QUE (MOKO新世紀廣場)

营业中

休息中

Lunch set➡️明太子蟹籽意粉$148前菜個沙律有我覺得好苦的火箭菜🙃 去核荔枝，甜甜地幾好食，碎碎粒的手作芝士有點酸味，味道麻麻地，另外唔係咁鐘意個沙律汁😌意粉口感剛好，係我鐘意的硬度；明太子和魚子鹹鹹哋，配忌廉好夾，又唔膩；驚喜位係加埋生葱絲的辣味，令成碟嘢提升咗🥰熱咖啡加咗奶之後，都好濃啡味和好甘，但呢個味個人不是太喜歡😝接近12點入咗，上菜好快，有次序前上沙律，無耐上意粉，最後先咖啡，限時75分鐘；服務員態度好好，主動去收嘢㖭茶，聲線溫柔；環境好日式木系，枱櫈和餐具系列都係同一款，設計簡約，裝修好光猛舒服，餐廳內播住輕鬆日本歌。

4/11/2023 星期六，為兩位11月之星慶祝生日，嚟QUE確係好選擇。店員服務態度友善，細心安排好座位。我哋開始睇下今晚食乜好，餐牌好吸引，款款都想食呀！好喇，我哋楝咗幾款，大家share食。而甜品楝咗雲尼拿草莓蛋糕，餐廳即時幫我哋寫咗生日祝福字句，點爉燭，我哋唱生日歌，給予兩位生日之星一個開心圓美的生日飯。講返晚餐，我哋叫咗A la carte，有：-軟殼蟹意粉 配蟹肉及蕃茄忌廉汁，對喜歡食蟹嘅一定滿足，好夠餡料。鹿兒島䐁肉生薑燒湯手打烏冬，豚肉好食，烏冬彈牙，湯都飲埋。百里香烤豬鞍 配 紅酒話梅汁，豬鞍好juicy，有少少肥肉，入口溶化，美味！櫻花🌸盛，款式多元化，有刺身，有燒蠔，有飯，有烏冬，有甜品，夠特色，十分好食。飲品叫咗兩款：-貴妃白桃沙冰，嘩，好冰凍，正！香桃富士梳，有蘋果片食，又有得飲，夠解渴。好嘢值得推介，－定再encore!

今日同小朋友黎咗Moko玩😊想揾間野坐低食少少野Hea下😛誤打誤撞嚟呢間日式餐廳🇯🇵，咁啱趕得切叫下午茶餐，抵食好多👍👍、我哋叫咗個(特上壽司盛set🍣，)And(鰻魚玉子壽司塔可🌮。)等緊嘢食期間，店員幫我嘅小朋友準備咗兩set小朋友餐具🍴仲幫佢哋配好晒顏色🩷(女)💛(男)好可愛😍另外一個細心位係，我哋坐嗰個窗邊位太陽好曬，佢哋幫我哋放低窗簾💝讚👍食物終於到😆小朋友爭住食個塔可先😛可能因為造型比較特別🤪呢個塔可用紫菜包住(飯,鰻魚,玉子,沙律菜)所有嘢夾埋一齊好好食😍🤩亮點係塊紫菜（炸到好似天婦羅紫菜咁）🤤咬落去係「脆皮般嘅飯團」！啖啖都*索索聲*超好味😋另外^～^特上壽司盛🍣碗烏冬，我小朋友一食🤪佢話好甜好好味！要我從此以後買返呢隻烏冬俾佢食😂😂9秒9立刻清晒,不斷話好好食好好食😍😍壽司方面都「好出色」根本係日本嘅味道😇🇯🇵刺身勁甜，勁新鮮🫶🏼壽司飯好夠黏性同埋師傅握得好好👍好正！仲叫咗兩杯咖啡☕️都好出色。下次一定要再黎，甜品🍧我見到都好正🤭🤭我見都好多人特登食甜品🍮呢度真心推介🩷🩷🩷

