Sujata Cafe

营业中

休息中

在觀塘附近返工，所以成日都可以週圍食新野。今日去到呢間佛系cafe，整個餐廳的設計都好relax，令人平靜。亦放有佛教的書藉及圖畫等。由於位唔多，大家記得book左先。中午可以叫a la carte，或者佢的隨心set lunch。我今日就食隨心set lunch 鮮茄雞扒意粉，拌有少少菜，味道幾好，夠飽。set lunch另送紅菜頭餐湯。

    週末和朋友來到Sujata Cafe相聚，品嘗健康素食。不久之前才來過，因為覺得這間咖啡室的環境恬靜，氛圍詳和，適合三五知己共聚用膳，分享日常，故選擇再次光顧。    這次一行五人，可品嘗更多美食，我們點了：豪華全日套餐、全日全素早餐、卡邦尼亞意粉、豆纖芝士漢堡，以及「是日隨緣」餐牌上的米漢堡，另加配飲品五杯，包括榛子咖啡、焦糖咖啡及熱帶水果茶。    個人較喜歡豪華全日套餐及全日全素早餐，雖然食物種類、款式都較普通，素肉的味道差異亦不大，但勝在蔬果新鮮，製作水準穩定，味道不俗，而且份量十足。至於其他食物，例如卡邦尼亞意粉，個人認為意粉的軟硬度剛好，惟醬汁味道較淡，平平無奇。米漢堡的製作則較創新，米飯似乎經過煎或烤，令表面產生一層薄薄的飯焦，更具香氣與嚼勁，屬另類的飯團，不錯！而豆纖芝士漢堡則以沙律醬與酸瓜的味道較突出，芝士味不夠濃香，但也可以接受。

價格街坊，布置舒適今日落雨lunch時間店內人不多，店主就1人一腳踼，所以建議盡快想好點什麼~跟朋友2人都叫了輕all day breakfast, 較早落單約等了10分鍾上台賣相精美，雖味道算不上高級優質但若同東廣場食肆比絕唔會令你失望素腸/火腿都幾真，菇多汁，整體味道配搭岩岩好另有2塊蜜糖多士，多士外脆內軟，蜜糖味真ps. 注意飲品朱古力會加麥皮(menu沒寫所以唔知)而我自己本身係唔中意食麥皮。。。

這次到觀塘食東西 想食的店舖沒有營業有點失望感覺所以上網找了一間咖啡廳去食點東西飲杯咖啡休息這家原來是食素的餐廳 餐牌上面選擇也不少挻不錯🤭·全日全素早餐 HKD$62 沙律菜/蕃茄扒/大蘑菇/素雞扒/素牛扒/玉米/茄汁豆素扒口感仿佛像真肉挻不錯 食物味道一般帶點咸味第一次食覺得不錯 這個純素餐是可以接受份量一般🤔·雙扒全日早餐 HKD$62 扒類可以三選二款 選擇雞扒/牛扒配薯餅/炒蛋/沙律這個口感像素多過真肉😂 這個不是純素食物來的😂·玫瑰咖啡 / 朱古力咖啡 咖啡素質一般 玫瑰糖漿放得太多😂所以有點太甜了朱古力咖啡味道偏淡 咖啡味道不算香濃但還可以接受

食素對我嚟講, 真係唔太鐘意. 但同事叫過我好多次. 話有好多不同類型嘅食物選擇. 而且味道唔錯的. 所以都去試試. 入到餐廳. 環境好寧靜, 好舒服. 睇睇餐牌. 選擇都多. 而且一入門口, 見到有一個手寫大餐牌. 叫 "隨緣" , 每天不同的. 包一杯飲品我地今日一行四人. 隨緣餐包一杯飲品或是日餐湯, 而今日係蘑菇湯 (每款$48, 免加一)酸辣上海麵$48  有素雞扒, 冬菇, 粉絲, 椰菜絲, 金菇, 油豆腐. 味道好好. 而麵質又煮得剛好. 不會太淋. 飲品: 熱檸蜜是日沙律$40 (散叫) 有好多新鮮沙律菜, 蕃茄, 鷹咀豆, 紅腰豆, 粟米粒. 上面鋪滿芝士碎. 賣相吸睛, 而且非常新鮮. 還有半件豬仔蜜糖包. 有時會係蜜糖多士加$8 可以加花茶或咖啡或其他飲品或是日餐湯同事加咗咖啡, 不過忘記影相仲有, 就係負責人, 我地叫佢做"大廚". 非常好人. 抵讚

