Relish

营业中

休息中

同朋友慶祝生日book咗坐室外位兩個人都嗌左today‘s special羊肉 178一份其實整體味道都唔差，都係簡單調味不過個羊肉份量其實好少，得薄薄三塊本身自己都算係細食嗰啲，但係同朋友兩個都食完覺得唔飽感覺觀塘區lunch呢個價錢其實應該要分量多番少少同埋有見其他人嘅相，好似呢間餐廳入貨嘅質量唔係好穩定，有啲同一款餐點明顯睇得出個份量每日都唔同咁，今日唔好彩份量真係細然後每人追加左一份蛋糕，芝士蛋糕普通tiramisu係我同朋友都一致認為比較好食。同埋喺OpenRice book位嗰陣我有寫都係生日，落order嗰陣我冇再特別講，不過佢哋都有係個碟度寫咗生日快樂同埋有點蠟燭，呢樣其實都幾貼心嘅

朋友約食飯，佢比左幾間餐廳我揀間間都好吸引但最後決定嚐試Relish 餐廳設計以木為主有一種簡潔同小清新嘅感覺主菜揀左鱈魚,朋友知我想試豬鞍就要左7成熟豬鞍Appetizer係炸意大利飯波配牛油果蓉同吞拿魚腩蓉他他。炸得剛剛好松露野菌忌廉湯。松露同菇平衡得好好慢煮和牛面頰日式餃子伴炒野菌，法邊豆。唔差但又未去到好impressed 🤔中間黎左兩杯果茶refresh一下之後就想主菜喇兩款主菜火喉都控制得好好，魚皮煎得好香脆杯seasonal selection係水果茶再加埋個唔會好甜嘅抹茶杏仁蛋糕做ending.完美～

晚餐叫左一個西班牙豬鞍，煎得唔錯。整體野食有質素，招呼不錯。但價錢有d貴，不過好食耂過左幾日，試埋個午餐。失望而回慢煮油封鴨脾，食落係普通鴨脾，唔香，唔係油封鴨脾。招呼好差，幾枱人都要自己去加水。幾個waitress 明顯係part time ，不停圍埋傾偈，無人管咁

網上及餐廳門口都寫是開11:00，但星期六大約10:57去到，已開閘，亦一直有員工返工，但等到11:15都還沒有開門….......唔知幾點先會開，沒有繼續等了

冇諗過觀塘會有隱世天台cafe.有日即興起，問個住觀塘既朋友，觀塘有冇啲有日光既咖啡店，呢間cafe 陽台有好多綠色植物， 職員都幾友善。 磨菇湯好飲， 冰紅茶上既一個乾橙皮做點綴十分合宜，淡淡茶香同橙香 love it 😻😻😻

Omg, 有得book 位高高高質重要既字要講3次工廈冇諗過咁出色好想知佢位大廚係咩background…先叫左個牛扒, 7成熟. 鎖到肉汁之餘, 個醬有 wasabi . 弔味好正, 南瓜湯本來我一般. 不過佢都有水準, 我成碗入晒.跟餐個包都好脆. 希望搵日假期黎幫襯下.唯一要彈係, 唔飲COFFEE 既人士, 選擇唔多, 希望店主會加返多D選擇…. Hawaii ICE TEA 麻麻Sofa 位飲野還好, 食野就辛苦原來傢私係A LOT 既, 唔怪得咁高質…

食物係ok嘅，我點左個軟殻蟹意粉，148加一～但地方真係細，又逼住擺好多枱，同隔離位痴好近係好影響食慾⋯超吵⋯要大聲叫先同到對面講野！上菜又慢⋯得2個staff 跑全場收呢個價真心可以咁近咩？仲近過茶餐廳！佢個格局好應聲真係好吵，去過就明，食物係ok嘅，但地方真係細，又逼住擺好多枱同隔離位痴好近係好影響⋯超吵⋯上菜又慢反抗疫來講佢地都好成功

Sit for a half day in this cafe - as all the furniture was fairly shipped from Japan / Europe, feeling very comfy with a shine of sun coming through the cafeThe eel risotto was super surprising with a sweet source, a great fusion of western and Japanese, didn’t expect they matched so muchThe pork was also tasting good and soft enough. Drinks and dessert also look and taste good

