RBTea

营业中

休息中

2人晚餐 用了大約200蚊間野得個樣靚 啲野食難食到呢 無樣ok全部溝過水咁 淡而無味基本既檸茶都唔掂 青檸搞到又gip又酸咖哩 意粉 全部用水沖過咁，無味道呢啲沙拉同個湯，啲食材勁唔新鮮，加滴油就以為係沙拉，個湯我不如飲水好過食到嬲豬

經過一日辛勞, 受盡一肚氣, 嚟到夜晚, 只想放鬆一下, 就近近地搭一程小巴到太子始創. 始創人流比西洋菜南街少, 容易搵位, 去到二樓見RBTea有位, 價錢又唔貴, 就入內就坐.RBTea其實前身就係仙踪林, 所以裝修好清新小品, 令人感覺好舒服. 仙踪林以前主要賣台式飲品, 依家改名RBTea後就發展到有唔同嘅主食.兩個人隨意叫咗意粉薄脆鬆餅朱古力share食.香草忌廉三文魚意粉港式煮法有點軟身, 不過非常熱辣, 加上香草忌廉汁同煙三文魚咸香味, 味道比想像中要好.帕爾馬芝士薄脆火腿同芝士份量下得足夠, 薄脆真的十分薄同脆, 一客四件轉眼就食完, 差啲想叫多一客.爆pop脆香鬆餅餅底有蛋香外脆內軟, 有vanilla雪糕朱古力醬伴食, 最特別應該係旁邊的爆谷忌廉, 帶有點點爆谷甜味, 向來好少食鬆餅嘅友人都食晒.爆pop朱古力其實都係朱古力上面放上幾粒爆谷, 朱古力味道唔算特別濃, 不過爆谷好快浸諗, 最好先食爆谷.

晚飯約左個好耐冇見嘅朋友, 諗住搵個舒服嘅地方坐下傾偈. 7點4落單, 朋友叫個意粉好快就黎左. 我就食住前菜同飲住湯. 朋友本來都話個意粉好食, 直至佢食到條頭髮.... 佢吐番啲食物出來, 就再冇掂過碟野而我個日式咖喱豬排飯等到7點10都仲未黎... 其間我見住佢地係咁出意粉同窩夫... 都有問過我個飯幾時有. 而得到嘅係一貫嘅整緊就到... 咁我再等多陣啦. 等到忍冇可忍嘅我終於要出counter問, 佢又話1分鐘會有... 終於見到有碟飯出左, 但個waiter俾左遲過我嗌嘅隔離枱... 之後我出聲先俾我, 對吾住都冇講句... 本身好期待㗎, 但見到塊豬排啲肉少得可憐, 仲要係凍嘅... 隔離枱見我都等左咁耐主動要求退錢走咁嘅價錢咁嘅服務質素... 我覺得吾值囉希望商店可以改善下出餐嘅次序同服務啦

上次同朋友講開 RBTea新出的爆POP，朋友要我帶佢去食，而我又覺得可以 encore，所以就下朋友方便就到始創中心再食爆POP。爆POP朱古力香濃的朱古力，單獨已經好夠味，頂層配上爆谷味忌廉，令味道更豐富！還有頂層舖滿脆卜卜的焦糖爆谷，好快就被我一粒一粒 KO 了！蜜桃蘆薈茶香甜的蜜桃，配上清香的綠茶，味道還能持久在口腔內，還有豐富口感的蘆薈，與朋友一路傾一路飲，非常悠閒！烤檸檬雞鎚一碟四隻的檸檬雞鎚，表面微焦，咬下時，雞肉的汁還在雞肉內，不會乾，雞肉又嫩滑，伴碟仲有新鮮西芹，Good！意式蕃茄蝦意粉香濃的蕃茄醬汁掛滿在每一條的意粉上，意粉的軟硬度適中，絶對不是普通餐廳軟淋淋的港式意粉，蝦的數量也不少，蝦肉夠爽口。帕爾瑪芝士薄脆薄脆就當然不是我們平時吃的港式 pizza，底層薄脆很脆卜卜，配上蕃茄醬及 parma ham，味道很夾，雖然只得4件，但我們都食得很滋味！焗忌廉野菌螺絲粉面層舖滿厚厚的香濃芝士，下層就是忌廉野菌螺絲粉，忌廉汁分量剛剛好，野菌的分量都很適中，最適合我呢個喜歡野菌的族類！爆POP 脆香鬆餅脆卜卜的焦糖爆谷，與鬆軟無比的鬆餅搭上獨有味道的爆谷忌廉，每啖都似食梗爆

店員店長都好有禮貌，雖然只點了飲料，但也可以坐好久，沒有限時，飲料味道也很好，比起路邊那些台式飲料連鎖店好多了！好寫意，渡過了一個美好下午。出入洗手間店員都叮囑你要小心走，很久沒有在香港遇過這麼有人情味的餐廳了。

