Second Bite Bar & Grill (已結業)

朋友介紹食過好好食 所以今日專登過嚟試吓！好處就係門口有得泊車 都算幾方便嘅 餐廳環境令人舒適嘅 一坐低即刻叫咗杯飲品 賣相幾好睇 味道五錯既！Lovely Lychee mix飲完之後 就食左個頭盤(芝士龍蝦墨西哥脆片)個脆片超級多芝士 好邪惡 攞嚟送啤酒係一流嘅 芝士焗得岩岩好 墨西哥脆片加龍蝦肉 原來都幾夾 好好食 再黎(雞尾酒大蝦 ) 賣相幾好睇 睇得出佢哋係好有心思既 蝦🦐小食嗌左(芝士窩夫炸雞) 窩夫唔會太乾 岩岩好 雞扒炸得好香口 加上太陽蛋既點綴 令呢個窩夫生色不少主菜嗌左(加拿大素食白豚斧頭扒) 呢個主菜真系好正 肉甜五難咬 ！！！！本人好中意依款主菜。

New spot！住喺荔枝角區要試fusion 菜真係選擇唔多.之前見到網上介紹，專誠同班老友一齊試下！超驚喜！我地一行6人主打試左佢地嘅手抓海鮮，係正嘅！每樣有晒價錢份量，自己可以揀鐘意嘅海鮮份量！當日我地點左膏蟹（真係超級爆膏）,波士頓龍蝦（係新鮮彈牙嘅），其他青口、蜆同翡翠螺等都好肥美。當然有多d款式選擇會更好。 不得一提嘅係佢地個海鮮盤配有好多款蔬菜配菜選擇，配埋佢地個招牌辣醬炸秋葵勁正！罪惡感都冇咁大！牛扒今次揀左日本空運嘅頂級飛驒牛，超juicy 同牛味勁香口。不過份量有d大，人少d都食唔晒。最最最愛嘅係招牌大頭蝦意粉，隻蝦真係仲大隻過埋意粉，好少見到有咁大隻嘅！另外要提提佢地嘅水果茶炮，係有誠意嘅，茶味同水果味都好出，仲配埋新鮮水果！不過當晚可能人太多，入面環境音樂太大，建議可以將音樂收細，方便傾計店員服務好好，好細心，上海鮮盤時會主動幫手帶上圍巾！

開左戶口好耐先寫嘅第一篇食評，就揀左呢春間新開冇耐嘅海鮮fusion餐廳。餐廳格局型格有風味。開頭以為食係普通西餐酒吧，原來係帶有東南亞fusion菜式西餐。今次主要叫左seafood boodle, 佢地個招牌辣醬好惹味。問開原來係自家製出品。餐廳主廚原來係fusion 私房菜主廚，個招牌辣醬仲可以預訂買走。手打肉餅漢堡勁有創意，佢地個肉餅係自己做再手打，超香。原來配burger係好夾。除左海鮮之外，今次試左佢地個龍蝦芝士墨西哥脆片。龍蝦肉炒過，食落超彈牙，賣相一流，不過如果再多d脆片會好d今次同老婆2人同行，試唔到幾多野。但一定會返轉頭試埋其他野

朋友生日聚會諗黎諗去都唔知去邊度食好，咁岩見到佢地有新開送海鮮拼盤優惠所以試試。免費嘅海鮮拼盤份量唔多，勝在夠新鮮，之後我地再encore生蠔。生蠔選擇唔多不過好新鮮，味道唔錯。佢地嘅自家製水果茶好飲，叫左一枝大大支茶炮，有驚喜。手抓海鮮辣醬味道唔錯，最鐘意可以自己選擇。另外第一次試到豬嘅斧頭扒，食落都好juicy . 會encore 甜品嘅朱古力暖心蛋糕好濃朱古力味，配雪糕一流整體而言合格：食物質素唔差，絕對會再黎食👍

我是很支持小店，見「試業中」就約朋友膽粗粗去試食，但真的令人好失望！好嬲！我們專登去食海鮮。份量少我們算，但蟹是死的，得少量肉而且肉質是霉的，全部海鮮都沒有鮮味。我們跟她們說再炒的都唔得。我們都不知道食了咩。感覺食了垃圾。。不知所謂！食到一肚火，轉場食。連影相就懶得影

