Soi.29

营业中

休息中

今日去咗soi.29食dinner，排隊排咗半個鐘，原本都期待，但結果有啲失望。明爐烏頭真係唔入味，外表烤得幾好，但食落去無咩味道，可能係醃製得唔夠入味，實在有啲可惜。不過，烤牛肉就幾好食，肉質鮮嫩，烤得啱啱好，淋上特製醬汁，味道濃郁再試咗醉貓炒河，呢個就有啲失望，味道同明爐烏頭一樣，唔夠入味，河粉炒得唔算夠香，整體感覺有啲平淡，唔夠驚喜。整體嚟講，soi.29有啲菜式表現唔夠理想，但牛肉真係值得一試。

我其實都極少寫食評 呢間野真係離晒譜 一定要寫低完全唔明點解之前淨係得一個負評？話說我同朋友一行三人嚟食晚餐啦，入座前餐廳已講明用餐限時60分鐘，fine我地食食下，有其中一個職員走過黎：你地淨返十幾分鐘 (但唔係問我地仲有無野要加）唔緊要，第一次講我當佢溫馨提示我地第二次又再講：你地得返幾分鐘，個陣我哋仲食緊，剩返好少餸，正常都要俾個客食埋先啦係唔係？第三次再行埋黎講（個時應該係啱啱好夠60分鐘）：唔好意思你地已經夠晒鐘，不如俾個外賣盒你地裝返去但係明明隔離檯仲早過我地坐低嘅，人地仲食緊甜品，你唔催埋隔離檯？唔講以為自己食緊任食放題，係咁提我仲有幾多分鐘呢間野真係不了，野食又唔係特別好笑，坐得又唔係舒服，食一餐飯俾人催三次，成肚氣

六點前排隊，排第三，六點二到晚市就座，之後條隊就好長，我地二人枱限時食一小時。味道合格以上唔會難食，但始終少味精又有鑊氣小炒，難免口渴，之後出咗去買嘢飲。蟹肉炒飯相對其他泰國蟹肉非常少，小食炸蝦份量好多味道似飲宴蟹鉗味道唔錯。至於串燒雞同豬肉質都好軟熟，易入口又幾香口。

當日5:45就去排隊等6:00開門，前面已經有二十人左右，但幸運地15分鐘都可以入去食第一round🍀兩個人食都可以有足夠的時間，坐得都算舒服👌🏻我地叫咗3個餸：醉貓炒河、生菜包（豬肉）、燒牛肉同兩杯嘢飲：荔枝冰同龍眼冰。每碟份量都算多同好夠味👍🏻 可惜飲品冇熱飲同備甜（我平時習慣走甜同熱飲）食物普遍都比較辣，一定會想叫一杯嘢飲！總括來說，好味同會想再光顧嘅泰國菜！評分：（4.5/5）😋😋😋😋😋

這間受歡迎的泰國餐廳，平日的晚上9:30，也需要在門口等位，大約半小時便可以入座在等位的時候，看到他們的食物也很吸引，看了餐牌，發覺價錢並非很貴，而且份量都可以今晚點了泰式拼盤，有兩條春卷，剪開變成四條，有四件展開的蝦餅，以及四隻雞中翼，其中啲雞中翼味道好出色，春卷和蝦餅就較為一般值得讚的是那個炒通菜，八成熟，剛剛好，可以吃到通菜的嫩還有我喜愛的泰式乾炒河粉，河粉應該是泰國入口，這麼闊還可以做到這麼薄還有他們的串燒，可以三條雞肉三條豬肉，好好味另外肉碎煎蛋飯，煎蛋熱辣辣，肉碎小辣都依然好好味埋單後，到門口，剛剛剩返最後幾條雪糕免費請客食

-排咗40分鐘先食到🥹但係值得！！！(已經係第二次黎食)冬陰公酸辣味好夠嗌個細size都已經好大鍋炸蝦餅皮蛋無上次食咁驚喜(上次皮蛋係流心！）但係依然炸得出色肉碎奄列炸到好似蠔仔餅咁好正醉貓炒河河粉質地不得了好惹味 但係對我嚟講有少少偏辣

