Simplylife Bakery Cafe

营业中

休息中

不經不覺 simplylife 多了很多分店，但水準好像不太維持得到，現在也鮮有人龍了。burger 比以前縮水，味道倒也還好。薯條不夠脆口。魚煮得老了，魚肉不是好滑。

係食Afternoon tea嘅, 但15:00先開始。我地就揀左2個homemade cake tea set.1. 熱情芒果(3/5)係千層蛋糕feel, 好多開心果喺入面, 所以都幾夾幾好食!不過就略嫌太快溶同好難拮散, 食得有d狼狽😂2. 榛子朱古力(4.5/5)推介!!好香朱古力味!仲有好多榛子喺面頭!本身唔太食nuts類都覺得好食🤤值得一試!飲品就揀左homemade iced tea, 係真係好homemade feel!佢係用西柚再加紅茶!飲得出冇加糖水!!好抵讚啊👍👍係就係淡左d, 不過個人好中意天然無添加😂最後買左2個丹麥酥翻屋企, 好抵食! ($16/each)整得好靚, 所以覺得$16係超值! 個人介紹藍莓味!!好多blueberries之餘,食到一半, 發現原來blueberries同個酥中間有層cheese!!!好surprise!又好夾!!!絕對推介☺️☺️

這裏已經不再像以前盛極一時般排長龍🚶🏽🚶🏻‍♀️🚶🏽🚶🏽🚶🏽🚶🏻‍♀️🚶🏻‍♀️，晚餐時間無需等候立即入場。今天放棄了沙律，選擇了餐湯🍵。檸檬🍋什麼什麼湯〰自己覺得不算好味，淡淡的檸檬味，勝在夠特別。茄味老虎蝦扭扭粉〰一上枱，扭扭粉的物主便說了一句：“咁細嘅Tiger prawn？”又真係太過分嘅，只是普通一隻白灼蝦的size，掛上老虎蝦🦐的稱號太大衝突。他的扭扭粉很實在，而且有小麥的味道，番茄味恰到好處，除了🦐掛🐑羊頭賣🐕狗肉外，這是叫人滿意的燒春雞〰上枱時又是一呆，隻雞像地震時被壓在瓦礫救出一樣，扁踢踢，有點可憐😅，吃起上來又出奇的美味。燒春雞很容易變乾柴，這裏並不是這樣，入味可口雞下有幾件蔬菜，樣樣都非常好味，薯仔很淋身，而且甜甜的，甘筍🥕有甘筍味、大菇🍄有大菇味由湯🍵至餐飲🍹，賣相均叫人稍失望，但味道則，是否應盡善盡美，諗諗食物賣相呢❗️而每個座位之間距離亦都太近了，很拘束。最後順便看看這些蛋糕，賣相非常吸引😋與朋友慶祝生日，非常好的選擇🎂

去左沙田分店買，e間系新開的，佢地既酥皮麪包一定極力推介依間，食過甘多次都覺得佢好好味，酥皮脆又吾乾爭爭，每啖都系一層一層，非常有層次及口感，有個係榛子味道的，非常好味，啖啖楱子蓉，正到爆

Simply life同朋友食依個忌廉帶子墨汁意粉，個人認為依個意粉係到此店必試，帶子新鮮，墨汁佈滿每一條意粉，忌廉汁多，完全表露帶子既鮮味。另外，我地仲叫左個牛油果鮮蝦pizza，份量十分多，但個人對牛油果沒有太大好感，但啲蝦非常新鮮，甜甜地。

星期日早上同家人在附近打完波後就去又一城搵食，去到simply life 好快就有位。坐出面環境闊落，望住溜冰場，都唔錯。三個人一人一個lunch set $138@，我地叫左兩個漢堡一個黑松露意粉餐。個餐跟湯或沙律加杯野飲，三杯都叫晒冰茶，好清新！跟餐嘅甘荀湯，甜甜地幾好飲，唔會太稀。家人叫左沙律，我見佢地都清晒。煙肉蛋車打芝士漢堡，呢個好正，好多芝士漏晒出黎，舊牛肉好厚身好有咬口，略嫌熟左少少唔夠多汁，份量好夠，薯條炸得鬆脆又唔油。呢個意粉質地好似handmade意粉嘅質地，咬落去係彈牙重蛋味。個黑松露汁中規中矩，如果再杰身少少會更好。三個人食左四百幾，唔算平，但環境服務都好，可以再幫襯！

