Rakuraku 樂拉麵 (MegaBox)

营业中

休息中

嗱！老實講一句啦。 今日逛megabox黎到呢間日食拉麵店，認真唔錯喔，對出就係溜冰場，可以睇人地滑冰，隔離就係sharetea，可以邊飲邊食。雞白湯拉麵。湯底超級濃郁，搭配好有心，炸藕片、木耳絲、蔥花、豚肩片，所有配搭都好match，值得一提，個溏心蛋做得好好！出街食拉麵好難見到咁靚仔嘅溏心蛋！不愧為過江龍拉麵！芝士吉列黑豚石鍋飯。米飯吸收肉汁和石鍋的熱量，成道菜肴擁有獨特的香氣和口感。建議食石鍋飯淋啲醬油或者辣椒醬，冇咁干身之餘提升整體嘅美味程度。呢間拉麵店食滿$250仲有代幣送可以扭蛋，幾有心思！

上個禮拜日來食，我同朋友都有點肚餓，所以我們就早左來這裡食左餐飯先睇電影。 服務很好，好快就清左張抬比我地，staff 好nice。 我點做一碗豚骨湯叉燒拉麵同一份小食——唐揚炸雞。 湯底真的好好，豚骨湯夠濃，食起來個人都暖埋，炸雞的分量也很足，配著拉麵不錯 。Came here for a quick meal last Sunday, my friend and I were getting hungry so we came here earlier to have a quick dinner before our movie. The service was good, they were quick to clean up and serve us, and the staffs were friendly.  I ordered a bowl of Ramen in Pork Bone Broth and a snack - deep-fried chicken.  The broth was really good, it tastes warm and hearty,

平日晚上，在 MegaBox  覓食，商場內人流當然不會多， 這裏的食肆繁多，一時之間 也不知吃什麼才好。最後上了10樓的 Rakuraku， 雖然已經有幾檯的食客，也很容找到坐位。今晚嚐了櫻花蝦特濃龍蝦湯叉燒拉麵，及點了一客蟹盛石鍋飯。叉燒拉麵的龍蝦湯， 龍蝦味果然很濃厚，雖然有些偏咸，但吃後又不覺得特別口乾， 拉麵 吃下去非常彈牙，口感甚好，頗值得推介。至於蟹盛石鍋飯， 更是意料之外的好吃，除了夠熱之外，蟹的鮮味及香味也十分突出。下次再來光顧這店，嚐嚐其他的食物。

今日小朋友去咗MegaBox玩，見到一間叫食拉麵嘅舖頭，於是就走咗去食啦，今次叫咗個兒童餐，煎豆腐，炸蓮藕片，煎餃子，同埋一個拉麵。兒童餐份量啱啱好，夠一個四歲嘅小朋友食，佢仲要食晒喎，已鐵板煎豆腐，亦都煎到非常之脆，個煎餃子，煎得非常之出色，餃子保留原有嘅肉汁外脆內軟，炸蓮藕片亦都揸到啱啱好非常之脆口，拉麵見面我哋今次揀咗幼麵條，煮得非常之好有口感，湯底唔會太鹹，份量亦都啱啱好，最重要嘅就係啲侍應服務態度非常之好，經常會過嚟幫你加水。

今日去左MegaBox，睇完戲就去搵野食，見到依間拉面店係電梯隔離，除左有鋪內，仲另外有幾張枱係鋪出面，感覺無咁焗促就入去試下。我地揀左鋪出去既枱坐，叫左兩個拉麵。白貓（豚骨湯）$88櫻花貓（龍蝦湯）$98賣相同其他拉面差唔多，湯底濃郁，櫻花貓既湯底比較出色，有濃濃既鮮蝦湯味，面質有彈性，但略嫌叉燒有d少同薄，同埋另一值得提既係拉麵用左炸蓮藕片代替紫菜片，蓮藕片浸左湯底食幾好味😋。最後依個價錢同質素又唔洗加一都可以一試

