Savour Cafe

营业中

休息中

每逢節日，一家人會外出晚飯，不過遇到大時大節，我地特點唔會起正日慶祝既，事關要比錢又要同人迫又要限晒時間父親節，過左幾日我地選置元朗這間savour cafe 慶祝（係朋友介紹先知呢到有間正野^_^）第一次光顧，位置不難找，沿住舊b仔直行到尾見到藍色招牌就岩喇！餐廳有室內&室外地方可供進餐。室外係咁既～室內就係咁既～ 天氣熱，我地坐室內呀。呢到所有意粉、pizza & 主菜 加$58 轉set , 有多個湯、小食、飲品。由餐前麵包開始食, 又3款麵包分別係蒜蓉包、芝麻包同埋普通餐包，配橄欖油黑醋點嚟食～ 比較特別麵包藍有埋原粒焗蒜頭^_^今日有西蘭花忌廉湯同牛肉雜菜湯。第一次飲西蘭花忌廉湯估唔到係可以做到咁香濃而突出到西蘭花本身個中獨特味道，飲落好creamy~ 牛肉雜菜湯亦都值得一讚嘅除左呢個番茄味之外，真係會飲到牛肉本身個種香濃味。餐前小食，我地要左風乾牛肉沙律。風乾牛肉少食難以評價，而我鍾意食意大利嘅巴馬火腿多啲啦。（再比我選，我會要番凱撒沙津 ：p)主菜來到了！！「黑松露野菌意大利飯伴法國鵝肝 $238」，賣相精緻，鵝肝表面煎得好香口，食落香脆，內裡嫩滑無比，很香喔！配呢個黑松

今晚路過門口，以為只係另一間港式西餐，試下先，點知侍應話Full book，我打個凸，搞左震最後都有位。打開menu，個價錢同雪山有得fight，跟住經理有禮貌地問，使唔使介紹？好呀，選擇太多，最後點了鵝肝意大利飯，焗虎蝦二隻，加$58跟餐，多頭盤,肉腸碎野菌伴薯蓉及凱撒沙律，羅宋湯及磨菇湯，兩個餐飲，另加半打蠔同焦糖燉蛋。先來生蠔兩款，法國貨，唔記得名，真係新鮮，唔會輸比Ambrosia。餐前麵飽三款，麵飽熱辣辣、正，磨菇湯味濃，磨菇香，只嫌太滑無咬口，羅宋湯也濃，材料切得幼細，店。頭盤雖跟餐，但肉腸碎野菌香濃野味 ，沙律也ok。到主菜，半吋厚鵝肝外脆內軟，size 唔細，共兩塊，比 The Mira Yamm 做得更好，跟意大利飯好夾。二隻大虎蝦有八、九吋，焗得剛好，唔會太乾。兩人share，廚房已分好，夠細心！Cream Burlee 及茶啡中規中矩 ，埋單八佰水，有生蠔正常啦 ，可能無期望，所以好驚喜，一定再幫襯。

等左5年，好友終於畢業回港啦！最重要緊系食餐好，因為呢間餐廳露天位置好有歐美感覺及服務態度好。朋友很喜歡 一行四人，侍應姐姐介紹左個晚餐頭盤，不過唔系咁啱食，所以散叫。今日請客一早做足功課，招牌菜點小得，點知最想食既白酒青口，竟然比人留晒 下次訂枱一定要訂埋 水牛芝士番茄沙律，水牛芝士厚切，加埋鮮番茄  。  巴馬火腿沙律，清甜爽口蜜瓜令成個沙律更加清新。香草焗田螺，香滑牛油配個薯蓉，雖然味道冇咩特別，但有勁多粒田螺肉，低食。周打帶子湯，好creamy ，帶子好肥美&鮮甜。 主菜叫左個烤羊架，外面有d脆脆包糠，味道很好，叫左7x熟側邊位熟晒，啱我食中間位生d啱晒個fd白雪魚鵝肝，雪魚好滑，有魚味，鵝肝外脆內軟，可惜太鵝蘇味，我食唔到，朋友話好好食仲有個鵝肝意大利飯。叫得太多野啦！太飽叫左杯鮮榨橙汁，果然系鮮榨，因為叫到侍應姐姐好努力榨橙汁消滯完又點小得甜品，叫左個火焰燉蛋，唔會太甜，面頭放晒火，夠晒震撼，不過個蛋底實左d.

呢間cafe一直都係我比較鐘意食嘅先講湯:係野菌忌廉湯         個湯野菌味偏濃加上冇左餐廳一向系湯方面嘅細膩口感   而前菜嘅凍食翡翠螺一向都係我至愛主菜就係羊胺同鴨胸肉鵝肝黑松露意大利飯  平時都係食牛柳意大利飯,今次轉左新口味反而令我失望       鵝肝太油啦.....D油膩感+埋D油流埋落D飯度      個飯冇個想像中咁好食 反而羊胺嘅汁辟左陣<蘇>味,值得一試 羊胺+30元多個蕃茄意粉,香草味偏重雖然今日有D失望,不過都會再去食我偏愛嘅牛柳意大利飯.....