今日平日中午12:00小編黎到觀塘搵食, 今日好好彩, 係WALK IN情況下可以即時入座仲坐到我最鐘意的近窗位置🤣不過大家如果平時想食記得預約穩陣呀, 因為我之前試過兩次WALK IN都唔成功, 第三次先成功😅等我介紹下呢到既食物先1. 蒜香托蜆野菌炒意粉 ($148, 是日精選, 不在恆常餐單內)意粉同醬汁好夾, 意粉唔會好淋, 硬度岩岩好推介D大蜆同野菌, 份量多, 而且蜆好新鮮🤩2. 三式芝士大啡菇紫薯意大利飯 ($128)呢個我見係OPEN RICE有5星評價, 所以點黎試下但係可能我本身重口味🤪覺得呢個太清紫薯味唔太出, 得個色係紫色😂不過都推介個啡菇, 菇上有芝士, 熱辣辣, 好夾! (不過記得切細舊咁食, 如果唔係會好似我太急辣親🤣)我相信呢個飯喜歡素食既朋友會喜歡😄3. 玄米茶白朱古力卜卜米忌廉卷配玄米茶果凍 ($58)呢個非常非常非常推介!!!由於小編飲茶, 好鐘意呢個甜品茶味!忌廉卷入面包住果凍好有驚喜, 外型都好靚小編係秒清左呢個甜品😂😂不過可惜呢個甜品係期間限定, 如果大家想試都要碰下運氣😝但真心抵試既呢個4. 餐湯, LATTE 及 MOCHA (跟餐的)餐

一出電梯門，已經好似去咗另外一個空間咁，完全唔似係一個工廠大廈入邊，行到入去，好充足嘅陽光，木傢俬，再加上佢有一個售賣日本雜貨家品嘅corner，有啲似係Muji 嘅感覺，當然Relish 嘅空間感更大可惜當日冇book位，只可以坐喺窗邊矮枱凳，飲嘢傾偈會係好舒服嘅，不過坐響度食lunch就真係爭啲😅食物。。。。。。。。。。。。。Lunch Set - 連湯/沙律 及飲品醬油燒北海道豬肉眼配炒野菜 $168- 可能見佢係北海道豬肉眼就有啲期望，豬嘅肉味及醬汁配搭係好嘅，不過肉質就冇想像中咁諗咁軟，中間有少少乾Espresso Tonic +$12 - Espresso Tonic 面加上一片檸檬，非常清新總括來講，佢嘅Lunch set 由$118-$178，再加上環境好，食物足料又好味道，怪不得喺工廠大廈入邊都坐爆。

今日星期六去左荔枝角做facial再去觀塘搵表妹食Cafe🤤上個月好驚好多人所以今次提早時間book 左位 request 左坐梳化🤪全場得一個梳化四人位 佢又真係肯卑我🤩餐廳好得意啲櫈全部有價錢牌 唔知係咪坐得舒服可以代購同款櫈呢😆❤️❤️❤️軟殼蟹野菌松露忌廉汁意粉 $148～超推薦呢個意粉，我覺得我可以自己一個人特登搭車去自己一個人食晒，獨食不分享😂😂😂簡單但好食！！原隻軟殼蟹，有膏，特別香脆，醃得好有味，意粉軟硬適中，重忌廉很掛汁，有黑松露味，總之好食啦🤤🤤🤤三式芝士大啡菇紫薯意大利飯 $128～意飯大粒偏軟，有啲紫薯甜味，比較清新口味，但三式芝士大啡菇都幾好食。是日餐湯～蕃茄忌廉湯～忌廉湯黎講比較稀，但蕃茄味很濃，特喜歡佢有塊脆法包浸響上面，好似好高級。Lunch Add Cake Cake Special (+$48.0)黑加侖子雲呢拿櫻桃慕絲配榛子脆脆朱古力蛋糕～賣相同味道都好有層次，酸酸甜甜，中間有啲類似金莎脆脆，慕絲食落都好滑。Keto Cheesecake (+$48.0)Keto 巴斯克焦香芝士蛋糕(Earl Grey)～半熟芝士蛋糕🤩🤩🤩超喜歡，唔太甜，細味下都有食到

