影片
港铁奥运站 A2 出口, 步行约6分钟
继续阅读
电话号码
51299436
营业时间
今日营业
10:00 - 20:00
星期一至日
10:00 - 20:00
公众假期
10:00 - 20:00
公众假期前夕
10:00 - 20:00
以上资料只供参考，请与餐厅确认详情
-
网上订座服务暂停
系super sports park 玩完，食埋野先走。唔知系咪因为星期六，无套餐供应，得单点食物，价钱都唔平，坐位唔多，有D位置出现滴水情况。另收加一服用费。加州California Pizza $138薄批，批底软，批边好松脆，口感似饼干。涂上千岛酱 ，有菠萝、洋葱碎、红椒碎同炸烟肉碎。好多芝士，有拉丝效果。滑蛋汉堡扒饭 $98卖相吸引。滑蛋够滑，有微微奶香味。汉堡扒肉淋，都算厚身，配上烧汁。米饭用珍珠米，特别有咬口。店员另送上爆谷一小碟给小朋友，爆谷够焦糖，脆身，牛油香。小朋友食得好开心。
继续阅读
一个场 有得食 有得玩📍地点：大角咀🍽️菜式：西餐💰人均消费：午餐 HK$150~200🔖服务费：✅🧻餐巾/ 湿纸巾：✅ / ❎🪑座位类型：方枱/ 长枱📝落单方式：QR code落单【滑蛋汉堡扒饭】💰HK$98汉堡扒系纯肉搓成，比较有肉嘅质感。滑蛋盖著饭上面，𢳂落去，有蛋有饭配个蕃茄香草汁，好食。【蜜糖鸡翼-5只】💰HK$68蜜糖淋系炸鸡翼上面，必定好食。【酥炸鱿鱼须】💰HK$78炸浆酥脆，捞左香草。【儿童餐-鸡翼、焗薯、蛋沙律、蕃茄酱肉丸、Qoo 果汁】💰HK$88#foodcourt #foodxcourtx #foodxcourtxTKT#大角咀揾食地图 #大角咀美食 #大角咀 #西餐.SSP Cafe @ssphongkong🏷️大角咀海辉道18号一号银海银海坊地下G03&G05号舖
继续阅读
系隔离乐园玩足4小时后，过来cafe食埋野先。佢本身入口同乐园系分开，平时都可以自己walk in 入来食。环境好chill ,一边对住海景,一边望到乐园入面虽然系乐园附属餐厅，不过价钱都算合理。有二人餐，有主食，小食，甜品都有。餐厅设计色彩缤纷，厨房吧台设计，望到叔叔煮野食我地两大两小，叫左两个小食+两个主食+饮品温泉蛋卡邦尼意粉$98可能本身对乐园餐厅期望唔高，所以反而比到惊喜我。食物质素绝对做到西餐厅式嘅卡邦尼意粉并唔系港式求其𠮶啲忌廉汁捞埋佢，对得住个价钱👍🏻汉堡扒蛋包饭$98汉堡扒食得出系自家制又厚又juicy，蛋皮亦都做得滑溜苹果汁&橙汁$28@烟三文鱼酸忌廉配法包$68烟三文鱼嘅咸香同埋先几点啱啱好，法包亦都够脆。每一块嘅三文鱼份量都唔少，赞👍🏻小食杂锦$88有鸡翼，薯条，蛋沙律，蕃茄酱肉丸。每样小食都系新鲜做起，所以薯条都系热辣辣。餐厅食物质素同出品唔错，价钱亦都尚算合理。如果去乐园就可以顺便医埋肚先走，再唔系平时过嚟食嘢，环境都唔错呀~~
继续阅读
系klook买Super Sports Park门票, 送左份小食劵, 玩完就可以系里面cafe 即刻填饱个肚 单叫价钱又唔会好贵, 同出面cafe 价钱不相伯仲, 食物质素亦几高 食物选择又多, 除左咖啡、汽水, 呢到竟然仲有啤酒、红酒、白酒、cocktails 今次简简单单叫左烟三文鱼乳酪多士 多士烘得好脆，乳酪应该用希腊式乳酪? 够浓稠又唔太酸 橙汁就真系麻麻地, 呢个牌子有啲稀, 苹果汁好饮啲
继续阅读
同小朋友去Super Sports Park玩，打算就喺里面间餐厅食埋午餐先开始玩啦，原本都不抱任何期待会好食，谂住医得饱个肚就算😆叫咗芝士焗肉酱意粉同橙汁，估唔到个肉酱意粉好出色，面头放上好多芝士，一放低已经劲香，小朋友食完一碗又一碗，佢自己都食咗大半份，两份食我直头觉得唔够皮，呢碟意粉性价比真系好高👍🏼杯橙汁就麻麻地好饮，其实都系倒出嚟即饮𠮶种橙汁，不过可能佢哋用嘅牌子唔系太好饮，抱住唔浪费嘅原则我都饮晒😌玩完晒之后我哋再入餐厅食个甜品做下午茶，叫咗棉花糖朱古力千层窝夫配朱古力雪糕，窝夫系牛角酥窝夫，配雪糕好好食，一份有3件，好满足☺️
继续阅读