SAEMAEUL

营业中

休息中

火炭烤肉、五花肉、chilbun  dwaeji  kimchi兩個人嗌咗呢三樣，食咗三百幾蚊，價錢都算合理，可以食到咁正宗嘅韓國燒肉，個人認為火炭烤肉最為出色，仲有韓國人幫你燒，下次可以再嚟！

明明寫12點開，過去兩次，第一次話當日轉左一點先開，好！過一排，咁第二次我點半鐘嚟，佢又話當日轉咗4:00先開！營業時間無定時，經常話改做改，唔值得再嚟OK, 咁唔想開晏晝咪唔好開囉Blacklist!

同啲韓國friend 一齊食 好似返咗韓國咁。 佢哋嘅五花肉好好食。 而家做緊優惠，可以自己帶酒入嚟飲，食得十分暢快， 佢哋唔會趕人走，慢慢食都得。 誠意推介大家嚟試一試。

韓國燒烤是一種獨特的餐飲體驗，以其新鮮的食材和豐富的味道而受到廣泛喜愛。通常，餐桌上會擺放一個燒烤爐，顧客可以自行烤製各種肉類，如醃製的牛肉、豬肉和雞肉，這些肉類經過特製醬料醃製，味道鮮美。肉質鮮嫩，烤制後的香氣四溢，讓人忍不住一口接一口。除了主角肉類外，燒烤還常搭配各式新鮮蔬菜，如生菜、洋蔥和香菇，這些蔬菜不僅增添了口感的層次，還使整體餐點更加健康。韓國燒烤的另一大特色是各種配菜，例如泡菜、蘿蔔和醃製的蔬菜，這些都是韓國餐桌上不可或缺的元素，為燒烤增添了風味。總的來說，韓國燒烤不僅是一頓美味的餐點，更是一種社交活動，與家人朋友圍坐一起，分享美食，享受烤肉的樂趣，讓人倍感溫馨與愉悅。

最近天氣凍凍地❄️最適合食燒肉🍖朋友揀咗呢間開咗無耐嘅韓燒餐廳暫時都無得book枱只可以現場攞飛星期五晚6點25分左右去到前面已經有10幾個人排緊隊👫🏻👫🏻去到搭半就開始極多人4人枱仲叫緊個位數number攞飛已經去到30幾40😵‍💫一路聽到個個都提起白種元果然黑白大廚熱潮真係好勁🤣6點55分入座 (真係要早拎飛先咁快有枱）其實餐廳員工都唔少但佢地真係太忙🤯忙到無人帶位我地要自己問員工張枱喺邊😐4人枱座位都算闊落整潔方面略嫌張櫈有啲紫菜碎同餐具有少少油枱面用嚟落單部ipad係連住個支架嘅拎唔到落嚟亦唔可以較角度睇menu睇得耐少少隻手都幾辛苦🤣目前menu品項唔多有幾款豬肉牛肉就得一款仲有啲飯﹑冷面咁一開始海鮮韮菜餅顯示缺貨但唔知點解後尾又有返酒精飲品都係未提供到嘅我地叫咗火炭烤肉﹑五花肉🍖🍖香酥烤牛肉﹑7分鐘豬肉辛奇同冷面份量都ok上肉個陣會一併上埋生菜﹑泡菜﹑魚糕等等嘅小菜包肉食都幾解膩😋同埋有3款醬俾你點味道都幾好👍🏻員工幫我地開咗爐就走咗所以唔好期望一定會有人幫你燒🤣火炭烤肉好薄身所以應該係預你成堆炒而唔係攤開逐塊燒可能因為有醬嘅關係一燒完基本上塊板就會燶晒🌚而且塊板上面啲坑洞有

《黑白大廚》白種元系香港開燒肉店，睇咗節目嘅我當然要嚟試吓啦。昨晚7:40pm來到現場攞票已經見好多人企係度等位，我哋前面有12枱等咗45分鐘先到我哋（可以掃QR code留意叫號）。入到嚟見到場地環境夠寬敞，留意到佢只開放咗部分範圍，另外氣氛欠點音樂；每枱都有部機比大家自助點餐，應該係啱開店原因，食物種類不多同埋酒類飲品亦都未有提供，呢個時間嚟吃連牛肉都已經售罄，肉類得豬肉可選擇。現場感受到啲職員非常之忙碌，除咗韓國人亦都有識講本地話嘅職員。另外係自行燒肉為主的，拌菜同醬料可以再添加的；印象最深刻嘅係佢嘅秘製蒜香蛋黃醬，好好味我哋仲添加咗一轉😋整體吃完感覺還不錯，加上價錢唔算貴，會想下次嚟試埋其他菜式。Basic side dish💚基本配菜 昆布湯 青瓜沙律 五樣伴菜（可添加）Yeoltan Bulgogi(Spicy )💚火炭烤肉（辣） $119 豬肉；味道就正常普通再帶點甜辣Samgyeopsal💚五花肉 $119個人覺得唔會好油膩，用肉包住伴菜一同食用更佳；仲有溝佢地嘅秘製蒜香蛋黃醬嚟吃很正👍🏿Cheese Gyeran Jjim💚芝士雞蛋羹 $49第一啖食落去好滑的同埋又香

