SUN HARU

营业中

休息中

旺角呢條街不嬲都多餐廳 同朋友行完街想食韓國嘢 🇰🇷見到呢間小店一於去試吓 二人套餐都係200頭 好抵食💰💰💰我哋揀咗二人套餐B, 包埋兩杯飲品韓式炸雞 🐔🐤揀咗甜辣醬 味道適中 無骨炸雞食得方便 韓式部隊鍋🍲湯底屬於濃稠系列 食得出係辛辣麵 入面仲有腸仔 午餐肉 豬肉片 韓式炒年糕醬汁比較甜 泡菜味比較濃啱晒唔食辣嘅朋友有朋友最鍾意食嘅魚糕片 年糕好煙靭 三樣嘢份量都大 我哋食唔晒🤣我哋仲加咗小食韓式餃子& 魷魚條餃子炸香脆🤪🥟🥟🥟

同friend行開女人街餓餓哋，發現呢間韓式餐廳個lunch set抵到難以置信！$50零蚊就有齊主食+小食+飲品，即刻入去試吓！ 🍲 我嗌咗「泡菜腩肉湯+紫菜粉絲卷」個泡菜湯酸辣度啱啱好，腩肉份量都幾多，煮到好淋好入味～最驚喜係跟餐嘅紫菜粉絲卷，外皮脆脆哋，咬落去粉絲餡好香口，點埋啲湯汁食超正！仲有免費嘅韓式前菜，泡菜同豆芽。 🍗 Friend嗌咗「無骨炸雞+韓國粉絲+紫菜包飯」炸雞炸得金黃香脆，肉質juicy唔乾柴～韓國粉絲炒得夠爽身，紫菜包飯就正常發揮。最抵係咁嘅配搭都係$50幾蚊！ 🍶 飲品我飲咗忌廉鮮奶～朋友就叫咗蜆肉海帶湯,另外加咗杯蜂蜜檸檬茶 💰 性價比超高兩個人食到捧住個肚都係百零蚊，仲要樣樣都咁足料！以呢個價錢食到咁嘅質素，冇得彈總評：大件夾抵食！📍 Sun Haru旺角 #旺角抵食 #韓式午餐 #學生恩物 #女人街美食 #50蚊套餐

周末同老公二人係旺角行完街，決定食個飯。韓式冷麵：韓式水冷麵冷冷涼涼的，份量都幾大，岩曬夏天食，但麵條如果可以更彈牙會更好。韓式壽司：壽司我地點咗火腿，食落調味比較家常，米飯既硬度適中，韓風十足。韓式炸雞（甜辣+蜜糖炸雞）炸雞外皮十分香炸，面頭上了層糖漿更加別具風味，個人中意甜辣多少少，因為味道多咗酸感，比蜜糖炸雞多份細膩的感覺。蜜桃乳酸沙冰：沙冰既份量都幾多，桃汁又有有少少乳酸清新既感覺。二人200左右晚餐，有旺角都算幾有性價比。

這間位於旺角女人街的韓國餐廳已經是第二次光顧，裝修係年輕嘅韓國風，牆上面有顏色鮮艷嘅壁畫。上次同朋友午餐來吃便當lunch set，幾抵食，今次同朋友晚餐再來吃，晚餐散叫，款式多，叫咗芝士海鮮煎餅、牛骨湯配白飯、芝士海鮮湯拉麵、韓式炸雞，價錢抵食每樣菜式都吾過$100。先來芝士海鮮煎餅，這個煎得香脆，有芝士拉絲沒有韭菜和蔥，啱晒自己我嘅口味。跟住係牛骨豆腐湯配白飯，豆腐嫩滑，但牛味不濃，沒有什麼特別。接着係芝士海鮮湯拉麵，海鮮豐富，有蝦、青口和魷魚，麵底係一般嘅韓國拉麵，湯底有濃厚的芝士和海鮮味好食好食😋，最後是韓式炸雞，炸雞是無骨的雞肉，選咗兩種味一款是牛油蜜糖味另一款是甜辣醬味，兩款都香脆好吃，總括然而滿足嘅一餐，可以encore的一間餐廳❤️

