Rimi Cafe (已結業)

同朋友慶祝生日，想搵個可以坐耐d既地方最後揀左依間樓上cafe 座位幾舒服，因為疫情關係每圍之間多隔板所以感覺私隱度高左不過可能台數多的關係感覺會有少少噪，但唔太影響傾計既😉叫左份2人餐，凱撒沙律，份量幾多，菜好新鮮完全每一片會苦既，個沙律醬都好好味，好想知點樣整😆跟著黎左個煙三文魚天使面，味道啱啱好，唔會太漏有好多種菇，天使面既軟度啱啱好，睇得出好有心機整最後喺🐷肋骨，好諗，好入味同ruby Tuesday 有得揮～附送既甘筍湯都好多飲，蒜肉飽好脆好味不過有一點喺有少少油煙味，不過整體其實好滿意，真心推介可能會有人覺得寫食評既人都好主觀，不過有一點我好想講，我book左8點，大概8:30開始食野，（因為我地睇餐牌睇左好耐🙈）但其實我4點幾食左個下午茶，餓既程度有限，如果喺我唔喺餓既情況下都覺得好好食，咁真喺食物既味道唔錯下面跟翻d圖

最近都沒點約朋友出黎食飯，今次就因為見到間café位於旺角，方便大家吹水，同埋玩桌上游戲。我地就一齊食午餐。Rimi café lunch set 主要有6個選擇，有麵同意大利飯。另外一個menu 有其他選擇，例如pizza 同雞翼等等的小食。cafe所有食物即叫即製。特式雜菌燴飯$79 燴飯上面有好多薄片芝士，我同朋友都系芝士控，見到個飯有好多芝士都好興奮！配上唔同品種的菇，例如杏鮑菇，茶樹菇，加上意大利飯吸收左湯汁，清香撲鼻。煙三文魚配忌廉雜菌天使麵$88 天使麵加上creamy的忌廉醬料，加上幾片煙三文魚，配搭好好。 炒椰菜苗 $75 我同朋友都中意每餐食少少蔬菜，黎個炒椰菜苗，加上煎香的煙肉碎，香脆可口，一口一顆椰菜苗，清甜！ 炭燒雞串(5支) $68 雞肉串燒燒熱之後，加上甜甜的醬汁，非常惹味！

專登早出嚟同朋友食個lunch，選cafe坐耐d！朋友介紹既小cafe，有分坐椅定椅日本風cushion咁。我地chill d坐cushion啦！蒜香雞翼3隻 Garlic chicken wings $38好好味道，好多香蒜！雞翼皮酥炸唔會大爆油肥肥，雞肉多汁。連炸香蒜都食哂唔放過！芝士焗西蘭花 Baked broccoli with cheese $52帶牛奶芝士香咁，焗都唔會乾身，保持濕潤！西蘭花帶脆身不錯喔！煙三文魚配忌廉雜菌天使麵Angel haïr with smoked salmon and mushroom in cream sauce $88Very very creamy，雜菌多多，仲有芝士片高質！天使麵分明痴哂忌廉，一大口食都有斯文感。哈哈，因為佢比較窄身，所以有依種小感覺！卡邦尼意粉 Spaghetti carbonara $79繼續原塊芝士上，芝士人士大愛，不是渣渣既芝士！煙肉貼哂係意粉身，保險之選，一定好食！呢兩個午餐可以揀一杯烏龍茶或者四季春茶系列嘅飲品。不過實在太早起身啦，一齊飲咖啡啦！+$6 薑汁鮮奶咖啡比想像中好飲，薑汁唔會太搶，加左鮮奶同少少糖好溫

