RuRu Tapas Restaurant (已結業)

<大角咀隱世西班牙餐廳>😋位於大角咀這間西班牙餐廳, 其實由旺角地鐵站行過去只需8分鐘, 算方便. 餐廳裝修優雅有格調, 以黑白色tone為主, 主打西班牙菜😎先order一份輕食<西班牙炸薯仔> {$88}😋 份量多, 有好多粒薯仔. 熱辣辣得黎又有點脆口, 正.<帶子刺身> {$178)😋 共有約十片, 好有鮮味, 再配有魚子係上面, 味道很夾.Main course order <慢煮和牛臉肉>{$298}😋 和牛肉煮得超淋, 一點也不鞋. 再配埋薯蓉, 好味. 而且份量大, 食完有好滿足感🤭整體食物高質, 絕對係一間值得回頭再試的西班牙餐廳👍🍖餐廳: Ruru Tapas Restaurant 🥩地址: 大角咀杉樹街1-11號德安樓地下1號舖

與朋友找西班牙菜吃順利地在大角咀找尋到一家餐廳裝修以歐陸風格加上燈飾佈置 好有情調最重要是樓底很高 空間感十足好適合與朋友聚會 長談餐牌的tapas選擇比較多所以我們叫了2款tapas 1款pasta 1款main🥔西班牙炸薯仔炸薯仔 口感爽口 表面有兩款醬及葱花兩款醬大大提升薯仔的惹味程度是一道傳統西班牙tapas🫑西班牙辣椒仔 經過煎煮的辣椒仔 不失爽口口感而且香口 椒味重但不辣 外表光澤 不太干身有加了少量海鹽調味 簡單但吃的tapas🍝白酒辣蜆肉意大利粉蒜味很香意大利麵沾滿 橄欖油 白酒 加了碎的西班牙肉腸肉腸散發油脂香氣而且蜆肉份量多 肉質鮮甜🐖西班牙燒乳豬乳豬皮烤得甘香鬆脆肉質腍滑 脂肪豐腴配合蘋果醬 解油膩蘋果醬是用了香草跟少量酒製成 但當日的乳豬偏小🍹當然少不了飲品由於是平日晚 所以點了mocktail好適合Happy Ending 清新為主 帶有菠蘿香Cinderella 莓味濃Wild Lady 香濃士多啤梨味3杯各有特色 好適合男女老少➖➖➖➖➖➖➖➖➖➖➖➖➖➖

RuRu Tapas Restaurant 旺角杉樹街11號德安樓地下1號舖Shop 1, G/F, Tak On Mansion, 11 Pine Street, Tai Kok Tsui西班牙菜香港食唔平, 人均都要$300-400, 我搜尋左間幾好mood餐廳, 又可以比較下水準和口味。Tapas 款式多，見到$178 魚子醬龍蝦蟹肉牛油果他他,名貴又得體呢。就咁食或撈均當成抹醬抹麵包也很好吃$108 忌廉龍蝦湯暖下身,湯濃郁杰身，有忌廉香滑度都提升，湯中有大大塊蝦肉好喝。要長時間煮殼同先出味，鹹鹹甘甘。見到高到上天花板架酒櫃，同三兩知己食tapas 類輕身飲酒chill 下，聽住音樂好mood ,樓底高唔會有壓迫感。

大角嘴，對我來說，甚少去這個地方，交通似乎不太方便，友人發現 「RuRu Tapas Restaurant 」不妨試試，時尚餐廳，設有上下兩層，以黑白色為主調，供應多款Tapas、意大利飯麵及雞尾酒，適合和閨密或情侶分享。藜麥羽衣甘藍水果沙律靚靚碟子䉫麥多多，夠健康，有咬口粒粒石榴籽，色澤鮮艷藍莓、羽衣甘藍、撈勻一齊食，口感不錯四重芝士煮青口1234 😀四重芝士，濃郁😋青口細細隻，肉質鮮嫩方包邊邊，點上汁，特別滋味慢煮 豬柳配什菜慢慢煮、煎香肉質，淋淋，清甜 翠綠嫩蘆筍軟滑薯蓉

元旦日玩左一整日，第二日當然訓到黃朝百晏先起身。一起身就餓啦，去左大角咀食好野。去左大角咀杉樹街既RuRu Tapas Restaurant，餐廳仲好有聖誕氣氛，有聖誕樹同啲裝飾，餐廳又有格調，幾舒服。我地叫左西班牙辣椒仔、青口同個意大利麵。西班牙辣椒仔，係個開胃菜，食落一啲都唔辣，有濃濃的青椒味。四重芝士煮青口，青口新鮮，配埋個忌廉芝士汁真係食唔停。紅蝦意大利麵，蝦大粒彈牙，意大利麵比較煙韌，好咬口。

