SUKIYA すき家 (淘大商場3期)

营业中

休息中

Sukiya，七點幾排咗15分鐘左右就有位。🐷溫泉蛋日式豚肉角煮丼青菜套餐m $58諗住試吓sukiya牛丼以外嘅嘢食🤓見到Menu封面有呢個豚肉角煮丼，應該係期間限定，見網上好似冇食評🤔我又想試下咩味，就叫咗嚟試下。封面係切到四方形嘅豬腩肉🙉但出到嚟係切片嘅豬腩肉，變咗豚肉片煮。豬腩肉煮得軟腍，有三塊。但個醬汁超甜😵‍💫加埋溫泉蛋都好甜，甜過可樂。唔知橫濱嘅豚肉角煮係咪真係咁甜架呢😵‍💫下次都係食番牛丼穩陣啲🐔5件炸雞 $25味道似cp雞球。微暖微脆。

全部staffs都好似發緊夢，舖入面既係客排緊隊個d唔係既？半間舖食完走曬，眼見六七個人係樓面但無人執，仲要唔係有咩忙緊。要d客自己行入去坐，仲要有staff擰頭。主動同個男staff講，佢望一望將枱，望住我地笑一笑走去斟杯野比自己飲。唔做生意不如執左佢？

食物還算可以 但店員慢條斯理飲水 行行企企 堂食收埋錢 但都無人去執台 帶位 有半間舖都係走左既客做門外就排哂隊 我行入去問個啡色制服既眼鏡仔有人執台帶位未 另轉頭笑笑口走去左飲水 真係唔會再黎 大家排隊排得開心啲 啲員工都話知你

平時成日都好多人排，加上佢冇得攞飛，仲未同同事食到佢。咁啱今日一條友，自己過嚟呢頭買嘢，見唔多人，排咗10分鐘左右就入得去。由於未食過，一路都心大心細叫咩size，因為L佢就寫飯份量多咗，但對於我呢啲肉食主義者，反而想要肉多🙈，咁佢LL先係肉多+飯多。之不過我又想加$10變餐，有碟菜+飲品/湯，所以最後揀咗M size。上菜速度快，10分鐘內已經齊曬嘢，成盤上菜，湯就正常水準，但見到隔離杯冰茶好大杯，下次想叫茶試吓！碟菜竟然係油麥菜，幾大碟，$10值得加（如果齋叫菜$8）。重頭戲嚟啦～我揀咗 M size嘅 #香葱溫泉蛋燒肉丼 ，肉份量都多，加埋菜，平時大食嘅我夠飽，原來可以唔洗L size ，下次可以試下叫其他小食！味道微辣，加埋啲汁送飯一絕，肉香配埋葱嘅爽口，十分正！

2023-02-21日本過江龍牛肉飯🐮九龍灣開咗間新嘅牛肉飯專門🤠就係SUKIYA食其家😁次次經過都大排長龍😅放假去咗食個下午茶都係全場爆滿☺️原來食其家除咗牛肉飯出名🐮仲有「一人全幹」嘅經營模式🏋️‍♀️我都係睇完叉雞條YouTube片先知😂詳細可以睇吓叉雞條片🎬W溫泉蛋燒肉丼豚肉味噌湯炸雞套餐（M)，73蚊套餐💰套餐有豚肉味噌湯，兩隻溫泉蛋，三嚿炸雞，牛肉丼飯（M)🥰牛肉丼飯（M)🐮牛肉丼份量都幾多，仲配埋兩隻溫泉蛋，撈埋牛肉丼食口感更好，牛肉味道正常，好普通嘅牛肉丼飯😂豚肉味噌湯🐷豚肉味噌湯，都幾多豚肉，蘿蔔，香菇都幾足料，湯有油潤感味道上比較清爽，味噌湯幾好飲😁炸雞🍗炸雞就凍凍地，唔香脆，唔好食😅整體食物質素一般，同埋唔夠熱，要排隊食真係唔建議，無人排隊可以試

