Sky726

到咗週末梗係要同屋企人食餐好 估唔到喺旺角鬧市入邊都可以搵到一個值得望靚景 🌁影靚相📸 食好嘢🥂嘅地方啦嘢食方面首先我哋揀咗 1. 香煎是日魚柳 （$178）首先個魚柳嘅外皮煎得好香脆 😎食落個魚柳都好厚身 😘非常之新鮮 而且兩塊魚柳下面仲有啲藜麥喺度 非常健康又好味😋 👍配料方面仲有啲青瓜🥒同埋蕃茄仔 🍅都幾豐富㗎2. 手打和牛漢堡 （$168）🍔我幾鍾意呢個漢堡 首先個包係非常之脆口嘅 😛廚師用咗牛油塗咗個包之後再攞去焗 所以非常之鬆化 而且個手打和牛好Juicy 好鬆軟 仲要勁厚肉 簡直水準高味道好🥰3. 燒雞胸肉羅勒醬意大利粉 （$178）呢個意大利粉簡直係健康人士首選 且味道唔錯 首先啲雞胸肉都幾入味 易入口 而且仲有好多嘅青瓜條加埋意粉一齊食 令整體口感非常豐富 味道都幾清新唔會好寡 ！ 食完都覺得自己健康咗啊🤣😙4. 是日甜品 （+$30）🍫今日嘅甜品係朱古力蛋糕🎂 多層嘅黑朱古力再加埋多層brownie 蛋糕 仲有啲朱古力脆脆喺蛋糕上面 是朱古力愛好者既天堂 加埋啲士多啤梨🍓同埋藍莓🫐 令我哋食到樂而忘返重點仲要推介呢一度嘅環境 坐近窗邊仲可以由高處望到旺角一帶嘅風景

母親節前一個禮拜Book左6個人晏就既窗邊位，上星期約個時仲要分兩枱，點知放寬左可以一齊坐啦，屋企人坐個時已經大讚背後個景好靚食物方面都好唔錯！呢個墨西哥薯條第一啖覺得唔慣，但食食下裏面有啲肉碎混埋一齊，不知不覺KO左呢碟野 推介指數：4.5/5屋企有兩個人都叫左份魚柳，佢地都話幾好食，個皮好脆同埋冇骨，推介指數：4/5 野菌意大利飯，畢左啖黎食，食落都唔錯！推介指數：4/5和牛漢堡有埋薯條配搭，份量都幾大。推介指數：3.8/5我就叫左半隻燒春雞，配搭薯角，隻雞個皮好好食！因為佢有放調味料再加上整得都好脆，好入味！推介指數：4/5我地都叫左份蜜糖雞翼小食，一份大約有6，7件岩岩好每人都食到，食落有小小似韓式醬汁既雞，推介指數：4.2/5飲品方面我地叫左三杯飲料，一杯係凍咖啡，另外兩杯係特飲黎，係另外一個飲品餐牌搵到，個名我唔記得了，但呢三杯都幾靚同幾好飲架。推介指數：3.8/5 最後叫左三個甜品，特別係火焰朱古力岩打卡之如都好好食，食落偏苦有酒味，當然如果唔鐘意偏苦既人可能會感覺麻麻地，推介指數：3.8/5最後埋單都有七折，成餐都食得好開心

長假期最後一日，當然要好好把握同朋友好好吃一頓，今日個環境令人覺得好舒服。好放鬆。我專登訂了5:30入座， 因為可以慢慢觀賞日落，一邊食，一邊睇住繁華既彌敦道由日景變成夜景。 其實餐廳環境好寫意，除了外面一面無際，裡面都相當有格調。難怪餐廳滿座，睇黎都有好多捧場客。墨西哥芝士薯條平日既黑松露薯條或茄汁總有點悶墨西哥芝士薯條就較有新意。肉粒，酸忌廉，蕃茄等，好味道既配搭。與知己食住等日落。黑松露野菌意大利飯意大利飯好多餐廳都有，但賽係做得好食既就吾多。又要做到個汁creamy ，每一個飯粒都食得多個個汁既香味。今日都真係有驚喜，個汁好好味，加上野菌，即使係素食，都瑋樣好好味，飯既硬度亦掌握得好好，食到意大利飯既精髓。意大利手卷意粉伴野菌辣肉腸及巴馬芝士本身這款麵有素食版本，就係走辣肉腸。但辣肉腸既咸香及辣味確實為pasta 帶來吾少香味。加上野菌仲有芝士，完全冇得輸。佢個口味吾會太濃，調味剛剛好。