講真，本人都好少喺OpenRice出評論，呢間真係可能有期望先會失望😌（都係睇咗影片分享平台 條片慕名而來）第一次食咁難食嘅泰國菜，叫咗個細冬陰功湯，係完全淡茂茂嘅，仲衰過平時飲湯包，最尾淨係飲咗幾啖成煲都冇飲，勁差！鹽燒咗條唔知咩魚，冇乜味都算啦，又冇汁，仲要啲肉質係偏軟，但都已經叫唔難食🙂‍↕️個雞中翼配埋泰式辣醬係McDonald 嘅味道😹個生菜包就最正常，係爽口同大份總括嚟講，我隨便入一間泰國菜都分分鐘好食過佢，冇一道菜係驚艷，仲要排隊嘅話真係勁唔抵😹😹懷疑香港人平時食開…….🤮🤢🤮🤢

呢間尖沙咀人氣飽大排檔冇得預約，如果要堂食起碼排最少一個鐘，所以為咗想一試佢有幾好味，我同屋企人買外賣返屋企食今日好多人一齊食飯，所以訂咗呢間大排檔試一試，希望唔好中伏醉貓炒河：個名咁型其實就係泰式炒河粉，不過佢嘅河粉雖然薄但係幾煙靭伴酒其實好惹味，因為辣辣地仲加咗好多蔬菜，就算外賣凍咗少少都識得出佢哋味道係唔錯果然係必點嘅主食酥炸皮蛋蝦餅：對於鍾意食炸嘅，我就好期待平時好少食炸皮蛋，呢一個炸皮蛋佢包咗好厚嘅蝦餅，好金黃鬆脆配埋佢嘅甜辣醬令到皮革嘅味道昇華咗木瓜沙律：雖然係好普通前菜，但係好爽口好開胃燒牛肉：比較期待嘅菜式之一，因為外賣，怕凍咗會冇咁好食，雖然的確有少少，但係食得出佢嘅牛肉味同埋唔係燒到全熟，所以口感係唔錯總括嚟講呢間嘅泰式大排檔係可以再食嘅一間餐廳，只係太多人等位，想堂食乜真係要有返啲耐性

🐑燒牛肉用嘅係肉眼扒，有少許炭香味，肉質鬆軟，蜜糖味足，上枱已經好香，同泰金國嘅有得Fight 🐑生蝦刺身，隻隻大隻爽彈，新鮮就是王道，跟蝦嘅酸汁辣度極高，唔係太食得辣嘅朋友要注意喔🐑冬蔭功酸、甜味道平衡，南薑、香葉香味特出，蝦嘅份量又多，飲落口十分舒服🐑醉貓炒河，香葉、洋蔥、車厘茄、豆角、辣椒、肉碎等，材料豐富，河粉闊身而軟滑，炒起上嚟豉香非常夠，火候十足呢個炒河最初推出時係超辣嘅，不過今次食只係BB辣度，問過收銀姐姐，佢話係因為好多客人覺得過辣，所以辣度方面調整咗。我自己嚟講，覺得辣啲會再好食啲

之前一直想食每次都排長龍，今次終於扚起決心去排隊等咗30分鐘我地三個人叫咗蒜蓉包.咖喱蟹.燒牛肉.生菜包.醉貓炒河上菜好快，特別出色係燒牛肉👍🏻👍🏻蒜蓉包點咖喱蟹個汁真係一流醉貓炒河係招牌菜好食食完大概9:00左右，出邊仍然係大排長龍性價比高👍🏻

醉貓炒河燒牛肉蟹肉奄列串燒沙嗲最喜歡是燒牛肉和醉貓炒河燒牛肉烤得很香 每口都有淡淡的荔枝味而且入口即溶 令人難忘既味道醉貓炒河也是非常的特別 河粉濕濕的伴隨着滿口肉碎

