Sky726

星期六晚同男朋友撐枱腳，又忙左一個星期，決定今晚食西餐，放慢一下節奏，喺OpenRice見到呢間餐廳做緊買一送一優惠，有意粉又有牛扒食，所以就決定嚟呢間。間餐廳係大廈最頂層，一出lift 見到餐廳環境非常有情調，而且掛滿左聖誕燈飾同裝飾，幾有節日氣氛。門口當眼位置有放咗消毒酒精啫喱。 店員同我哋簡單講咗一次買一送一嘅優惠可以點用之後，就帶咗我哋入座，服務態度幾好，有講清楚邊啲有優惠，同埋每人要order一杯飲品。我哋都點左香煎美國安格斯西冷牛扒280g $318 ，賣相非常靚，有一塊厚切牛扒，蘆筍同埋薯蓉。牛扒表面煎封鎖住肉汁。我要左七成熟，熟度啱啱好。牛味濃郁，充滿肉汁，有嚼勁。牛扒原汁原味嘅，我哋叫咗店員俾啲鹽同黑胡椒調調味，味道更加好食😋 蘆筍清新爽口，薯蓉香滑軟綿。飲品我叫咗Coco tail $68 ，有八折優惠都幾好。類似係水果嘅mocktail 😃 有椰子士多啤梨橙，甜甜地幾好飲😃 總括來講呢間餐廳都唔錯，佈置有心思，員工服務態度幾好，食物質素唔差，價錢仲有優惠，下次會再嚟。

餐廳位於旺角彌敦道既大廈，近旺中既位置，交通勁方便，而且個棟大廈全棟都係餐廳，黎開呢頭都有勁多唔同選擇。今次食呢間西餐廳食物方面有好多款前菜，扒類，意粉等等，連飲品都有多款唔同既cocktail/mocktail/普通飲品。set dinner既話更加係由湯到甜品都有齊哂！但係由於想試佢既鵝肝，所以我地選擇左散叫。焦糖低溫浸鵝肝鵝肝唔算大件，但兩個人分就覺得剛剛好，唔會太膩。佢做到質感好細滑幼嫩，入口即溶，外面仲有層好香既焦糖，口感同味道都做得好好。香煎美國頂級安格斯肉眼扒煎得好靚，牛扒都好大塊，厚薄均勻，切落去有肉汁，而且肉味香濃。肉眼既好處就係肉質纖維唔算粗，有口感得黎唔會乾柴。另外火候控制都算唔錯。配菜既蘆筍份量好多，而且幼嫩無渣。薯蓉做得勁細滑，奶味香濃，撈埋肉汁一齊食又有另一番風味～香煎露絲瑪莉羊架可選6支骨或4支骨。羊肉唔膻，對我黎講係小失望，但對大部份人黎講應該係好事🤔肉質結實有咬口，有彈性，個人認為略嫌熟左少少，但整體黎講係好食既！Godiva Delight用左Baileys, Godiva dark chocolate liqueur同Cointreau調出黎。入面

今晚突然想和老婆浪漫一番，二人世界食吓燭光晚餐，老婆公司在MK，接她後又不想走太遠，忽然想起MK有一家食西餐又居高臨下，可以飽覧旺角夜境的好地方，名為"Sky 726", 侍應為我倆找了一個靠窗位置，果然可盡覧旺角夜境餐廳內裡裝修也非常浪漫，極合我心意翻開餐牌，選擇蠻多，價格也相宜！由於太太正在節食，所以我只點了一份晚餐，而太太則散叫了一個飯和湯大家一起分享甘實這個晚餐種類和份量都頗多的先來餐前小食和沙律當然少不了餐湯和麵包等等……別小看這些看似平平無奇的菜色，食下去你會吃得出它特別之處，絕非一般坊間平價晚餐可比。最後，當然主角來了，"板燒自家熟成西冷牛扒配香草牛油"，它好味之處在於肉質鮮嫩，味道香口，再配它那個香草牛油，簡直令你齒頰留香，妙不可言！而太太點的那個虎蝦龍蝦汁意大利飯，亦是一絕，虎蝦肉鮮甜可口，意大利飯伴以龍蝦汁亦令到飯更易入口。而她點的那個"南瓜伴蟹肉湯"，單看外表已相當吸引，喝下去那濃濃的南瓜味伴以鲜甜蟹肉，一試難忘最後奉來的甜品，單看外型這麼漂亮，真不捨吃下去

