮煎蔥餅 $68 ] 煎得夠軟熟，厚度適中，一塊都真係幾大塊下，邊邊位脆卜卜，濃濃嘅蛋香味，海鮮餡料份量都幾多下，有鮮甜彈牙嘅魷魚、爽口彈牙嘅蝦仁，充滿住蔥香味韓國餐，必叫 [ 韓國炒粉絲 $78 ] 可以揀牛肉或辣腩肉，我就揀咗辣腩肉，辣腩肉份量都好多，薄薄一片片，口感軟熟又辣辣地，配菜有椰菜、甘筍絲及翠玉瓜，粉絲口感煙韌又好好食，一啲都唔油膩飲品就叫咗罐 [ 忌廉鮮奶 $12 ]、潤喉嘅 [ 蜂蜜檸檬茶 $20 ] 及夢幻顏色嘅 [ 藍天乳酸梳打 $28 ] 影相打卡就啱啦！味道唔會太甜，清爽解渴SUN HARU旺角通菜街1A-1L號威達商業大廈地下E及F號舖

嗨食家！😋 今日要同大家分享一間喺旺角嘅超正餐廳 - Sun Haru！🌞 我剛剛食咗佢哋嘅一人炸雞套餐，真係超級讚！🍗 呢個套餐有蜜糖芥末炸雞同韓國粉絲，每口都令人欲罷不能！👌 炸雞外脆，肉質嫩滑多汁，加埋微微甜辣嘅芥末同蜜糖味道，真係絕配！😍 搭配上韓國粉絲，口感彈牙，入口即化，味道更加豐富多層次！🌶️🍜另外，佢哋嘅一人便當餐都好推薦！🍱 我揀咗紫菜包飯便當同燒牛肉，每一道菜都超級好食！🥗 紫菜包飯入面有鮮嫩嘅海鮮同綠色蔬菜，加埋香噴噴嘅燒牛肉，口感絕佳！🐟🥩 每一口彷彿帶我哋去咗日本嘅海邊！🌊💕如果你都係食迷，絕對唔可以錯過呢間Sun Haru餐廳！佢哋嘅菜色好多元，口味絕佳，環境舒適，服務態度都好親切！👍🏻💯 快啲嚐嚐佢哋嘅美食，畀你嘅味蕾一個驚喜嘅旅程啦！🌟🍽️#SunHaru #旺角美食 #炸雞套餐 #便當餐 #美食推薦 #食評 #FoodieLife

長沙灣人氣韓國餐廳黎到旺角啦😁位置相對方便，系通菜街近家樂坊Aeon對面，新開冇耐已經接近full house😳以韓國菜價錢黎講亦十分經濟實惠！✿ 二人套餐 $198二人套餐200蚊都吾洗抵到傻😱菜式如下：🍗亞之媽炸雞半隻可選甜辣/蜂蜜芥末/牛油蜜糖/芝士撒粉⭐️韓國炒粉絲（烤牛肉/辣豬肉）🇰🇷傅統雜錦紫菜包飯🥤飲品、前菜炸雞半隻已經好多，揀咗牛油蜜糖味🧈🍯蜜糖味香甜又沾滿每隻炸雞😍雞肉非常嫩滑，炸雞迷必定會愛上❤️韓國炒粉絲揀咗辣豬肉又吾系話太辣，豬肉半肥瘦肉質不俗🐷粉絲軟度同調味恰到好處。雜錦紫菜包飯有雞蛋絲🍳青瓜🥒紅蘿蔔🥕小黄瓜 火腿，充滿韓式風味。