間野真係淨係靠黑白大廚白種元先會吸引到人野食同服務根本同價錢成正比食過體驗過中下伏都係一種體驗嚟嘅 1. 張枱仲有好污糟嘅跡係到 明顯冇清潔抹過2. 服務認真唔掂 叫左幾次侍應過嚟 都係冇人嚟 要自己起身埋去叫佢過嚟先睬我3. 性價比超低 依個價錢一啲都唔值咁貴——————————————————————————————————————————————————————————————————————————————————————————————————————————————————————

欣賞這裏的食物,肉類新鮮,味道調製得好,特別喜歡冷麵,麵質煙韌,入口醒胃. 另外值得一題,餐館內員工態度有善,樂於服侍客人,有笑容又有活力.但唯一留意是背景音樂太大聲,比較難傾計.

見新開張就過嚟試吓，服務員全部都係韓國人，Oppa 仲會幫你燒肉，用英文溝通無難道，食物份量適中，中等價錢，食咗佢地主打幾道菜色，樣樣都好好味，尤其是芝士燉雞蛋，烤肉也很有特色，最後兩人埋單四百幾蚊

食物好好味星期日大概5:00到不是太多人侍應親切地幫忙點左辛奇飯，炭火燒肉👍👍👍👍👍👍👍👍很好味 座位舒服泡菜年糕火鍋 有點辣，但是很過癮很推介，大家可以一試

呢間黑白大廚評判白鍾元既新餐廳剛剛開幕，我同朋友就已經衝左入去食！哈哈哈！超級多人排隊！不會好彩裡面好大，等左大概1個鐘就入座。剛剛開幕服務有啲混亂，連小菜都冇上，但係不得不說食物味道總體不錯！我地叫左燒豬肉同牛肉，肉質新鮮，味道醃製得剛剛好，用生菜包住食好味！另外我地仲叫左雞蛋羹同韓國粉絲，雞蛋羹偏鹹，粉絲就幾香麻油味，整體中規中矩啦！埋單大概2百幾一個人，都算合理！個人覺得如果唔使排隊的話可以一試！

專程特意嘗試白種元先生開設的餐廳，結果大失所望。我們點了豬肩肉、七分鐘豬肉辛奇及火炭烤肉。燒肉味道一般，燒鍋更特別容易癡底。七分鐘豬肉辛奇幾乎沒有什麼豬肉，醬料普通至極，有種食飯盒感覺。至於火炭烤肉煮完後跟像乾炒鐵板牛肉，散散碎碎，完全沒有炭火味道。另外餐廳完全沒有酒精提供，韓國餐廳冇酒飲，實在大煞風景，建議領取酒牌後開業會比較適合。這次體驗實在十分失望，完全不推介，建議不要期望太高，這裡沒有韓國味道。

白種元開的店真的不會令人失望氣氛很好有K-Pop歌長期播放那天去的時候人很多但排隊只需10分鐘左右而且有很多韓國客人光顧有韓國oppa 親自上菜肉質很嫩泡菜豬肉湯味道啱啱好又唔太酸又唔太鹹

係香港食到親民價韓式炭烤肉料理啱啱開業 品類選擇少 但係食物質素唔錯👍🏻叫咗炭火燒肉 唔係幾辣而且肉中亦有一點甜味，幾特別而且有唔同嘅醬汁比我哋選擇店員都好好 佢哋會幫手燒肉

”黑白大廚熱潮“ 評判白種元旗下餐廳新村食堂（새마을식당）進駐香港，在尖沙咀開設近萬呎旗艦店🥳又是小編朝聖好機會餐廳經典名物‼️🍽7分鐘豬肉辛奇(配飯) $795款前菜小鍋7分鐘豬肉辛奇上桌時，店員會將豬肉剪成細粒細粒，加入加入紫菜拌飯食，辣度十足，開胃美味❣️新張優惠：-打卡送飲品-凡於Saemaeul消費滿HK$500或以上，即可獲贈鞋履吊飾乙個！獲得6種Saemaeul商品系列的認證後，即可獲得活動時間：送完即止-上傳一張像 Mr.Paik 一樣戴著面具的自拍照，可以獲得一杯免費的非酒精飲料。活動時間：由即日至20/12/2024-免開瓶費直到今年年底活動時間：由即日至 31/12/2024🍽️ 餐廳： SAEMAEUL (尖沙咀)📍地址：尖沙咀寶勒巷3-7A號萬事昌廣場1樓1A號舖