香蒜鴨肉紅菜頭扁意粉 $188這碟意粉用了天然染料紅菜頭煮成紅色真的很特別,顏色鮮艷,賣相好靚.其實紅菜頭本身沒什麼味道,只有微微的甜味,口感有點軟滑,配搭上蒜蓉和鴨肉的意粉口感反而變得有層次了~慢煮黑毛豬鞍扒配意大利黑醋汁及牛肝菌醬 $358這個豬鞍很有驚喜,可能因為用慢煮的方式烹調,豬鞍的口感很嫩滑,但又不失口感~配搭的黑醋汁酸甜適中,很解膩.黑松露野菌意大利飯 $198意大利飯可以說是呀Ju的至爰,超多的雜菌及芝士口感很豐富,每一粒飯吸滿了醬汁但口感仍然煙韌,又香又濃.火焰朱古力球 $88店員會在客人面前倒Rum酒和點火,很有看頭,超適合打卡<3 但朱古力味和酒味一點火的味道有點沖,如果平時不太喝酒的小伙伴可能會不太喜歡>w<檸檬蛋白脆炸彈 $98蜂巢造型滿分,會提供一個木做的錘仔敲開蛋白外層,打開之後內層是蛋白慕絲和雪芭?配搭檸檬醬,吃下去酸酸甜甜.

母親節諗住同媽媽中午食間靚靚地既西餐慶祝下，見OpenRice 既評價都幾好就諗住試下，但去完真係唔明點解咁多好評，呢個價錢同餐廳既水準真係唔係正比。首先，個景係城景，可能係朝早唔太靚，望落去啲樓都係舊樓。個位係卡位都算幾舒服既。其次，啲嘢食都尚可，意粉幾大碟都好juicy好食嘅。但牛可能係慢煮好韌，感覺塊牛好老咁，仲要唔係平傢。相較個慢煮雞髀就好好多，雞髀外脆內軟，大大隻係幾好食既檸檬蛋白既甜品就好難食食落去好好好甜又好酸…其實啲嘢食都還好，係服務態度好差，我都唔明點解一間中價位既西餐可以咁差？上菜速度唔算快，但可接受。不過食完意粉成隻碟都係汁都冇人換碟，啲staff個個好似發緊夢咁… 之後抹佐手既濕紙巾叫人黎收一下，準備食甜品，個staff好唔情願咁，拎個托盤過嚟叫我自己汁上去，我真係黑人問號個陣冇出聲，廢事慶祝咁唔開心。我都唔明點解可以咁既服務態度？

在旺角繁華的鬧市之中，人來人往，熙熙攘攘，在人口密度極高的市中心，車水馬龍，有一座商業大廈，入面有好多餐廳，其中最受歡迎就係這間位處頂層的室内餐廳。位處最頂樓嘅緣故，窗邊的座位可以俯瞰市區道路嘅景色、配上室內嘅昏暗燈光，營造浪漫嘅氣氛，適合情侶燭光晚餐、或者同好朋友/閩蜜一齊傾計食飯，裝潢以黑色格調為主，加上落地玻璃設計，環境十分舒適。中間有吧枱、適合收工想放鬆休息的客人。魚手指作為餐前小食，好適合要杯飲品再配搭黎食，香脆開胃。扒雜茶配四川辣椒蕃茄醬意大利粉依個意粉有濃厚嘅蕃茄味，但有配搭一點辣味，識落好開胃，加埋雜菜例如翠玉瓜、野菌等，唔錯！燒慢煮16小時辣豬肋骨慢煮是這間餐廳的招牌菜， 入口的肉質鮮嫩，值得一試。香煎美國頂級安格斯西冷扒牛扒唔會煮到太老，蘆筍同薯蓉跟牛扒十分配搭。

有次朋友來香港，網上搵咗呢間餐廳同佢食飯，雖然已經訂咗枱，但係去到滿場，都要等5個字先入到位，呢度夜晚黑好靚，有夜景睇好幾浪漫，好適合約會，略嫌座位有啲密，同隔籬枱好近，都幾嘈下！食物質素好一般，可能太忙，食物方面唔好抱太大期望！頭盤好細塊，一啖食完，味道普通！沙律沒什麼特別，正常味道！可能太忙，牛扒煮到好柴！特飲幾好飲！如果同情侶過嚟係幾好，因為好浪漫，夜景都好靚，可以揀窗邊楚，不過略嫌粗咗少少，食物要求唔好太高，飲吓嘢傾吓計係唔錯！