預約咗十二月二十四日嘅平安夜晚餐，一早知道7:30要還枱，所以6:20就去到，諗住一個鐘咩都食完啦。我哋兩個人叫咗個$498/位嘅晚餐，有餐湯、頭盤、主菜、甜品同埋一杯酒。點完菜之後等到大約7:00先嚟個湯，然後催咗一次過咗一陣再嚟多個沙律同生蠔，但仲有另一個頭盤仍然無影，而一直到7:30交枱都仲未見到主菜。因為本身要7:30交枱，就預一定7:30食完再去睇戲啦，再催多次都話要再等，咁我哋就選擇埋單。哇！張單嚟到真係嚇咗一跳，唔知係咪因為本身套餐係平啲，老闆將我哋食嘅野每樣拆開嚟計之後，價錢都幾唔合理。乜主菜都無食過、只係飲個湯食個沙律加埋隻蠔同杯酒已經要$429，仲話已經計咗85折，嘢又食唔到仲要俾咁嘅價錢真係好掃興。建議如果唔夠人手出唔切菜，可以預先同客人講要早啲到，無可能同人講7:30交枱，7:40都未有主菜，好失望！

提前慶祝聖誕節 我地book左呢間充滿聖誕氣氛既餐廳食野 門口有棵靚靚聖誕樹同鹿仔 好靚架 入面環境昏暗 營造氣氛 而食物質素都唔錯🥰西班牙燒乳豬乳豬外皮又薄又脆 肉質腍滑 口感好好 另外配合餐廳特製蘋果蓉真係好好食 原來凍蘋果蓉用左香草同少量酒製成 所以唔會好膩 。魚子醬龍蝦蟹肉牛油果他他食物擺放得好精緻 連碟都好靚 好吸睛 即刻打卡先食 三文魚籽同魚籽醬唔會魚腥味 口感甘甜 牛油果同蟹肉沙律 味道唔錯 口感清新 值得一試西班牙辣椒仔 三色辣椒仔外皮有海鹽 食落去香口清甜 口感有嚼勁 估唔到唔辣 仲好開胃

12月24同女友去打算食餐飯慶祝下聖誕，點知個體驗差到想x鑊佢我地全餐飯一共叫咗四道餸，兩杯mocktail，一共埋單1100左右1. 員工真係唔識幫人落單架喎叫個waitress黎幫手落單，兩手空空咁黎到，以為佢好勁啦，記到啲客叫咩食，咁我哋講完叫咩，佢記唔到喎，佢去叫第二個人黎幫我哋落單，我哋又要講多次⋯⋯多謝晒佢。不過第二個人幫我哋落完單，都係漏單⋯⋯真係好心佢哋揾紙寫啦2. 張枱細到阿媽都唔認得張2人枱真係啱啱好放兩個細碟同一個菜⋯⋯所以唔好諗住可以同時食兩個菜3. 候餐時間極長 由19：30入座起，等候到20：19先上咗一份薯條，成餐飯由19：30食到21：15先食完，急急腳咁走去其他嘢填肚4. 食物品質參次薯條等得耐都算，仲諗住都ok啦，佢成個薯條完全炸過龍，硬過我阿嫲副假牙，專登加黑松露，完全係無味既依個都算，再叫咗個西班牙紅蝦飯同白酒辣蜆，兩道餸裏面既蜆粒粒都有沙，依樣惡劣既程度，令人髮指。最後，成餐隻唯一令人尚算滿意既係燒乳豬，皮脆肉嫩，其餘如果唔係因為餓根本唔會食得曬，質素差到嘔。我地向餐廳反映以上問題，佢淨係覆一句今日太多人唔好意思，佢又要人book又要人俾留位費

聖誕節，搵食。經OpenRice訂位，早到10分鐘，店員話搵唔到訂座記錄。講埋經OpenRice訂座，之後就話system update 唔切，唔知我訂咗位，之後話熟客會主動補打電話去餐廳confirm，最後話今晚安排唔到枱。明明收到OpenRice通知，餐廳已confirm 訂枱。再check email ，餐廳啱啱以滿座為理由取消咗個booking。理解節日當前，餐廳多嘢做睇唔切booking record。但係，你响個客嚟到先去check，發覺做漏嘢，就推個訂座system update唔切，仲要話熟客會主動聯絡餐廳confirm位，即係話我無打畀你哋confirm係我錯⋯⋯辛苦晒⋯⋯無下次⋯⋯希望今晚搵到地方食嘢⋯⋯

今日放工，見呢間西班牙餐廳門面都幾有聖誕氣氛, 一於食埋晚飯至返。西班牙炸薯仔 $88薯仔粒炸得香口，上面有帶蒜香味的蛋黃醬和辣汁，是一道非常醒胃的西班牙tapas。西班牙薯仔蛋餅 $88蛋餅的主角是蛋和薯仔，加上洋蔥和橄欖油， 雖然配料簡單，已可製成又厚又圓的蛋餅，特別之處是上面再鋪滿意大利巴馬火腿，多重質感，絕對是驚喜。西班牙燒乳豬 $288乳豬皮烤得甘香鬆脆，肉質鬆化，脂肪豐腴肥美。餐廳坐位舒適，侍應服務態度不錯，是一個不錯的聚腳點！

