Soi.29

营业中

休息中

之前朋友介紹喺尖沙咀食過一次soi 29!不過尖沙咀實在排隊排得太耐🥲今次得知soi29喺灣仔開咗分店就嚟試下(⁎⁍̴̛ᴗ⁍̴̛⁎)呢間舖環境舒適好多! 空間闊落啲!我同老公為咗可以食多啲，我哋無叫主食😂我哋叫左馬拉盞通菜、生蝦刺身、燒牛肉、皮蛋蝦餅、鹹蛋魷魚!因為好好味，食食下先影個大合集🤣首先生蝦刺身d蝦好新鮮又大隻，好正！彈牙的!!燒牛肉係必叫🚨好多肉汁，燒到太約係6成熟，配埋個醬汁，好惹味🤤鹹蛋魷魚🦑好好味呀!! 鹹蛋蓉炒左d魷魚，魷魚切嘅大小剛口，一口飛入個口度! wow! 如果有白飯仲可以狂撈 鹹蛋蓉😎酥炸皮蛋蝦餅! 都一樣好出色，靚皮蛋蝦餅唔會太厚!! 通菜就正常發揮，龍眼冰同凍泰奶略嫌無乜味! 🤨飲品變返正常嘅話就100分了!!五餸兩飲品，二人合共$690總結: 下次再食過!

不嬲都想試呢間人氣泰式大排檔好耐，奈何尖沙咀嘅分店成日大排長龍，又冇得book位🥲。知道近排佢係灣仔開左分店，而且又有得係WhatsApp book位，朋友又想食泰菜，所以就試下佢🍽️串燒拼盤，有幾款肉類🥩，燒得啱啱好，外面焦香，裡面肉質鮮嫩，唔乾燒牛肉，牛肉燒得好嫩好香，入面仲有肉汁，口感好滑，呢個真係必嗌👍🏻炒咖喱（蝦）🦐，咖喱味幾濃郁，但又唔會過辣，我地仲特登嗌左蒜蓉包點咖喱食🍞泰式辣肉碎煎蛋飯🍳，肉碎炒得非常入味，辣味啱啱好，加埋煎蛋，超級惹味✨飛天通菜，通菜唔老好嫩口，而且炒得好有鍋氣🔥最後走之前仲送左刨冰🍧，佢係門口擺擋，可以俾你揀味道同其他配料

呢間泰國菜尖沙咀分店係社交平台一直都好hit長期要排隊🦶🏼我係未咁多人介紹個時食過一次💟之後聽人講要排長龍先食到就驚咗🤣🤣最近發現佢地係灣仔開咗分店🍽️新開張有得book枱即刻衝📲💨✨醉貓炒河🐈 (HK$88)超好食！超惹味🔥🔥🔥好正宗既泰國味🇹🇭闊河粉好有鑊氣不過炒到有少少碎🤏🏼夾住啲肉碎食勁重口勁正🐷唔食得辣既請三思🌶️✨炒咖喱軟殼蟹🦀 (HK$138)軟殼蟹大大舊仲要好厚肉🪨 炸粉薄薄一層～唔會粉多過肉🌾炸到外脆內juicy🧃同微辣既咖喱汁好夾🥘可惜冇薄餅嗌(?)點埋個汁應該會仲正🫓✨串燒牛脷👅 (HK$98)燒到有咸香都唔會dry🍖好夠淋完全唔韌😬有幾舊肥肥地既牛脂味好濃🐮酸辣汁好開胃解漏🍋✨芒果蟹肉炒飯🥭 (HK$118)呢個飯係為咗想撈個咖喱汁而嗌的😆咖喱汁撈炒飯勁肥仔🍛飯炒到乾身🌵啖啖都食到蟹肉🦀芒果再熟啲甜啲就好了🥭✨椰汁沙冰🥥 (HK$48)把遮仔係童年回憶☂️☂️味道正常偏甜🍬係想像中個隻椰奶味🥥當日坐樓上個層好乾淨闊落🏗️眼見大部分樓面都係泰國仔仔👬🏽佢地跟住唱啲泰文歌 加埋個大排擋佈置好似去咗泰國咁😂😂灣仔分店水準好過尖沙咀📍樣樣都好食😋食到好開心💓燒牛肉同泰式豬手and

讚-環境幾闊落 檯櫈之間好夠位-嘢食係好夠香料味 炒河超入味 炒菜真係食到啲蝦同魚露既名 同埋夠爽脆-出奇地幾多啤酒揀彈-樓上好應聲 唔算多客都已經幾嘈 多客時應該會大鑊-嘢食上檯有啲耐

