Sense Coffee Roaster (已結業)

平日假期鍾意去試下唔同既咖啡，上環地鐵站附近新開左呢間sense coffee roaster，裝修係工業風感覺，expresso豆有得揀想要fruity定nutty，我試左fruity整既熱latte，都幾香甜，啱我口味！咖啡師拉花果陣見我影緊相有少少怕醜，話自己可能會緊張拉唔好，但其實隻小海馬都拉得好靚！另一位咖啡師有介紹鋪頭既隱藏menu俾我，原來呢度都有手沖，試左Columbia豆，花香果香撲鼻，返到屋企過左好幾個鐘都仲覺得口腔入邊留有好多香氣。唔錯既咖啡體驗

認真嘅咖啡師最靚仔; 咖啡都好好飲;上環鬧市街邊，只需六階石梯上去，就係另外一個安静嘅世界；傾計知都係年輕人自己創業，感覺有自己嘅事業最幸福，可以努力做野，唔似我打份工去廁所都要半個鈡...寫到呢度，發現openrice要求寫足200字以上先可以評分，之前祇有一百字左右，心諗太麻煩算啦，但又覺得唔可以令到真心埋沒，所以一不做二不休，繼續写多啲，只要執著做一件事最終一定可以成功，都同樣祝福佢哋年輕人。

公司附近見到新開業入去試一試。地方唔大，但都有可以坐低安靜飲杯咖既位置。試咗杯nutty質素都唔錯，咖啡師拉都拉得唔錯。見到menu有手沖，有機會再經過都會試一試！