Season Plus (已結業)

與姐妹們一起來到這間餐廳試一試最近新推出的串燒。有特價串燒 $68 / 10串選擇，有優惠，正🤤大增意慾叫多些。我們叫有👍🏻評的牛柳，又叫火雞腎臀，燒生蝦，燒海螺片，大多春魚等等。抵食推介都是$9 /串，價錢親民。而且種類都頗多選擇。有很多種類都是我喜歡吃的，例如豬頸肉，牛柳，雞脾菇，秋葵和燒金針菇等等。另外, 我們還叫了其他小吃。牛油蒜蓉翡翠螺，蒜香，惹味，肉質彈牙，肥美肉厚。雞翼，脆皮，美味。牛油粟米粒，熱辣辣，又香又甜。…查看更多

今日經過旺角, 就去了season plus食串燒。現在推出不限時段全部$68/10串。分別有牛肉,豬肉,雞肉,海鮮,瓜和菜可以選。嘩! 見到$68/10串即刻心心眼。其他串燒都好抵,$9一串都有。$68/10串,要了牛柳,火燒蝦,燒海螺片,多春魚,火雞腎。燒金針菇$9/串, 幾大串。金針菇面灑上芝麻,香噴噴。燒雞翼兩隻$18/串燒越南老虎蝦$18/串。牛油粟米粒$28這個我最喜歡。牛油香。粟米粒幾大碟。牛油蒜蓉翡翠螺(6隻) $48$48有6隻牛油蒜蓉翡翠螺相當抵吃。又惹味又爽口。…查看更多

食蠔成樂趣 試唔少蠔花不少錢但想食好蠔真係要睇品種外 仲要睇開蠔手勢事關今次真是有失望約友人飲水友人之後又想食蠔飲酒燒錢所以轉場去食蠔飲白酒 叫了一支智利$198白酒 再叫便宜蠔 $50一打 現在不少店都賣便宜生蠔吸客本人覺得支酒好酸 一般貨食有點兒感覺係overpriced 友人覺得有蠔就夠了 白酒普通點都無所謂事實係友人對蠔的質素都不太滿意因為開蠔師傅 開到有不少碎殼友人食4隻 食兩隻都中到友人只想食蠔 無咩飲白酒但最後都不太滿意生蠔 失望而回加上白酒偏酸 飲唔慣就叫第二款吧不過喱到款式都不算多～可惜可惜…查看更多

和朋友都很喜歡💕食生蠔！身為蠔粉今次就選了一間很多好評的餐廳。旺角分店都幾易找到exit A既Top新商場！進店不選太多人，先點了一客燒海膽芝士多士，都幾脆口而且海膽新鮮加埋芝士這個組合不錯！另了店再點了一客黑松露芝士磨菇，這個一定要熱騰騰吃芝士同黑松露勁match，推介！吃了點熱食，到今晚既主角了！餐廳既oyster set都幾多而且價錢都算親民， 我們點了前後二打生蠔一支白酒🍸蠔夠鮮味質素高，選擇種類都算多又唔貴，CP值高！…查看更多

晚餐同埋男朋友去試新餐廳，睇落評價唔錯，價錢又抵，抱着試一試嘅心態去食🤤，當晚大約六點幾去到的，人唔算太多，環境OK，坐低叫咗四樣野食💁🏻生蠔叫左12隻，有吾同品種，價錢$9 至$50 內生蠔唔算太大隻，但食物有海水味，都好新鮮👍🏻值得推薦👏🏻 西冷扒雖然唔算好大塊，食落好驚喜，因為外脆內鬆軟，好食，但有少許咸😏比目魚，而個就真係好一般，味淡，無特別😞清酒煮海鮮，抵食，酒吾太濃，海鮮又多，青口 ，蜆，蝦，龍蝦都有👍🏻👍🏻👍🏻…查看更多

環境唔錯 餐廳廁所都乾淨~6點幾坐到8點幾都係得幾枱 靜靜地傾計係唔錯的$198支白酒+$50有1打生蠔係幾抵食支酒飲果陣都可以..不過飲完我同朋友都有想嘔同頭暈既感覺(平時有飲開酒 都無試過咁唔舒服) 生蠔真係好抵食 都再散叫左 $9細細隻性價比算高見到枱枱都有叫蠔西冷牛扒 $99 黎講都算可以..只係有d筋同肥膏同埋係well done黎配菜有少少沙律菜同薯角薯角上枱仲係脆的整體不過不失 沒咩吸引再去亦因為支酒飲完唔舒服更加沒想再去…查看更多