今晚與友人慶生、想搵間坐得舒服又好食嘅餐廳。之前食過午餐都幾好、又有朋友介紹咁就黎試吓。頭盤幾特別、蘑茹湯好好味但冇麵包或餅乾就爭啲。幾位都叫左黑毛🐷，哥哥仔提議食七成，其實都有九成熟。但又吾會太老，味道同埋配菜都好食。仲有時令餐飲就淡左啲。

距離觀塘mtr少少遠嘅cafe，一入到去好寬敞，感覺好舒服~ 我哋當日4位去，叫咗4個dinner set share嚟食。*以下Main價錢包含前菜、餐湯、seafood、refreshment、main、甜品📍前菜 - 二本爪松葉蟹鉗·玉子·蟹籽稻庭烏冬 🍜 味道 8/10Plating好靚，餐廳亦好細心咁扑咗蟹殼，絕對唔係小蟹柳扮晒蟹，好食！📍餐湯 - 周打海鮮濃湯 🥣味道 9/10超濃厚嘅海鮮同忌廉味，太好飲嘅關係唔記得影相！📍Seafood - 日式照燒汁芝山士焗元貝伴帶子慕絲 🍥味道 7/10芝士喺面蓋住照燒汁同元貝，令到元貝保持濕潤，加埋分子料理帶子慕絲，食落個味係帶子但口感完全唔係，感覺奇怪得嚟又奇怪哋ok。📍Refreshment - 香橙果茶 🍵味道 8/10食完前菜，餐廳會比杯細細杯嘅果茶大家清清個口，再食主菜。貼心，值得一讚。📍Main - 鹿兒島A4和牛西冷配香煎鵝肝松露千層薯 $498 🥩價錢 7/10味道 7/10兩塊西冷有d薄，但都係入口即溶。鵝肝煎得夠脆，咬入去仲係啱啱好熟，唔錯。📍杜洛克黑毛豬鞍扒配蘆筍松露千層薯 $368 🥩價錢 8/10味道 7/

我就叫左個黑毛豬安扒配黑松露千層薯 男朋友就叫左日式咖喱芝士燴紐西蘭羊膝 咁佢前茶有個松葉蟹鉗手配蟹子稻庭烏冬 蟹肉鮮甜肥美🤤🤤🤤 之後就有個周打海鮮濃湯 入面有啲蜆有啲煙肉咁 好creamy 好好飲 之後仲有照燒汁芝士焗元貝 refreshment 係桂花烏龍茶(?) 好清新好好飲 到主菜個豬鞍排都好好食 肥瘦均勻 我最鍾意係個黑松露千層薯 啲黑松露好香 個千層薯薯味好出之餘仲要有啲脆脆嘅質感 男朋友個羊膝都燴到好淋 配埋個日式咖哩芝士汁好香👍 最後甜品係荔枝茉莉茶芒果慕絲配芒果啫喱杏仁蛋糕 好好食👍👍👍超香芒果味 加埋上面啲荔枝肉都好夾 整體呢間野好好食 如果係黎慶祝生日/週年紀念嗰啲幾唔錯 推介👍🏻👍🏻👍🏻 就係咁我頭一日就將二千蚊嘅消費劵用左一半🤣

對官塘周邊唔太認識，所以呢日就係app 搵搵附近有咩特式d 嘅cafe.係app 見到relish 感覺唔錯，重點係有生酮蛋糕，所以唔駛考慮就決定試。到達後因知營業到4點，所以都有d 趕，上到去仍然有唔少客人，如有幾個朋友的話，最好訂枱，我當日只有一人，所以相對容易安排。環境係ok 舒服嘅，但當日都好full,所以被安排坐矮枱，食野比較唔舒服，但可接受。職員亦好有禮貌，唔會因快夠鐘休息而拒絕我。食物方面，算有水準。蛋糕味唔太陪，我試嘅係芝麻巴斯克，芝麻味唔夠。咖啡算正常，唔會話好特出。總體睇講，我係喜歡，日後去呢區，相信都會係首選。