浪漫法國餐廳位於彌頓道726號，所以餐廳名叫Sky726 ，在大廈高層25 樓，俯瞰旺角鬧市景色。我們6點幾去到，正是日落之時，看見太陽在遠處高樓頂漸漸落下，黃昏的雲霞點綴著參差不齊的高樓，另一種秀色可餐。😍在法國餐廳當然要揀經典法國菜，點了橙酒鴨腿和虎蝦意大利飯，細心的員工提點鴨腿要慢煮，需時較長，我們覺得只要煮得好，等下無問題。一邊欣賞窗外日落景色，另一邊可以看到開放式廚房，廚師在裡面認真制作。虎蝦意大利飯先上，三隻大虎蝦加上龍蝦汁意大利飯，色香味俱全，虎蝦新鮮肉爽，配上濃香的龍蝦汁飯，吃得齒頰留香。經過40分鐘認真制作，慢煮鴨腿上桌，一陣驚喜，一隻大鴨腿加一塊鴨胸肉，裝點在彩色配菜的大碟中，賣相已滿分。鴨肉鮮嫩多汁，配以橙酒醬，將鴨肉的味道發揮致極👍。這一餐，浪漫加美滿。😍🥰

疫情有緩和嘅跡象，就可以出返嚟周圍食。好耐冇食過西餐有冇得周圍去，就去咗旺角附近行吓，食咗一間裝修唔錯嘅西式餐廳。地點方便，成幢大廈都係林林嘅餐廳。間餐廳位於棟大廈嘅最頂層，景觀非常開陽。除咗勁靚嘢食都好正。我哋食咗一個香煎慢煮黄油難伴暖波菜沙律。個黃油雞係慢煮嘅，所以入口非常嫩滑。黃油雞的雞肉控制得恰到好處，唔會太肥膩。有少少黃油又可以帶出成隻雞嘅香味。仲要配埋個沙律，食完肉之後配返沙律，就非常之配合。好少食菠菜沙律，呢個菠菜沙律食落非常清新，本身唔係太鍾意食菠菜，都忍唔住食多幾啖。甜品就食咗個火焰朱古力球。呢個甜品真係啱晒打卡。個朱古力外皮有少少酒精，點你個上嚟就可以慢慢燒慢慢俾你打卡。成件事好有心思。佢重點係，味道方面都控制得好好。唔會太甜，朱古力味又好濃。非常滿足。

假日想食個Brunch 又唔想食cafe ,甘岩見行到呢個726 building 見到呢間comment 唔錯 walk in上到來都7-8 成滿服務唔錯！侍應都好nice 介紹下有咩推介，見到啲食物都幾吸引～叫左個小食+主菜+（本來想add左窩夫🧇，後來話賣哂試唔到tim ~)香蒜蜜糖雞翼 $98呢個雞翼好似K仔/M仔果啲雞鎚～好大份有6 隻，中間仲有個檸檬，如果想多啲口感，滴啲檸檬汁，口感脆口但甜而不漏，大家都食唔停口慢煮黑毛豬鞍扒$218呢個慢煮豬仲好有口感，唔會淋pat pat，有啲磨菇同好似鵝肝醬墊盤，大大塊食完都7 成飽，有啲番石榴杍擺盤⋯涷cappuccino 大大杯跟set $加15 好抵！影左好多港女相～環境景觀好優美舒服！

尖沙咀銅鑼灣高層天空餐廳都成日去😂 旺角SKY 726 第一次聽，旺角726 building 都好多餐廳 去最高層的SKY726 食lunch 紅日沒有set lunch，有Brunch 香蒜蜜糖雞翼$98好surprise 😍 以為係果啲普通cafe的雞翼仔，原來係6 隻大大隻的雞槌仔 個皮好脆唔會好多炸粉，蒜味唔算太濃（唔會食到好口臭蒜味🤣）蜜糖味剛剛好，如果怕太膩可以加少少檸檬汁，呢個炸完拎出來溫度好好，亦唔會太熱氣😋 高度讚賞！可以+$48 叫個set (餐包+沙律+飲品）叫左杯熱Mocha +$15 餐包外脆內軟+牛油🧈，沙律好大兜加啲醋汁，好清新，食完食雞翼減低罪疚感☺️ 蘆筍湯好勁蘆筍味😂😂😂鍾意的朋友仔應該好岩飲！熱Mocha 都大大杯，好岩同朋友仔來食個Tea 嘆杯咖啡，高空的環境+落完雨藍天有種好療癒的感覺🥹 好開心的連續3日假♥️♥️♥️

