Running 燒 (已結業)

今日突然好想食燒肉 就去左Running燒道食😜小食🍠有蘑菇 菜 南瓜片 番薯片仲有煮熟左嘅五花肉個等等...選擇好多 最推介冷麵 同燒肉一齊食 絕配!烤肉🍗個人比較推介豬頸肉同其他牛肉😋飲品🍹有汽水 果汁個d揀甜品🍧有芒果布丁 木糠布甸 oreo杯 吉士泡芙 荔枝茉莉花茶杯 水果撻 我覺得較為好食嘅係木糠布甸 其他就唔太特別 甚至有d唔太好食😥醬料🍴有六個選擇 韓式辣醬幾好 但係個燒肉醬個人覺得唔太好食 其他就正正常常環境👌幾大唔會好逼 服務唔錯 有問題問職員都有耐心咁答 總體來講都幾唔錯😝但唔會話特別推介 因為個人覺得呢間店除左選擇好多 無其他特別或者過人之處😌

📍running 燒📍...成日都覺得同朋友去一齊去滾滾下或者燒野食好開心😃好彩好玩過煮到埋黎就食 @@ 對韓式燒烤真係有小小情意結， 因為太中意食泡菜同佢既荳芽@@ 今日黎到將軍澳食一間牛羊雞豬海鮮都有既燒燒 ：D佢有分自助台 @@ 出面有泡菜， 芽菜， 好甜品， 雪條雪糕， 佢雪條係低卡路里一條唔過100， 岩哂驚肥既你😊 佢係一個價錢任食😀.. . 📍海鮮類📌 7 / 10分有蒜蓉芝士生蠔， 原隻生蠔， 大蝦， 魷魚圈， 帶子， 扇貝， 龍利魚片， 大蝦大隻， 帶子扇貝size 正常， 特別中意龍利柳片， 因為呢種肉既質地好滑， 同你食酸菜魚係一樣texture 😊另外芝士蠔又係must order, 你留意下， 佢既芝士碎係好多😊😊蠔既size正常大細：D...📍 牛羊類📌 7/10 分基本上以前既我真係好牛魔王， 不論食burger, 米粉， 燒烤， 打邊爐， 牛真係真唔甩🥺🥺😹😹 牛既香味真係令人好滿足， 不過人大左的確食少左好多， 佢選擇算多， 有熱門既牛柳粒牛柳片😊 肥瘦均衡 ！ 佢牛柳片甜甜地， 「業」過黎？😃佢唔多肥膏， 正😊😊😊基本上每款牛我都有叫， 另外牛舌都係

今日係我嘅生日，女朋友知道我鍾意食韓燒，所以一早就卜左於將軍澳Popcorn商場嘅Running燒餐廳同我慶祝生日😍😍😍我哋今次揀咗燒肉放題午市套餐$392/2個人，呢個套餐好抵食！肉類方面有牛🐂、豬🐖、雞🐔、羊🐏肉🥩我哋今次主要都係燒牛肉，因為我真係太鍾意食牛啦🥰而我最推介嘅係西施牛肉片、牛五花肉、烤肥牛，呢3款肉真係好好食，油脂分布平均，牛味濃郁，記得一定要配埋佢嘅燒肉汁，加埋一齊食係極度完美🥰🥰仲有海鮮，海鮮嘅種類都唔少：有生蠔、帶子、蝦、魷魚等等🦑完全冇諗過咁多種類啊🤣🤣而且仲有好多熟食可以叫，面類：冷麵、烏冬、辛辣麵、紫菜飯等🍚炸物都有好多選擇㗎，例如炸雞、炸魷魚鬚、炸薯角等等，真係極度豐富🤤🤤自助區都好多嘢攞㗎，各式各樣嘅甜品🍮例如：雪糕、雪條、豆腐花、芒果布甸等等，對於鍾意食甜品嘅人黎講一定覺得好幸福😝😝

<<將軍澳 - 抵食韓燒之選🔥>>餐廳：Running 燒🍢(將軍澳) 呢間餐廳位於將軍澳Popcorn商場，餐廳位置唔太明顯，要喺商場入面跟住啲指示牌搵PopFood上2/F，一出𨋢直行就見到。餐廳環境寬敞，坐得好舒服！🙂裝修都幾靚架😍仲有個超多選擇嘅自助區👇🏻1.熟食區辣抄年糕😍😍😍呢個真係好好食，香辣味十足，平時食開個啲韓國餐廳一碟得勁小魚糕同年糕，依家鍾意食幾多可以隨便夾，好開心呀☺️☺️2.甜品區雪糕、雪條、豆腐花、芒果布甸、忌廉撻等等，最估唔到係有軟糖😃😃3.飲品區飲品種類都好多🍹4.蔬菜區5.醬料區韓燒點少得燒肉汁😬😬😬另外韓燒部份都好多選擇㗎！除左豬牛雞羊，仲有好多海鮮，同炸物🍤牛方面真係一定要推介牛五花肉同烤肥牛，牛味勁濃，油脂分布平均😘真係好彩係任食先滿足到我呢個大胃王炸😂😂總括黎講$196/1個(午市放題)價錢方面當尚算合理，重點種類多，食物高質，真係唔錯架！😃📝總結（5分滿分）環境: 4/5味道: 4.5/5性價比: 4/5推薦度: 4/5

