SHAKE!T

营业中

休息中

旺角新開超邪惡榴槤奶昔😈中意港🐷嘅分享，記得follow, like & share💕.主打各種口味奶昔同即製窩夫，推介鮮果系列，全部都係用真生果落去打！而且成杯野一粒冰都冇加，所以飲落奶味都幾重，，仲可以免費自選一款配料，比較特別嘅有桃膠、奇亞籽、亞麻籽～.Milkshake試咗兩款健康啲嘅鮮果系列，飲完都冇想像中咁heavy～泰國金枕頭榴槤奶昔 ( $75 ) 榴槤味超濃，有啖啖攪勻咗嘅肉之外，再加多少少榴連肉～ 加埋配料西米有少少咬口😂牛油果奶昔 ( $55 ) 牛油茶味道唔算好出，奶味較重，不過都幾清新🤣 配料揀咗開心果碎，份量都唔少而且飲落又幾夾！.套餐配埋窩夫可以減$10，愛文芒果窩夫 ( $50 )好足料，窩夫即製熱辣辣，好重蛋香味，外層微脆內裏煙韌😋 面頭舖滿芒果粒同桃膠等配料，夠哂健康嘅小食甜品👍🏻

喜馬拉雅岩鹽焦糖奶昔濃郁的焦糖味首先在舌尖綻放,跟住是喜馬拉雅岩鹽為整個飲品增添一抹微鹹的餘韻,形成了獨特的鹹甜交織的風味，二者相得益彰強烈衝擊味蕾,味道非常出眾！加了朱古力，層次更加豐富濃郁！台灣愛文芒果奶昔入口奶昔細緻柔滑的質地立即在舌尖絞開。濃稠綿密的口感如絲般滑膩,在口腔中化開,芒果的甜美滋味隨之綻放,在味蕾上跳躍舞動。果肉的清爽酸甜與奶類的濃郁乳香完美融合,交織出令人垂涎的絕妙味道！泰國金枕頭榴槤窩夫窝夫上面有新鮮的榴槤，遠遠就聞到濃郁的榴蓮香氣撲面而來，鮮嫩濃郁,富含營養,窩夫好有蛋香味，帶來舌尖上的愉悅和滿足感！台灣愛文芒果窩夫採用了新鮮多汁的愛文芒果作為主料，愛文芒果有獨特的甜味、濃郁的香氣和纖維細緻的口感，與窩夫輕盈蓬鬆充分融合。另外仲加了酸甜的奇亞籽，軟糯的西米 和柔滑的桃膠，帶來絕佳口感和美味！

星期五放工行過，見新開做緊買一送一優惠，就決定買來試下。首先睇餐牌，差不多50至60蚊一杯，都覺得少貴，不過有買一送一，就試吓啦。比完錢，等咗20分鐘，飲品到手，一飲，中伏。成杯嘢一啲都吾似奶昔，就奶水，水果牛奶。 買一送一我兩杯都買咗台灣愛文芒果奶昔，加配桃膠。芒果味好啖，吾似係愛文芒果，桃膠就正正常常。我覺得McDonald's 嘅奶昔都好飲過佢地，總之我就係非常失望。建議大家不用去試，因為真係無咩特別

行街熱死辣辣好想飲杯凍野，見到旺角街頭開左間奶昔&窩夫店，款式都好多，包括鮮果系列、田園系列、茶/咖啡系列等，忍唔住都試返杯🥤叫左杯港式黑芝麻奶昔，大大杯，我加左開心果碎做toppings，增添口感😻質地好creamy幼滑，黑芝麻都幾香，重點係夠晒凍好消暑！！飲飲下聞到好香窩夫味，又忍唔住加左個台灣愛文芒果窩夫，賣相好靚💯面頭有芒果粒、熱情果籽、桃膠等，幾多料🤗窩夫蛋香味出，而且幾香脆👍