今日相識了近十載的中學老友由英國回港， 所以我地幾個人第一時間相約一起聚聚舊.   呢間餐廳近西菁街， 設有室外和室內座位， 燈光昏暗、 裝飾精緻， 整間店鋪都充滿著浪漫氣息！  而且附近係學校和較少人流的行人路, 所以就算選擇室內和室外的座位都十分舒適， 唔會太嘈雜，傾計談話亦都感覺好舒服.這間餐廳最好是沒有特定set dinner.  只要在餐牌上看到任何喜愛的Main Course+$58 就可以轉成set dinner，  所以今晚幾個人一齊share dinner.  今晚大家一起點了＂海鮮墨魚汁意大利飯＂、＂香草伏特加鮮大蝦螺絲粉＂、＂巴拿馬火腿鮮茄Pizza"。頭盤: 脆脆麵包條、蒜蓉包 和 甜餐包一開始上了頭盤， 包括有脆脆麵包條、蒜蓉包和甜餐包.  餐廳員工好體貼地為我們倒出意大利黑醋和橄欖油， 用黎沾脆脆麵包條、蒜蓉包和甜餐包令到味道更添美味和特別開胃.  脆脆麵包條勁脆口， 甜餐包沒有太大特別， 3款頭盤中最特別最好味係蒜蓉包， 蒜蓉包焗到夠火喉， 十分香脆， 味道咸咸地帶有蒜蓉香味， 味道一流.  餐湯: 意大利黑松露雜菌湯 和 意大利雜菜湯餐湯有兩款選擇包括有

今日同男朋友係元朗慶祝生日,見食評一般，但又覺得環境好好，抱著一試冇防心態去食雖然平日但室內滿晒，又唔想等，只好坐戶外。侍應生一黎就介紹晚餐，還送上一籃面包，好香我地叫左個烤羊架同巴馬火腿焗豬扒，加錢轉左一個餐，頭盤凱撒沙律，野菌忌廉湯，好香冬菇味好濃郁焗豬扒好好食，有肉汁又彈口，可惜個汁太小。甜品叫左木糠軟糕，但上甜品時多左件芝士餅，仲有埋爉燭，原來用餐前同經交談中，提及過男朋友生日，所以送件甜品小心意，真系好貼心同驚喜。下次去一定要試埋肉眼，因見隔離枱讚到好好食

之前食過兩三次都覺得ok（味道和服務態度）。今晚諗住同老婆去呢度慶祝生日。去到等入座時個waiter話執緊枱叫我等陣。見佢走去執張卡位俾我地，點知突然有兩位女士出現，個經理好熱情咁同其中一位女士打招呼。跟住個經理同個waiter咬耳仔，望一望收銀入面有張ready嘅枱，但位置不太理想，我心知不妙。咁個waiter按次序先安排枱俾我地，就帶左我地坐係不太理想的位置，咁我問佢可唔可以安排坐卡位，但佢話人地訂左，之後就安排左嗰兩位女士坐卡位。但我知道嗰兩位女士係walk in囉， 不過係熟客。我心諗我先係有訂位，又唔係walk in。個waiter諗住耍我，Fine! 咁我有我嘅選擇，就離開走去蠔吧同老婆慶祝。

今晚當元宵慶祝,小妹同男朋友想食朳,剛好在元朗所以上左黎搵左呢間試！主菜選左西冷$288 另外加$56 轉set 間餐廳情調好好,經理連麵包都講解,佢俾左芝士忌廉、香草,蕃茄,黑醋,我最喜歡都係黑醋我選左磨菇湯,好cream好濃,我覺得好好飲,不過都等左好耐.前菜選左三文魚沙律,和翡翠螺,兩樣都正常無問題！牛朳叫左8安士五成熟,可惜熟左d…無晒血水,估佢有7成了,全餐覺得已經唔差了,值得推介

見好多Comment 話好食同OK,去試下Lunch都無妨.叫左個Set-Lunch,話晒Set,日日整,水準都唔會差得去邊.結果就係失望.麵包籃,蒜茸飽是變涼的,很油又沒蒜茸味,餅條就是一條餅雜菌忌廉湯,唔夠熱,係Creamy,不過係Creamy Thick,好似打茨.主菜,黑松露菌燒汁肉眼扒,義大利麵條.要Medium Cook, 表面是煎得Charcoal,不過裡面一點肉汁都沒有,而且黑松露菌燒汁一點松露香都品嚐唔到,只有一個字,鹹!義大利麵條不用再多說.餐飲叫熱咖啡,苦澀而無甘香,又係唔熱,加了糖及奶仲差過罐裝. 仲要主打意大利菜,連咖啡都煮不好,何況而家D Coffee Machine都已經好方便.