任食放題系列🤩其他放題甜品類通常係啲cheap野🤦🏻‍♀️哇🤩呢間竟然有dreyers乳酪雪條，分別有藍莓🫐和士多啤梨🍓味，岀面差唔多$19一條，可以食多幾條回本💪🏻❤️個人超鍾意佢個老火湯❤️材料火候十足，當日有蓮藕螺肉湯和胡椒雞湯，相當好飲冇味精味🤤可以自己岀去盛超抵食生蠔🦪有芝士味和普通系列，要自己燒，燒完的蠔超鮮甜😍芝士味更邪惡，唔想食到海水鮮味可以選擇芝士海鮮類選擇多， 十分容易回本扇貝類中size，不過燒完會縮水帶子類細size😂不過任叫冇問題啦海蝦類😋燒完有d焦香更惹味😚燒牛類🐮可以選擇的部位幾多元化，肉色澤都幾靚🙈岀面都有現成熟食，係等緊燒物同時，可把握時間出去食飽🤤

今日lunch就諗住同朋友食燒肉，點知係一個失望嘅經歷。。食物差：我地叫做2個set lunch，一個豬肉同一個牛肉嘅燒肉套餐。首先基本上係食唔到d咩肉味，肉嘅質量相當差，淨係會有醃料嘅味道，而且d豬肉好大陣怪怪嘅酥味，而且仲要韌到不得了，所以都無點食過兩份肉。。服務態度差：唔知係唔係因為樓面侍應人手唔夠，好似全間餐廳淨係得2-3個樓面，所以搞到佢地都幾暴躁，講野嘅態度都係呼呼喝喝，講野都幾寸，執野係好嘈，十分影響餐廳氣氛同食客心情。。環境衛生麻麻地：出面自助區嘅衛生麻麻地，攞醬料嘅時候一攞起枝匙羹係成好油，即刻要洗手，而且野食亦都搞到個檯面周圍都係而無人清理，衛生環境欠佳。

陰天了一個星期，開始想念燒肉的在烤架上滋滋的聲音，於是決定午餐要去吃燒肉！（事因有個住將軍澳的朋友說這間性價比不錯，於是我們就來到了Running燒）我們大概一點到餐廳，餐廳閑日的午市時段沒有滿座，但仍有不少食客，差不多兩點的時間便幾乎滿坐了，學生和一家大小都有！餐廳以電話掃描qr code的方式點食物，食物種類豐富，豬牛雞都有不同的部位可供選擇，特別推薦牛利和牛五花肉！牛利有咬口且牛味重，燒到微微脆即可減少油膩感，很好吃😋牛五花肉的牛脂分布不錯，沒有太瘦也沒有太肥！燒香後夾泡菜吃很有韓國風味！（餐廳有提供泡菜！）豬肉方面推薦辣味五花肉，豬肉很嫩，油脂豐富，雖然是辣味但不太辣，沒有冷藏味，頗新鮮！除豬牛雞外，餐廳亦有不少海鮮可選，包括大蝦、帶子、扇貝、青口、生蠔等等！（咁嘅價錢（$178一位）有海鮮放題簡直低到爆！）大蝦中等Size,很爽和厚肉，帶子和扇貝都很大隻！生蠔挺新鮮！（但我們都有燒來吃😂😂）熟食方面我們點了炸魷魚圈來試試，炸很挺酥脆。自助吧方面有不少蔬菜、飲品（蜂蜜雪梨很適合吃燒肉時喝）和雪糕雪條（有雀巢和Dreyer's)可以自己夾。餐廳亦有提供迷你錫紙盤比食客，我們就燒了