今日來開megabox溜冰，夜晚食店好多都接近關門，見呢間拉麵館仲有好多食客食緊，所以入去試試，因為最少唔會食食下比人催關門要倒落口嘅壓迫感。雖則坐的地方唔係真正廳館裡面，但感覺唔差。落單可以搵waitress或手機落單，非常方便，最緊要是店員態度好又唔會覺你煩，每一位都好有禮貌，好值得讚👍 每次叫佢地都好樂意，態度真係好到數一數二咁好。就連飲水佢地都細心留意仲有沒有水，食成餐飯都未試過要叫酙水佢地先酙，呢d service好難搵到 👍食物方面我地叫了新出嘅牡蠣白湯拉麵，赤貓拉麵，2份兒童餐，南瓜薯餅。真估唔到拉麵店竟然有兒童套餐，兒童餐有自選小食，益力多，亦有沙律，當然仲有一碗令小朋友食完一定好滿足嘅迷你拉麵。或者我地女仔食嘅份量少的話，我都推介可以叫兒童餐。因為份量啱啱好。我哋坐近門口有兩家人有小朋友，見到我地的兒童餐咁豐盛都忍唔住帶小朋友入嚟叫兒童餐😁先講牡蠣白湯拉麵，牡蠣有2大粒好有口感赤貓拉麵味道也很好吃兒童餐份量啱啱好，其中一個小食配炸雞兩粒，炸雞嘅大小等於出面嘅雞粒4舊 👍另一份兒童餐配今川燒，今川燒係一個有紅豆嘅燒餅咁嘅甜品，好味仲有南瓜餅及炸蓮藕真係值得推介。賣單時店

(自費食評) 今天來到這間拉麵店，我們二人吃了兩款不同的拉麵櫻海老拉麵配粗麵，適中，豚肩叉燒，多蔥賣相非常吸引，又有完隻糖心蛋好香濃的湯底，麵質很爽口，叉燒有兩塊幾厚切黑貓(黑蒜油)配粗麵，硬麵，豚腩叉燒，多蔥好香濃的黑蒜油拉麵，麵質非常爽口幾厚切煎餃子夠香，有4件，即叫即製，好味

同老公去MegaBox行吓街，見肚餓想搵嘢食，但原來MegaBox冇乜嘢食好揀，最後就行咗去一間拉麵店食拉麵，叫咗兩碗拉麵、唐揚魷魚鬚、南瓜薯餅、日式炸雞、可樂及抺茶，盛惠$287，價格中等，諗唔到食咩都算係一間唔錯嘅選擇。❤️（白貓）豚骨湯 $88 味道唔錯，麵質煮得剛剛好，叉燒都好味，肉質唔韌。❤️慢煮牛舌黑胡椒湯拉麵 $92 重胡椒味，牛舌薄，味道或者質感都係麻麻地。💛唐揚魷魚鬚$35 / 日式炸雞 $28 兩樣炸漿都唔得，炸後無用大火逼番啲油出嚟，所以「𣲷」晒油，味道就一般💛 南瓜薯餅 $28 炸得香口，味道正常+10%服務費

星期日中午唔駛等好耐位，坐低叫左碗白貓，碗麵黎到即刻飲左啖湯，嘩，好意想不到的稀，又淡，個味有d似喺屋企自己煮公仔麵。d麵明明唔係擺左好耐，但好似漲漲地咁，平時我好少食剩拉麵，但今次真係食唔晒。配料方面义燒同蛋正常，，蛋流心，有好多木耳，碗野$88蚊我真係寧願食一風堂。另外叫左碟唐揚魷魚鬚，35蚊好細碟，熱辣辣味道正常。兒童餐揀左南瓜薯餅，味道正常，但我覺得個沙律d菜生既唔係好啱細路仔食。服務同環境ok

今日又過左九龍灣MegaBox做嘢，平時都係一個人黎食，今日有幾個同事一齊真係好，我介紹佢地食10樓呢間叫樂拉麵，好彩佢地都話好食😋，我今次叫左蟹盛石鍋飯第一次點，果然好香，本來想等埋其他同事的拉麵到先一齊食，但等左陣都未到我都係忍唔住要食先，因為聞到好濃烈的蟹膏未😅忍唔住食先啦，因為是石鍋所以仍然好夠熱，除左蟹柳、蟹膏還有蟹子，都唔錯但反而蟹柳没有我期望的好味，果兩舊蟹柳仲有少少凍添😌但都唔太差所以都有成碗食晒。我啲同事就叫左黑貓🐈‍⬛同赤貓，佢有白貓、黑貓同赤貓，全部都係豚骨叉燒拉麵；只係不同湯底白貓係豚骨湯底，黑貓🐈‍⬛係黑蒜油，赤貓你地都應該估到了，係辛辣🥵湯底，成碗紅色我唔食辣見到都知好辣。佢哋都話好食。我下次黎會試下黑貓🐈‍⬛，因為黑蒜都應該好香好好味。我之前每次一個人黎都係食下午茶，每次都係叫照燒雞飯，好抵食$58蚊又好味😋今次人多我地都加左小食有枝豆+$18同魷魚鬚+$35，呢度仲係免加一，所以價錢合理。有機會都黎試下啦😊