星期六夜晚和朋友去左旺角食飯。今次揀左一間韓國餐廳。餐廳牆身畫上好多壁畫，好有韓式風格。我哋叫左兩人餐，入面有半隻炸雞，兩款主食和飲品。炸雞有多款口味，我哋揀左蜜糖芥末醬炸雞，外皮酥脆, 肉質嫩滑, 隨碟仲有醃蘿蔔, 酸甜爽口又可解膩。海鮮煎餅，煎到金黃香脆，配料豐富，有蝦仁、魷魚、蜆仔和韭菜，蘸試醬汁味道更好。烤牛肉粉絲，口感煙韌彈牙，粉絲吸引晒醬汁， 味道濃郁惹味。最後叫左杯芒果沙冰, 入面有新鮮芒果粒, 入口軟綿, 味道香甜。

旺角呢間韓國餐廳性價比高，二人餐做緊$228，唔洗加一，唔怪得夜晚咁爆場！我地都點左二人餐，有半隻炸雞，可以自由揀一款口味，有甜辣、蜂蜜芥末、牛油蜜糖、芝士味同原味。個人最鐘意食甜辣味炸雞，又甜又辣好過癮😋炸雞份量多，仲要無骨，外皮香脆，雞肉軟腍！煎餅可以簡海鮮煎餅或者泡菜煎餅，海鮮煎餅就最豐富，魷魚、蝦、蜆、椰菜，蘸上醬汁好開胃🤤跟餐仲有韓式炒粉絲，加入椰菜、洋蔥、肥牛、紅蘿蔔一齊炒，粉絲口感彈牙😬😬飲品加18蚊升級左杯蜜桃乳酪沙冰，蜜桃味清甜，配炸雞食一流😋另一杯加$8升級左芒果乳酸梳打。我地仲另外點左一份小食，肉鬆芝士雞蛋卷，甜味嘅雞蛋卷包住咸咸地嘅肉鬆同芝士，再加上茄汁同蛋黃醬，食落有多種層次。

經過旺角搵食見到呢排行套餐都幾抵食 炸雞、主菜、蛋捲再加飲品都係二百多不過我同朋友想食有骨雞 而二人餐好似只有冇骨雞 所以我地揀左單點 有骨炸雞半隻 叫原味、牛油蜜糖炸粉唔厚 雞皮又薄又脆先試原味 雞肉有略略咁醃過 但唔會咸雞肉炸起又嫩又滑試埋牛油蜜糖 醬汁唔會好杰 會想一件件咁食落去辣炒年糕 年糕 雞蛋 係基本都材料仲有洋蔥 翠玉瓜 泡菜 多左蔬菜既甜味 韓國炒粉絲 可揀牛肉/腩肉 我揀左腩肉 好多配料 椰菜絲 、蘿蔔、洋蔥一齊食 唔會膩食落去辣辣地 好過癮夾落去份量原來好多 好抵食雜錦紫菜包飯 雞肉一食落好香麻油味 配料好豐富 配左芥末醬油 我認為配炒年糕醬更夾更惹味單點咁多野都唔洗300絕對係旺角區cp價爆登既韓國菜

旺角一帶有好多親民嘅餐廳，今日發掘到好抵食嘅Sun Haru辣泡菜炒五花腩 - 份量十足，經典韓式甜酸辣嘅調味，啖啖都食到五花腩、泡菜同洋蔥，入味之餘口感豐富，米飯粒粒分明，大滿足蜂蜜芥末炸雞 - 脆卜卜炸雞配蜂蜜芥末醬又夾又好食，啖啖嫩肉食得好滋味韓國粉絲 - 粉絲口感彈牙，加埋洋蔥、椰菜同蘿蔔炒得好香，唔油膩之餘又唔會痴埋一齊，炒得好好芒果乳酸梳打 - 大大杯清甜解渴梳打，芒果同乳酸嘅組合好夾好清新，消暑之選蜆肉海帶湯 - 海帶同蜆肉份量十足，湯底清香兩款前菜都好開胃，蘿蔔酸酸地，芽菜就有麻油香食晏時間都唔少人，不過都好快安排到入座，店員做嘢好有效率，出餐又快手，座位乾淨，完全唔逼，牆身同佈置好有韓國小店嘅感覺中午套餐好抵食，價錢親民，選擇夠多，份量十足，性價比幾高