其實邊一間 Simplylife 都係咁多人， 繁忙時間限時1.5小時 實在坐得唔舒服。 平時自己一個人食一個餐 , 都已經覺得張枱細，而家四個人share食物， 張枱真係太細啦 😑先嚟一個檸檬乳酪湯, 有 capers, chili, parsley... 有點地中海，土耳奇感覺， 酸酸的幾開胃， 朋友 飲咗一啖 已經投降， 將佢個湯畀埋我 😅😅蟹肉芝麻醬沙律， 沙律菜新鮮， 罐頭蟹肉 味道普通， 醬汁偏甜雞肉大燒菇漢堡， 因為小朋友想食薯條所以點這個餐。 薯條香脆， 個 burger bun 都好正常， 但係個雞肉漢堡就乾到柴 😂😂😂 自問不是浪費食物的人, 但這個真的吞唔落 😂飢point : 2/10#hungermarch #非飢詩 #飢詩

今晚同朋友約見面， 為左方便黎自五湖四海既大家，約左係中心點 九龍塘又一城聚舊。 朋友揀左係L2既simplelife. 貪可以坐耐d 我地3個人 叫左3款餐 再大家share. 加埋錢叫沙律。 青蘋果沙律好清新，餐包係粗纖法包 硬身d ,但我自己覺得ok. 之後main dish 有 西冷配薯菜， 冬蔭海鮮炒飯 同埋雞肉pizza. 比我揀會覺西冷最好味🤤🤤🤤個人偏心。 炒飯味好夠 但份量太細lum 我地3個人分到好少咋，可能一個人食就夠既。。。 😕 至於pizza 我覺好味既 ,cheese 味好濃。而且好夠食。 成間餐廳面對溜冰場，氣氛上同坐位都令人好舒服。 Open kitchen 又可睇下廚師叔叔既技藝！！ 抵得encore 呢👍👍

週日放假帶妹妹到又一城逛逛，目標十分清晰，妹妹一直夢寐以求的Simplylife。到達目標地人龍很長，等了大約一個小時才能拿到位子。妹妹做立馬拿餐牌看。妹妹點了一個Tea set: 炸魚薯條配沙律我點了一個Tea set: 漢堡包配薯條落完order 後， 先來一些前菜妹妹表示這南瓜湯十分足料，每一啖都是滿滿的南瓜蓉十分香濃。我的是沙律作前菜，沙律菜不過不失，但重口味的我還是拜託侍應給我拿點黑醋以及欖油，點包也好或是配沙律菜也好簡直是錦上添花。到了正餐，來一道炸魚薯條，其實賣相一般般，味道也不是絕好的。炸魚柳的炸皮太厚，其實魚柳只有一點點。薯條味道是夠的，但不是粗薯，所以有點失望。反而那旁邊的沙律例是給人驚喜，味道非常清新，沙拉菜亦很新鮮，配埋柚子，酸酸甜甜的非常開胃。我點的漢堡包，包外皮似有塗牛油再放在鐵板烤過，挺香；底層夾了非常足両的牛肉，牛肉味濃再加埋頂頂舖上了芝士，非常可口，最上層既荷包蛋，一吉穿個蛋黃，蛋汁就留晒出黎。值得一讚！美中不足的是中層夾住兩埋煙肉非常非常硬，硬到咬唔開。最後還是食剩了。凍飲方面，其實無咩特別，只係一杯砌左兩塊橙當檸檬甘篤既茶。其實最想食埋個cake,

ｓｉｍｐｌｙ　ｌｉｆｅ堂食就食得多，次次食完都會係出面買面包買蛋糕，樣樣都咁靚，真係好難揀得落手買邊款架，係門口仲可以望住ｄ師傅點整添，但我覺得可能ｄ員工都幾唔舒服日日咁多人望住佢地ｄ包真係款款都幾好味，唔會過甜，好鬆軟，焗一焗就更好味！

