School Food (已結業)

之前係沙田食過一次，今次心血來潮黎左荃灣呢間試下,首先黎個炸物拼盤，薯條斬下眼就清哂，而入面個年糕同埋粟米波都好好食，之後就到芝士蛋餃子拉麵,拉麵食落似公仔麵而餃子味道普通,上次試過紳士先生，今次試下oppa 煙肉卷，其實兩個都好好味，仲有叫左個橘子艾菲，份量十足三個人都夠飲！

第一次食School food是又一城店，知道荃灣開了分店，好方便呢！我和2位朋友閑日大約晚上8點到，不需要等候便可入座。今次叫了烏卒卒，廚師卡幫尼年糕，韓絲熱捧鐵鍋飯和飲品草莓艾菲。烏卒卒紫菜包墨魚包墨魚汁飯，墨魚的醬汁好好味 ，一碟有14舊，每舊一口剛剛好。廚師卡幫尼年糕材料有年糕，煙肉，蘑菇和粉絲，個汁好Juicy，主角年糕與汁是配合的，但就硬了點未夠煙韌，意想不到最好味是配角粉絲，把汁完全吸收，滿足。 韓絲熱捧鐵鍋飯 － 普通的韓式鐵鍋飯，飯面有隻煎蛋，整個飯混合了泡菜小粒，令每口飯都有淡淡的泡菜味。草莓艾菲(飲品) － 雖然有草莓果肉，但不是純草莓汁呢。店舖環境不算擠迫，待應服務態度友善的。菜式名字和menu的圖畫都幾得意，開心又一餐！

見荃灣廣場新開School Food，今日同老公去食LunchLunch Set包小食、主菜、飲品同甜品，相比散叫係抵啲香辣雞翼、韓式炸餃子老公話雞翼好辣，所以我無食到，而且炸餃子都係普通好食，賣相唔靚，睇到碟底果塊生菜就知深海奇趣飯比個名吸引，其實由粟米片、八爪魚同沙律組成，味道清淡，粟米片好好食，至於沙律味道普通七色牛肉伴飯呢個飯好香，相比深海奇脆飯，顯得濃味，好惹味健康果茶今日係熱情果茶，好飲，酸甜解渴今餐食左差唔多$200，完全唔抵，味道普通，下次散叫算

Lunch time 想突破d，叫左新嘢個名叫五胡四海燴飯，呢個名吸引左我飯加左韓式辣醬燴左個汁，辣中帶甜，好出味，飯硬度適中，冇因為燴過而變得太林飯中海鮮豐富，蝦爽口，蜆肉及魷魚圈煙靭，可能個汁太濃，入囗鮮味被蓋過蕃茄在飯中點綴下，讓辣味中和了呢個飯幾好味

School food 分店愈開愈多 今日行開荃灣廣場又發現多間 好似新開左唔係好耐大約7點入座 其實已經知自己想知咩 都係會點番卡邦尼年糕真係好好食好creamy 既汁 配年糕好夾個味道平時食開年糕都係辣既 哩款岩晒食唔到辣既我 又有fushion 既感覺第一次叫哩款飯卷 酸帶微辣既泡茶好開胃 仲要有層蛋包住 內夾芝士都幾好味但我都係要飲住水食哩款菠蘿凍飲好靚 好大榨2個人飲有d多但太多冰好快淡左味

今日心血來潮所以就去咗呢間餐廳到食午飯 叫左一個芝士泡菜鐵鍋版 佢外貌好吸引顏色好豐富 飯上有一個 好靚嘅太陽蛋撒上芝麻同香草加上紫菜碎有特別的香味 配合底層濃濃嘅芝士 食落口感層次好豐富 泡菜可以帶出整個飯嘅精華 泡菜酸酸辣辣好開胃 而且飯嘅底層形成一層飯焦 好有口感 唔太鹹

今日晏晝陪朋友行街買嘢 佢行到餓餓哋 所以我哋做咗呢間餐廳到陪佢食飯 入到去 冇理由只係望住朋友食 所以就隨便叫左個炸雞 雞件比較大 入口時比較熱 所以建議最好唔好即時食 炸雞入口 雞皮略嫌為比較厚 麵粉味較重 雞肉肉質尚算嫩滑 味道適中肉汁 都算比較多

SchoolFood最新分店開到荃灣, 當然要支持下, 平日無咁多人, 唔洗等位.新店限定薯蝦二重奏, 第2間無, 不過88蚊有點貴, 所以無食.要左最喜歡既水冷麵HK$72, 辣度1條辣椒. 沙田最初開既時候食過好好味, 今次呢度覺得酸味不夠. 不過辣度保持到, 越食越感覺辣, 而且冷麵加左幾舊冰, 增加冰涼感, 而家天氣咁熱啱晒. 面質仍然煙煙韌韌, 好爽口. 酸酸地特別醒胃, 所以食完成碗都不覺飽濟.新張期內DBS咭仲有折, 好抵.

今日午餐黎左食，午餐送指定飲品，送甜品，都係5洗$70，好抵食又好味！餐飲係果茶，唔太甜，味道特別小食炸餃子，好似係泡茶餡，好好味，又5太油主菜我叫左佢地出哂名嘅卡邦尼年糕，個汁好味唔太膩，而且年糕好"煙un", 軟熟，一定要食！因為係2個人食，仲叫左個烏卒卒share, 佢係用魷魚整，小小辣辣地，啲飯又有香味，哩個都必試！午餐送甜品，係椰汁糕，好味，唔太甜又唔會話無味，配埋幾粒棉花糕，味道啱啱好。總括而然，2個人每人加埋一都係食左100幾，好抵食又坐得舒服，一定會再黎食

今次嚟到school food搵食！之前試過其他分店～得知荃灣終於開咗～就嚟朝聖一吓啦！烏卒卒（$75）差不多每次都會叫的韓式壽司！由墨魚跟墨汁組成～口質煙韌！之前去其他店會以醬汁在碟上畫花～點解新店反而只畫一個圓～不但唔夠美觀仲少咗醬可沾不過整體上味道同其他店差不多～同行朋友極怕腥味都話墨汁比例良好～完全冇腥味！廚師卡邦尼年糕 ($68)餐牌上有卡邦尼年糕同廚師卡邦尼年糕～原來平別在於前者只有年糕而冇辣味～後者以辣醬先煮～並加上粉絲！一次過可以食到韓式年糕＆韓式粉絲咁吸引～當然我哋就揀咗廚師卡邦尼年糕！份量不多～粉絲只有好少年糕都得15條左右～煙肉就幾多。不過個汁濃淡適中～雖然有點偏鹹～年糕煙韌有咬口！粉絲都入味！仲記得第一次食school food係覺得驚為天人～但近來食嘅幾次都比較失望⋯⋯荃灣店身為新分店希望會進步啦⋯⋯另外新店開張期間DBS卡有88折～可惜我哋冇啦