是日於太子與朋友晚飯。由於是日正在下雨，所以選擇了始創中心。 這家餐廳並不是第一次來了，不會陌生。厚切吉列豬扒 上一次來來的時候也有試過豬扒三文治，因為它是以窩夫取代麵包，非常吸引，窩夫少少甜配上有一點鹹味的豬扒，味道很夾，而且味道很久窩夫也非常香脆。烤芝士薄脆 這個薄脆嘅人喜出望外,芝士美非常香,非常香脆。RBTea 精選脆這個all day breakfast有窩夫煙肉，薯角，雞蛋，調味的蜜糖中間，還有生果，非常健康。 窩夫 香脆隨便配合任何一樣食材也不失美味。 真的不得不讚，這裏的護膚水準很高。木糠芝士球 這是我的其中一個最愛的甜品。 芝士香滑， 感覺很好，而且亦不會太甜。POP爆套餐 朋友說想試試這個新出的爆谷套餐。POP爆脆香鬆 這個上台時有一陣爆谷香氣， 爆谷稍甜但配上本身不太甜的夾餅店中和了吻合了，還有雲呢拿雪糕在旁，我輕輕點上，一熱一凍很有趣味。POP爆熱朱古力朱古力味香濃 表面的爆谷親生的時候吃起來香脆無比。由於眼闊肚窄， 最後打包了兩件窩夫餅第二天早上吃， 簡單用波爐翻熱還是香脆，實在喜出望外

RBTea地址: 太子 彌敦道750號始創中心2樓232號舖最愛去環境舒服的地方點杯飲品小食渡過，除了咖啡店，台式的bubble tea我都鍾情。$86意式番茄蝦意粉，包括了湯，沙律及飲品，真的超值。當日有粟米湯，有不小粟米粒及雞肉碎，而沙律是多汁的蕃茄沙律，雪過入口更愉快。意粉份量女生剛剛好，蕃茄令到整體清新，蝦彈牙意粉煮得不俗，沒有水水爛爛的。加了黑椒及芝士粉，滿有水準之作。飲品甜品出名大杯大碟，見到有新口味的爆谷系列，$94就有套餐，要了pancake同凍奶茶。Pancake鬆軟又甜，上面放滿了爆谷，更伴球雲尼拿味雪糕及淋上朱古力醬，一脆一軟組合幾有趣。而奶茶都好濃郁，又吃到爆谷。每粒都好大又沾了層脆身焦糖，幾好味。點餐後會有人端上食物，服務不錯，之後就舒服地享受食物及飲料。

悠悠閒行過, 入咗去試下沙律, 唔錯喎, 菜鮮甜, 加上有我鍾意嘅煙三文魚( 呢個味道唔會死鹹) , 個窩夫都ok, 唔會太乾... 餐廳都坐得舒服 , 整體感覺唔錯....值得再去

說到中學時的回憶，除了讀書、學校，珍珠奶茶都是珍貴回憶之一。是次來RBTEA, 不是為了珍珠奶茶，而是久聞新推出的爆POP套餐，覺得務必一試!爆POP套餐 - $94爆POP脆香鬆餅 (Kim子推介指數8/10) 爆POP朱古力 (Kim子推介指數7/10)這不是鬆餅，而是窩夫。層層疊的原味窩夫配雲尼拿味雪糕，與爆谷的點綴相映成趣。窩夫保持了微暖的溫度，口感鬆脆。爆谷有甜甜的的味道配上簡單的雪糕，非常清新。吃的時候要窩夫、雪糕及爆谷混起來吃，就能吃出三甜品的三重回感。帞爾馬芝士薄脆-$58 (Kim子推介指數8/10)薄餅非常脆口，加入蕃茄醬汁及豐滿的Pama ham，咸香味重，芝味濃郁，是不錯的新鮮選擇。晚市套餐 - $86晚市套餐由$70-$80 不等，我選了意式香草蝦意粉(Kim子推介指數6/10)及黑珍珠奶茶(Kim子推介指數7/10)。意式香草蝦意粉出奇地，蝦的份量很多，火箭菜及車厘茄為整道菜增添了不小顏色。香草味較淡，建議可以加點牛油令香味更濃。小食香煎香草腸配薯角-$48 (Kim子推介指數7/10)BBQ烤雞亦- $36 (Kim子推介指數7/10)

工作忙碌後, 總想搵個地方舒服的吃個晚飯, 現今的餐廳大多要限時交枱, 唔想食得急趕, 就搵到始創中心的RB Tea, 平日晚上人唔多, 都好快有位, 食物種類又夠多, 環境唔算嘈, 可以安心食個晚飯BBQ烤雞翼, $36, 去親RB Tea必點既, 雞翼醃得夠味, 而雞皮又夠香脆, 仲有青瓜條, 感覺好清新香草腸配薯薯角, $48, 較普通的一款, 腸仔及薯角無咩特色,出面都食到個款, 又係加上青瓜條, 中和下薯角既油"利"感香腸西蘭花芝士薄脆, $42, 薄餅香香脆脆, 第一次食西蘭化做饀既薄餅都幾特別, 芝士味好足夠,但又唔覺得漏, 價錢又唔貴日式咖哩豬扒飯, $72, 一上枱就聞到好香咖哩味, 日式咖哩特點香而不辣, 岩晒唔食得太辣既我, 炸豬扒既脆醬夠薄, 豬扒仲有肉汁, 唔會太乾身, 另外仲配埋炒蛋, 撈咖哩, 正爆Pop脆香鬆餅, 等左成晚既鬆餅, 可惜黎到後影唔切相, 個雪糕就開始溶, 爆谷鬆餅好似係新出品, 當然要試下, 賣相都幾吸引,  雲尼拿雪糕好滑, 而鬆餅又夠脆, 個人最鐘意伴雪糕一齊食爆Pop朱古力, 連個鬆餅套餐一齊買, $98, 又唔算貴, 朱古力濃滑,

