ROYAL INN

今日黎到尖沙咀the one試下依間西餐廳，網上見到餐廳裝修係走華麗風格，特別欣賞水晶吊燈！黎到餐廳發覺比我相像中細，不過都坐得幾舒服。同朋友叫左兩個set lunch，中等價錢，百幾蚊一個lunch set。是日餐湯 （甘筍薑黃湯，跟餐）- 湯幾濃甘荀味，creamy得黎唔太流，唔錯。野莓香醋沙律（跟餐）- 沙律落咗醋同橄欖油，材料都算新鮮。法式寶雲酥羊架 HKD 168 - 自己都鍾意食羊架，所以就叫咗呢一味主菜。不過自己係第一次食寶雲酥依個烹調方法。網上查左一下，原來「寶雲酥是法國南部一種最傳統的焗羊架方法，在烤羊架面層塗上芥末醬、麵包糠和香草來焗香，從而增加食物的層次感。」的確表面香脆，同平時熟嘅羊架好唔同，有啲炸嘅感覺咁，幾特別既體驗。肉味就正常發揮。香煎北海道帶子海膽意大利飯 HKD 168 - 帶子算新鮮好味，意大利飯煙靭嘅質感我覺得唔錯，不過海膽嘅味就唔係好突出。另包餐飲。餐廳坐得舒服，食物正常發揮，收費唔太貴，服務唔錯，地點方便，我覺得同朋友食飯傾計都唔錯。

1. 法式鵝肉醬伴鵝肝慕絲 $158鵝肉醬擠咗係碟嘅周邊，而且鵝肝慕絲就係啲沙律菜既下面，可以將鵝肝慕絲同鵝肉醬，加上沙律菜放係個吐司上面，食落好有層次，好香鵝既香味，然後有火箭菜既爽脆，之後有番茄既酸，食完好開胃，而且非常鏋足。🌟 評分: 7.5/102. 香煎北海道帶子番红花意大利飯 $208意大利飯加入番紅花忌廉汁及巴馬臣芝士烹調，飯粒保持煙韌並不過於濕軟，三粒北海道帶子表面略為煎香而中心依然鮮嫩。🌟 評分: 7.5/103. 香蒜辣味鮮大蜆扁意粉 $168大蜆好大隻，而且俾既份量都好多，大約有6隻左右，每隻都好肥美，放咗係啲扁意粉下面，食落鮮甜多汁；扁意粉幾滑質感幾彈牙。🌟 評分: 7/10🎖️整體評分🎖️❤️ 味道: 7/10🧡 環境: 8/10💛 服務: 8/10💙 性價比: 8/10 📍 ROYAL INN (尖沙咀)尖沙咀彌敦道100號The ONE 1樓L121號舖

門面擺滿不同種類的花裝潢走法式宮殿風 像巴黎街頭的咖啡店食物整體不錯 擺盤又精緻與閨密打卡必去⍢Lobster Bisque $88入口綿密順滑 忌廉味較重 都帶有淡淡龍蝦味 Sautéed Spanish Octopus $148八爪魚新鮮彈牙 配上墨西哥辣椒 紫蘇葉及薯仔單吃辣得來很惹味建議搭配脆片一同吃 口感更豐富Truffle Tortelloni $158意大利小雲吞外皮厚度適中配上濃淍的黑松露忌廉汁 口感煙韌 充滿奶香豬面頰亦很酥香 讚～Red Wine Braised Beef Risotto $158牛肉肉質細嫩 入口軟腍 Risotto軟硬適中 啖啖輕微紅酒味整體濃郁而不膩 適合分享⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐ROYAL INN📍尖沙咀彌敦道100號The ONE 1樓L121號舖

🪴High tea in the garden🪴-Royal Inn作為人氣打卡餐廳 我對佢又愛又恨 鍾意佢佈置靚食物有水準😍 正因為咁 成日爆滿所以影靚背景有難度😫 今日去high tea 人流冇咁多 可以慢慢欣賞又靚又香嘅鮮花💐庭園-⭐️ Garden Tea Set for two $388⭐️ -🧆鹹點類炸鴨肉蒜蓉丸子🍡有特色 薯蓉粉滑有鴨肉鹹香 巴馬火腿蜜瓜🍈大大嚿夠juicy 黑松露芝士三文治🥪比較一般 -🍤海鮮小食類除咗鹹點 tea set有多款海鮮小食 三文魚/龍蝦肉/蟹肉 樣樣一啲 性價比唔錯 最吸睛所以我第一時間食嘅 係香煎巨型刺身帶子😚-🫔甜品類Madeleine最好食😋 蛋糕軟熟有粒粒果肉 馬卡龍亦係食極唔厭 表殼酥脆 內餡濕潤🙌-🍹Mixed berry smoothie 如果你唔鍾意飲咖啡 推薦呢個少女feel嘅smoothie 忌廉滑溜 雜莓🫐🍓酸酸地幾開胃-📍 Royal INN ( 尖沙咀)彌敦道100號The ONE 1樓L121號舖