位於九龍灣Megabox的樂拉麵除了拉麵外還有石鍋飯和其他日式小食櫻花貓(特濃龍蝦湯叉燒拉麵)龍蝦湯味道濃郁加上滿滿的櫻花蝦米兩大塊叉燒肥瘦適中一隻糖心蛋切開兩半還有兩塊炸蓮藕片和大量木耳拉麵比較軟身吸收了龍蝦湯非常入味糖心蛋角切叉燒石鍋飯熱騰騰的石鍋一送上來要儘快攪拌好飯、蔥和叉燒整個石鍋飯味道一流餐廳分為兩邊一邊是比較開揚的吧台上面掛滿日本燈籠充滿日式風情四處也是貓貓裝飾而且畫功非常了得連餐牌上也畫滿了不同貓貓各款拉麵更以貓來命名(黑貓、白貓、赤貓等)

🦀 蟹盛石鍋飯 🍥..溜完冰肚仔餓，本身行過見到好想試下佢啲拉麵，而哩間主打都係拉麵嘅，不過我入到座位坐低望一望個menu就見到個🦀 蟹盛石鍋飯好似好吸引咁，所以忍唔住叫左😹 ..上到枱「嘩」左聲，好足料喔🤤 有蟹肉，蟹膏，蟹柳同埋蟹籽🤭🥹 食落好出色，真係想再encore🤪等下次有機會一定要試下佢招牌嘅拉麵，睇下係咪一樣咁出色咁好味💆🏻‍♀️ 再同大家講啦🤩.

今日下午茶想食日本嘢，想起在MegaBox這間餐廳，下午茶有多款，有野菌鰻魚粒石頭鍋飯、黑豚腩糖心蛋泡菜石鍋飯、辛辣黑豚腩肉豚骨湯拉麵等等，50 多至70 多元我叫了慢煮雞肉清雞湯拉麵，個湯底十分美味，真是非常濃郁，拉麵浸在濃濃的湯底中，完全入晒味，食落甚為滋味，而且雞肉嫩滑，用慢煮的方式真是勝一籌。這個湯麵令我重拾去日本食地道湯麵的感覺！🥰💯同事叫了日式燒雞扒溫泉蛋飯，燒雞扒煎得很香，色澤金黃，甚為香口。溫泉蛋做得剛好，流心的🎉要做得好的溫泉蛋實在不易這間日本餐廳拿捏得不錯！下午茶可以加$6添加小食或飲品，我覺得間屋園飲品相對比較貴。不過幸好這間餐廳下午茶不用加一！

· 赤貓（辛辣叉燒拉麵）/ $98辣味剛好，辣得嚟唔會唔嗆口，兩款湯底偏好呢款，叉燒有啲少而且偏薄，麵粗幼度中等，較爽身。· 慢煮牛舌黑胡椒湯拉麵 / $92牛舌係薄切但都有咬口，幾嫩唔韌，黑胡椒味好濃，但湯底偏鹹，食完會口渴。

Megabox星期六日真係特別多人，仲要係多小朋友的家庭客，所以想係度揾食都唔係咁容易。呢間拉麵冇得拿飛，要企係門口等大約20分鐘先成功入位，枱同枱之間冇咩空間加上座位本身都好窄，為左去IKEA買家品，只好黎個快食. 慢煮牛舌黑椒湯拉麵慢煮牛舌係季節限定口味，見佢幾特別就試下先。賣相其實一般般，黑椒湯底好濃味仲有少少辣味，但都係偏咸左少少。牛舌方面就好淋不過冇咩牛味，拉麵都OK，唔會太淋或者太硬。食日本拉麵黎講我就最鍾意食溏心蛋，呢隻蛋黃就岩岩好又有流心仲好有蛋味。櫻花蝦龍蝦湯拉麵另一個櫻花蝦龍蝦湯拉麵，一望個湯底就知非常重口味。龍蝦湯底過份濃郁而且有少少咸，結果突顯唔到龍蝦的鮮味，配埋大量櫻花蝦食，每一口拉麵都變得比較heavy。雖然拉麵係正常水準，但係配搭起黎就唔算好好味，有d可惜。 整體黎講，食物質素只係一般，主要問題係湯底上面，所以呢個90幾蚊的拉麵，性價比都偏低。