旺角區食肆林立，有連鎖式經營的，有各式其式嘅小店，有在商場內，也有在大廈內。今天友人帶我到此餐廳大廈，之前曾經到訪過大廈內其中一間韓燒放題，卻不知道同一大廈內有法國菜餐廳坐lift差不多上到頂樓，一打開lift門，就見到佢地既裝修相當有情調，室內燈光昏暗, 店中央有個Bar替客人調較各飲料坐近在窗邊，可遠望街外夜景是日Set Dinner menuOrder左一個set dinner再加單點主菜及湯先上餐前小吃，三文魚mousse, 咸咸地餐湯，椰菜蓉忌廉湯，配上香草軟麵包, 菜味濃郁，麪包鬆軟香辣蜜糖燒南瓜沙律，沙律菜非常新鮮鮮甜，醬汁酸酸甜甜，好開胃主菜，板燒自家熟成西冷牛扒配香草牛油，七成熟，估唔到西冷扒也可以煮得甘淋，無筋，好juice, 蘆筍苗條條好幼嫩，配上薯蓉虎蝦Risotto, 啖啖蝦肉，飯口感煮得適中雲尼拿mousse配士多啤梨汁

忙碌嘅日子裡，如果想找個充滿氣氛，環境舒適，坐得舒服，又想同朋友相約食番餐有水準西餐，<Sky726>真是一個不錯的選擇。今晚去開旺角，知道這座商業大廈有呢間西餐廳，見OpenRice評價幾好，便進店一試。進入餐廳，人客不少，由於我地冇訂枱，所以都等了一下，不過都好快已經安排到坐位，建議人多的話，預先訂枱會更加好。<燒慢煮16小時辣豬肋骨>豬肋骨份量不少，味道帶微辣，醃得好香好惹味，而且豬肉本身的肉質不錯，烤得不會太乾，能做到骨肉容易分離的效果。旁邊重伴有烤薯角，同樣炸得香脆好味。<黑松露野菌意大利飯>呢個黑松露野菌意大利飯，佢個野菌汁做得非常濃郁，而且野菌份量好多，每一啖入口嘅飯都好creamy，充滿濃濃嘅野菌同黑松露嘅香味，而餐廳所用嘅意大利米亦都非常之正宗，吸收曬又香又濃郁嘅芝士、野菌同黑松露嘅精華，屬高水準之作。<脆皮鴛鴦炸雞>鴛鴦炸雞賣相相當特別，黑色的脆炸皮，相信是墨魚汁來的，炸雞炸得外皮夠香脆，而且炸粉不厚，裡面嘅肉質夠嫩滑，而且好juicy，非常好食吖!!~除了主菜類，餐廳還提供set dinner，而且仲

同女朋友食飯除左野食之外，有無得打卡都係一個好重要嘅考慮因素今日放假就同左佢上嚟呢間可以一180度睇盡旺角市景嘅sky726食個lunch 氹下佢開心我點左個slow cook 黑毛豬鞍扒，店員落單時會down聲slow cook係會有d粉紅色haha唔知係咪好多客講話唔熟呢，上碟有兩大件表面有煎返香口，肉質淋得嚟唔會有唔新鮮嘅感覺，$218呢個價錢都真係要讚而且佢餐湯同個包呢d細位都做得唔錯。女朋友最後同個景影左好多相，都好滿意yeah成功！

今日同阿媽去開shopping，想同佢搵個靚靚地方坐下食個lunch，見平時呢棟大廈咁多野食就上左去搵食haha一上就上到頂樓，一開lift門就見到好開揚嘅景色，咁岩又好天，個view真係幾chill我地點左個set lunch-海鮮意大利意粉份量又幾多下喎，加入48蚊就可以轉set 有個餐湯，沙律同野飲。而且好足料又入味，幾令人surprise 意粉軟硬度適中,酸酸甜甜咁好開胃。面頭仲有d香草吊下味海鮮方而有幾隻青口, 鮮魷同蝦，全部都算新鮮而且有幾多雜菌一齊煮，多左一重口感 呢個價錢食個景都開心