周六傍晚提前了半个小时来排队，终于吃上尖沙咀人气最高的泰式大排档。·开在这地段，性价比还是可以的，虽然食材一般，好在调味在线，有不少在香港其他泰国菜餐厅中没见过的菜式，整体来说还是值得。·服务态度不错，环境也很泰，不过人家只开晚市，且用餐时间卡得很严。如果不能赶在第一批进去，大概率排队1h起步，冲不冲看个人吧。·【醉猫炒河】名字听起来像下酒菜，其实就是泰式炒河粉，不过用的是宽河粉，薄而弹韧，轻松挂上肉碎和酱汁。·鱼露和辣椒组成咸甜微辣的滋味合奏，还加入了不少蔬菜，颜色丰富的同时质地还干干爽爽，基本是桌桌必点的主食。·【烧牛肉】牛肉烧至半熟，口感烟韧多汁，浓郁的肉味混合着脂肪香气充盈着口腔，份量也不少。·【酥炸皮蛋虾饼】感觉像苏格兰蛋的泰式版本hhh，皮蛋外圈裹了厚厚一层虾饼，金黄酥韧，毫无违和感，搭配甜辣酱，皮蛋本身奇特的味道都不突出了。·【泰式椰汁鸡汤】冬阴功汤在泰餐中的代表性太强，在我看来盖过了椰汁鸡汤的好。尤其在寒意逐渐浓重的冬夜，一碗在小锅中煮得微微冒泡的椰汁鸡汤下肚，温暖瞬间具像化了。·冬阴功是种直爽的酸辣，椰汁鸡汤则是又奶又飒，结实的鸡腿肉、柔嫩的菌菇、好像怎么舀也捞不完的

人氣泰國餐廳果然係夠晒人氣，六點幾已經打排長龍，雖然排隊時間長，但都值門票價。不論餐廳環境同裝修都好高質，成個感覺好似去咗泰國街頭食野咁。女友無介紹錯，叻叻！我哋點咗燒牛肉，上菜速度尚可。炒河夠鑊氣，味道香辣，但我唔太食得辣下感覺略嫌太辣，食完有啲焗促。燒牛肉份量好足夠，牛肉都炒得好香，帶有少少蜜蜂焦香，加埋泰式辣醬就令牛肉更加惹味。整體成餐飯性價比都好好，可惜既係只開夜晚，午餐想嚟食都無。 今次只同女朋友嚟無得叫太多野試，下次約朋友聚會嚟呢間都係唔錯既選擇，可以叫多啲野Share～

老公最近早收工車咗我同囡囡去咗尖沙咀嘅食晚飯。因為太耐無食泰國野就揀咗大排檔風味既泰國菜，裝修有特色，但地方比較狹窄，BB車難以進出。而且，餐廳內無專門嘅小朋友設施，對帶小朋友嘅家庭可能唔太方便。我哋點咗肉骨茶、叻沙同海南鴛鴦燒麵包。肉骨茶湯底藥材味濃，如果鐘意藥材味既應該都覺得好足料，啲肉都入晒味，不過份量算少，我哋加埋其他野岩岩好。叻沙椰香味好重，配料都十分豐富，不過都有啲辣辣地，可能唔係太啱小朋友服務方面，員工態度友善，但由於人多，等位時間較長，對帶小朋友嘅家庭可能有啲辛苦。但食物質素唔錯同環境同設施對家庭客人未必最適合。

成日經過想食都見到好多人，唔敢去等，因為聽啲人話要等個零鐘🥲有日差唔多10點見到竟然淨係要等三張枱，即刻就排隊🤣結果唔使15分鐘就入得去！超開心慳咗好多時間✨醉貓炒河呢個一嚟到已經好香，超有鑊氣，佢嘅河粉係比較大塊，肉碎都好多，都好好食！燒牛肉基本上每台必叫👍🏻呢個一上到嚟已經知佢高質，牛肉好嫩，而且表面應該係加咗蜜糖去燒，成個感覺就係蜜糖燒牛肉，根本都唔使點佢旁邊嗰個醬（我覺得佢嗰個醬唔好食☹️），最重要係以呢個價錢份量都算多，好推薦！好值得食！