R66 旋轉餐廳 (已結業)

Why LV?

R66旋轉餐廳晚膳自選菜譜八五折及自助晚餐九折優惠擁有360度香港景色的R66旋轉餐廳，絕對能給您高人一等的視覺及味覺享受。灣仔皇后大道東183號合和中心62樓電話：2862 6166細則及條款：優惠不適用於2001年12月15 - 31日、2002年1月1日及2月14日。

講真，環境真係好好，睇到成個海景，仲靚過富麗華，餐廳裡面都幾黑，情侶實鐘意，不過上次去食自助餐就真係麻麻地，最難食係生蠔，一食落口成口都係蠔殼，又唔夠生鮮，其他主菜無乜特別，甜品就款式太少，無一樣係特別好食，所以未去過既人都可以去睇下個景，不過去過既人我諗你都唔會再去。

十二月十二日係我同男朋友拍拖兩週年,佢帶o左我去呢度食晚飯慶祝,上到去帶位果位侍應都好好禮貌,跟住就有個似乎係經理o既高級人士招呼我地,佢好詳細咁同我地解釋食物放響邊面,行邊面近D,態度好好,雖然食物O既種類唔係好多,但質素不俗,生蠔幾鮮,我食O左兩隻,但係其中一隻有碎殼,我估係開蠔個師傅重手O左,環境一流,夠晒浪漫,再加上臨近聖誕,已經有燈飾睇,服務效率高,每次我地行開去拎O野食,返O黎O既時候檯面O既碟已經收晒,水杯亦都斟滿晒,唔駛下下都要叫人。我地由七點三坐到差不多十點都無人趕,九點九果陣我地想食tiramisu,但係出面已經無晒,搵o左個經理o黎問仲有無,隔o左一陣再去睇已經擺o左響度,令我非常appreciate.通常差不多打烊果陣一定要乜無乜,但係佢都仲有得俾我地,好正~!不過最令我唔明o既就係又話66分鐘轉一圈,但係我發覺要成差不多兩個鐘先轉一圈。

十一月六日去食$288 的自助餐，好彩有85 折Coupon，二百零蚊，諗住有個咁好o既View，乜都補番晒啦！上到去黑到痺，乜都睇唔到咁滯，食物似其他$118自助餐那種，由甜品講起，cheap 到痺，砵仔糕都有，最難頂係有超級無敵雪糕（雀巢細杯裝雪裝，得一隻味，仲有係其他地方搵唔到的獨立包裝雀巢雪糕糯米磁，頂癮，場中有兩個煎Pan，諗住有班戟食，原來係裝飾，蠔及蟹腳一次攪掂，無下次，生果有一隻隻的蕉，好cheap，魚生切定晒，買相好唔掂，熱盤又唔多選擇，湯是冷冷的，飽是硬硬的，冷麵是一團團的，真是想不到怎樣說下去了！招呼方面，還可以啦，不過有個怪現像，當你拎一碟心水食物回來的時候，總有個侍應會問妳係咪唔要的，一共試過兩次了，心想，你有病嗎？我剛剛拿回來的，最後一提是最令本人生氣的，book 位時我是說要非吸煙區，但當我們吃完的時候，有三個((((((((外國人))))))))))在後一張檯勁煲煙，我立即找來一個灰色西裝似係那裡高級一些的所謂唔知經理定打雜，佢用一個極不好的禮貌說，「呢度唔係全部都係禁煙區，你後面個張咪唔係囉！佢即走開！）我心想你間餐廳有幾多人食o野呀，我前面大把位啦，