傳統嘅中式素食有啲都係同宗教相關，又或者款式選擇比較少，而西式嘅素食通常都係由健康主義開始，喺等人收工嘅時候又想搵個位坐下做下手頭上嘅嘢於是黎左呢度。西式嘅擺設再加上佛教嘅飾物同書籍，喺呢度，有一種令人覺得好安靜和諧嘅感覺，由於比較少接觸西式素食嘅關係，對住菜單諗咗一陣間，店員好友善主動咁介紹呢度比較特色嘅素漢堡，我再加一杯洋甘菊。賣相一啲都唔差過真嘅漢堡，由於我真係比較少接觸素食嘅材料，可能表達得未必好準確：第一層有啲素嘅煙肉同埋類似芝士嘅東西，加上有番茄，係比較清新同埋酸酸甜甜嘅感覺，第二層有一塊係素嘅扒，唔係平時食素雞素鴨嗰種滑潺潺、爽口嘅質感，又真係有啲似肉咁樣幾實在架，而呢一塊扒係用咗炸嘅方法去處理，可以話係外脆內軟，我就覺得好食過某快餐店嘅豬柳包同魚柳包裏面嘅肉喇。 麵包其實反而係一個驚喜，真係幾好食幾香，裏面仲有少少蒜蓉包嘅感覺。呢個環境真係令人有一種心靈好平靜嘅感覺，而且即使我只係一個人坐咗喺度，店員亦都冇催交枱，係一個幾好嘅用餐經驗。

環境優美，裝修十分精緻，座位寬敞，食物多選擇，質素偏高😍😋😋值得再嚟幫襯今次叫咗豪華all day breakfast, 細妹就叫咗卡邦尼意粉，大家share，平時喺街食卡邦尼意粉要走肉食，得啲汁，今次可以一嘗正宗素卡邦尼意粉，正！而且份量適中，卡邦尼意粉味道微偏淡，但都有淡淡既芝士同奶味，都算飽肚又唔會好溜同濟。豪華all day breakfast 有三四款素肉，質感很有層次，而且份量算多，食完十分飽肚。

🔹蕃茄蘑菇長通粉 $55健康指數:🔅🔅🔅長通粉屬低gi食物,比較有飽足感.而蕃茄嘅茄紅素可以幫助脂肪分解同代謝!不過會落蕃茄汁,入面糖分可能高,所以特登叫店員落少啲🙈,同埋當然係少通粉！味道:🔅🔅🔅大髀菇好肥大,同我個手心差唔多😱不過略嫌唔夠juicy🙈蕃茄味好夠濃,啲長通粉又幾有咬口唔會太淋🤣入面有少少嘅素肉腸,味道就偏鹹左啲haha賣相:🔅🔅🔅-店嘅環境好靜好舒服，好啱三五知己一齊食個lunch吹下水！

下午時份，因為要一個地方跟朋友談project，找了找，便來到這個隔世cafe。這裡的食物全都是素食的，非常適合我。來到餐廳門口，門外有一個綠色鐵閘，閘上有一個可愛的公仔圖案，在茶禪一般。然後當一進去，整個店都是很多茶道，禪修等的東西。還有很多這樣的書在店內。地方十分現代感，但cozy.我點了一個輕量素食all day breakfast ，然後加8元就有其中一款花茶，價錢優惠！而且店內還提供精選價錢午餐，每天不同。整個店都不是有太多人流，可以坐很久。而且那個all day 也很好食！難得工廠大廈有如此小店，十分值得再來！

三五知己相聚，素食友人推薦呢間，自然錯不了。餐廳位於工廈入面，不難找不過好有神秘感。入到去又係另一光景，寧靜有格調，都幾適合傾計。由於約星期六，當然要預先打去訂位，去到友人已經點好晒等上餐，哈哈。老闆娘都熱情推介左一啲菜式俾我哋。前菜。招牌all day breakfast，個素肉口感好似真肉，如果個蛋再滑啲就好。呢個午餐肉通粉口感都好似真肉，個通粉好creamy，由於太肚餓，好快就清晒。3個人分個包係有少少難，個包反而冇咩記憶點，中間既素肉同all day breakfast係一樣，所以如果叫左all day breakfast就唔使再叫呢個包。最後加左個飯，少少酸幾開胃。老闆娘見我哋好似食極唔飽既樣，送左個豆腐，呢個好有住家feel，送飯一流。野飲方面，叫左個herbal tea，及友人嘅latte 。偶爾食下素都幾好，同埋呢間有好多野都似肉，對於我呢啲平時冇食素嘅，比較容易接受。食素唔代表唔飽架，好似我哋咁就頂住個肚走。最可惜收8點，早食完轉場去海旁繼續吹水。

