Red Lobster (Fashion Walk) (已結業)

〔 夏威夷吞拿魚塔〕$38吞拿魚非常咸，真的很咸，芒果酸。〔 白酒蒜蓉炒青口〕$78汁的味道很好，但青口很不新鮮。〔 香辣酥炸蝦 〕$48不會太辣，炸蝦也很香脆。〔 新英格蘭周打蜆湯〕$38周打蜆湯比龍蝦湯更勝一籌。〔 龍蝦濃湯〕$58龍蝦湯很一般。〔 車打芝士鬆餅〕外脆內軟，會有點乾。〔 龍蝦芝士意粉 〕龍蝦很不新鮮。〔 龍蝦芝士薄餅〕薄餅非常好吃，龍蝦與芝士很夾，味道不會太咸。服務指數:💯分，細心說明也非常有禮。

裝修不錯夠光猛枱間寬濶，服務好，價格ok, 不過食物好吃，意粉偏淡，炸尤魚圈太多油，牛排乾及硬，油有部分員工於厨房內不是戴上口罩或是拉下口罩說話。 應該會再幫襯。

自己好少去西餐廳/西式cafe食，因為通常都好貴又唔抵食。但依間算新開既Red Lobster真係令我喜出望外一啲都唔貴又高質！通常西餐都會先上啲麵包，依度係上鬆餅！仲要唔係普通鬆餅，係烤到又香噴噴既芝士鬆餅！上枱既時候仲有熱度同脆度，記得要即食呀。食完個鬆餅已經好滿足，係我近期食過最好既鬆餅。雖然可以refill，不過一場黎到，要留肚食其他野先嗌左兩客南瓜湯、一客龍蝦湯，話曬都叫red lobster。不過南瓜湯就甜到非常之怪，果種甜度係食中式糖水飲南瓜露既甜度…完全唔明點解要整到依隻甜度我就不推薦了。龍蝦湯算鮮甜，入面真係有龍蝦肉。不過只可以算不過不失。嗌左個舌拿魚他他，平時食依啲都偏貴，但依度性價比超高，甚至算得上平。先唔講魚生非常新鮮，口感微黏但無乜筋，仲混入左提味既各種材料　e.g.毛豆、芒果同芝麻。側邊仲有埋脆片送魚生，不過廢事「ah肚」就無點食。依碟大蝦龍蝦汁意粉，係主菜入面我最回味既一款依度Ｄ意粉唔係Ｄ細細份港女意粉，份量好足又煮到al dente，將鮮甜濃郁既龍蝦汁掛曬上麵。大蝦有煎香過又有彈性！另一碟係松子青汁菠菜意粉。成日去西餐廳食青汁意粉意粉都中伏，依度就整得好

星期六終於去了Red Lobster ，之前想吃，但訂不到位。我早上11:35到達食店，還有很多位選擇，到12點多的時候，客人陸續來到，很多被拒絕入內進餐，需要回頭再安排座位，估計是樓上座位暫時不開，因為人手短缺。方便管理。一個人選擇不多，叫多又驚食唔晒，所以點了一個蔬菜烤龍蝦🦞丼，有菜有飯有龍蝦，另外知道有車打芝士鬆餅贈送，而且可以加添，所以沒有叫太多食物。在等待食物上枱的時候，服務員會送上兩個鬆餅，鬆餅給我感覺是非常好吃😋，比主菜更好吃，哈哈！蔬菜烤龍蝦的賣相很有色彩，蔬菜質素新鮮，龍蝦肉亦不少，我覺得這個丼很抵食，其實選擇還有很多，今次幫襯後，我會再去的！個人評分食物B服務C(大半服務員是外國人，佢哋較為隨意）環境B衛生B(廁所位置不太乾淨，要留意）抵食B(沒有收加一服務費）

