Shake'em Buns (已結業)

又一次慕名而去的食店....食了missionary burger, brat, chili cheese fries,strawberry shake,可能太掛住美國culver"s的burger, 所以覺得好好味, 不過chili cheese fries唔夠多chili...有d失望....因為我係chili 迷但overall好ok....係環境較迫, 好細

上星期五又係一星期一次的外出午餐日，同C同事上左黎「後山」。Shake'em Buns都算易搵，係我首先發現的。好彩十二點三就離開個位，上到黎果陣仲未算多人，都仲有位坐。兩個人不約而同咁要左Hot Chick (即係雞漢堡)同埋Berry Delight (smoothies黎的)，然後再share一個薯條。俾左錢坐定定之後，首先上的係薯條。呢度的薯條似乎真係一條一條o係個薯仔度切出黎咁o既，又唔會炸得太"火農" 太硬，唔錯喎。由於塊雞扒係即叫即煎的關係，都等左一陣先有得食，聞住陣煎扒味又未有得食的呢一刻真係好鬼死痛苦。呢度的雞漢堡好好食，個包夠鬆軟又夠味，同事鬼咁鍾意﹔雞扒係就係「鞋」d但係都ok juicy又有d黑椒味﹔d生菜蕃茄唔會過多，個醬又唔會過酸，夾埋一齊真係好好食，今次我亦都好乖地冇拎走塊蕃茄。^^ 即刻煎的扒真係唔同d咕喎~杯Berry Delight清清地酸酸地幾好飲，又唔會加重個胃的負擔，正呀。坐坐下都開始多人喇，到一點果陣就最「墟陷」，成間舖仔都係人，仲扒味瀰漫添~食完竟然一d滯的感覺都冇，真好。

這間位於星街的美式漢堡包店,之前經蘇絲黃推介之後,突然成為人氣店.只是足球界有黃興桂,飲食界有蘇絲黃,兩者皆是"明燈".推介得大多"山埃".路過總是人山人海,好不容易才能擠入店內.只見全部員工也是菲律賓人.感覺上置身如駱克道的小食店.但環境相對比較企理.一客MIssionary加個厚切薯條,不過$60,同三個零消費相若,但不包飲品.先嘗一口熱辣辣薯條,有些還連著薯皮,一條條豐滿金黃薯條,薯仔味濃郁,單是耍些鹽已經突出其味,還要茄汁嗎?Missonary,份量已經比其他的出品細,內裏的漢堡扒,百份百牛肉,肉味濃且juicy,而且加上洋荵碎,添加一份口感.菜用新鮮沙律菜,碧綠爽脆.飽內的蛋黃醬,吃到由飽內流到落手腕,滴到在薯條上,吃落很甜美.如果連飲品,差不多$100一個人埋單,有些人覺得吃漢堡包無必要那麼高消費,但當你吃過之後,便會覺得物有所值.只是點好吃,也只是漢堡包,久不久來一次,不會吃壞人的.但係你吃上癮的話,我唔敢包.

We have lunch here today .. we went there at around 1:30 pm. good ah.. not as crowded as lunch time. we order 1 missionary burger and 1 chicken burger. The missionary burger is nice, very juicy, and the chicken burger was also good.. not too spiccy !!! can taste all the meat juice from it!!! my friend was very hapy about it. she said this was better than triple o ah!!

成日都triple o, 前幾日經過就試下呢間啦, 見咁多人都介紹過講真, 大家同triple o 比較無可口非,兩者都有差唔多賣點... 不過我覺得各有各好!shake'em bun的肉超超超香,一咬成口都係肉味, 呢點, triple o 係冇的... 不過, triple o的"bun"做得比較好, 口感略勝一籌我都飲左個berry delight, 其實我比較prefer呢個, 因為真係好開胃, burger呢d咁飽肚的東西, 加番杯酸酸地的飲品一流! 反而triple o果個係creamy d, 但會略嫌太飽肚總之, 我覺得兩間都好好, 視乎你想要d乜

外賣一個Missionary同Cushin' for the Pushin'。男友認為size唔夠大，我就覺得ok。Cheese burger味道較classic burger好。

貴但不太好食+食唔飽呢間Shake'em Buns , 睇東方膳稿好似幾好, 星期五就同太太去試左,一早知係唔平, fine, Triple O 都唔平但有好味道及份量, 所以就想睇下呢間有咩叻,叫左一個$60 既牛肉hamburger, 一個$48 既雞肉burger, 一柸$3x 既berry milk shake;結論係:食唔飽; 太咸; 份量小; 牛肉太碎無咬口; 汁唔夠多l 極唔好坐; 員工個個好似唔想做生意唔既樣之後, 同太太一齊覺得唔夠飽, 行去想食蝦面, 又剛剛關門, 去左隔離食牛腩面及雲ton面, 總算食飽了俾咁既價錢, Triple O 絕對好好好好多! Triple O $7x 已經有一個set (burger + fries + soda), 而且, Triple O 好食好多!相都費時post !

