Simplylife Bakery Cafe

营业中

休息中

晚上6:45pm來到，竟然不用等位，裏面人不多，還有很多空位子。這天order了三個dinner set主菜加$30就有湯和飲品)1. 蟹肉雜菜沙律 花生芝麻醬 ($138)這是我每次來一定會點的沙津~份量夠、蟹肉夠多，和花生醬好夾! 😋2. 安格斯肉眼扒 ($208)我們叫了7成熟，但肉質還是偏韌。最不高興的，是當牛扒的血水滲出來，旁邊的薯條完全沾上了...😣建議可以用另一隻碟上薯條!3. 慢煮紅酒肉碎闊條麵 ($118)食不到紅酒味，這麵味道跟一般的肉醬意粉差不多，只是闊條麵比較硬。我應該不會再叫了。總括而然，除了沙律比較好吃外，其他兩道主菜也不能討我歡心。不過，環境和服務為這裡添加不少分數~

上次係呢間舖頭吃蛋糕已經係上次友人生日今次又係同友人食，但有大工程要做，不如吃埋晚飯，輕輕鬆鬆完成佢由於今晚餐湯都係我倆不好的南瓜湯，只好不算combo我叫了肉醬自家製意粉，意粉韌性十足，食落有蛋香味，汁嘅酸甜度都適中，如果普通食量嘅人可能會覺得飽肚，但大食如我可能完成成個意粉都只有7成飽友人點了這個out fo burger,薯條份量多，包包都幾大，burger打得不錯飯後叫蛋糕，友人㨂咗芒果批，芒果味濃我就㨂咗肥仔朱古力野莓蛋糕甜味同酸味加埋都幾夾👍🏻

黎到又一城逛下名店, 又喺apple shop 玩下d 機, 又到左tea time 時間, 見到門口咁多人排又一齊排下啦😂2個sets, 一個要左湯一個要左沙律, 搽滿牛油既餐包真係好正🤤黑醋扭紋粉好新穎👍

幾年前食，覺得好好味，在我心中佔一席位，所以不久便要回味一下。但近呢一年，賣相味道都差了很多，失望到我要第一打食評。mushroom 太生，食pasta 有garlic ，麵包心凍，係凍。

係九龍塘附近返學，次次經過呢間餐廳都見到拉龍，雖則拉龍唔代表間野會好食既，但你知，總係會心郁郁想試下，結果個日約左兩個姐姐去食飯，佢地提起話想試，好啦，既然經過左咁多次都未幫襯過，咁今次就試下啦！通常同呢啲姐姐去食飯，去西式餐廳食個意粉加件蛋糕就真係實無死，間野係唔錯既，但就真係只限於唔錯囉，又唔係話特別好食，呢個價錢既話應該可以有其他選擇…唔駛食一間又要排隊、性價比又唔太高既餐廳。個意粉份量唔多，食完唔夠飽想即刻嗌多件蛋糕，但由於個意粉質素並唔太理想，所以決定留肚直接轉下場…個漢堡包就真係我所講既又貴又唔好食… 真係好貴 但唔好食 唔飽啊！

係又一城行街就被簡單又華麗既環境吸引左。拍拖黎呢度真係好浪漫。係又一城燭光晚餐，特別浪漫。因為係記念日但唔知食咩，就入左黎食牛扒。medium rare牛扒。牛扒切開仲有血水出黎，睇到都流口水。牛扒味道係簡單但好甜。真係simplelife既概念。西式麵包烘得皮硬脆，但入邊好鬆軟。同醋一齊食真係好好味。好享受呢個感覺。價錢少貴，但貴得值得。餐廳服務都好好，侍應態度溫和，俾人感覺好舒服。係個咁靚既餐廳慶祝紀念日，好浪漫好值得同食得好開心。

My friend has been longing to be here everytime she passed by. And here came her chance when the semester has finally ended. Yesterday (Tue) afternoon, we were there at around 3pm, when the afternoon tea time started officially I supposed. Surely there are not a lot of people since it's weekday.The afternoon tea set is basically like this: the main + a drink = $58 (10% service charge of course). My main was the orange and chocolate tart, which I now have no idea how it was called formally. Anywa

之前一直同朋友食brunch感觉都不错，今天聚餐就专门挑了这家去试下午市。十二点半已经需要等位，坐进去就急忙落单啦。先上的就是这份沙律同餐包啦。清爽不过不失。但之后的主餐真是大跌眼镜。因为我十分中意食忌廉，这里brunch的忌廉烟肉面也一直好好味，今天就点了忌廉杂菜糙米饭。结果中伏卖相都OK但是味道真的不敢恭维，糙米过硬，其余又太腻，最后根本吃不下。这份松子香草汁通粉也十分一般，汁非常的奇怪!和之前吃的完全不一样这份茄汁螺粉更是酸到炸!几难入口，让韩国朋友十分尴尬。本来好期待的一顿聚餐都变得很沉默。餐厅非常之吵，我们坐在角落背后的侍应一直在摆弄刀叉我们之间的谈话完全听不清楚。今后可能不会选择再来这家

