Sky726

今日黎慶祝朋友生日Book左2030 好彩我地準時入座 因為原來2045 last order餐廳座位唔多 所以要book位！Menu有分肉食同素食揀 幾貼心 有好多前菜，小食，主食揀。份menu都好大本下有lunch set/dinner set 包湯、前菜、主食、甜品🍮同飲品。但set入面得主食俾幾款你揀，其他都沒得揀。基於價錢散叫差得唔遠咁我地就散叫~~🔸焦糖低温浸鵝肝 $168賣相好好👍🏻但比較細份。鵝肝個面係焦糖口感甜甜地，幾創新特別，有d小爆谷同士多啤梨醬🔸安格斯肉眼扒 $358最期待嘅一碟果然沒令我失望，12oz好大舊建議2-4人share🔸意大利手卷意粉🍝 $188因為唔知咩黎所以試下，大推！好有辣肉腸味好好食🔸檸檬意大利軟芝士泡沫伴草莓雪芭 $98呢日沒乾𣲙，所以賣相爭翻啲。泡沬度唔係好食到芝士味，但我第一次食啲咁嘅嘢，幾特別吓最後賣單都$800尾，少貴，但食物質素出色，完全對得住呢個價

今日同朋友去咗旺角頂樓25樓嘅sky726😍 呢度有落地玻璃，環境都唔錯，好多人都座咗喺落地玻璃位！ 海鮮雜錦意大利粉 $178 🍝海鮮意粉好有驚喜！ 因為海鮮嘅份量非常多，而且新鮮！ 有五隻大蝦， 青口，魷魚，帶子！ 番茄味剛剛好有好多菇🍄，沒有香草味！ 味道不會過濃，酸酸甜甜好開胃！ 而且意粉唔會太淋或者太硬, 烹調時間都啱啱好！朋友一直都稱讚這個意大利粉好好食！ 😋😍Sky delight $118 🧇Waffle (三件), 雪糕，朱古力醬，果仁🍫Waffle有四件，都很脆口， 賣相唔錯！ 我同朋友每人兩件，食埋甜品就啱啱好飽！有好多果仁，朱古力醬令waffle裝飾得靚靚， 雪糕唔會有太重牛奶味！ 👍🏻 員工好friendly，都有主動介紹餐牌上嘅食物！ 我見到佢哋嘅甜品賣相都好特別，下次一於要再食！

好多comment呢間餐廳都幾好，而且好似又好靚咁，所以我同朋友決定嚟呢度食brunch! 餐廳唔難搵, 喺大廈嘅最高層，而且都幾近旺角地鐵站！ 炸雞窩夫三文治$148 🥪沙律，蕃茄，生菜，黑松露醬我放三文治好特別而且賣相吸引， waffle好脆口而且甜甜地， 炸雞非常juicy香脆可口， 估唔到鹹鹹甜甜，同炸雞配搭！ 配黑松露醬所以非常香口😍😍😍唔會太過油膩，值得再食！  薯條已有調味， 非常鬆脆份量適中！😋 Sky delight $118 🥰Waffle仲暖, 令雪糕慢慢係Waffle面融， 雪糕唔會太甜，味道剛剛好👍🏻 有好多杏仁片係面， 好香嘅朱古力醬亦都增加咗甜味，亦都靚賣相更加吸引！ 😍 餐廳員工非常友善， 還時常主動添水， 上菜都幾快！

想同朋友喺旺角行完街可以坐得舒舒服服嘅地方食嘢，一早book定呢間西餐廳。餐廳唔係好大間，但係都坐得好舒服，而且景觀都幾開揚唔會有強烈嘅壓迫感，可以望到彌敦道嘅夜景。食物有好多選擇，最驚喜嘅係餐牌有接近一半係for素食者，好少見西餐廳無論主菜定配菜都會有咁多素食嘅選擇。頭盤我哋要咗半打蠔，鮮甜多汁。主菜要咗個羊架同埋意大利手卷意粉。我覺得個羊架煎得好香，不過如果可以再生少少就Perfect，伴碟嘅蘆筍好嫩好爽脆，一啲渣都冇。個意粉加埋啲菇、辣肉腸同芝士好夾，味道十分香濃，而且個意粉好煙韌，口感十分之好。甜品要咗個火焰朱古力球，可以睇佢倒啲火落個朱古力度溶化，朱古力球入面係雲呢拿雪糕加brownie，brownie吸收咗濃濃嘅rum酒味，加埋一齊食味道不錯。嘢飲方面要咗一杯cocktail: kaffir and lemongrass 味道好清新。另一杯係mocktail: paradise punch 好香熱情果味，而且甜度啱啱好。總括來講，價錢中等，食物質素都唔錯，回頭指數係中高，有機會再返黎食。