這天相約了兩位姨姨吃午餐。主要是要給她們伴手禮。 Sujata Cafe是一間與宗教有關聯的餐廳。應該是禪宗。同一樓層有其宗教中心。（我忘記了名稱。） 不過，餐廳內部與普通的西式咖啡室沒有太大分別。而且食物的款式是東南亞菜和西菜。是適合大眾的口味。星期一至日也營業。最經濟的套餐（$48），每天有兩個款式的主菜選擇。主菜附送沙律、飲品或餐湯。可更換為飯、意粉、通粉、米線或公仔麵。如吃純素，點餐時提出便可以。廚師會自行轉換為純素。 內部裝潢讓人感覺舒適。顏色配搭得很柔和。燈光的光度也適中。 兩面牆也有書架。文藝的氣氛濃郁。 餐廳不算大。只有數張餐桌。餐桌之間保持適當的空間。所以，客人也坐得很舒適。 我們沒有留意門口牆上的餐單。店員給我們正式的餐單。 我們豐富的午餐。看起來已很吸引。香氣也引發我們的食慾。幻想一下在歐洲街頭的小餐廳吃午餐，哈哈！ 姨姨的豪華全套餐，$78。 香草多士的碟子很美。 另一位姨姨的番茄蘑菇長通粉，$55。 我的番茄蘑菇意大利飯，$55。改成純素。醬汁不同了。姨姨嚐過兩者的醬汁，她的味道比較香濃。另外，她有素腸，我的改成紅腰豆。真的不用擔心有限度的純素選擇。任何主菜也

話說有一位同事茹食多年，咁岩今日中午便是和這位同事以及其他同事們相約去食午飯！難得同事推介下，找到了這間素食cafe!不得不說，真的是不錯的餐廳。覺得不錯是cafe環境不錯，當中餐廳音樂是誦經之類（因我不太深入了解，音樂類型只是我猜的）：環境不錯，而且後來再晏少少，中午時段係爆滿的！想來這裡真的要預約的！其次，員工服務也不錯，當然驚喜的是食物對於我做為不是茹素的人來說，居然是喜愛的！我叫的餐是豪華版all day breakfast, 賣相和普通的all day breakfast很像呢！份量很多人！首先黎左個香草多士，好脆口，而且加了清香蜜糖，口感很好！而主餐中的腸仔，餐肉都是像真度很高！口感同樣也不錯的！若果真要改善是希望是炒餐所用的油可以再少點。主餐：同事叫的是星期二的餐，當中有鮮茄豬扒飯，以及咖哩雞扒意粉，根據同事們的意見是味道會偏淡，可能餐廳本身是走不濃味路線吧！飲品方面，今日我叫了桂圓紅棗茶，味道不錯！最後，順便附上所影的餐牌給大家參考啦！

先利申：非打手愛素食朋友必試，佢主餐牌既種類的確比較少，較出名應該係早晨全餐。不過一入門口，就被佢嘅Daily Meun 吸引，set lunch 只是$48而我當天為周日，竟然係冬陰功同咖哩雞意粉。上菜前一人一碗香濃蘑菇湯，相當香濃而且熱辣辣，好難想像用純素都可以煲出咁濃味既湯，推介！！接下來兩個主菜都高質，唔係食開素既朋友都話好吸引，改變對食素感觀。冬陰功湯有驚喜，偏辣，不過對於小弟呢類「嗜辣者」而言辣度只屬一般，老闆娘話原來仲有喇沙湯，素食都可以咁「重口味」真係好正 至於咖哩意粉中規中舉。內部裝修見心思，有輕音樂相伴，適合渡過一個悠閒的下午。溫提：呢間餐廳都出奇地幾多Booking，建議預早訂位，如果唔係摸門釘無謂

因為有朋友食素食，所以偶爾我都會揾下有無啲新開既素食餐廳咁岩得知觀塘成業街既工廠大厦內有間食素既咖啡店，咖啡店就去得多啦，但素食咖啡店就真係未去過所以好期待去呢間素食咖啡店一出lift口就聽到佛堂打齋嘅聲音，再行入啲就見到哩間咖啡店啦🤗🤗唔知間佛堂係咪同呢間咖啡店有關係嘅呢?一入到去咖啡店，感覺好舒服好寧靜，裝修得好優雅，但又好有文清嘅感覺店員先俾左menu我地，再問下我地需唔需要介紹，服務態度不錯最後我哋帶叫咗個素食版all day breakfast，番茄蘑菇長通粉，一杯Cappuccino，一杯熱既紅棗茶素食版既全日早餐賣相同真既全日早餐真係有100%相似打卡影相一流！！不過個番茄味長通粉就有啲酸兩杯野飲都okay 喎

星期六嘅早上，同友人去左呢間工廈入面食素。距離地鐵站行5分鐘左右。12點未到上到去，一個人都無，聞到一陣好勁嘅香薰味，開頭有d唔慣，但慢慢就覺得幾舒服。座位唔算好多。但成個環境就好舒服。我自己就係食肉獸，食素都有d驚唔慣。之後唔知係侍應定老闆娘，態度好親切，係咁介紹有咩好食，仲有如果要全素就可以走蛋走奶。我就叫左個all day breakfast, 呢個已經係輕量版，食到好飽肚。d偽肉食落口都好似肉，未食過素嘅我表示很新奇。加8蚊有野飲，叫左紅棗茶，一大壼足足有6-7茶細杯，好抵飲，唔怪得叫之前佢話一壺可以2個人share飲。整體來說，環境好，價錢平，但食物選擇不多。我比4粒星