登打士街廣場嘅樓上有非常多Cafe，今日中午同朋友嚟咗Rimi Cafe除咗想試新野仲因為佢係黃色嘅餐廳地方唔算大，但係整齊乾淨，而且座位寬敞又舒適，好適合平時一班朋友上嚟食飯傾偈玩Card game可能佢都係預咗你一大班人上嚟玩，所以lunch set嘅煮食都係六款左右，但係小食種類非常多。我同朋友分別要咗一份煙三文魚配忌廉雜菌天使麵同卡邦尼意粉。幼身嘅天使麵配上忌廉，整體感覺幼細順滑，而且雜菌較多，每啖入口都有。煙三文魚都好香口唔會太鹹，同味道比較清淡嘅忌廉野菌夾埋，味道非常有層次另一款就係大家常見嘅卡邦尼意粉，麵條軟硬適中，但係呢度加咗大量嘅洋蔥煙肉碎同芝士，食落真係非常香口越食越開胃，非常推薦大家一試Lunch set有某部份餐飲都係免費，我同朋友揀咗碳焙烏龍茶同金橘檸檬四季春茶，我自己更鍾意碳焙烏龍茶但建議大家走甜，因為佢嘅甜度似係加咗糖漿，我覺得原味會更好飲另外都點左雞肉串燒同芝士焗西蘭花，雞肉串不過不失係正常雞肉串嘅味道，西蘭花我覺得煮得啱啱好，芝士完全用晒，但西蘭花唔會焗得太腍或太乾身，仲係好爽口

呢個時勢，對於只識得食嘅大胃，實在唔知如何面對，但食都要食得稱心啲，揀一間坐得安食得落嘅餐廳，對於有心靈需要嘅人嚟講，係好重要㗎睇見佢飲品menu有咁多選擇，好怕佢係嗰啲用有味甜水溝出嚟嘅飲品，點知相反，係好有茶味同蜂蜜味湯又大碗，又勁濃郁，一啲都冇揸流攤蒜蓉包好脆口，浸湯一流青醬好足料，一埋檯就聞到陣香味，完全唔會乾噌噌雞翼都幾好肉，而且蘸滿蜜糖，誠意之作Pizza好厚身，Parma Ham勁多，超值大胃唔記得帶口罩套，咁啱有信封供應，好細心呀

疫情舒緩，便相約好耐冇見好朋友聚一聚。旺角行完街便去樓上cafe 坐吓吹下水。餐廳的環境衛生做得不錯，而且也有提供消毒酒精讓顧客使用，食得更加安心。之前有朋友說呢間Rimi Cafe 幾好食同環境不錯。便去試吓。我哋叫左2個set lunch, 再加一客芥末雞中翼。合共也只是二百幾蚊。set lunch 叫左一客雜菌燴飯+熱玫瑰蜂蜜綠茶。另一份叫左卡邦尼意粉+凍鮮奶咖啡。雜菌意粉一來到便聞到很香芝士加雜菌味，味道非常正。廚師非常用心地加上合適的配料，令到這一碟意粉所有配料的味道都好夾，特別欣賞當中的牛油味。好少餐廳煮意粉嘅時候會落牛油，但呢一間餐廳就知道牛油能提升雜菌意粉的香味同埋味道。另外，卡邦尼意粉賣相不錯，味道也很好。白汁煮得非常濃，好creamy，意粉的質感也不錯，並不會好淋，而是比較硬身。芥末雞中翼煎得比較香脆，而且加埋芥茉醬，令到個雞翼更加好食。這一間Cafe的飲品也做得非常不錯，我特別欣賞她的玫瑰蜂蜜綠茶，一般在外面飲綠茶，加上蜂蜜就已經很不錯，但是一間餐廳更有自己的特色，加上玫瑰，令到整個體驗更加舒適。加上20樓風景，真可以hea 一個下午。

非黃不吃！但好食是良知🙈 Rimi Cafe堅ok~ 唔識讀cafe個名😅，不過近期見Rimi好多評價都偏好，見疫情稍為好轉小小，好掛住啲friend呀~~~大家實講好多嘢講，所以要揀個適合傾計嘅地方，今次就係Rimi啦！。一入去就分兩區，舒適cushion區同埋正常餐枱區，可以咁樣畀人揀都幾好喎！ 可以根據聚會嘅主題需要而選擇，cushion區要除鞋坐地下，適合飲野傾計，餐檯區就當然係以食嘢為主啦~Menu都冇令人失望，作為cafe就緊係要有啲share food，我揀咗碟喺肉醬意粉，再加黑椒司華力腸，同蒜蓉牛油焗雜菌for share。司華力腸個份量比我想像中多，而且加黑椒炒都幾惹味！餐廳幫人切片上好方便食，抵讚！焗雜菌同樣都係比較多，睇嚟Rimi 知道小食就梗係要方便同夠share，理念很不錯👍肉醬意粉睇落雖然細份，但係女仔胃口啱啱好，因為仲要加埋share小食🤭 幾鐘意佢係人手刨芝士碎，咁樣係真係食到芝士味！肉醬酸甜比例啱啱好，肉又夠，好食㗎~~Rimi 是難得值得推薦的cafe！（ 因為有啲cafe食物真係好....一般 🙄）呢度絕對係中上質素。

