Studio City Bar & Cafe (已結業)

本身好鍾意食burger, 係香港暫時最愛金鐘triple o, 見d人話burger ok 咪試下. 加左wedges, 因為冇set所以另外叫左berry smoothies, 味道ok但個burger好細個, total : $69, 食triple o 好過, 平d又好味好多, 可惜九龍灣冇。同事叫左芝腿治, 普通highlight 係另一同事叫左pasta set, 唔記得係乜野長通粉+salad+drink $49 以果間野d價錢算抵, 但係個pasta勁乾, 冇乜汁, d長通粉好似擦膠咁, 最後同事忍唔住問佢地可唔可以俾多d汁, 佢地又冇, 不過唔知係咪太冇人去, 個經理好順tan咁退左錢。

上星期係到試左個"喇沙", 口味好濃.... 真係好似我係馬來西亞食過既喇沙, 而佢買既價錢亦好抵食,如果係出面就好難用咁樣既價錢食到咁好食既"喇沙" !我會再去呢到為呢個好好味既"喇沙"

Hard to find the right burger in HK. It's a surprise to find that Studio City can really gave me a real taste of good beef burger as in USA and Australia.Freshly made to order, real bite of juicy beef, plus with strong beef taste, good texture, which is triple times better than MOS burger I must say!!I also appreciate that the space in this cafe and the wide selection on magazines. Both are not common in any other coffee shop in Kowloon side.

佢地既beef burger 真係好食到無得彈,分分鐘好食過mos burger , 唔係呃你! 去到呢間野一定要試試, 試過你就會再為呢個burger 而返去要食!仲有d服務,我都感受到之前有人寫個位陽光笑容既男仔,如果有機會真係想推薦佢去參加HK先生呀!服務一流.

住餐牌研究一輪, 終於決定要板烘三文治同埋意粉, 點知店員話板烘三文治唔出ga la? 我地未趕得切改餐牌ja! 咁我要意粉啦, 又話未有wo! 薯角呢, 都未有! 咁我問, 仲有d咩, 佢介紹餐牌上無burger 俾我.好彩無介紹錯, burger又真係幾好味, 尤其是係塊漢堡, 多汁牛肉味重, $26都ok.仲要件泰式雞肉pizza, $20/件, 雖然餅底就唔及專賣pizza店舖, 但味道都幾好幾惹味wo.咖啡smoothie $22, 無乳酪味, 但咖啡味都幾香.p.s. 所有食物都係拎入戲院, 一邊睇戲一邊食. 可惜戲院design唔係太好, 唔方便食, 連坐位扶手都係斜, 想"long"住d食都唔得呀! 同埋, 大家去呢間戲院話, 就提議大家揀最後行坐啦, 因為戲院超級迷你, 坐前少少都可能會睇到條頸都梗埋!

我個日都黎左呢到食野,因為我個人都幾鐘意食美式食品,個日我食左個Burgar,d料好新鮮,所以都幾抵食.飲品就飲左個石榴juice,真係有d粒粒果肉係到..哈哈服務都一流,因為fast food 講求快靚正,佢地既服務都好快令到我有野食,而值得一提既就係收銀個靚仔,佢好有禮貌咁介紹比我邊隻juice好飲,所以我先會試下呢個石榴口味既juice,真係無介紹錯!同埋佢既笑容真係好親切同好陽光,介紹食物又好詳細,令我第一次黎呢到食野都可以知道呢到既食物種類!

呢星期日去左呢個新商場行下, 咁大個商場行到上11/F., 都好倦下.....見到呢到有間幾得意既食店,諗住入去座一座,食D小食頂下肚!點知...原來呢到既野食唔止可以頂肚,仲可以係一餐好美味既DINNER !!!我個晚就食左個~ 焗薯(嘩....裡面D料多到湧晒出黎)不過最估唔到呢到居然有BURGER食!? 而味道不錯,仲可以同MOS BURGER 有得Fight,可能呢到用料新鮮啦!野飲我就點左hot coffee,佢地用既係新鮮既奶而唔係一般既花奶(飲得出),所以口感好滑....值得一讚!而我男友就飲左個SMOOTH,我試左幾啖又幾得播,口味我地中國人OK得!野食就叫左個HOT DOG + New York 芝士cake ......(呢到咁多口味同款式比我食, 下次會再黎試下)

可能因為新開啦,D 梳化果d都好新,又冇乜人,所以4個人坐左張6-8 人"木台"其實我諗住飲SMOOTHIE,點知賣晒,唔飲COFFEE的我,唯有飲果汁,飲左支西柚汁,都OK,有西柚肉果隻,都幾FRESH;朋友叫左杯薯角,好味,因為新鮮炸起因為新屎坑,所以O係果度影左好多個人相

因為商場冷氣太勁，所以到UA Studio City　買杯Latte（＄２６）入戲院飲，味道一般，似咖啡加多少少鮮奶，而且又唔夠熱。不過無辦法，只可帶由這裡買的食物入戲院，但這裡有蛋糕買，賣相幾好，與Starbuck的蛋糕唔同，下次可以試吓。好彩套戲"Wild Hogs" 幾好睇，有唔少笑料。