Royal Inn 佈置充滿歐陸風情，入口處的白色凱旋門，配上黑白的地磚， 華麗水晶吊燈， 充滿浪漫的氣氛， 環境寧靜舒適。是日靚湯野莓香醋沙律濃稠的紅甘筍湯， 香甜順滑， 啖啖紅甘筍的甜香。 爽脆的沙律菜及新鮮的野莓， 配上酸甜的醋汁， 讓人胃口大開。紅酒燴牛肋條手工闊條麵／ 午餐 $158 牛肋條， 鮮味柔軟， 充滿肉汁， 伴隨紅酒汁， 淡淡的酒香，相當惹味，口感煙韌的手工闊條麵， 掛滿酸甜的蕃茄醬汁， 十分開胃，讓人停不了口。法式寶雲酥羊架／ 午餐 $168肥美的羊架，表面煎到金黃而微微焦香， 還鋪滿香草及麵包糠，切開肉時看到裏面肉質粉嫩，咬下去十分軟腍，肉汁油潤，肉香味濃， 完全沒有羊羶味， 好喜歡墊底的南瓜蓉， 又香又滑。

放假我多數食兩餐今日食足三餐好忙😆但家下番學後少左約朋友食飯唯有接住落🫰朋友係要見架由尖沙咀極速去銅鑼灣呢間有許願池既餐廳無諗過商場入面有間裝修咁靚既餐廳無論許願池定係金色拱門設計都好啱打卡😍海鮮：白酒忌廉煮藍青口$178配多士三片藍青口入口即溶，多士蘸忌廉汁無得輸直情想用匙羹不嚟飲意粉：鮮海膽手工絲帶闊麵$238有兩大塊海膽係上面闊麵口感煙韌彈牙😍唔錯吸晒海膽汁正呀！飲品：叫左honey lager$88試下，平時我唔飲啤酒覺得好苦，見佢寫採用龍眼蜜釀製，又真係唔苦喎！仲有龍眼蜜既清香，好鍾意～要同好朋友飲番杯🫰甜品：精選甜品拼盤$138（鮮果撻、馬卡龍、芝士蛋糕、焦糖脆脆）擺盤好靚好精緻，藍莓芝士蛋糕面仲有食用花好靚、鮮果撻餅皮好香牛油味配埋焦糖脆脆一齊食唔錯、馬卡龍我試左朱古力味～有個🩵既朱古力醬係面好cute，連個餡都係朱古力味，好有誠意。朋友試左粉紅色啖啖既士多啤梨味。整體食物同甜品都唔錯，店員有禮貌會主動問要熱水定凍水，裝修靚座位寬敞，下次會再嚟試其他。亦都好適合鍾意飲酒吹水既朋友們，佢有個餐牌係有杯裝或支裝紅酒/白酒/香檳，啱晒一大班人嚟聚餐。

Royal Inn 宮廷氣派的餐廳位於尖沙嘴The One的Royal Inn西餐廳品牌高檔，氣派萬千，佈置清新，全廳以雪白為主色，配合金色吊燈+略帶古典的滕椅，俾人感覺古色古香！✌🏼👌🏼🫶🏼🍽️紅酒牛肋意大利飯🍷🐂牛肋質地有𡁻口，味道濃郁伴些徵酒香，有層次。意大利飯可口好食，少少汁醬軟硬度適中。廚師🧑🏼‍🍳很有心思～擺放食用花朵🌱🌷能夠增添食客的觀感和食欲，讚👍👍！🍽️脆皮羊架🐏真係令人眼界大開，好少羊架會在皮上做一層酥皮，望落去好吸引🤩好想立即食，不過好熱，攤一會品嘗羊肉並點上特製醬汁，滋味十足！🍽️甜品→藍莓焦香芝士蛋糕+雪糕🍦蛋糕加埋雪糕食甜入心窩，配上清新迷人的藍莓🫐甜中微酸，醒胃怡神！在宮殿般吃這頓晚餐零舍貴格噢！🤗🤗👍😀餐廳環境氣氛一流，唔會太嘈雜，三倆知己同行，真係能夠享受美好時光🤝🤝🤝