中午十二點同友人去到這間好難找的店舖食午餐，叫了Cushin’for the Pushin’, creamy choco love, peach melba shake。先上的是burger，它的汁真的好多，個扒有點鬆，不過就非常香；包是即時弄熱的，比一般burger脆~~令人食不停口，仲有個size同三個O的差不多，幾抵食。Peach melba shake係不錯，但有點淡，少少酸，不是我喜愛的那種。至於creamy choco love有好重的花生醬味，反而朱古力味比較少。對於這兩杯，總覺得飲唔到三個O那些milk shake的濃同滑，飲完有點失望。最後叫了chili cheese fries，友人話好辣，不過我一點辣味都食唔倒，芝士味重一點會好一些，因為ｄ汁唔夠俾薯條分，所以有些濕透，有些就干干的。地方真的不大，食要早一點，因為幾多人的，遲了一定要等。服務幾好，總括來說burger是食高水準，食得過的都是burger，其他的份量就不覺抵了。

Have lunch here today . We arrive at 3:00 pm. Althought it is already after the busy lunch period, this little shop is still packed with ppl. we order 1 missionary burger and 2 cushin for a pushin , peach smootie and fries. The burgers are soooo juicy . very nice!! the smootie ok la.. and the fries are so thick and chrispy!I like burgers here.. better than Triple O. Triple O's burger are too "saucy" .. too much sauce. Therefore when I finish Triple o's burger I feel so "full and oily" but

下午和獎門人去了久聞其名的Shake 'em Buns食漢堡飽，點了一個Cushin' for the Pushin'連薯條和一杯Creamy Choco Love。Cushin' for the Pushin'是一個十分簡單的芝士漢堡，那塊即點即烘，烘至香脆的飽皮，夾著極度多汁的漢堡、半軟的芝士、燒個既蕃茄和勁大塊既生菜，一咬落去，真係好味到想喊。薯條係傳統粗條薯條，因為新鮮剛炸好及粗粗的很好肉，食落的感覺甚滿足。Creamy Choco Love是朱古力、花生牛油和雲尼拿雪糕混合而成，講得上係又甜又香又滑。因為塊漢堡都幾大塊，所以我地兩個人咁樣都食得幾飽。店內的面積很細，只能容下不多於十位客人，開放式廚房，可以一路食一路睇住煮，感覺甚溫暖，油煙味亦唔算勁。一流。

一個漢堡包要幾多錢？老麥賣10元以下，Triple O同呢間Shake 'em Buns賣成$50-$60，真係差唔多1個等如10個，不過佢地真係貴我有道理。在漢堡扒上，個人認為Triple O(金鐘店)較佳，可能是男孩子關係，鍾愛較厚較有質量的。不過整體而言，還是Shake 'em Buns較佳。當中有兩點值得分享︰1. 肉汁- Shake 'em Buns的較Juicy，肉汁充滿口中，實在感動。2. 麵包- 外層脆內鬆軟，不會太乾，老闆表示麵包是用高價貨，才有此水準。另外，必試他那奶白色的祕製醬汁。

Tried their missionary burger during the weekday's evening. May be because positive comments from many, so I had great expectation for their burgers. Therefore it turned out not really that surprising after all.Buns were crispy. Beef was okay. And, for the shake... Simply put ice-cream, fruit and milk into a mixer. Guess I would probably make it ticker at home...Personally perfer Triple O as their source is somewhat different.

星期天下午行經星街，一嘗心思思已久的漢堡包。order一個cushin for a pushin (芝士漢堡)及berry delight (blueberry, strewberry, pineapple sorbet and apple juice既smoothies)。食物即叫即整，店內隨即傳出煎漢堡的聲音，加上不斷的撻牛肉聲，心中己默默期待著。首先送上的是smoothies，冰涼美味，配搭不錯，推介。其後，漢堡已準備好，拎上手都幾重手。奈何肉餅煎得稍燶，表面呈焦黑。食落去好在冇咩燒焦既味道。牛肉醃得唔錯，個味幾好，不過如前面其他食評所講，冇乜肉味，幸好肉汁豐富，bun一般貨色，片芝士亦未見突出，勝在夠新鮮，夠熱。同樣售賣漢堡，難免會同Triple O 比較，我會選擇Triple O。

下班到星街﹐見呢度店細細感覺幾warm﹐有o的以前讀書時冇堂上就去閒坐o既快餐小店感覺﹐就入去食番餐。要o左個Missionary Burger($48)﹐薯條同埋一杯Berry Delight。新鮮整o既Burger果然唔同o的﹐急不及待咬一口。漢堡包幾好﹐放o左一陣都唔會被肉汁"浸"濕﹐食o下嘉頓以外o既漢堡包真係爽。牛肉好鬆軟﹐肉汁好多呀﹗不過稍嫌唔夠濃牛肉味。薯條係厚切﹐但都係麻麻地﹐有D油o既感覺﹐唔夠乾身而且冇乜味道﹐唔食冇損失。至於杯Berry Delight ($35)﹐酸酸地幾醒胃﹐但飲多幾口之後出o左隻藥水味﹐所以冇飲晒。下次我估我會點令另一隻橙味juice mix﹐好似叫咩...Calif. sunshine (唔知係咪o甘叫)?呢度其實o的burger同熱狗價錢唔係平﹐不過成品都算整得幾有心﹐偶爾貴少少食餐junk food都可以接受啦~

不能說它很好吃,肉質鬆軟是真的,那些免治牛有肉汁，且幾乎不肉"趙"。但個人並不喜歡那過份"鬆散"的肉感。味道偏咸,肉味嫌不夠，始終是喜歡濃濃的牛肉味充味整個口腔的感覺。這一點，還是Triple較合我心意。薯條很油,可以不試。