人氣美國龍蝦主題餐廳終於來港開店了，選址銅鑼灣Fashion Walk，位置方便，餐廳佔有2層。 去年年尾剛開店時，訂座最少要排1個月 12月一個平日的晚上我嘗試walk-in等位，但要等2個鐘頭呢，因此最後還是放棄了。 2月14日情人節的黃昏，下午5點左右再接再厲嘗試walk-in，竟然能夠成功入座，但要7時或之前結帳呢。 情人節期間有限定套餐，我們點了”龍蝦二重奏”再另加了Lobster Salad。點餐後，立即為我們免費送上車打芝士鬆餅，熱辣辣兼充滿芝士與牛油香氣，十分滋味。 ”龍蝦二重奏” 套餐HK$338，除主菜外還包括2道配菜、餐湯/沙律。熱騰騰的龍蝦湯有滿滿的龍蝦肉，加了HK$20轉龍蝦湯實在沒有加錯，配菜我們加了HK$10的松露薯條及不用加錢的西蘭花，當然松露薯條很惹味香口，加錢也是值得的。 主菜方面的龍蝦，有蒸及焗2款，蒸的充滿著牛油香氣，龍蝦肉爽口有鮮味，還附上一小碟液體牛油，但個人覺得如再加點液體牛油就有點太油膩了。主菜的龍蝦意粉及另外點的Lobster Salad就和預期中的差不多，Lobster Salad也有很多的龍蝦，也不錯。 是次點餐份量，2人來說是剛剛

Red Lobster開咗幾個月，但係一直未有機會去食除左主打龍蝦之外，店亦有蝦/蟹腳/牛扒供應～點餐後，餐廳免費供應自家製車打芝士鬆餅！入口鬆化，味道帶少少鹹香，但身為芝士控既我就覺得唔夠芝士味清蒸龍蝦一磅 $318店員會原隻俾你影咗相先，之後係你面前拆殼🦞拆咗殻之後啲肉唔係話好多，不過夠兩個人食～味道算鮮甜，不過唔夠彈牙🤔另外有牛油俾你點黎食幾好味既龍蝦汁大蝦意粉分量夠晒多，不過味道方面就一般般～龍蝦汁唔係好夠味，大蝦只係急凍蝦🦐+$20轉龍蝦湯👩🏻覺得個湯都幾夠味，仲有少量龍蝦肉係入面招牌龍蝦沙律呢個性價比最高！一大碟沙律仲有大量龍蝦肉😍😍龍蝦肉好彈牙👍🏻不過如果沙律菜係羅馬生菜會好啲🙈服務方面需要多改善，女店員表情趕客，打電話留左個甜品碟寫Happy Birthday又冇左影...

Good service and detailed recommendation by Sydney. Food quality is high with so much seafood variety.🦞🦐It’s popular and full even under the current situation, the environment is relaxing and not too packed on the 2nd floor.Would like to try other dishes or when there’s special promotion next time!

這間來自美國，以龍蝦為賣點的全球最大海鮮餐廳，雖然已在銅鑼灣落戶數月，這晚我還是首次到來，與數位友人一起用餐。餐廳雖非位於銅鑼灣最熱鬧繁華的地帶，但這夜我在附近漫步前來，還未來到餐廳入口，遠遠便看見餐廳的招牌紅龍蝦的大型壁畫，線條利落，把龍蝦的輪廓清楚勾勒出來，告訴我知我已到達這夜的目的地----Red Lobster。餐廳共有兩層，這晚我雖坐在地下一層，但因餐廳洗手間在二樓，所以也曾到過二樓。無論樓下還是樓上，餐廳設計裝飾都以海洋為主題，雖是意料之中，可也甚有特色。一向喜歡 Mojito清新味道的我，這晚點的是 Lime Mojito，清新解渴，喝一口，頓感心曠神怡。免費奉送的「車打芝士鬆餅」鬆脆香口，果然不愧是這餐廳的招牌龍蝦菜式以外贏得最多好評的小吃。未食龍蝦，先食大蝦。「大蝦三重滋味拼盤」（$148）集「龍蝦醬大蝦意粉」、「酥脆炸蝦」與即叫即做的「蒜蓉焗大蝦」於一身，三者各有特色，有的以味道取勝，有的以口感見優，三樣吃勻，最好不過。仍然是蝦，不過今次是香港店獨家限定推出的「黃金炸大蝦」（$48）。以鹹蛋黃炸蝦在中菜裡已不是新事，但在美式餐廳吃到，我還是第一次。鹹香的味道，脆彈的