半自助式的方式系令人幾舒服～～餐牌的內容選擇多，但總有一款系岩你心水點餐啦：炸魚柳配香鬆餅帶搭配岩鹽Oreo 朱古力 悠閒自在的時光就留系尼一刻。朋友點的果茶系列，也推薦一下。今次沒飲到，留待下回

好多餐廳都要用膳時限，如果想跟朋友坐低吹吹水，好多時都要選擇樓上Café，而我一去到旺角，就會選擇這間清新Café，已經光顧多次，特別喜歡它的Waffle甜點！早前又跟男友再次光顧～它位置太子始創中心樓上，地理位置好方便，而且店面好大好闊落，環境舒適～它的座位的任意入座的，而點餐是需要走到收銀處點餐的，半自助式的服務，感覺幾Free～它主要是甜點Waffle及小吃作賣點，但也不乏其他主食飽肚的飯及粉類～也有特色的飲品，種類也很多！OREO朱古力冰雪樂（HK$52）身為朱古力的控的見到都無法抗拒，下面是朱古力沙冰，朱古力味好Rich，不易溶掉！而上面就有一球溫尼拿雪糕，下面再鋪了一層OREO餅碎，有得飲有得食，口感好豐富～唯一可惜就是雪糕剛來到時已有點半溶狀態！焗忌廉汁肉醬螺絲粉（HK$58）這是即叫即焗的，製作需時，所以要等10-15分鐘左右先有得食～份量適中，不過如果男人或好肚餓我未必夠飽～忌廉汁肉醬好有陣蕃茄味，好香好惹味，而上面也加有芝士去焗製，芝士味唔算太濃！烤芝士薄脆（HK$34）烤芝士薄脆是好薄身的Pizza，只加了芝士及香草，再灑上芝士粉！薄脆好脆身，芝士味適中，不過食多

是日放假，陪好姊妹去試婚紗禮服，事緣當然就要去T下啦！去咗太子始創中心2樓嘅台式餐廳，等左15分鐘左右，可以坐低啦環境有啲擠迫同埋嘈吵，裝修都係唔錯嘅！👀完餐牌，要先到收銀落單同俾錢，過咗10分鐘左右來個BB Q烤雞翼，香口好味！仲有西芹條加沙律醬，清清味蕾5分鐘後，在想帕爾馬芝士薄餅先來食物後來飲品，凍嘅新鮮水果茶，一般！東京岩鹽黑糖咖啡，偏甜！由於星期六人多關係，環境真係比較嘈吵，選呢間食店都係諗住可以坐得來啲，結果同好姊妹👭傾多兩句都唔得！食完即走人，再去濕平補番數喇😂😹

上次同朋友黎食下午茶，真係唔錯。忽然想喺呢度食晚飯，於是放工過黎。見晚市餐牌唔錯，C係最吸引不過對我黎講價錢高左少少，所以我最後揀左B不過黎到就覺得有啲伏……因為黎度個飯係咁樣的……我知，圖片只供參考，所以我唔可以預期咁多。但真係好難食，焗飯應該濕濕地比較多汁，但呢個飯真係乾到……而且啲西蘭花黃到……鴨胸薄到乜咁，個飯我要用忌廉湯去撈。今次完全係自己衰，揀錯餐，因為見到人地叫C餐，個意粉唔錯咁。每個餐有沙律同忌廉湯湯好飲，但個番茄沙律浸落啲唔知乜醋真係酸到食唔落，食左兩粒就冇食喇。珍珠奶茶要加10蚊，都大杯，幾好飲。整體黎講，最滿意都係杯野飲同碗湯，至於其他……真係唔掂，希望下次唔會中佢伏啦！

LUNCH 時段2點左右入座，唔洗等位，揀左卡位坐，sofa 有啲矮，要坐直黎食野。叫左lunch set 既煙鴨胸意粉($58)，飲珍珠奶茶(+$10)。意粉好快到，碟底係熱既，頭一兩啖都係熱既，愈食愈唔對路。點解意粉中間個啲係凍既，我好sure唔係由熱變凍個隻凍，而係雪櫃拎出黎個隻凍。之後成碟意粉無食。另外煙鴨胸同啲汁都算可接受，唔會好難食同係熱既。仲有杯珍珠奶茶，佢係用個茶壺裝奶茶，一隻細杯裝珍珠，應該係自己加奶茶落珍珠到飲。可能我大鄉里，未試過咁特別既飲法。一啖奶茶，再食珍珠。最後，我諗應該唔會再去依間到食lunch。