同朋友喺尖沙咀The One shopping ，行到攰就去咗呢間餐廳食晚餐。仿凱旋門的餐廳入口佈置了大量花朵，離遠就被餐廳吸引，絕對是打卡的好地方！先點了一個法式大蒜蘑菇忌廉烤雞，雞烤得香脆嫩滑，重點是醬汁，除左大蒜同忌廉，還加了芥末，吃起來份外香濃，難怪餐廳附上幾塊香脆麵包，朋友和我都把麵包蘸滿醬汁享用😋另外點了香煎北海道帶子番紅花意大利飯，帶子煎得剛好，入口鮮嫩，用上食用花擺盤，更添高雅。甜品選了法式甜品crepe，點了一份開心果蘋果玉桂班戟，賣相同樣滿分，味道亦很不錯，除了玉桂的香味，配上酸酸甜甜的蘋果，清新而不膩，值得推介！看到餐牌還有各式Cocktails和酒類，下次來再試試品嚐🍷。

尖沙咀 The One ，有好多唔同菜色餐廳，今日約朋友去L1間Royal lnn食lunch😄餐廳裝修法國宫廷風格，白色主調，華麗簡潔，四周用唔同嘅花藝裝飾，牆身有浮雕，加埋水晶吊燈，加添咗餐廳高貴感覺😄餐廳有供應Set lunch，可揀餐湯或沙律，配主菜同💰28以下飲品，可以加💰轉頭盤或龍蝦湯😄甜椒濃湯酸酸地，綿密滑溜，開胃😋野莓香醋沙律沙律菜新鮮爽脆，藍莓都幾多😋法式寶雲酥羊架羊架兩件，面層用大量寶雲麵包屑鋪面，羊架用香料醃製，肉質嫩腍，無羊羶味，層次豐富，配菜有清甜南瓜蓉同爽甜露筍仔🤩紅酒燴牛肋條手工闊條麵牛肋條用紅酒燜腍，帶陣陣紅酒酒香，手工闊條麵掛上紅酒汁，滋味Q彈😋餐廳打卡位多，菜式賣相靚😛，餐飲點咗咖啡同檸檬茶，完結呢個美味午餐🥰

如果想喺尖沙咀搵間環境好又位置方便嘅西餐廳，位於The ONE嘅Royal Inn喺一個唔錯嘅選擇。餐廳四周佈滿精緻裝飾，非常有歐陸風情～ 美食方面，主打精美西餐，海鮮、小食、主食、甜品、飲品，樣樣都有～✨-［ ＊新鮮時令生蠔＊ ］· $48/58生蠔喺即叫即開嘅，我哋今次揀咗西班牙同埋法國蠔，兩款都非常鮮甜啊～相比之下法國蠔味道比較厚重。-［ ＊香脆豬面頰肉意大利松露小雲吞＊ ］· $158呢碟意大利雲吞超級好味！松露陷嘅雲吞，再淋上松露味creamy sauce，鍾意食松露嘅朋友千其唔好錯過啊～～另外再配上解膩嘅菠菜葉，以及超鹹香脆口嘅豬面頰肉，簡直super match～-［ ＊紅酒燴牛助肉意大利飯＊ ］· $158整碟主食紅酒味非常出，燴牛肋肉十分軟淋，每粒意大利飯都吸滿曬紅酒汁精華，味道非常濃郁～作為伴菜嘅洋蔥仔以及蘑菇都有烤過，都好好味～-［ ＊自家製藍莓醬士多啤梨班戟＊ ］· $88好味！！呢間餐廳嘅自家果醬唔會好甜，再配上雜莓，以及蛋香味超級重嘅crepe，係一份有份量得黎唔非常清新嘅甜品～💖-［ ＊焗蘋果金寶配零尼拿醬＊ ］· $78焗好暖笠笠就上枱，再配上甜甜嘅雲尼

Royal inn 之前去過覺得唔錯。又有得打卡 服務又幾好 價錢又貼地就決定同friend返去慶祝一下～ 今次我哋一人叫咗一客龍蝦湯 88 龍蝦味非常重 質地濃稠杰身 好足料 有誠意～ 💓西班牙黑毛豬鞍架 248朋友好鍾意食豬扒 誓要食盡每間餐廳嘅豬 呢間佢話好食。豬肉鮮嫩彈牙 粉紅粉紅 仲有陣陣像果香 越𑁻越香😋😋 💓香煎北海道帶子番紅花意大利飯 208有幾粒北海道帶子 煎得剛剛好 唔會好韌。意大利飯軟硬適中 好creamy 但份量可以多返dd🤏🤏 📍ROYAL INN尖沙咀彌敦道100號The ONE 1樓L121號舖