約朋友在又一城午謄，之後可順道逛街。但沒想到星期一，一點過後仍有很多人在等候。我取了票後，再附近逛逛，大約15分鐘回來仍要再等候多15分鐘才可入座。我們坐在室外，環境較靜，頗舒適。餐牌只有兩頁紙，一張是午餐；另一張是甜品。我們決定每人選一份午餐，然後 share 食。我們點了「松露忌廉雜菌手製闊條麵」及「哥達芝士大磨菇雞肉漢堡」，再加沙律及冰茶。沙律配麵包，蔬菜很清新、青瓜夠爽口，但麵包較硬。松露忌廉雜菌手製闊條麵，多汁不會太乾，醬汁又不會掩蓋松露的味道，闊條麵軟硬適中，非常好的配搭 哥達芝士大磨菇雞肉漢堡，磨菇、雞肉都很大塊，芝士醬滿瀉，啖啖肉，再配上薯條，很美味呀！可惜杯冰茶遲遲都未到，差不多食完才送到 -_-

同朋友相約於九龍塘tea time,simply life的確系一個不錯的選擇，環境旺中帶靜，可以傾到計☺️雖然餐牌選擇不多，但下午茶可以接受價錢不算太貴，可以接受每人$70左右朋友叫左個蛋糕set,而我叫左車打芝士煙肉牛肉漢堡set，呢個價位黎講，除左塊煙肉有d硬，成個包都可以接受唯一要改善的是，服務態度，我大約4:00入去，店員只系講左5:00last order tea set,無講過5:30要交枱，到5:30既時候竟然走黎話要清場交枱，如果系入坐時候同我講，我接受到，但5:30大家仲傾緊計既時候，講句甘既野，有d似催人走下次都系去反將軍澳分店，店員態度好好多

Simplylife嘅野食一向好有水準，成日經過都見到滿座，但係價錢就比較貴，所以識食一定係食下午茶😍下午茶60蚊左右就可以食到好高質嘅牛肉漢堡真係好抵🖒漢堡好大個絕對夠飽，漢堡扒好厚好juisy😍配埋煙肉同芝士，正呀❤佢嘅薯條亦都非常高質，我次次都食到冇得淨😂

今日相約左朋友係又一城行街行到差不多2點多就開始肚餓經過見到simplylife嘅下午茶餐都幾吸引就決定入去坐下食下下午茶點知原來下午茶三點先開始我哋就先攞飛 等左大約10分鐘到三點鐘侍應先開始帶位農夫包 配蘑菇。菠菜。芝士.芝士嘅份量好多 完全覆蓋左蘑菇同菠菜相信芝士迷一定會好鍾意我最欣賞嘅係佢嘅蘑菇蘑菇份量真係好多 而且疊得好高食落亦都好爽口 好香.不過整體來講比較油 食完成張紙都充滿油麵包嘅外皮亦有啲韌 中間部份吸左好多油如果整體來講冇咁油就好啦.下午茶仲配有薯條薯條整得好惹味 食落亦外脆內軟幾鍾意佢哋嘅薯條.喺又一城來講呢個價錢 食到咁嘅下午茶都算唔錯 而且環境都好好 啱晒同朋友坐低傾吓計食下野

食咗好多次simply life, 我都仍然會再想食。通常我都會揀平日食，因為無咁多人，唔洗等位!今日星期四六點半來到果然唔洗等，覺得好幸運🍀仲要今次有得坐入面，對住個溜冰場，張枱仲係太陽傘，感覺即刻好寫意😂三個人揀咗三樣食物，揀咗凱撒沙律配燒蝦，松露忌廉自家製闊條麵和雞肉芝士pizza 。又係一order 咗食物就會比麵包今日餐湯比較特別，係檸檬乳酪湯，酸酸地感覺幾得意，偶然係要試下新野👍🏻凱撒沙律配燒蝦，雖然凱撒沙律比較普通，不過無幾多間可以撈得咁均循，我覺得呢間凱撒沙律算係好好食，我黎親都食，今日仲要好大碟今日食物黎得好快上咗雞肉芝士pizza ，大到張枱唔夠放😂松露忌廉自家製闊條麵同以前一樣好香松露味同埋好多蘑菇跟住到好興奮時間，揀 甜 品，今日揀咗呢件share 食好香熱情果同芒果，酸酸地又唔會太甜有甜品為呢餐作句號 滿足的一餐👍🏻