晚上要喺旺角揀個可以 book 位又冇限時嘅餐廳唔容易，揀左呢間sky726睇落comment都幾好，又可以飲cocktail同姊妹談心 ❤️值得一提嘅係，呢間餐廳嘅menu前半部係正常，後半部係全素食，無論前菜，湯，主菜，甜品，都有多個選擇，非常跟得貼潮流。通常唔係專門食素嘅餐廳係唔會有咁多選擇，而且只會喺素食嘅菜式旁邊整棵菜嘅公仔標示，唔會有個full menu, 所以呢度絕對係素食者friendly。半打生蠔，好耐冇食，鮮甜！正！羊架好香好嫩。有得揀四件或六件。手工意粉幾好食，有菇菌，辣肉腸同芝士片，幾鍾意佢個調味剛好，有芝士但唔漏。Kaffir and lemongrass cocktail 我幾鍾意呢杯cocktail,酒味唔會太重，香茉好清新。見每枱好似都有個小蠟燭。要左份chocolate fireball甜品, 有得玩有得食。侍應會即刻淋冧酒上去再點火，大概十零秒個火就熄同埋個朱古力脆皮會溶，露出脆皮裡面嘅brownie同雪糕。略嫌冧酒太多，搞到個brownie有啲被酒蓋住左味道。成餐飯價錢唔算話好抵，但食物質素頗高，加埋個地理位置方便，樓層夠高街景幾靚，都覺得值得再嚟。

為左同朋友慶祝生日 特登揀間有氣氛嘅餐廳一早係open rice 訂咗枱 餐廳職員好好 當日會打電話比我confirm booking 仲預留左窗口位俾我不過要早啲book位先可以安排到仲可以有open rice折扣個場嘅氣氛好好 值得推介今次去係同朋友慶祝生日Order左個甜品都會幫我加生日字今餐推介～前菜：田螺 生蠔&白酒主菜: 黑毛豬鞍甜品：朱古力火焰球

呢度絕對係旺角鬧市中的拍拖勝地，風景不但俯瞰整個旺角夜景，而且浪漫氣氛直添加味道絕對適合情侶拍拖😆📸👩‍❤️‍👨👫吧枱在餐廳正中央餐牌屬於高級餐廳價錢，當然亦有單點店員推介慢煮系列餐包上台時是微暖的，麥味十分香🥐焦糖低溫浸鵝肝第一次嘗試甜味的鵝肝，焦糖博博地一片佈滿在鵝肝的表面，表面脆口，底部加了炮谷增加口感，鵝肝微煎，帶少少焦香，十分肥美，附近的士多啤梨🍓酸甜能中和肥膩感😆燒慢煮16小時辣豬肋骨🌶不是太辣慢煮後，肉質十分冧，肉骨分離，非常入味，十分惹味，而且份量挺多，適合與朋友分享表面帶小少焦香旁邊有沙律伴隨，減低食濟🥗薯角炸至表面金黃色🍟 十分香脆可口，很飽肚，$2xx價錢性價比高

之前朋友推介過呢間餐廳，可以睇靚景，今日就決定來食lunch~搭lift一出門口就是餐廳，見到大大個招牌，可以先睇餐牌，侍應們亦很有禮貌~Set lunch選擇尚算多樣化，有海鮮類，亦有不少肉類可選，包沙律和餐湯，比較想食海鮮類的我今天就選擇了鱸魚🐟~餐廳內部裝修是酒吧風格，中間位置是調酒的區域~今次坐係側邊位置，可以望住城市靚景食飯~天氣好，望住陽光普照嘅景色胃口亦大開☺️是日餐湯為意大利菜湯，十分足料，有不少蔬菜，而且味道酸酸甜甜的，感覺十分開胃，配合剛剛烘烤過的麵包，沾上少少菜湯，味道十分夾~麵包外皮仍然能保持香脆，內裏則有鬆軟的質感，忍唔住想食多個😝至於沙律加入少量黑醋，味道亦是酸酸甜甜，黑醋分量剛剛好，不會搶了focus，感覺很refresh☺️香煎加州鱸魚配青紅椒忌廉汁~整體賣相不錯，外皮煎得香脆，內裏的魚肉質保持嫩滑，配上少量的忌廉汁，令味道昇華到另一層次，卻又不會蓋過了魚的鮮味~啖啖魚肉不帶骨，配合蘆筍和烤蕃茄等配菜別有一番風味，薯角亦是啱啱炸起，熱辣辣而且香脆，沾上少量番茄醬更是開胃🤤炎炎夏日中怎能少了一杯凍檸茶，糖漿按個人需要加入，冰涼而且酸酸甜甜的感覺為人帶來一點清爽

