SUKIYA すき家 (康怡廣場南座)

营业中

休息中

5月21日晚餐，不設派飛，需要排隊入座，這個沒有問題，二人座位因另一位未到所以不能入座，原本都問題不大，但實際並不是，因為之後有人人數未足仍安排入座，很明顯是雙重標準！

黎到太古城，到處都係有份量餐廳，今日想簡單找個午餐，發現康怡廣場Sukiya 已開張，而且位於Aeon 入面，不過都要排下隊呢度有好多款套餐選擇，可以配菜同沙律、湯或飲品等，又或者淨丼飯按鈴會有職員過黎為你落單，餐牌好多款式，除左主打牛肉丼，亦有燒牛肉、鰻魚、咖喱等今日先試下燒牛肉丼有不同Size 選擇，選擇M 標準大小份量，如果加大 L size 會多4分1飯，LL size 會再多一陪牛肉另外加$10 可以轉套餐，配菜/沙律同飲品/湯相當抵食，而且又好味道

新開張到今日依然都超多人排隊 堂食 兼外賣。 炸雞25蚊，五件，炸雞皮脆，咬落去中間嗰層呢就好似麵包軟林林之後就到個雞肉，雞內好少 好細嚿。 另外雞肉飯嘅雞肉，似罐頭雞肉， 如果唔撈埋啲汁有腥味。都係食番佢牛肉丼或者燒肉丼最穩陣， 記得配埋佢嘅辣椒油，記得加辣椒渣， 撈埋落飯度好好食👍🏻👍🏻👍🏻 因為個人口味鍾意食辣

本月康怡新店開張, 頭個星期都好多人排, 所以我等左2,3個星期后先黎食. 今日下午點3黎到都見到條隊, 前面都仲有5張枱等緊, 小朋友想食牛丼. 咁就唯有等下等左20分鐘有位喇. 都OK. 唔算太耐. 每日叫個牛丼, 有人配個青菜, 有人配炸雞. 炸雞就一般, 下次可慳番. 叫左個特飲, 士多啤梨牛奶布丁. 又幾好味. 可能新店關係, 店員未係好上手. 做野比較慢. 可接受. 但安排入坐呢PART, 真係要注意下. 其實有吉枱, 但就無人安排入坐. 希望日后有改善. 

🐮燒肉丼(M$39)其實呢間都食過嘅，今次就想試下佢嘅燒肉🤪不過有少少失望係佢嘅燒肉丼係偏少汁，小編就覺得偏乾啦🥲牛肉就還好嘅，唔太老，每塊都有燒肉汁🤣不過我地都有問店員可唔可以拎啲普通牛丼汁，佢都好配合比左一小碗我地，值得加分👍🏻🐥🐮牛肉烤雞雙拼丼 (L$66➕$10要份菜)叫左個雙併丼，咁我地就咩都可以試晒🤪呢碗飯值得一提係好夠汁，啖啖都有滿滿嘅牛汁，好滿足😍雞應該用照燒汁輕輕烤過，食落唔太老同甜甜地👍🏻牛肉入味，洋蔥都煮得夠淋，幾正🤤另外我地加10蚊要左個菜，今日嘅菜係蒜蓉，清炒油麥菜，細細碗，質素叫正正常常啦~

平日中午去，餐廳好多附近返工客，但成個店面得一位員工做哂帶位、落單、送餐、執枱，連有吉枱都做唔切，連餐廳另一邊嘅bar枱都冇開放。結果我哋兩個人等咗45分鐘先入座，對上班族非常唔友好，建議利用自助服務提高效率。食物方面一貫連鎖餐廳質素，$29牛肉飯性價比好高，如果店面運作有進步會考慮再嚟。