旺角其中一個優點係多樓上Cafe 今次黎呢間地方大 服務幾好 野食仲要好多選擇 好好味 高質呀選擇困難嘅我地幾經辛苦決定叫小食先 細嘅曲薯條其實一啲都唔細🤭 仲要新鮮炸出黎 熱透心外皮又脆 掂仲叫左個焗磨菇雞肉酥 外皮酥脆 一層層好分明 雞肉餡有少少creamy 嘅感覺 幾好到主菜啦 lunch set 入面嘅雜菌燴飯 菇菌真係好多 非常足料 而飯都做到粒粒分明同彈牙 係我中意嘅😍另一個係卡邦尼意粉 通常我都中意叫呢味 因為看似簡單 其實要整得好味都幾考功夫 佢過關丫 但汁整得超creamy 而且好多 又吾會太咸喎 平日都幾驚食到稔pat pat嘅意粉但佢果啲質地彈牙 good good ar😋😋順便一提 佢地啲嘢飲好大杯 有特色 味道亦唔錯 跟set叫勁抵🤤

這天很早就有時間吃晚餐，就想找家cafe 一邊飽腹，一邊放鬆一下。在openrice一找，看到Rimi cafe 環境不錯，在openrice book有95折，就決定試試。餐廳位於二十樓，景觀開揚，裝潢不花巧，而且貼了很多文宣亦有提供信封裝口罩，是貼心之舉蒜茸包熱騰騰，鬆脆香口，忌廉湯很有口感煙三文魚配忌廉雜菌天使麵很creamy，而且三文魚的分量也不少鮮茄辣肉腸燴意粉的醬汁做得很好，很易入口青蘋果四季春茶和荔枝烏龍茶都不會太甜，茶味香

因為見到外賣自取$49包埋野飲 超級抵所以就試下 仲要深黃！❤️ 本身對呢幢大廈冇乜好感，覺得好MK所以從來都冇入過去。樓上Cafe比我嘅感覺係唔多好食，所以本身冇乜期望純粹貪平。我叫咗青醬炒寬條麵，一啲都唔慳料超重汁！同行朋友叫咗卡邦尼意粉，d意粉做到al dente，個口感好好，好味過好多地舖cafe（sorry我係對樓上cafe有偏見🤣）飲品點了蜂蜜四季春茶，偏甜但都幾好飲，西餐陪台式茶，又幾開心～ 下次會再去幫襯，為咗你而走進mk大廈～

去開旺角工作, 發掘小店吃個悠閒lunch，餐廳有落地玻璃窗，我們選了坐榻榻米的位置，陽光在窗外射入，好舒服，感覺悠閒，店內有提供桌上玩意，例如大富翁及啤牌等，絕對歡迎大家到店食好西, hea下~我地2個人點了兩個set lunch及小食，每份份量充足，飽肚好味！三文魚忌廉雜菌天使麵煮得軟硬剛好，爽口入味芝士吞拿魚長通粉長通粉亦美味非常，有驚喜之作小食雞肉串燒，恰到好味，啱哂朋友們一起傾偈時作點綴朋友還點了名為藍天白雲的特式飲品，造型好吸引，襯埋天空上的藍天白雲，影相打卡真係靚到嘩一聲，味道亦想像中好喝，仲要有埋雪糕，甜品都唔洗再點，有水準的良心小店，值得一試。