今日周年紀念梗係要搵返間靚小小嘅餐廳呢間空中嘅Sky Bar就啱晒裝飾天花板好多燈 就好似星空既感覺望住旺角夜景雖然冇中環同尖沙咀咁靚但係因為旺角既樓都偏矮 所以可以望到日落食物既價錢經過openrice既折扣後都幾合理我地叫左杯啤酒 無理由黎skybar唔飲野架呢款啤酒比較fruity 岩哂女朋友飲 好易入口前菜 叫左焦糖低溫煎鵝肝 超香～Yummy用焦糖同鵝肝真係好襯 甜甜地 薄荷汁羊架（6枝）配忌廉薯蓉幾推介呢味菜 羊架肉質好嫩 一切即開羊so味不太重 每人食3支骨都岩岩好仲有都好推介銀雪魚西京燒伴大根木魚湯又係甜甜地 可能因為白蘿蔔配木魚既湯熬到好甜 再加銀雪魚肉質都好嫩滑 侍應服務都幾好 建議早點book位要求窗邊景色 由6點半食到日落天黑呢個時間就最好

同朋友週末去旺角行街兼食飯，無意中見到有間位於鬧市嘅法式餐廳 sky726，就決定同朋友一齊去試下。果然係靚景餐廳嘅得主，雖然無尖沙咀海傍嘅高樓大冰廈，但如果坐係窗邊，你腳邊就係旺角繁忙街道嘅路人同埋香港特式嘅建築物，都不失為一種風味。室內中間係水吧區，坐位都尚算闊落。我地就嗌咗海鮮意大利飯同西冷牛扒，再加48蚊就可以升級做套餐，就包埋餐湯，沙律同飲品。待應嘅服務都唔錯，每次上菜時都會介紹下食品同埋都會適時幫你收走啲野方便食野。首先個前菜個幾清新，有袖子醋調味，但略酸。湯就係周打魚湯，附送嘅餐包比較出色，微溫同埋有好濃烈嘅香草味。主菜係西冷牛扒，配菜有粗薯條同露荀。粗薯條金香而且內裏軟熟，露荀無草清味而且吸收咗牛扒嘅油脂，令人食不停口。牛扒調味亦非常足，但我就食唔慣熟得太熟嘅牛朋友就叫咗個海鮮意大利飯，酸酸地幾開胃，份量都好大，我朋友係女仔就食唔晒了。最後我地叫埋杯餐飲完結一個幾人驚喜嘅brunch~

呢日放工黎到SKY726, 呢幢野都好多餐廳可以選擇, 今日就黎到呢間高質西餐, 一到入到黎就覺得勁有格調, 可以舒舒服服咁食番餐好既!真係由天光食到天黑~ 佢有dinner set可以揀, 我地就揀左散叫, 因為想食多D 唔同既野~我地叫左個墨西哥芝士薯條、肉眼、ribs、心太軟~ 墨西哥芝士薯條份量都好多, 上面鋪滿醬同埋肉醬,仲有蕃茄粒, 邪惡得黎又帶一點小清新! 好正, 食完一條接一條, 停唔到好 haha~ 肉眼我地叫左5成熟, 出黎個生熟程度岩岩好, 唔會太熟, 又唔會太鞋, 夠哂嫩滑, 配埋D 蘆筍食, 感覺好refresh~ D蘆筍仲要係BB蘆筍~ 夠哂green! 一D 都冇渣, 伴碟既薯蓉都勁creamy! Ribs都夠哂份量! 仲要配埋薯角, 薯角又係熱辣辣, 夠哂香口, RIBS 都好香BBQ 醬味, 骨肉超易分離, 好易食!!! 最後以心太軟作結! 非常滿足既一晚!