當晚叫幾様野都無得供應，選擇少，墊海鮮的蕉葉感覺不太衛生丶有水漬，手抓海鮮欠新鮮，無乜味，蟹無肉，服務還可以，春卷OK的⋯⋯食完呢餐𨍭在㘯再食補數，有待改善⋯⋯由入塲到食完都無客人

兩個人食, 海鮮叫了龍蝦, 大蝦, .... 一大堆, 差不多800元, 以為可以飽足一餐, 點知上枱零丁碎落, 寥寥可數。龍蝦收$200元, 也沒期望會有多大, 但真係想像不到是這麼細, 比"小龍蝦" 不大多少啊! 比大蝦長1-2 cm左右, 咁嘅Size有幾好食都食不到甚麼味道啦!  四季豆等疏菜類, 廿幾蚊一款, 叫了幾款, 廿幾蚊四季豆也是得10條...., 總之份量之少係我估不到的。食完盤海鮮完全好似無野落肚, 再食了一個羊架, 真的, 無論扖質與烹調都不叫好, 非常普通, 不叫好食…, 也再試了些其他小吃, 之後決定不再糾纏, 埋單另找地方再補一補算了。

上網睇到有海鮮食 所以過嚟試下 環境唔錯 牆上面嘅畫好特別 出面有得泊車都幾方便！睇得出佢哋好有心思🧐第一次係蕉葉上面食海鮮侍應好細心咁幫我地帶圍裙嘢食好精美 侍應都好健談。唔錯係一間幾特別嘅餐廳值得一試 會黎再食☺️個沙律好足料雞翼岀到黎熱辣辣🍺🍺真係要讚下個意粉 個意粉軟硬度啱啱好個汁好好味嗌左6款海鮮 4款蔬菜有幾款醬汁可以揀 蒜蓉牛油 胡椒奶油我地最後揀左佢地既招牌辣汁 小辣個招牌辣汁好特別 好適合送啤酒🍻完個海鮮已經好飽 食唔洛甜品🍮下次先再試

之前經過以為係酒吧黎，後來有店員企門口先介紹到係食海鮮。睇過圖片後就忍唔住當場訂定3日後既位。今次試食既係$888海鮮套餐第一次係芭蕉葉上面食海鮮😂套餐限定有齊9款海鮮，仲包埋雞肉豬肉，蔬菜同埋飯麵，真係一次過齊哂，唔洗逐樣叫。重頭戲係個secondbite特製辣醬，有大中細辣揀，醬汁夠濃，唔夠醬可以再另上，食落去辣得黎又過癮香得黎又唔會俗。杯IceTea係手調，喝落去酸酸甜甜好過癮。因為準備海鮮都要啲時間，所以前菜就叫左個凱薩沙律。另外亦都有介紹白酒同香檳，適合成班人聚餐。小食都係即叫即整，好香口。雖然係新鋪，但係睇得上餐廳都好有心思，廚房都落足功夫，有師傅仲出黎大廳問我地意見，店員亦都每時每刻留意住我地有冇需要態度好自然，完全唔似新開餐廳個種陌生同緊張氣氛，最緊要係見到店員相處融洽真係令人有在家既感覺。食得西餐預左唔便，不過最緊要食物既質素對得住個價，今餐係抵食既不過希望餐廳會出優惠咁就更加引人入勝*海鮮套餐要提前一日訂，如果walk-in 就散叫

上星期同老公行過長沙灣見到有新餐廳開張，晚餐Menu主打手抓海鮮（好似好吸引）就入去點左兩份午餐。見佢午餐Menu款式唔多，不過店員耐心介紹話樣樣都係精選先放上Menu.....我點左個招牌肉餅飯，老公叫左個炸蛋蔥油豬扒飯。肉餅食落真係有驚喜..... 超彈牙，唔似其他肉餅一夾就散開。堅有口感，仲要煎到好香！ 老公嘅蔥油豬扒飯都好正，特別嘅係炸到好香脆嘅蛋仲有流心...配埋佢係個蔥油好好味。全部好珍珠米睇得出店主好有要求👍👍會再試佢地嘅晚餐