又再入元朗食野, 今次去了呢間Savour Cafe, 報告如下 : 1. 白松露雜菌天使麵-------賣相好一般, 好多水咁, 可能係因為同太過over creamy 的關係，水汪洋又唔多夠味, 不過份量好大 碟.2. 蜜糖汁烤厚豬扒 ------- 豬扒肉質太鬆散(應該過份用左鬆肉粉)，無肉味，不過個蜜糖汁幾香同埋甜度都ok.3. 餐包 ------ 好一舨, 應該是交貨的貨式, 唔夠熱. 4. 整間餐廳 ------ 燈光實在太過暗了，而上菜速度亦慢，waitress 好nice.總結 : 這兩星期在元朗食了3次, 暫時明顯洪水橋的Man Kitchen 食物同債錢最好, 另外兩間應該不會再光顧.

服務員好熱情!十分好野食方面前菜一般,湯幾好主菜出事了,叫左個鵝肝飯......真係好好好好好油.....食完之後,由本身感覺不錯....變左反感....第二就是價錢同野食唔成正比

緣起 - 故事要從五年多前說起：有一天和太太無意行經一條稀渺人煙、鮮為人知的達輝徑，發現一間吃西餐裝潢甚富情調的小店，記得當時自己應該剛吃過晚飯，因此並沒有內進試菜，只從餐廳外窺探店內情況，數算應該是元朗區一爿收費較高的餐廳，打算到出糧天，和太太到這裡吃一頓好的。結緣 - 我和太太一貫的做法是：先試午餐，看看虛實，才會再試晚餐，以免浪費彈藥，畢竟收入微薄，食欲無窮。最後我倆挑了個良辰吉日，就這樣與這間小店結緣！五年過後，差不多吃盡元朗大大小小、不同菜式的食店，但每隔一段時間便會想起它。原因很簡單：食物不錯、環境好正、最重要是進餐氣氛自自在在、隨意也可跟店員聊上數句，每次進餐都有回家吃飯的感覺！喪食 - 今次晚餐，一行四人開了一支紐西蘭Sauvignon Blanc，頭盤：鮮甜翡翠螺、濃稠美味忌廉湯；小食：藍青口；主菜三份：1. 雜扒，當中包括地上最強 ：羊架、牛柳和雞扒 2. 海上最強 - 虎蝦、三文魚和吞拿魚 3. 意大利正宗薄披薩，非常酥脆；甜品：豆腐蛋糕、咖啡布甸及朱古叻布朗尼蛋糕。酒過三巡, 菜過五味，我和太太飽得捧著肥肚、步覆蹣跚與友人不捨餞別！How can you tel

位於元朗而夠膽以市區餐廳定價呢份勇氣，再睇裝修環境就值得一試。未去這間餐廳前已做了一定的準備功夫，COMMENT 一般都係好嘅，所以愛人生日呢啲甘重要嘅日子都夠膽一搏，主要係諗住環境氣氛會俾到愛人浪漫嘅感覺而且最主要係順路（因之前去了下白泥順路元朗落車直接去餐廳）。價錢正如開頭所講市區價，一個 香蒜大蝦墨魚汁意粉 盛惠$188 一個黑椒牛柳粒意大利飯盛惠＄188係 係單一價齋飯同意粉唔包任何湯，麵包，前菜，如果轉SET先有，OK 就轉SET，每個餐加 ＄58 。WELL錢唔好講你情我願，打死無怨。環境服務餐廳刻意打造成外國餐廳嘅佈置陳設，服務算OK。氣氛可能間餐廳細，人一多就變成街市，你一句，我一句，你笑我又笑，嘈到嚓天。唔係話歧視元朗地區，而係呢啲情形，我好少喺市區嘅餐廳感受到。無情調可言。食物質素前菜，麵包唔洗講，質素同＄8X 個餐嘅相差無幾。NO or even worse comment。香蒜番茄大蝦墨魚汁意粉無蒜香，直接食蒜片，OMG 完全無蒜味，太濕應該係番茄汁濃度調較有問題，只有酸無番茄甜味嘅感覺，墨魚汁意粉絕對係同普通白得阿姨意粉無分別除咗係黑色之外，墨魚味可能怕

叫了鵝肝黑松露意大利飯 & 牛尾意大利飯 加 套餐 沙拉 和 飲料 埋單約$600 多元. 價錢合理,服務好好, 食物水準高,鵝肝香脆入口即溶,非常甘香, 牛尾好冧,未食過咁好的牛尾.

同朋友一齊食飯，諗住求其一餐，果然求仁得仁，本來就無乜寄望，結果就自我實現預言食咗個話最出名嘅鵝肝意大利飯，d飯做得太黏，鵝肝質素亦不見得出色，過咗火，最慘係d所謂松露，軟巴巴的混在飯內，無味且色相曖昧。朋友個海鮮意粉，海鮮不甚新鮮，嘴勻的朋友早早放棄停筷，自嘆倒霉，匆匆喝過餐飲，結帳離去，下不再臨。