同朋友買咗戲票今晚睇，見有耐未夠鐘，於是周圍逛下，忽然見到有間裝修環境幾靚又有氣氛嘅餐廳，即管入去坐下。本來諗住飲杯野，叫佃個小食 hea 下等睇戲嘅啫。點知忽然見到有我至愛嘅慢煮牛面肉。為食癮發作，結果忽然變咗食野，最後叫呢個牛面肉試吓。加多一個「龍蝦湯」同一份「西班牙炸薯仔」。「龍蝦湯」（$108） 本身呢個湯都係我至愛，鍾意佢濃厚蝦味同埋海鮮嘅味道。煮呢個湯功夫繁多，材料亦不少，所以貴得有原因。「西班牙炸薯仔」($88)炸薯仔粒面鋪有兩款Sauce及大量葱花，兩款醬大大提升薯仔的惹味程度，加抔啤酒一流。「慢煮和牛面肉配薯蓉」（$198）食呢個主要食牛面珠的肉質，淋淋的充滿膠質，入口即溶化，感覺充滿骨膠原。配菜薯蓉及蘆荀，識食一定混和埋的肉汁一齊食。另可加錢（$15）配latte 咖啡或($20) 選house wine。亦可再加錢（$48）配埋甜品。餐廳有 Brunch 提供，仲有二人、四人 Siesta Special ，有酒有小食。啱晒收工happy hour 同朋友嚟飮番杯、chill 下同hea 下。

今日想食啲特色小食，又想飲杯嘢relax 下。見到餐廳樓底高、環境座位舒適，感覺cozy, 可以chill & relax下 。# 西班牙蛋餅蛋餅裡面有辣肉薯仔同洋蔥，外面舖上層層Parma ham, 夾埋一齊食，佐酒一流。# 魚子醬龍蝦蟹肉牛油果他他龍蝦肉新鮮彈牙，蟹肉鮮味、配以醎醎魚子醬同牛油果，加埋火箭菜配麵包，做開胃前菜也不錯。# 白酒辣蜆肉意大利麵 蜆肉新鮮，意大利麵彈牙，汁醬由海鮮湯同白酒烹調出嚟嘅，幾特別。

去奧海城睇戲，冇左food court後就索性搜尋下大角咀有咩食，見呢間西班牙餐廳几有情調就去食。點了一份西班牙炸薯仔、紅酒辣肉腸配全麥麵包粒及西班牙燒乳豬。炸薯仔不會太濕或乾身，薯仔上面既醬汁一食就係西班牙既感覺，其實我不知咩醬，不過係西班牙成日會食到呢個味！麵包粒十分脆口，辣肉腸配紅酒汁好食！西班牙乳豬睇落去好𣺉，實質肉真的很軟，但估不到個皮係脆的，看上去以為皮跟肉一樣軟！而肉真的一點也不鞋口，配埋蘋果醬解返油膩感非常好👍

上次同朋友傾開好耐冇食西班牙菜，佢有好介紹，話下次一齊去食。今晚我哋終於約到去食啦😆呢間餐廳裝修型格，燈光比較暗少少，好適合同朋友飲酒傾計👍🏻我哋見佢餐牌tapas嘅選擇比較多，所以我哋叫咗2款tapas，1款pasta 😋西班牙辣椒仔外表好有光澤，食落口唔會乾爭爭咁，好有橄欖油香之餘，仲好香辣椒味添，但係一d都唔辣，佢仲用咗d海鹽吊起d味道。一個好似好簡單嘅tapas，但係好好味😋西班牙蛋餅上面放滿d西班牙火腿。蛋餅厚身，一切開入面，中間啱啱好熟，一d都唔老👍🏻入面仲有洋蔥丶薯仔粒同煙肉，食落好有口感，配埋西班牙火腿一齊食，鹹香鹹香😋白酒辣蜆肉意大利粉好香蒜味😍食落口帶有少少白酒嘅香甜同仲有少少辣。可能因為加咗西班牙肉腸chorizo。佢係紅椒味嘅肉腸，散發出濃郁的紅椒粉與油脂的香氣，食完之後齒夾留香😋而蜆肉份量好多，肉質飽滿又鮮甜😍

被大角咀一間小酒館的餐廳環境吸引，格調清新，門外店內已掛上聖誕🎄裝飾，富有節日氣氛。藜麥水果羽衣甘藍🥬沙律🥗$128沙律色彩繽紛，口感清新，加上黑醋醬汁食落令人胃口大開。辣味蒜片蝦🦐 $108幾鐘意食呢款Tapas，一上台就聞到陣陣香氣，微辣同鮮香的蝦子🦐，再將備好的麵包蘸油食，同係正宗西班牙既味道呀☺️！舌尖已在旅行中💗。紅蝦義大利麵 $188呢款麵係直接用紅蝦的蝦頭來做蝦汁煮義大利麵的，紅蝦嫩滑，而且蝦膏好多，義大利麵口感Q彈，口感超正💗。