餐廳在淘大商場食街當眼位置，已經開咗一段時間，但係日日都超長人龍，非常受歡迎。難得今日11點左右竟然冇人排隊，馬上衝入去試一試先。Menu款式很多，價錢亦都很平宜，難怪日日都這麼多人排隊。坐低按鈴，侍應會過來幫你落order新出的京蔥絲牛丼賣相和照片一模一樣，碗面充滿京蔥絲，蔥絲新鮮爽口，沙律🥗非常新鮮，配上麻醬，好食。麵豉湯也不錯。三色芝士燒肉丼可能飯不夠熱，只是微暖，所以芝士未能很快溶化。總括來說，這樣的價錢，有這樣的質素，已經說非常好了，難怪外賣的人龍也不少。

等咗好耐九龍灣間sukiya終於開張啦🤓開張後好似長期都有人排隊🤔當日我係星期六兩點九去到，都要排15分鐘先入到去。新店開張，環境乾淨👍🏻叫左個温泉蛋牛丼M size$34 +青菜套餐$10味道係正常牛丼🐄唔會太咸👍🏻因為之前有食過旺角分店，啲菜同啲牛都好咸，環境亦都冇咁乾淨🥲淘大呢間味道就啱啱好。不過M size對我黎講都有啲大碗，細食嘅女生建議小飯或者叫S size牛丼。特製冰紅茶都唔會太甜🍹總括而言好抵食🥹

去到邊都咁多人排隊既過江龍牛肉飯店終於開左黎九龍灣，今次係我第一次試，見平時任何時段都咁多人等令我好期待到底質素係點望一望餐牌細至大既普通牛肉飯只係由$29-$39就食到😱 咁平難怪咁多人等住食，快餐店買個包可能已經呢個價位，不過今次難得我排隊入座，所以我決定試左無得外賣既牛肉火鍋先，眼見好多人都叫呢個餐，個餐又有烏冬又有飯，真係超級抵食。牛肉份量大約4-5片，個湯底帶甜好好飲，不過黎食之前可能太有期待，但味道未有太大驚喜，不過可能食牛肉飯又有唔同既感覺吧。如果只講呢個火鍋，我下次再見到長長既人龍，我應該會直接放棄😂 但如果糧尾黎講，呢度d牛肉飯真係幫唔小人🤣下次再試下外賣牛肉飯先😛

旺角總是大排長龍，如果去日本旅行又好少會食快餐，今次開到黎淘大終於可以一嘗すき家！裝修時候已經非常期待，農曆新年時分開新店，當日排隊大概15分鐘，覺得等候時間尚可。按鈴請職員來位置旁邊下單，店內職員都好快手又純熟操作。真係有一種在日本的感覺！每個餐都有大中小選擇，價錢按照size區分，按照自己胃容量叫，唔怕浪費！牛肉燒肉雙拼丼 $58一次過試曬2款係幾好，咁下次就知要叫牛定燒肉，我個人喜歡牛肉飯多d！溫泉蛋炙燒豚丼$50 炙烧豚汁唔夠多，肥膏部分較多，調味一般，味道唔算太吸引最後食完出去埋單就得架喇～

肉比吉野家好食，飯嘅份量都多啲（以L嚟講）選擇好多，唔建議加點青菜套餐，半生不熟咁炸雞我覺得ok嘢飲方面，有正常水準但貴咗啲唔建議嗌麥茶可以續杯唔介意嘅唔嗌嘢飲都得

新開幕，幾日都咁多人排隊，咁啱昨天5:00左右經過，見到得5個人排隊，咁就試吓啦，但唔係咁好食，因為附近同mikiki都有呢啲飯，又好食過佢，所以都冇下次😓⋯⋯我諗可能都係因為平同埋新開先咁多人。唔知係咪我叫嗰啲唔好食啦😮‍💨，叫左炙燒豚，有啲韌。最後仲食剩幾片。檸檬茶都係唔好飲。男友叫咗溫泉蛋牛肉套餐，炸雞好乾，佢話牛肉冇乜味⋯⋯連吉xx都好食過佢（不過我哋幾年冇去過吉xx,唔知而家味道有冇變。）🙈另外入面環境都幾焗，枱有啲迫，著住厚外套行出行入，會撞到側邊嘅筷子筒。如果唔係食迷你飯，係食加大，建議走去隔離食好過，普通嗰啲係貴小小。但肉片正好多。