銅鑼灣原來影影埋埋手機入面有好多相都未post過出嚟😂媽咪知道香港開Red Lobster嗰陣已經話要嚟食，係咪真係咁正？佢係有兩層嘅，我哋嗰日坐上層，感覺環境闊落舒適啲 (⁎⁍̴̛ᴗ⁍̴̛⁎) 唔算太多客所以服務幾好焗波士頓龍蝦尾配特製椰子薑飯 $158個龍蝦啲肉都算鮮甜，同埋個椰子薑飯都好正大蝦意粉配蝦醬 $78 哩個就普普通通啦，啲蝦有少少mui 龍蝦湯味道唔錯，夠濃車打芝士鬆餅免費提供，自家製，即場焗製！！！一定要食🧀 鬆軟之餘仲帶蒜蓉同芝士香/唔算係好大驚喜，但經過可以試吓嘅💕————————————#RedLobster〰️Red Lobster〰️G/F, Fashion Walk, 8 Cleveland Street, Causeway Bay————————————

講到海鮮，香港食游水魚蝦蟹貝、日本食刺身、歐洲食生蠔，美加兩地就一定以阿拉斯加皇帝蟹及緬因州龍蝦最出名。最近，一間號稱全美國、甚至是全世界最大型的連鎖海鮮餐廳集團「Red Lobster」終於在香港開設分店。餐廳於 1968年在佛羅里達州 Lakeland 創店，其後經過數次收購、合併、重組，但一直保持在美國和海外急速發展；直至現正，分店遍佈美加、中東地區富有產油國、日本、部份亞洲國家、墨西哥等地，全球超過 750 間餐廳。近年，終於將業務拓展至中國，香港分店正是「Red Lobster」在大中華地區的第三間分店，而且還是由「Red Lobster」與本地餐飲集團合作直接營運，並非專利權經營模式，餐廳出品質素更有保證。去年年中開始香港風雨飄搖，直至年底社會氣氛才稍為平靜下來；以為雨過天青，但農曆年前後又爆發了新事件。即使銅鑼灣旺區的餐廳，晚飯時段也只有三四成客人；「Red Lobster」入座率竟然在八成以上，可說是非常特殊的例外。無論如何，始終都要食飯醫肚；「Red Lobster」既是名氣響噹噹的過江龍、又是新餐廳，喜歡嚐新的香港人即使面對疫情，當然不會錯過。樓高兩層的「Red L

剛剛進駐香港是訂位全滿，二月頭的晚餐都是一個多月前預訂的，但因最近疫情關係，餐廳不足10枱客戶雖然如此亦沒有減退我來朝聖的心情，帶着空肚子來試菜！既然Lobster Salad是招牌菜之一，即管試試～和預期中差不多，沒有太大的wow factor!龍蝦湯亦普普通通，而且份量較少Mussels味道非常濃烈，適合重口味的朋友們，而蒜蓉包略嫌太脆，稍為失色～蒸龍蝦🦞的龍蝦肉非常有鮮味，配搭液體牛油非常惹味Truffle fries炸得恰到好處，性價比高至於這酸酸甜甜又有帶點小辣的龍蝦意粉最為合我心意，雖然價錢有點小貴，但比較特別，值得一試如果下次再到訪，我會集中火力點重量大一點的龍蝦，而不點前菜

新年前已想試，等到初八，嚟咗食Lunch，今日係星期六但街上冇乜人，下晝2點度，呢間餐廳唔算爆但都有人等。入到去聞到好香，望下人哋食乜跟住見到好多海鮮餐，即刻決定坐低要試。呢間餐廳就咁望價錢以為水準一般，但全部啲嘢新鮮熱辣辣，好香好入味。鍾意食海鮮及龍蝦就一定好鍾意呢度。啲嘢食仲要大大份，仲要叫個意粉佢送湯又送沙律，叫燒蝦佢又送薯條，好多side dishes俾你。晏晝啲人叫啤酒及Cocktail Drinks飲，好多選擇。呢個蟹鬆餅好味到震，送嘅。龍蝦湯兩個，好熱又好味，原價$58，跟餐加$20，超好飲。沙律又係跟餐送。蝦意粉，睇個樣都好食，唔洗介紹。呢個係紅龍蝦意粉，好熱好好味好香，啲蝦好新鮮同埋有好多隻。燒蝦，正嘅~薯條配松露醬 成張單平到你唔信！Pasta Set 1Shrimp Crab Linguine 蝦蟹麵Lob Bisque 龍蝦湯$138-Pasta Set 2 Shrimp Pasta Lob Sauce 龍蝦汁麵Lob Bisque 龍蝦湯$118-Shrimp Set Carib Shrimp 燒蝦Turff Fried Side 薯條Pumpkin Side