今次黎左25樓既Sky726, 一入黎就見到一大排落地玻璃，餐廳唔需要太強lighting,外面既自然光就好似一大幅city landscape 既畫，而餐廳不同角落都有walk art，都幾artistic. 相信呢度夜晚對住夜景又會係一翻氣氛。店員服務唔錯，好好禮貌，仲不時為客人加水今次我地啦每人加$48做set ，有餐包，餐湯，沙律，coffee/ tea第一點想讚既係餐包，好濃香草味，又鬆軟，上碟時仲烘到暖暖地餐湯係周打蜆湯，一𢳂起就見餐湯裡面有好多蜆肉同三色椒海鮮意大利飯 $178酸酸甜甜幾開胃，就咁睇都見有唔少海鮮同雜菌，青口，蝦，蜆肉等，都真係幾足料慢煮澳洲草飼西冷牛扒 $218店員無問到我地要幾成熟，還好慢煮令西冷牛扒肉質仲算幾嫩（再生啲會更好），但同醬汁幾match，薯角好香脆，仲有唔少蘆筍

今次黎到旺角呢間叫sky726既西餐，位於彌敦道726號，個名真係夾曬好易記，仲要係726既頂樓，景觀真係無得頂，全個窗都係落地大玻璃，仲有香港最出名既skyline直望出全個九龍既樓景，燈光好靚。叫左個12oz既肉眼steak，5成熟，好大件勁足料，料味簡簡單單用左黑椒同鹽，切開後見到熟度都岩岩好5成，師傅手勢幾好，件牛就有少量肥脂，但都可以接受，唔食既切走佢都無問題。另一個main就叫左豬肋骨，肉質都算幾彈牙，醃既醬汁夠多，但又唔會好咸，食落幾惹味，d肉一拎起就離骨，夠曬香口，仲有唔少薯菜伴碟。甜品有心太軟，好有朱古力味，同埋d朱古力夠曬溶，外皮又焗得夠曬脆，整體唔算好味，調味岩岩好。華麗樓景，裝修浪漫，仲有高級既西餐，值得一試！

眺望住旺角既日落景黎食野都係第一次餐廳取名sky726 kitchen & bar原來係旺角都可以居高臨下 入夜之後仲有feel同埋佢個廚房係開放式既 一眼望到入去所以衛生情況有保證我地叫左個前菜 焦糖低溫煎鵝肝 主菜叫左羊架伴薄荷汁 6 Chops 同埋 銀雪魚西京燒伴大根木魚湯鵝肝面頭果層焦糖好脆好香口👍煎香左既鵝肝入口即溶 再配上士多啤梨🍓好幸福羊架好香 好冧 幾重羊味 薄荷醬同佢好襯忌廉薯蓉好軟滑creamy 蘆筍幾爽脆西京燒幾值得讚 個湯底甜甜地 條魚索哂d湯味 好鮮甜 同木魚湯好夾同埋個魚肉好滑份量都好夠 有兩大舊可以一人share一舊木魚滑頭好甜 白蘿蔔索哂d湯好好食openrice仲要有折 都唔錯同男女朋友黎飲杯酒 食生蠔 食下西餐都幾浪漫💕

經過上次嘅法國菜後，就對fine dine好有興趣，就搵左依間係旺角鬧市嘅靚景餐廳。環境佈置有格調，如果坐係窗邊就可以欣賞旺角嘅夜景。今次點左香煎帶子寬條麵伴煙紅椒汁，平時食寬條麵多數都係蕃茄汁或者忌廉汁，今次係第一次試煙紅椒汁，本身幾驚佢會好辣，但食落一D辣味都冇，但食落有淡淡嘅胡椒味。佢整體黎講幾好味，因為寬條麵食落有少少彈牙，冇煮到好淋，而帶子食落幾鮮甜。虎蝦意大利飯伴龍蝦牛油汁真心唔錯，首先龍蝦牛油汁同個飯非常夾，龍蝦味非常濃，牛油令到個飯更加香，佢仲加左芝士，令到成個飯更加好味。意大利飯入口好creamy，吸曬龍蝦汁，而虎蝦就幾彈牙，蝦味都濃。