晏晝十二點， 我同朋友去咗將軍澳嘅running燒食韓燒， 嗰度嘅餐廳都幾乾淨同埋幾闊落， 嗰陣時餐廳都唔係好多人， 餐廳經理同我哋推介， 原來宜家星期一至五行日過嚟食嘅話係冇限時， 想坐幾耐都得， 啱曬同朋友仔出嚟hea下吹下水。除了海鮮和肉類之外， 所有的食物都可以在外面親自取用， 外邊有好多唔同種類嘅蔬果可以選擇，仲有冬菇，牛油，金菇，仲有好多唔同嘅紙包飲品。 我好鍾意飲維他紙包茶類嘅系列， 佢有香片，鐵觀音 ，伯爵茶 ， 同埋烏龍可以選擇。 健康之餘又下火，生津解渴。食物方面最好食係嗰個燒腩肉， 薄切牛脷都幾好食， 佢哋嘅油脂燒香咗之後分佈響啲肉上面都幾香口。 響出面嘅櫃檯可以自選醬汁， 我會建議大家可以一度燒一到自己搽少少醬汁幫佢自行自製化調味， 個味道會更加出色。 當你夾起咗塊肉可以攞出面嘅生菜包起佢，同埋夾少少泡菜一齊放入口。 如果個鐵板燶咗， 店員都會好細心咁幫你即刻換過塊新嘅。如果大家都想試下啲比較實惠但係又唔錯嘅韓燒， 不妨過嚟試一試。

自從晚市不設堂食後，就更加珍惜每餐午飯。每次外出午飯都精挑細選。今次我放棄一直幫襯開嘅韓店，老遠跑入嚟食呢間韓燒，幸好已在網上預訂，以為疫情冇人，誰知道差唔多滿座。想試此店目的係因為呢度有幾多海鮮選擇，蠔，帶子，貝殼類有好多，加上甜品都幾吸引，所以一試。無錯，海鮮確係滿足了我食海鮮的要求，但其他就唔太突出，特別係韓式熟食未有石鍋飯，煎餅等選擇，至於甜品就係糖，西式甜點，紅豆沙，及雪糕，亦末見有韓式甜品，食過飯後，未有食韓餐感覺！

同朋友去將軍澳行街,晏晝嗰餐特登唔食, 為嘅就係食夜晚呢餐燒烤放題, 放題最鍾意就係食到飽, 捧住個肚走, 好滿足☺️餐廳除咗用app落單之外, 亦設立一個自助區比食客出去攞食物, 沙律, 冷熱盤, 醬汁, 飲品, 雪條雪糕等都有得攞飲品除咗可以係呢兩個櫃道選擇之外, 自助區亦設有咖啡機, 橙汁, 剩係飲品都有咁多選擇醬汁有好多選擇, 有足足六款咁多, 你想點溝都得🤣肉嘅種類有好多, 牛, 豬, 雞, 羊應有盡有, 蔬菜, 海鮮, 包括帶子, 扇貝, 生蠔, 亦任君選擇我同朋友叫咗一碗水冷麵share嚟食, 食每款肉之間可以清清喉嚨, 亦一解熱氣🤣另外, 圖左嘅牛油粟米係我哋自製🤣 係自助區攞咗舊牛油, 再order一份粟米, 搖身一變成為牛油粟米, yummy😋, 不妨試吓!

今日一起身就去左將軍澳試呢間韓燒放題，初時以為車泊喺popcorn車場便可free park,但原來呢間鋪頭唔屬於popcorn車場，故揸車去要留意，110分鐘任飲任食～我記得呢間鋪頭前身都係做韓燒，但唔好味～而家改左running燒，入座後落單係手機掃描QR code落單，還有自助區提供比客人，分別有蔬菜，湯，小食，甜品，飲品，飯，特別啲有部扭糖機飲品款式唔算多，但價錢同食物質數非常合理～門口已顯示各時段價錢～入座後，用手機掃描QR code就可以開始落單～呢個扭糖機都幾特別，食韓燒放題較少提供～飲唔款式選擇唔算多～蝦好新鮮，龍利柳都好滑，蠔反而唔新鮮，有少少腥臭味～粟米亦一般有即炸雞，韭菜餃同魷魚鬚，食時重係暖～牛肉類別唔錯，以$178價錢算交代到～湯佢寫係雞湯，但我飲落似胡椒豬肚湯不過又幾好飲，我飲左一大碗～水冷麵就好一般～甜品我攞左呢支鷹嘜奶條來試，幾好味，好重煉奶味，識野識入呢隻貨，食噤多次放題我第一次見埋單$392，每人$200都唔使～呢個價錢食到呢個質素嘅食物，真的不錯👍🏻