二人同行去吃，蠔可以，海膽三文治可以，但海膽無味，黑崧露大啡菇都好吃，菜單上好多野食都無，海鲜拼盤應是招牌重點，但都可以無，最後叫左個龍蝦牛柳，龍蝦over cook ,上面芝士凍的，牛柳是炸的，無錯，係炸，十萬分肯定，離普，外面有黑色炸嘅燶屎，我地叫5成熟，外面顏色已熟得嚴重，但裏面只有2-3成熟，除左炸控制唔到裹面熟的情況，真係諗唔到係用咩方法有咁嘅效果，然後同個侍應講，佢話肯定 唔係炸， 我想問佢，係你煮的嗎？ 點解你會知道 肯定 唔係炸呢？ 最後佢都係要退返入廚房然後 出嚟話煮過一塊畀我 ，我即時同佢講我唔鍾意食炸牛扒，我想換其他嘢， 最後換咗一 碟三文魚 沙律， 也有跟他說我可以補錢， 但他說不用補， 我哋 仲有叫咗個海膽，同兩隻鮑魚， 埋單都係800幾蚊 ，價錢係真係平， 但炸牛扒真係不敢再嘗試， 隔離枱有兩公婆佢哋都有叫牛扒，但看見他們隻碟食凈很多牛楂， 另外一張枱有一對情侶 ，看見佢哋嘅牛扒，要出好大力才据到， 我真的笑了出來，這是一間什麼餐廳， 希望老闆看到之後會檢討一下， 有圖有真相， 炸牛扒浪費食材…查看更多

係網上見到呢度有9蚊生蠔優惠，又見到網上評價唔錯就黎試下。食晚飯前食左少少野， 所以只嗌左一打生蠔， 兩杯白酒， 同意式蕃茄海鮮意粉精選生蠔$9隻， 比想像中大隻， 食落唔腥， 都幾肥美鮮甜， 9蚊隻有咁既質素唔錯意粉一上台就已經聞到好香蕃茄味， 食落都好香蕃茄味同埋好開胃， 好夠熱出哂煙，意粉上面有幾隻青口同蝦， 全部都好入味， 蝦又夠爽， 好滿意白酒唔多飲， 唔係太熟， 對於我呢個新手黎講都幾易入口，ok見到其他枱都有嗌$298龍蝦牛扒餐， 望落好似幾唔錯，下次有機會會再黎食多啲同埋再食生蠔:)…查看更多

一向食開十蚊蠔 今次想轉一轉見fb 開飯都寫到呢間抵食即管試下,事關觀塘分店未執之前一路都想試但無機會。到埗之後,得一兩枱客,心諗唔通賴野?環境普通,但背景音樂係嘈到你有啲覺得阻住同飯腳傾計打開餐牌,頂你,有一兩頁爛嘅？！原先未食覺得價錢還算抵食嘅198有一打蠔加支白酒但啲蠔上枱時,啲肉細到似煲蠔仔粥咁細隻啲碎雪有啲仲鋪到上蠔肉到個汁上枱仲打瀉跌左落地298嘅 和牛+龍蝦+大磨菇還可以接受黑松露意粉全晚算滿意嘅都係呢個意粉了我fd第日仲因為9蚊蠔柯左幾次總結:BLACK LIST…查看更多

好耐冇食生蠔，睇到呢間Season Plus有唔同生蠔Set，適合唔同要求既消費者，所以黎親身一試﹗先講環境，坐位頗多，燈光幾有情調，無論兩個人定5-6個人食都可以，都係一個慶祝節日唔錯既選擇。食蠔配餐酒，簡直係絕配，我地今次叫左198 12隻精選生蠔，再加一個海鮮拼盤｜同芝士野菌飯（好似見大家推介）。首先198個Set的確係抵食，因為有成枝酒兩個飲，但如果想食靚啲既生蠔就唔太建議，除非多幾個人叫，食完再叫一啲靚啲既生蠔。198Set的生蠔都比較細隻，味道都幾好，幾鮮，有淡淡海水味。不過就咁食精選生蠔就唔過癮，想食蠔緊係要食好啲﹗除左生蠔Set當然仲有散叫，想咩都試下都可以，而且價錢真係唔貴﹗但熟食就....份量好少，味道同質感好麻麻，料好少，冇咩誠意，凍得好快，可以有改善空間﹗4星俾生蠔海鮮，2星俾熱盤。…查看更多

之前見到呢間餐廳係ig 不停賣廣告（$9 隻生蠔）所以比佢吸引咗嚟嘅呢個價錢可以食到即開生蠔其實真心好便宜完全係一個可以當佢任食嘅價錢～我哋叫咗個oyster set( 白酒+一打生蠔）$198生蠔唔會太鹹 正！仲有餐廳氣氛好好呀！ …查看更多