同老公去咗尖沙咀The One影Mofusand 🐱 ，順便去食Lunch ，揀咗係1/F 的西餐廳- Royal Inn ，門口佈置擺放左好多花好靚好吸引，適合打卡，裝修風格充滿法式宮廷浪漫氣氛。Weekday 有Lunch Set ，包前菜、主菜、飲品。我好鍾意佢哋啲餐具，啲杯碟好靚好優雅同環境很襯，食物擺盤仲好靚😚Starter:💛法式龍蝦濃湯💛龍蝦湯配上少許忌廉令口感更順滑，味道好香濃，好濃郁的龍蝦香味。💛野莓香醋沙律💛沙律菜好新鮮，好多粒藍莓🫐，配合佢個沙律醋酸酸甜甜非常之開胃。Main:🧡香煎北海道帶子海膽意大利飯🧡擺盤賣相💯，帶子大大粒輕輕香煎過，帶子肉質保持到好鮮甜嫩滑，意大利飯嘅質地煮得軟硬度適中好啱我口味，每一粒飯都吸滿海膽精華咁好好味。🧡焗芝士野菌通心粉🧡焗通心粉配沙律+酸種麵包，呢個組合配搭幾好，芝士野菌焗得好香，沙律又可以中和返焗芝士個種heavy感覺。Drink:💚Lemon Tea ☕️ 💚呢度好值得再來，我同老公都好鍾意，環境靚食物高質，員工Service 也十分滿意👍🏻

裝潢充滿異國歐洲庭院色彩😆成間餐廳佈滿古典風格嘅擺設✨打卡一流😍紅酒燴牛肉意大利飯🍖牛肉肉嫩細滑而且口感豐富，入口清爽不膩😆而且好夠腍👍🏻意大利飯軟硬度適中 醬汁香濃 好開胃🥰蟹肉忌廉汁扁意粉🍝意粉好掛汁醬汁濃稠😋入口啖啖肉😋蟹肉份量好多食落一啲都唔寡🤓而且唔會膩口白松露薯條🍟薯條新鮮炸起口感脆香🍟😼👏🏻佈滿白松露再點埋松露醬食一流😝自家製藍莓醬士多啤梨班戟🥞🫐藍莓醬酸酸甜甜🫐班戟皮煎得好香而且夠薄👍🏻香蕉朱古力奶昔🍨🍦味道唔會死甜😆濃濃嘅香蕉味配搭朱古力飲落口感好豐富😋

上次去咗銅鑼灣分店試過「法式大蒜蘑菇忌廉烤雞」一試難忘，今次同朋友再訪尖沙咀分店😆.✨法式大蒜蘑菇忌廉烤雞皮脆肉嫩，有大量大蒜，有濃郁嘅蒜香，烤雞沾上醬汁幾好食！✨香煎北海道帶子番紅花意大利飯意大利飯一如過往好食，帶子煎得幾好，意大利飯粒粒分明有囗感✨蘋果玉桂開心果班戟攞盤幾靚打卡必點，而且份量都唔少，玉桂味非常香濃，面層仲有開心果碎，口感十足.📍Royal Inn尖沙咀彌敦道100號The ONE 1樓L121號舖

提早一個星期慶祝情人節😼 唔洗比餐廳坐地起價係我每年都會做既事🤝🏻 前日食完日本野🤣 今日就揀左the one 既royal inn，其實之前已經食過，不過懶無寫到食評，而且係午餐，所以今次我都幾期待🤣 因為我為左佢個威靈頓羊架而黎🤩🐏 另一款就揀左紅酒燴牛肋肉意大利飯同埋4隻焗蠔😎🔥招牌威靈頓羊架 $298上碟果下已經feel 到熱辣辣，啱啱出爐嘅羊架肉質鮮嫩多汁，外皮烤至金黃脆口，配香濃嘅醬汁(有少少薑味)，味道超豐富😍 整體口感外脆內嫩，5成熟剛剛好，而且有肥膏位既油脂入口即化🤤完全無羊騷味，另外仲有薯仔同蒜頭等配菜，都好好食👍🏻威靈頓制法要經過繁複既工序處理同調味，再經過高溫烤烘，先可以鎖住肉汁。其他餐廳食主要係牛扒居多而且會再貴d，所以性價比好高🤩 無令我失望👏🏻🤝🏻🔥紅酒燴牛肋肉意大利飯 $158完全無諗過紅酒燴牛肋肉意大利飯咁好食😂 因為係我腦海羊架先係主角，點知依款risotto 勁好味🥹💯 牛肋肉超入味，而且好軟腍，紅酒汁燴製出濃郁既風味，加上粒粒分明既飯粒，令牛肉同意大利飯嘅結合，口感更加豐富，勁開胃好快食哂😂😂😂 野菌亦十分出色，配菜都好夾，有幾塊芝士片撈埋一齊食