Sun Haru今日同朋友去旺角睇戲後去Sun Haru食晚飯，這間餐廳是韓國餐廳，位於旺角通菜街1A-1L號威達商業大廈地下E及F號舖，港鐵旺角站E2出口，行幾分鐘就到，非常方便。餐廳地方寬闊，裝修舒適溫馨，枱凳擺放整齊，令人坐得舒服，員工服務態度好，來這裏食真不錯。餐牌食物款式都不少，套餐款式都非常吸引，看起來非常豐富，能夠滿足不同口味的需求，我哋就叫咗二人套餐B。二人套餐B亞之媽炸雞半隻：炸雞外皮酥脆，內裡多汁，肉質鮮嫩，帶有韓式炸雞特有的甜辣或醬香味，口感層次豐富。海鮮煎餅：煎餅外皮香脆，內裡柔軟，海鮮（魷魚、蝦、青口）的鮮味與大蔥的清爽相結合，口感豐富且不油膩。烤牛肉炒韓國粉絲：韓國粉絲Q彈有嚼勁，牛肉鮮嫩多汁，搭配蔬菜和韓式調味，整體口感鹹香適中，帶有濃郁香味。柚子蜂蜜綠茶：清爽的綠茶基底帶有柚子的清香和蜂蜜的甜味，口感清新解膩，適合搭配炸雞和煎餅。菠蘿青檸梳打：菠蘿的甜味與青檸的酸味完美結合，氣泡感十足，口感清爽，適合解膩並提升食慾。這份二人套餐B既有炸雞的香脆、煎餅的豐富口感，也有粉絲的Q彈，飲品則提供了清新的解膩效果，非常適合二人分享，口味平衡且滿足感十足。

帶外國朋友去女人街買野，無意中經過一間韓式料理店，見到挺多食客，裝修韓風型格，於是就決定試試。點咗二人套餐幾抵，份量又足。有泡菜同芽菜開胃前菜，味道清新。亞之媽炸雞半隻，牛油蜜糖口味無骨炸雞，啖啖肉，炸得熱辣辣，肉汁滿滿，口感唔油膩，蜜糖味炸雞加分唔柴唔乾。烤牛肉炒粉絲係正宗韓國粉絲，口感煙煙靭靭，有肥牛、椰菜、紅蘿蔔絲配料，我竟然食到牛肋骨嘅味，滿足。傅統雜錦紫菜包飯，足料多配料，味道唔錯，仲有蜆肉海帶湯或飲品揀，encore！

呢日同朋友一齊嚟咗呢間喺旺角嘅韓式餐廳諗住簡單快脆食個 quick lunch 🤣$78「一人便當套餐」-前菜：係泡菜同埋大豆芽菜-紫菜包飯便當：紫菜飯卷裏邊有紅蘿蔔、火腿、雞蛋、青瓜等，大大條簡單幾好食-辣豬肉：豬肉少少辣食得幾開胃-雞中翼（2隻）：雞翼炸得好香口，雞翼肉質當然係好juicy啦-跟餐 韓國檸七：夠晒甜$78「一人炸雞湯品餐」-前菜：係泡菜同埋大豆芽菜-蜂蜜芥末炸雞：炸雞全部大大件炸得幾香口，加咗蜂蜜芥末醬變得甜甜哋-韓國粉絲：粉絲夠滑，炒得幾好食-跟餐 蜆肉海帶湯：大大兜熱辣辣簡單快脆食得飽飽嘅一餐🤣

一人便當套餐- 紫菜包飯便當：新鮮米飯，搭配多種餡料，清爽可口- 烤牛肉：嫩滑多汁，香氣四溢，肉質鮮美- 雞中翼：外脆內嫩，酥炸口感，回味一人炸雞湯品餐- 蜂蜜芥末炸雞：個蜂蜜芥末醬好食，甜中帶辣- 牛肉大醬湯：醇厚可口，搭配白飯完美，適合不喜辣者飲品- 蜂蜜柚子茶：清甜 有熱或者凍揀✨ 特色小吃- 肉鬆芝士雞蛋卷：濃郁美味，搭配飲品相得益彰 好足蛋！🏷️ SUN HARU (威達商業大廈) (旺角)