印象中只是到過 Simplylife 的連鎖餐廳一次或兩次，主要是大部分時間經過不同區分的 Simplylife 都有一條長龍，這晚一個人八時後在又一城，正在找地方吃晚飯，看見無人排隊，於是就在這裡醫肚，限時一個半小時，對於一個人的晚飯應該有足夠時間。餐牌上的菜式有很多選擇，豬，牛，羊，魚，素食全都有提供，加$30可配餐湯或沙律和凍茶，如想喝酒替代凍茶，加多$15便可。這晚不想吃太多肉，見到餐牌上有南瓜栗子糙米飯，這些都是我喜愛的食材，餐湯是甘筍湯，也合我胃口，於是便點了此菜式和餐湯。每份餐有兩件麵包，中等size, 我先吃了一件，鬆軟好味。甘筍湯比較有質感，吃到甘筍蓉，湯底放了少許藜麥和芝士粒，增加了湯的味道、口感和營養。那杯凍茶不久便送上來，有兩件西柚，增加了茶的果香。原來我點的這個飯烹調需時，我飲完我的湯，足足等了超過20分鐘才等到這個飯。整個飯用南瓜汁去煮，配有少許南瓜粒和栗子粒，上面放了一小件烤南瓜和一片薄芝士。趁飯還熱，把芝士和飯捞在一起，增加了飯的味道。栗子可能不是當造，味道只是一般，但整體來說，這個飯做得好，我全部吃掉，餘下的一件餐前麵包只好打包了。

Tea set $58加一我幾中意食simplylife，暫時都冇一次中過伏👏 第一次食佢既下午茶，朋友介紹個牛油果toast好食！個包並冇烘到硬哂切唔到，牛油果蓉亦都舖滿哂 好滿足！仲要坐系露天，真係岩哂我依啲港女，懶享受😎 ➖仲有，啲蛋糕真係好靚！勁多選擇！好想食哂全部呀😭依個係 法式紅桑子班㦸蛋糕 $36 ，粉紅少女心😍✌️

當晚因為朋友未收得切工，自己就做先頭部隊去搵位先。可能係星期一的緣故，基本上19:30到都不用排隊。入內環境都幾清新舒服，食物最驚喜係個海鮮飯，係意大利飯的感覺，但又帶泰式冬蔭公cross-over的味道，係特色之作。而朋友就選擇左車打芝士煙肉漢堡，我以為佢單食個包會唔飽，不過估唔到都幾大份下，基本上食唔哂。不過由於晚餐本身上主菜前會有提供西式麵包的，咁個人覺得食非漢堡類晚餐好似抵食D。雖然入去前waitress有溫馨提示用餐時間只有1hr 30 mins，不過其實我同朋友們都坐都22:00 先走，overall 環境食物來講，值得翻食~

今日放假一天就去左1間印象中經常排哂長龍既餐廳simplylife到食記得佢既下午茶係好抵食好味又唔貴好可惜原來往事只能回味雞肉常溫但好鞋 冇肉汁個包熱但食落有燶味薯條唔熱唔香辣感覺所有食物已經整好好耐有客人落單時候就即刻翻熱個包因為我落單到食物黎到時間中間相隔冇5分鐘果茶⋯⋯都係冇咩味簡單黎講 McDonald’s 仲好食過佢好失望難怪唔使排隊現今資訊發達飲食餐館開到盛行盛市我以為業內的會因此而愈做愈好冇諗過風光一時 峰芒太露水準一落千丈可能大公司以為自己可只靠名氣而生存？

星期五夜晚9點幾喺九龍塘食咩好呢，行左幾間見simplylife唔駛等位，就呢間啦。晚餐都幾多選擇，由all day breakfast去到沙律意粉鋸扒都有，價錢由百幾去到二百頭。未點餐，先上左餐包先。呢碟忌廉蛋汁煙肉意粉好食，手製意粉好有咬口，條條分明，每條意粉都掛滿汁，加埋煙肉，又香又濃味。另外點左安格斯肉眼，由於唔鍾意見血，點medium well，扒煎得好香，七成熟都唔會好韌咬唔到。薯條熱辣辣炸得鬆脆，呢個價錢我好滿意。兩個人加左個湯埋單唔駛$400，唔錯呀！走嘅時候見到佢啲蛋糕好多款好靚，下次要買黎試下。

咁多日假期，真係要好好對待自己！去九龍塘又一城嘆番個一人午餐Simplylife係我加入Hea嘆嘅首選餐廳！因為一來近屋企，一來地方舒適又好食 今日星期日11點半嚟到，都要等位，等左15分鐘左右！出邊已經好多人喺度等，心諗呢間餐廳真係10分成功，好似我咁一個男人都要來食他們的套餐有前菜有嘢飲價錢都係$138＋1我今次就叫咗炸魚薯條首先來一個沙律前菜同埋他們的手工麵包！麵包都好大分有手掌咁大，10分鬆軟新鮮，他們的麵包簡直一流，沙律都唔普通，新鮮大份炸魚薯條，不過今次嘅炸魚薯條就有啲失望，炸魚粉太厚，魚肉亦都唔夠滑，薯條就炸得非常脆口平時我都係鍾意食佢哋嘅漢堡包多啲，今次咁失望下次都係唔好食炸魚，希望佢哋可以做得更呢

Lady約左2個老死食dinner~臨時其中一個"高層"話要係九龍塘開會，所以就簡左simplylife食餐 simplydinner~面包有2種，白色果款比較濕潤，但Lady比較鐘意食法包~外皮脆脆地，口感一流!!3個女仔share 2份main+set 都夠食~個包點燒雞個汁都 match, 有少少似食緊咖喱法包既錯感🙈個羊膝已經煮到好淋，淑女食起黎都可以好優雅😉反而個薯蓉最有驚喜~無諗過加蜜糖可以咁好食~Lady遲d係屋企"自煮"都可以試下~