原來旺角有間餐廳可以睇哂成個旺角景食飯今日早早地食晏 就黎左呢間sky726佢地有brunch set 啱哂週末早午餐一齊食既朋友仔餐廳唔算太大 不過勝在一邊落地玻璃夠開揚 陽光曬入黎顯得好光猛 而且位於高層可以睇住成個旺角食飯 brunch set選擇多 我地揀左三文魚賓尼迪蛋同埋香草雞胸意粉驚唔夠飽可以配埋餐 加湯 沙拉 餐飲沙拉黎講 已經睇得出個誠意 唔係亂撈啲沙律菜落去 為我既brunch揭開序幕餐湯方面係周打蜆湯 creamy得黎好足料好幾隻蜆仔 真係一啖湯一啖蜆主菜方面賓尼迪蛋就食得多不過整既技術都唔易 sky726整得好好切落去 半凝固既蛋漿流出黎 配埋包三文魚真係好夾而香草雞胸意粉就有驚喜青醬唔係個個人都接受到餐廳就調配得宜 重有幾條黃椒青瓜加強口感 另外雞胸似係烤過 有墨西哥既感覺絕對係我今次既推介

約左朋友去街撞正萬聖節，上網見到呢間餐廳既環境唔錯，仲可以見到鬧市既夜景，一於book黎試試佢。可惜我地坐唔到window seat, 不過入面d裝飾都幾可愛，增添唔少萬聖節氣氛。appetizer呢個crab cake, 入面食到好多蟹肉好足料，而且分量都唔少，好食！再叫左個慢煮豬肋骨，肉質畸嫌乾身左d，但個sauce係唔錯，薯角都so脆dessert叫左呢個檸檬蛋白脆炸彈。Staff好好，等我地食完main course 換埋碟先上，仲會介紹一下個甜品同食法tim! 呢個dessert真係好正，酸甜度配合得好好！好fresh又唔漏，食飽再食佢都唔怕因為朋友唔飲酒，所以只叫左一杯cocktail, passion fruit mojito，都幾大杯，有少少酒味,容易入口。好岩女仔飲！

今晚約左男朋友食飯，今次好有心思，約左我黎呢間餐廳食飯好有氣氛好浪漫呢橦大廈好多野食，之前都試過第二間，不過就唔知原來有間咁好氣氛嘅西餐其實我唔係好鍾意食生蠔，所以我哋冇叫到，反而我哋叫左好多熟食先來個頭盤，煙三文魚沙律，煙三文魚嘅份量多到食唔晒，味道好新鮮，另外加埋青瓜，好Fresh嘅感覺，開胃嘅一個前菜。我最鍾意食薯條，簡直係個薯條控，食遍天下間既薯條墨西哥芝士薯條真係第一次食，上面有好多配菜，蕃茄粒、牛肉粒等等，配埋薯條一齊食好惹味。小妹都係我鍾意食熱氣野，叫左份脆炸魷魚圈，我炸粉好薄，啲魷魚好淋，配埋他他醬食好味黑松露野菌意大利飯，好香濃，呢個飯真係有好大嘅驚喜，佢嘅汁好香濃，每一啖都食到野菌味，啲汁包圍着每一粒飯，我覺得佢係先用蘑菇整咗個湯，再用蘑菇湯頭拎嚟煮飯，先至會有咁香濃嘅味，另外啲菇嘅份量都好多，呢個真係抵食。另外真係要讚賞一下侍應，服務態度真係好好，佢哋會幫手換碟，同埋好好禮貌，抵讚

食西餐除咗食味道之外，仲要食埋個環境，今次嚟呢間餐廳，環境真係一流，另外佢哋嘅服務態度嘅水準真係唔錯。呢間餐廳都幾多人食，可能貪佢氣氛好好另外佢哋個生蠔package都幾抵食，另外加多杯白酒都係$78另外佢哋有啲set dinner，總共有三款選擇，但基於，想食多啲唔同款式嘅嘢，所以我哋冇叫到。氣氛簡直一流。先叫咗個煙三文魚沙律，煙三文魚嘅份量真係好多，比起出邊嘅食肆足足多一倍，沙律菜配青瓜、蕃茄，加埋沙律醋，真係好開胃。墨西哥芝士薯條，佢有分素食同埋肉食，今次叫咗肉食薯條，佢嘅份量都幾多，配上沙律醬、蕃茄、牛肉碎，比較似墨西哥薯片，因為落咗沙律醬，都會醒胃。慢煮16小時辣豬肋骨，口感一流，先講個汁，雖然辣但係真係好濃味，辣辣地食落口唔開胃，雖然我哋已經食到飽飽地，但係都好想繼續食，佢嘅肉嘅質地真係好淋，一切就撕開，加上焗薯角，正。最後叫咗個脆炸魷魚圈陪他他汁，魷魚圈啲肉好彈牙，但又唔會癡牙，新鮮熱辣上菜好好食，配埋他他汁，真係一流。