今天中午，我到旺角通菜街，去了一間名叫SUN HARU的餐廳吃午餐。這間餐廳的環境相當舒服，感覺很有風格，牆上大壁畫好看，讓人放鬆。我選擇了他們的一人便當套餐，餐廳很滿人，很可能價錢合理，分量也剛好。一人便當套餐包括韓國粉絲便當、烤牛肉和一些雜錦小食，還有一杯藍莓乳酸梳打，真是美味。韓國粉絲的口感滑溜，加上配料的調味，讓我一口接一口。而烤牛肉則外焦內嫩，搭配著特製醬汁，味道一流。雜錦小食的選擇也很有趣，讓我嘗到了不同的風味。這次用餐的經歷非常愉快，服務態度也很好，讓我下次一定會再回來光顧！

SUN HARU 係旺角一間主打韓式料理嘅餐廳，本身見隔離位嗌咗二人餐好似好多，驚食唔晒，但點知我哋嗌咗三款，埋單竟然同二人餐差唔多，但唔係好夠飽，又無嘢飲😅 所以想趁機會警世叫大家嗌餐😌！🥞 芝士泡菜煎餅（$88）呢個泡菜煎餅比較多麵粉，唔係好食到泡菜嘅爽口，但成個味個人幾鍾意，尤其係表面熔咗嘅芝士🧀，雖然無拉絲，但好食！🍜 五花腩拼肥牛芝士拉麵（$68）雖然都係普通韓國拉麵（aka即食麵），但湯底濃郁，帶微微辣味，只係唔太感受到芝士味🤔 至於配料方面，五花腩同肥牛份量都幾足，仲有唔少菜，呢點好抵讚！🍙 雜錦紫菜包飯（雞肉）（$48）韓式飯卷就有啲失望，明明嗌咗雞肉，但淨係見到有火腿，完全見唔到有雞肉🫠 同埋份量偏細，建議大家可以嗌其他嘢！📌 整體評價SUN HARU 嘅韓式料理都算不錯，但建議大家唔好好似我哋散嗌咁傻豬，2-3個人嗌返個二人餐比較好！

放假前與朋友來旺角晚飯，試試這家經常排長龍的SUN HARU吃韓式料理，大概排隊10分鐘便入座了。有二人餐$228，價錢很吸引，就先試套餐A吧！餐飲兩杯，芒果乳酸梳打特飲加$8，味道超好！清爽梳打有氣泡，配乳酸味和芒果味，微微酸甜，開胃又消滯，配炸雞一流！熱蜂蜜紅棗茶，在寒冷氣溫下，是女士們養生滋補飲品首選，味道甜甜的但也不掩蓋紅棗香。阿之媽炸雞半隻，炸得非常鬆脆，上桌已經聞到炸雞香味，即點即炸的，要小心燙嘴。炸雞大塊厚肉，外脆內滑，雞肉仍然有肉汁，我們點的是芝士撒粉味道，真的好香，但又不覺油膩。韓國特色蛋捲：芝士二重奏，蛋捲已經切開一件件，方便一口一個，夾起來，芝士可以拉絲，入口煙韌，有芝士鹹香，還有燒汁和沙律醬增加香味，蛋皮煎得軟滑，咬下軟綿綿的口感，很治癒啊！泡菜腩肉湯配飯，這一鍋湯，配一碗白飯已經足夠二人分享。泡菜湯材料豐富，腩肉片還有一點豬軟骨，爽口新鮮；泡菜煮在湯裏，整鍋湯就是微辣的泡菜鹹香；其他配料還有雜菌、豆腐等等，吃完整鍋湯和飯，十分暖胃，真的整鍋湯都喝光吃盡。吃完就明白，為什麼客人排隊等位都仍然來光顧，因為食物味道好之餘，價錢還很經濟，吸引到很多年青人來，與三五知己