Soi 29 尖沙咀分店長期排晒隊，試過兩次去排，都放棄左。 灣仔分店有得book ,相對少人排。之前試過用WhatsApp book ，今次就weekend walk-in 8:50 pm 黎到， 等左十分鐘就入座。灣仔分店有兩層， 相對尖沙咀店寬闊好多。兩個人叫左四餸一湯，兩杯野飲。20分鐘內出齊晒。～燒牛肉$148 👍👍👍推薦 外層微微焦香， 裡面軟熟多汁， 大概5成熟，肉味濃，加埋個辣汁，好惹味～蟹肉奄烈 $108份量都偏大煎到好脆 蟹肉多 ，但唔算鮮甜蛋香味夠 ～串燒牛脷$98呢款串燒正正常常但唔係日式燒牛脷嗰種肉汁豐富外脆內軟口感～蒜蓉炒西蘭花$68西蘭花清脆爽口 入味 ，算係中上炒菜～冬陰功湯（小份，小辣）$108湯容器下面有放小蠟燭，可以keep到成餐飯個湯都熱。酸辣適中 好開胃湯入面有大概5舊蝦 好多菇 同少少蕃茄仔，蝦肉係新鮮～龍眼冰 $42呢杯龍眼冰入面龍眼肉有起碼14粒，足料清甜 好飲～青檸梳打 $38正常最後仲會送刨冰 ，可以自選配料

由尖沙咀開到嚟港島，暫時比尖沙咀少人！餐廳有大檯，啱曬同朋友飯聚～燒牛肉 $138MVP!!! 大推！ 份量好足，5-6個人share都得。醃得好入味，肉質鮮嫩又惹味！蘸埋側邊嘅酸辣汁，中和咗牛肉嘅油膩感～串燒沙爹 $88有腸仔、雞肉、牛肉同豬肉，一串好厚肉。沙爹汁雖然冇粗粒花生，但係好香，略嫌偏流質，唔係好蘸到串燒。酥炸皮蛋蝦餅 $98另一個有驚喜嘅菜式！外層蝦餅好彈牙，內層皮蛋係流心㗎！蘸埋泰式甜酸醬，估唔到件事會咁夾！椒鹽雞軟骨 $78比較其他菜式，呢款稍微遜色咗啲，勝在份量好多，熱辣辣又香口～泰式椰汁雞湯(大) $128係飲過最濃郁嘅椰汁雞湯！椰子味好香，湯嘅質地有少少濃稠，飲落去好順滑，而且好足料，雞肉都係雞髀肉，食落唔會柴，又有唔少金不換、秀珍菇、洋蔥同埋香茅。馬拉盞通菜 $88正常發揮，份量足海鮮濕炒河粉 $98料多粉少！有芥蘭、椰菜花、西蘭花、魷魚、蝦、蟹柳等配料。河粉比較難夾，偏軟身。香茅荔枝冰 $42好適合一班人嚟share食～好值得encore！

人未醉貓先醉😎小二，來一客醉貓炒河😆未開門已經排隊等入座的尖沙咀泰菜 Soi.29 已經進駐灣仔👏🏻 鄰近聰嫂甜品 (C Dessert)及福臨門，店舖面積更大👍🏻只有灣仔店可訂位🥳Soi.29 泰式大排檔靚裝修、地方寬敞舒適、座位足夠😁 現新開我地平日夜晚早來人少，服務好👍🏻一個字，正😎 我們一行六人，一張長枱剛剛好😎多人可試多菜😋#醉猫炒河🐱 $88必食之選🉐河粉色味均勻，肉碎配料眾多👍🏻讓人停不了口🤤 每次來必點之選👍#肉碎生菜包 $98清新生菜包裹香辣肉碎😋雙重口感，既清又辣♨️😆燒牛肉🐂 $148 及 燒豬頸肉🐖$108肉嫩彈牙😋醬汁惹味，調味及火喉都掌握得好👍🏻燒牛肉🐂較嫩出色，好快清曬😋炒咖喱軟殼蟹🦀$138又脆又香要快食，既有軟殼蟹的口感、亦有咖哩的香，適合配麵包🍞或飯🍚 此款黃色咖哩不辣，怕辣的可安心食😆冬陰功湯 $128微辣微酸，蘑菇及蝦都足料，好開胃🤤馬拉盞炒椰菜苗$88香辣惹味♨️配白飯🍚已是佳餚😋如加上啤酒更爽🍻蒜蓉包🥖 $58有約7塊份量多，蒜香包脆過足口癮😋 如有小份約3或4塊會更好，人少時2-3人都會叫😆龍眼冰🐉$42🍹打卡滿滿解渴消暑🥤龍眼肉很多亦很甜，