自己一個人食午餐食乜嘢好？我今日就去咗旺角嘅餐廳，叫咗一個意粉同一個甜品，個意粉好正，但我想話個甜品仲正！呢間餐廳嘅廚房係開放式廚房，裝修比我嘅感覺都幾高級。見到入面有三四個廚師，我頓時又覺得疫情嚴重但都冇影響到佢哋請員工，良心企業！白酒香蒜蜆肉扁意粉佢嘅香蒜頭好多，但同時又唔會搶咗蜆肉嘅鮮味。一開始以為蜆肉只係得好少，但原來食食吓發現份量都好多，白酒味唔會太搶，配合得啱啱好。火焰朱古力球雖然依個甜品要價值$88 ，但係我覺得一生人一次點都要食下依個咁打卡食嘅甜品，佢真係好有少女感，望住佢被火燒嘅時候真係覺得去咗高級餐廳食高級甜品，佢入面有少少酒， 為我的午餐填上完美的句號。 如果大家都係自己一個人食午餐又唔知去邊度食，又想望吓景觀，就可以來依間食！

慶祝生日當然要搵一間有情調的西餐廳☺️係旺角間Sky726有好多人比好評，環境浪漫之如坐得又舒服。天空的顏色好靚😍剛好是日落的時候到達餐廳，又剛好坐靠近窗邊的位置，可以邊欣賞美景邊享受食晚飯😋😋餐廳中間的位置有調酒吧。香煎美國頂級安格斯西冷扒 $338西冷扒點了5成熟，大大塊扒，筋位不多，有薯蓉、蘆筍和蕃茄仔作裝飾。燒慢煮16小時辣豬肋骨 $258擺得靚靚，岩晒打卡影相📸️切開後有4條豬肋骨，肉質嫩滑，醬汁又不會太辣。炸薯角炸得很脆口。脆炸魚手指件他他汁 $85即叫即炸，炸魚柳炸得香口，不油膩，以小豆苗作配襯中和油膩感，整個視覺上顏色配搭很好。最欣賞的是為客人準備了壓檸檬專用器材，不用弄污雙手。扒雜茶配四川辣椒蕃茄醬意大利粉 $138很特別的配搭，中西合璧的味道。醬汁是四川辣椒椒蕃茄醬，帶少少微辣，配搭不同香料，更加惹味。餐牌如下。

Sky726 鄰近旺角站，地點方便；處於25樓的高度配合落地大玻璃窗視野廣闊，來到嘅時候啱啱好黃昏可以睇到夕陽🌇，入夜時天花的燈好似星星一樣，玻璃亦倒照出另一面的星空🌃；環境舒適，蠟燭營造出燭光晚餐的氣氛🕯️法式薯角：外皮炸得好香脆，熱辣辣到燙口，份量都幾多🦐珍寶虎蝦意大利飯伴龍蝦牛油汁虎蝦有三隻，都幾大隻，肉質新鮮，爽口彈牙，加咗牛油汁同香草煎香提升鮮味；意大利飯軟硬適中，煮得恰到好處，加咗龍蝦湯煮味道濃郁。香草燒春雞（半隻）燒春雞外皮焗得好香脆，加咗香茅同椒鹽去焗十分惹味，好似孜然雞翼咁，內裏肉質比較結實。整體來講，食物質素不錯；店員服務態度殷勤有禮；環境舒適，係二人世界或慶祝特別日子唔錯嘅選擇。

今天小編跟家人來到位於旺角彌敦道726號25樓的Sky726由於餐廳位於大廈高層，所以可以飽覽彌敦道夜景Fish finger $85魚柳外層用麵包糠製成的炸漿令外層酥香魚肉鮮嫩多汁Calamari Frittes $118魷魚圈香脆可口配合沙律醬進食，大大減低油膩感Spare Ribs $258醬燒豬肋骨以燒烤醬醃得十分惹味，烤得軟腍小編連骨頭也不放過，吮得一滴醬也不剩，令人回味無窮Truffle Risotto $198香濃黑松露氣味隨著熱烘烘creamy的飯粒，飯粒濕潤又有咬口，實在色香味俱全總括而言，餐廳環境舒適，食物質素精緻優良小編表示會再次光臨