為左蛋糕而來，可惜5點幾已經無貨，好在仍然有好多驚喜俾到我地喺飲品菜單上面已經清楚顯示成份，唔會得個名好靚但係令人唔知道係乜嘢飲品。紫上談冰：紫薯味好香，奶昔幼滑又唔太甜，底下嘅紅豆已經好軟，同飲品融為一體，過往我無勇氣試紫薯飲品，但店員拎出來果下真係好驚喜，一飲更加愛上😍朋友叫嘅青莓竹馬就係沙冰類，好清新，藍莓味夠重，適合夏天焗蘑菇雞肉酥：細件得來好有內涵，外皮鬆軟肉質又嫩，唔會太重牛油味，食落唔太漏雞翼:實在有太多味道可以選擇，正當我哋唔知點選擇好嘅時候，店員話俾我哋知原來只要加多$5就可以選擇兩種味道，每樣味道有三隻，一次過滿足晒兩個願望蒜香惹味，蜜糖芥末少少甜，雞翼都厚肉唔會太奀，剛剛好熟風琴薯仔打卡一流，造型靚之餘又健康過食薯條，焗薯嘅醬料唔會太鹹，下邊仲有好大嘅脆芝士，同香軟嘅薯仔配合，岩哂芝士焗西蘭花：店內都有唔少健康食品選擇，高纖又好食，呢餐tea真係滿足過正餐有靚景有野食，心情好翻哂🤗私心推介特飲，有d係出面真係無見過

餐廳：Rimi Cafe (旺角)地址：旺角登打士街43H號登打士廣場20樓有一段時間無黎旺角登打士廣場嘅cafe hea一個下午🌞，今日終於搵到日空餘時間去做呢件事，但可能有人會問，登打士廣場咁多間cafe點揀呀？我就好簡單，揀一間黃店自然食得開心，比錢都比得爽啲20樓嘅Rimi Cafe由外黃到內，由內再黃到出外😍，每一個角落你都會搵到唔同嘅文宣擺設，真係好給力👍🏼意式鮮茄辣肉腸燴意大利粉🍝 $75開胃嘅意大利粉有唔少辣肉腸、番茄仔同蒜頭🧄，每一啖意粉都有陣陣茄香🍅卡邦尼意粉 $79Creamy嘅卡邦尼意粉充滿濃濃奶油香，芝士片為意粉增加唔少「芝」味😋，散佈係意粉嘅煙肉碎亦提升左意粉嘅顏值😍，對於我黎講岩岩好唔會太膩炒椰菜苗 $52椰菜苗用蒜同煙肉碎炒過之後色香惹味😎，仲加左啲洋蔥碎一齊食增加左椰菜苗嘅口感，過左兩點後嗌仲跟飲品架蜜糖雞翼 $38/3隻雞翼炸得香脆，蜜糖汁淋左係雞翼周圍無影響到雞翼質感🍯，蜜糖嘅滋潤同甜度亦減低左食炸雞翼嘅罪惡感🙊食完野仲可以係到嘆返杯花茶睇下書享受下self time🥰，呢到嘅特飲朱古力誘惑都值得一試架

午餐叫左煙三文魚天使麵，有兩大塊煙三文魚。天使麵份量都幾多，配白汁，仲有啲蘑菇配菜。餐飲揀咗四季春，甜甜地嘅茶。小食叫咗焗吞拿魚酥，新鮮焗起，入邊有吞拿魚餡，滿滿的，味道唔錯。酥皮夠牛油香。蜜糖芥末雞翼叫咗三隻，雞翼個皮幾脆，配蜜糖芥末醬幾夾。炒椰菜，我覺得好好食。夠爽口，又有蒜蓉香味～～焗蒜蓉包即刻食最正，因為好香脆。蒜蓉同牛油味都幾夠。依家香港都唔多樓上Cafe，所以Cafe來講呢間值得支持。

同朋友來旺角行街shopping，行到肚餓便到了位於登打士廣場樓上的Rimi Cafe午膳，是一間出名靚景的黃食店。一入店內已見甚開揚景觀，座位選擇亦多，我們選了一個靠窗的榻榻米位坐下，隨即點餐。我們點了兩個set lunch及兩個小食，分別是煙三文魚忌廉雜菌天使麵、芝士吞拿魚長通粉，麵食粉量剛好，不多不少，麵條亦夠爽，味道不錯，另兩款小食炒椰菜苗及雞肉串燒，同樣有水準，我最喜歡的是它的特式飲料—藍天白雲，造型吸引，打卡必點，比想像中好飲，一餐吃下來，相當滿足，有婆準黃食店，下次再光顧🙂