年三十公司早放 老世提議大家一齊出鍋鑼灣覓食 揀左呢間佢之前係美國成日食既Red Lobster最驚喜既係一開波既 cheddar biscuit烤得香脆熱辣辣不特止 入面有零碎散落既 cheese輕輕 meet 開有拉絲感覺 少少咸 多多脆 一d都唔漏～食到飽哂 臨尾都不忘食多一件先走咸蛋蝦好好味！必食Mussels 雖然比較細隻 但個 sauce 好味 留返尼撈飯龍蝦丼飯都好多龍蝦肉 牛扒丼飯既牛扒粉紅肉嫩 但啲飯真係唔係我杯茶😢我要用青口啲汁撈落去先勉強食到松露芝士磨菇 pizza 唔錯～薄餅香脆 唔會好漏新英格蘭海鮮煲♥️我地叫左4-6人份 但9個人分 所以我只分到一件龍蝦同少少寬意粉 龍蝦啖啖肉好正～意粉索左汁都唔錯 略嫌唔夠濃味海鮮煲跟左 2 個side dish 薯蓉好好食 推介～黑松露薯條個口感反而有啲失望我地 9 個人叫左 7 個set再散叫左幾樣開左支 500 幾蚊既酒最後埋單先至每人 2 百幾Lunch 真係幾抵食～不過員工效率同檸檬茶真係有待改進（得1片薄檸檬）

春節假期，人流唔多，唔駛點等位。我地坐喺地下嗰層，睇網評話上層靚啲，唔係坐上層，都可以趁去廁所嗰時望下😛坐低之後就有芝士鬆餅食（免費架😆）。芝士味唔算好重，微暖，面有少少脆，幾鬆軟，食落唔會好乾，免費嘅味道都唔差。食物價錢唔算好貴，同埋餐牌都有好多選擇。我地兩個人點左無敵海鮮大餐同松露pizza。無敵海鮮大餐（$318）有沙律/湯，我地加$20要左龍蝦湯，另外配二個sides,烤南瓜片同加左$10要松露薯條。無敵海鮮有幾無敵？有4款海鮮：龍蝦尾，蒜蓉蝦，炸蝦同雪蟹腳...龍蝦都幾爽口彈牙，唔錯。蟹腳唔似平時自助餐嗰種咁咸。蝦呢... 我地都覺得一般，蒜蓉蝦唔夠蒜蓉味？唔講都唔知係蒜蓉蝦喎🙈炸蝦個粉有啲厚，兩款蝦味道都一般...個雞尾酒特製醬汁太濃味，蓋過所有海鮮嘅味道。龍蝦湯幾多龍蝦肉，但味道一般。松露薯條炸到好脆口，好食👍🏼南瓜片好勁香草味，但咸左少少。松露·芝士·磨菇pizza($88)上枱時熱辣辣，餅底仲好脆添。松露味啱啱好，唔會太勁，好多芝士，味道幾好。個人覺得蝦嘅dishes有啲失色，南瓜片調味過重。其他都ok。最唔滿意係啲員工忙住傾計，唔理啲客，得一個唔知係咪經理嘅男員工會

Red Lobster📍銅鑼灣 Causeway Bay .⭐️ 來自🇺🇸嘅Red Lobster 餐廳係no service charge 西餐黎講算抵食! 好抵食入面有兩層 座位都算多 亦坐得舒服 待應服務亦好👍🏻 .🦞 美式蒸活龍蝦 (298/lb) $298: 待應會幫你剝殼 清蒸嘅龍蝦肉好鮮甜 能夠食岀龍蝦嘅鮮味 配上熱牛油醬更加香口 仲有兩塊蒜蓉包𠻹🥖.🥗 紅龍蝦招牌沙律 $98: 生菜、龍蝦肉、風朝火腿、牛油果、烚蛋、蕃茄配千島醬.🍤 夏威夷椰子蝦 (6pcs) $68: 特大脆炸椰子蝦搭配招牌椰林飄香醬汁好中意個醬汁 好香椰子味 帶少少甜味 其他地方未試過👍🏻.🐟 烤焗冰島比目魚 (28oz) $288: 呢份比目魚實在好大份 烤焗時間剛好 魚皮好脆口而肉質嫩滑 加上檸檬汁 令比目魚嘅味道更加凸出👌🏻.🧀 車打芝士鬆餅 (free & 無限refill): 好好味 好鬆軟 亦好cheesy🥰 不過可惜唔太暖🙈