差唔多成年冇食過韓燒，之前聽過話哩間幾好，所以特登嚟到Popcorn呢度搵到呢間試吓🥰🥰原來呢度都係用QR code點野食，真係又方便又環保呀！🥩肉類種類多呢度有牛丶豬丶雞丶羊同海鮮，應有盡有！我就試左雪花牛仔肉丶牛五花肉丶西施牛肉片丶牛柳粒之類。牛五花肉有成塊碟咁大，而且油脂分布均勻，都幾好味😋！牛仔骨同牛柳粒較其他肉類厚，會有啲難熟，不過其實咬落去都幾軟架。另外牛肉片大約兩隻手指咁大而且較薄，燒完之後啱啱可以一啖食晒！🤟🏻👍多種熟食選擇如果覺得燒燒下覺得厭，咁呢度就啱晒你啦，因為呢度有好多唔同種類嘅食物，例如冷面丶烏冬湯麵丶辛辣麵丶溫泉蛋紫菜飯之類，炸物有炸雞同埋炸魷魚，仲有各種泡菜同芽菜，雞翼薯皇之類，最後梗係唔少得甜品啦，呢度仲有Dreyer”s 雪條丶木糠布甸丶泡芙等等！我自己嘅覺得呢度嘅冷麵麵條煙韌，味道酸酸地，份量又啱啱好幾啖食晒，可以留返個胃食其他嘢！🤟🏻而烏冬同紫菜飯份量較多，味道正正常常，如果除咗肉類想食其他嘢都可以嗌吓㗎！

好耐冇食過韓燒，所以打算搵一間好食嘅韓燒店，聽講依家唔錯，就去左依間試下。佢係110分鐘任飲任食($178)，店員話平日仲可以12點燒到3點, 非常抵。店舖都幾闊落, 坐得舒服。佢有幾個自助區，可以自己攞醬料、熟食、蔬菜、甜品同飲品，非常方便。前菜佢有泡菜、芽菜同鹹酸菜可以自己攞，泡菜整得幾好，酸辣度適中。芽菜都唔錯，有辣味，唔會太鹹。肉 / 海鮮佢有牛、雞、豬同羊肉可以燒，今次主要都係燒牛，因為牛肉太好味，而佢嘅牛肉款式都好多，而西施牛肉片、牛五花肉同雪花牛仔肉係非常推介，西施牛肉片肥瘦啱啱好，，油脂分布均勻，食落唔會太肥；牛五花肉含有比較多油花，有好濃嘅香氣；雪花牛仔肉係細細粒，一啖就食到，牛肉味都好濃。熟食佢出面有薯角、鳳爪同雞翼自己攞，薯角炸得幾香脆，雞翼有少少酒味，食落幾好味。係menu都有好多可以揀，有炸雞、炸魷魚鬚同炸餃子，三樣都整得幾好食，都encore左好多次。麵湯佢有唔同嘅麵類可以揀，而佢嘅年糕湯整得唔錯，年糕煮得幾淋，湯都幾甜，值得一試。甜品佢有好多甜品，包括泡芙、什果撻、桂花糕同雪糕，比較鍾意桂花糕，佢嘅桂花味好濃，食落仲甜甜地。今次都食左椰汁紫米露，佢整得都唔

running燒嘅海鮮幾正，燒大蝦，魷魚圈，扇貝因為海鮮嘅卡路里唔高，所以就算食得多啲都唔怕肥原汁原味嘅燒烤，加上自己調配嘅醬汁食貝類肉質彈牙甜美，燒到水分乾透，有炭燒味，不禁令人想起係北海道魚市場即開即燒嘅鮮味蝦嘅size好大隻，2隻2隻咁叫，計返都覺得好抵我同樣會將蝦殼燒到好乾身，蝦肉嘅香味出哂嚟芝士蒜蓉燒蠔好足料，連殼燒十分有風味調味雞腎好惹味，仲有青陽辣椒，食落韓味濃牛油粟米因為冇提供錫紙兜，所以我直接用咗扇貝殼嚟煮啲油煮到滾，啲粟米粒彈彈跳跳好得意熟食方面有炸雞，炸餃子，炸魷魚鬚

地鐵上蓋商場，午市韓燒好多人食12：30左右上到嚟，望落已經8成滿座電子落單，一入座就已經可以開爐叫嘢食第一盤嘅「肉盤」好豐富，有開邊雞翼，豬頸肉，豬腩肉，咖哩魷魚，調味雞髀肉等等雞翼燒得香脆，調味適中，咖喱魷魚好香豬頸肉燒到有濃邊，啲油脂逼哂出嚟，爽口彈牙 另外一盤畀食肉獸清咗一半先記得影有牛五花，牛柳粒，全部都好靚，質素唔錯 主食方面，有我最鍾意食嘅韓式水冷麵超多碎冰，包住彈牙嘅蕎麥麵，仲有一堆醃製過嘅泡菜：車厘茄，蘿蔔，青瓜等酸酸甜甜好開胃又解膩 沙律吧有：菠蘿，水蜜桃等水果甜品方面則有：泡芙，奶凍等等加上甜品一齊食簡直係配搭得好好 水果撻不過不失，如果refill嘅速度快啲就更加好，因為食落撻皮已經淋咗 雪條嘅選擇都唔錯嘅，士多啤梨乳酪雪條好好食 棉花糖同軟糖都係任拎唔嬲 蔬菜吧有好多新鮮嘅生菜，方便我哋包住啲肉嚟食，韓式生菜包烤肉get!