結婚週年紀念，上網見到啲食評環境都唔錯，加上見到做緊優惠，於是就卜左黃昏時間黎試下。上到去雖然唔算地方大 但環境氣氛都幾好 可以見到日落叫左幾樣食物都好食 最有驚喜既竟然係薯條薯角 熱辣辣外脆內軟好正；藍青口都好食，份量好夠；豬仔骨好淋 一啲都唔會韌。埋單有折 價錢ok,今餐令人滿意另外見好多人話會催埋單，佢喺我地枱夠鐘前40定30分鐘last order，不過可能我地岩岩喺佢地交枱時間前已經食得七七八八，而且時間尚早未有好多客人到，所以冇被催，最後岩岩好夠鐘走人

為咗慶祝朋友升職我哋嚟咗呢一間喺旺角西餐廳餐廳位於大廈頂層，可欣賞到旺角鬧市夜景生蠔配白酒生蠔配白酒呢個perfect Match當然唔少得！生蠔係來自澳洲同愛爾蘭，兩款都好鮮味，而澳洲嗰款感覺更濃味少少，配上智利嘅白酒，口感同味道都唔錯！焦糖低温鵝肝鵝肝表面被裹上一層焦糖，外表燒得脆脆，外脆内軟既口感。甜甜既焦糖表面連埋入口即溶既鵝肝，味道好融洽虎蝦意大利飯伴龍蝦牛油汁虎蝦啖啖肉，完全吸收曬龍蝦牛油汁既精華，好入味。餐廳方面亦好貼心，意大利飯可揀淋啲或硬啲，我地就揀左淋啲，口感唔錯，調味亦適中。主菜烤羊架Main dish 我地叫左個羊架 羊架份量可叫4件或6件，適合唔同食量既人士，幾貼心。事關我地已嗌左好多野食，所以就要左4件。羊架烤得好淋，生熟度適中，而且調味亦都好唔錯，唔會得個咸字，有羊香味，讚！

呢日黎到sky 726~ 因為係10月既關係~餐廳都裝滿左萬聖節既裝飾, 連野食都有halloween set ! haha! 真係好有HALLOWEEN 既氣氛! 我地叫左一個HALLOWEEN SET, 一個沙律同埋再加多左一個甜品~! 哈,仲想減下肥, 冇計啦甜品係第2個胃! HALLOWEEN SET 我地就揀左要熟成牛, 呢個SET仲配左小食, 湯, 甜品同野飲, 夠哂豐富! 湯係蟹肉南瓜湯, 勁香濃,勁CREAMY! 正! 個面仲鋪滿左蟹肉! 熟成牛就跟有薯蓉同埋露荀! 薯蓉勁CREAMY! 熟成牛我地揀7成! 煮得岩岩好, 好香牛味,仲好嫩~ 超正! 跟餐甜品超有HALLOWEEN FEEL! 勁似一個腦加士多啤梨醬! 散叫既沙律我地就叫左香芒大蝦沙律! 超正! 菜新鮮都唔駛講, D 芒果汁甜甜地昇華哂成個沙律!份量仲要好多, 食極都仲有菜好健康! 最後係另外既甜品心太軟, 呢個邪惡代表既表表者真係好正! 中間流心做得好好, 仲配埋雪糕真係好夾!!!!!!!

今日朋友終於考完試所以就決定嚟食餐好嘅慶祝吓啦，我哋就嚟咗呢一間好多人來講嘅餐廳，雖然位於旺角但係景觀都唔錯㗎，入到你充滿着萬聖節嘅佈置，真係好有氣氛啦。咁樣我哋就叫咗雞胸香草意大利粉同埋一個黃牛漢堡薯條嘅中午餐，份量都幾大，我哋咁細食要慢慢食先食得晒，咁我哋就再加咗個跟餐有冇嘢飲同埋沙律，仲加咗一件甜品添😆 嗰個雞胸非常之大塊好好味，煎得啱啱好仲有啲中東香料嘅味道☺️朋友就鍾意食嗰個和牛漢堡嗰啲啦食新地嗰個薯條仲有黑松露米粉添真係好正啊😀😀跟餐有咖啡同埋湯，個湯係忌廉湯幾好飲仲加埋個餐包其實食完都有啲飽不過個餐包熱辣辣真係好好味😍最後就係甜品啦真係一個打卡嘅好時候因為映照出出邊嘅街景真係好靚呀