係Facebook睇到有推介，又見OpenRice 好多好評就諗住去試下啦。點知垃到爆！一去到坐左勁耐冇menus，到有menus 啦點左野食，嗌左半打精選生蠔，同埋個套餐，有龍蝦同塊扒仲有杯紅酒既！落左單等左半個鐘，啲生蠔影都冇，見後面枱都食左三轉，我地啲生蠔仲游梗水呀可能！？見咁耐唯有催下佢啦，啲staff聽完 轉個頭走左 係冇幫你嫁haha?!催左三四次都係冇影嫁！但隔左好久耐個套餐就黎左先，將塊扒同龍蝦仲有舊菇全部裝係同一隻細碟到，唔知以為咩送頭送尾 比狗食！？好啦，套餐都食完，啲生蠔仲係冇影嫁？又催 死催爛催 終於黎啦。食完，仲有杯野飲呢？又冇！又要叫佢，又催 ，同個女staff講野完全係廢，聽完佢轉個頭就走左 冇左件事？！好啦搵第個staff終於有啦！頂唔順想埋單，連埋單都要三催四請呀大佬！成餐飯啲送九唔搭八都算，又要死催爛催先有，唔該啦你地有單嫁嘛！跟單做野啦，成間鋪得個兩個staff 笠笠亂，啲好評都唔知點樣得黎？睇其他枱都係一樣野重複黎幾次，冇人就請夠人先開鋪啦，唔好辛苦啲staff又辛苦啲客！…查看更多

今晚要同老婆慶祝拍拖三週年紀念，老婆極愛食生蠔。想主打食蠔加海鮮，所以無搵酒店自助餐，結果我決定試下Season Plus。因為我知道佢地主打$9隻生蠔，睇過食評又唔係太差，其他海鮮都唔太貴，最緊要係老婆食多幾隻生蠔，銀包都唔太肉赤。😂😂$198嘅海鮮拼盤有龍蝦，翡翠螺，青口，海蝦。。。其實仲有鮑魚，不過開頭忘記左比我地😂😂海鮮都夠新鮮，特別係鮑魚，有用汁煮過，好入味。龍蝦都幾多膏，不過肉質比較實。$9一隻精選生蠔，店員話今晚係南非蠔。海水味同蠔味都唔算濃，比較淡味一點。不過蠔肉都尚算大隻，有口感，比有d平價蠔作招徠嘅餐廳有良心好多，我地最後食左18隻。😂😂哩個比較失望，睇相以為係大舊d，點知比一般加拿大海膽細件。海膽味好香，食落都重海膽味。不過個口感好奇怪，好似係海膽味嘅麵包。牛味幾濃郁，加左少許黑椒調味已經足夠。其實咁嘅價錢食到咁多海鮮已經好超值，可以再Encore。…查看更多

依排成日都聽到$9生蠔，從我爸爸呢個蠔迷得知係旺角開左間新店，咁方便，梗係要黎支持下啦！呢一度食個價錢非常之相宜，個質素都唔錯，想食就可以隨時食到，因為佢分店都頗多的。仲有呢一個沙律真係要讚一讚，而且佢個橄欖油同埋黑醋嘅味道非常之好，以呢一個價錢來講性價比好高。呢一隻美國嘅生蠔，望落去肥嘟嘟好厚肉，咬落去嘅口感豐富，而且唔會太咸，非常creamy，配上一杯白酒，簡直令我生活多一分味道。烤焗海鮮拼盤，拼盤有即焗蒜蓉有頭大蝦、芝士焗扇貝、蒜蓉翡翠螺、芝士黑松露焗大蘑菇，非常豐富呢！呢一間會系我返轉頭食既第一餐廳。…查看更多

平日夜晚諗住食下平生蠔 見到呢間做緊$9隻 就book咗七點半兩位 可能係平日夜晚 入到去都仲有好多位 靜靜地感覺都幾好 :)叫咗半打$9生蠔 同埋焗海鮮套餐 見佢幾抵 $298 就叫左黎試吓 首先生蠔嚟咗先 已$9嘅水準來講都已經合格係有隻特別鹹 等多左一陣焗海鮮已經嚟咗 賣相好靚 不過整體都係偏鹹 食到龍蝦隻腳嗰陣 我仲以為自己食緊鹽 整體來講 $9生蠔係OK嘅 但係以海鮮來講就好一般 侍應一般般 有啲冷淡 次次都要揮手黎先會refill水 所以應該一次就夠了:)…查看更多