因為見0的食評都唔係咁好... 都打定輸數,如果唔係0的friends話一定要睇睇, 我都唔制.但原來, 可能因為無期望掛... 都唔錯0丫!!鍾意食三文魚0既, 你一定會好開心, 唔係話好好好新鮮, 但都ok多少少啦! 拿拿拿! 0的叉燒就一定都試喇, 好諗好甜好香, 而我又專登擇0的半肥瘦0黎食, 一流, 掂!!!至於其他熱葷, 一般0既炒麵炒飯, 合格0羅...都refill 得好快.但要提一提, 0個0的一盤盤炸0左又慶住0既, 除非佢岩岩拎出0黎, 如果唔係非必要你都唔好掂?, 你一定後悔...dessert ok, 除0左cream cheese+coffee, well, 我唔承認0個0的無ladies' fingers 係tiramisu 0架!! 而個個都話正0既bread pudding我就覺得甜0左0的, 無埋0的提子乾相信會仲好...講到service, 無得頂啦, 可能係因為我0地係weekday去, 唔多人, 應該0黎0個陣會自動出現, 但又唔會成日煩住你, 可能又因為0個度係旅遊境點0既關係, 你煩住佢地幫你影十幾張相都絕無問題, 無俾面色你睇, 仲幫你羅

本人去過一次, 上次的感覺真係好好,雖然食buffet lunch, 但我仍覺得值回票價. 食物款多不在話下,也很美味. 甜品就更吸引, 芝士蛋糕同tiramisu好味到不得了.講景色, 當然係無得彈啦!!!

R66的確係view 一流...... 五光十色的夜景...坐得很舒服....情調十足...............但野食用Poor 來形容....都叫做入形入格...我上年來食buffut都無甘差......今次來我朋友就問我....做咩揀呢間甘差的buffut....價錢唔係平......其他酒店用甘價錢都十分不錯.........我唯有話上次唔係甘......又話呢度好view law...........不過....呢間buffut....真係食物水準下跌得好緊要.........行多一兩個round.....都唔駛再離開位拿野食.....因為都無咩好揀......

食過一次完全唔掂, D o野普通到死~~~

三年前我食過兩次, 老實講, 食物種類一般, 水準只是合理, 第一次相隔半年好過第二次, 明顥地水準會在下降, 不過皆因我只是$150 一位, 和享受一個美麗景色, 我覺得是值回票價, 不過加價後此價錢己不值, 所以我已沒有再幫親了. 該店前身為高級扒房.香港地地方最貴, 食物平, 所以地方景色會是佔一個相當重的比例, 但也要配合是食什麼dinner. 自助餐來說: 正牌味王的我約佔30%上下.評分和價錢是成正比的.

五月八日晚來這裡為女友慶祝,剛巧遇上有煙花睇.老實講,如果o吾係有煙花睇,三百幾元位(連加一), 又真係好貴.皆因這裡的食物沒有特色,只是一般貨色. <br>

都無o野食o既，生蠔又唔新鮮，夠膽收人三百幾蚊，傻傻地o既，唯一得個view 靚，如果係咁去山頂食好過.

老實講, 個景好靚, 所以敢收三百幾蚊位.食buffet 不離幾個要求, 好食, 多o野食, 環境同服務都有番咁上下.R66 除o左窗外個景, 其他得分麻麻, 可說離三四星酒店buffet 水準甚遠.

Agree with previous comments on food quality and choices - POOR.I can't believe I'm paying $280 + 10% for such kind of food and service. I wish the restaurant manager can give this some thoughts to make it a better one.The view is something worth mentioning.

我昨晚4 個人打算去食飯, 正想起這裡可能有一些優惠, 而以往都來過這裏數次, 於是便上來看看。當我看到前面那幾個食評, 我真的有一些疑惑, 以為食物已經大不如前, 但又想不到去那裡食, 所以便「冒險」去試。誰不知我簡直覺得環境好, 食物齊, 還有龍蝦仔, 甜品包括各式Cheese Cake, Bread Pudding, etc. 絕對是酒店級水平(有一些酒店還比不上呢!!!), 絕對不似iceberry, Neptunea, killkill 所講食物那麼差! 講番句公道說話, 論食物雖未及一級水準, 但我已覺得Fair Good. 加埋個靚景, 我就非常滿意了。