週末到旺角新世紀廣埸行街路過，被吸引🤩入咗去日式木系餐廳食飯二人套餐 四隻炸生蠔/松葉蟹肉蟹籽沙律/ 軟腳蟹意粉/刺身拼盤🔺刺身新鮮😘炸生蠔👌軟腳蟹意粉味道正常🔺最出名系松葉蟹肉蟹籽沙律🥗😍另外我哋叫咗兩個甜品朱古力榛子蛋糕/朱古力甜筒🔺兩款都好味😋我和姨甥仔都好中意😘

鬼佬想食西餐，我想食日式餐，why not both? 😏經過呢間餐廳，俾佢門口嗰餐牌吸引咗入去。今日係平日，下午3點幾入去，除咗A La Carte 外，仲有午餐、下午茶餐、二人餐揀。有西式野、日式野同甜品。午餐貴少少，配餐湯🥣或沙律🥗同一杯飲品☕️。下午茶餐就淨係配一杯飲品🍵。難得嘅係，凍飲居然唔洗加錢😱（當然特飲除外）比較過主菜散叫同午餐/下午茶餐嘅價錢，一樣，咁緊係叫餐抵啲啦😏鬼佬叫咗午餐：10oz 燒肉眼扒🥩落單嗰陣侍應冇問幾多成熟，佢覺得有啲奇怪。最後出到嚟係medium rare，所以佢好滿意☺️伴菜仲有啲蒜片，對好鐘意食蒜🧄嘅佢又加咗分。嗰扒配芥末籽燒肉汁，嗰汁幾特別，同嗰扒幾夾。件扒好厚身，少少chewy,但冇乜肥肉。仲要配一碗白飯🍚其實唔會食得唒，食完件扒同mashed potato 已經好飽。我就叫咗2個下午茶餐（因為我想食甜品🤣）：特上壽司盛🍣（配野菜烏冬）同京都宇治抹茶甜筒🍦。壽司有6件🍣，都幾fresh。烏冬係迷你版，所以食完壽司食佢都唔會好飽。叫得野菜烏冬，我以為會有啲菜，其實得一片紫菜、一條菜🥬同一粒細冬菇🥲甜品係一個抹茶雪糕球、一個雪糕筒、抹茶脆片加抹茶醬

呢間係日式cafe fusion 菜，服務同食物都唔錯， 叫左單骨雞翼，沙律同埋雞排意大利飯。個單骨雞翼唔會好油亦，食落會好香脆，配有明太子醬，唔使點都夠味，另外沙律菜都有醋，都有食埋，好好食。沙律有個流心蛋，係外脆內流心，好好食，另外沙律都新鮮，番茄無草青味，份量都大，配搭好好食。意大利飯亦有流心蛋，呢度流心蛋出色， 煎香既雞排配上木魚碎同埋紅椒絲，飯香creamy,林林地，唔會硬，仲配有毛豆，連同流心蛋食係好夾。仲有蛋糕既甜品可以叫，但因為份量都大，食左3碟都好夠。呢度服務好好，態度友善。

約咗朋友食lunch，求其揀咗呢間餐廳試試，估唔到有驚喜。入到去已經好鍾意個裝修，係木系風，好清新好舒服嘅感覺，好日系風叫咗set lunch明太子蟹籽意粉，可跟餐湯或沙律，主菜加飲品，意粉係忌廉汁，平時食開都係比較乾身嘅汁，呢間汁好多，感覺好似食緊湯意粉，以為汁會較淡，難掛上意粉，點知一啲都唔會，啲汁掛哂上意粉，味道剛剛好，蟹籽、魚籽同明太子份量都多，好味

今日同老朋友去咗呢間餐廳食午餐聚舊，第一次去呢間分店，一入去感覺好舒服，侍應亦好友善，睇咗餐牌好多野都好吸引好想食，最後揀咗汁燒鰻魚枝豆意大利飯，餐湯係蘑菇湯。蘑菇湯好香好滑，好好飲，而意大利飯亦好好食，芝士唔會太濃，飯既軟硬度適中，有三件大大件既鰻魚，亦都好好食。因為同朋友太耐冇見，不知不覺傾咗好耐，侍應不厭其煩密密主動同我哋加茶，呢啲服務態度真係值得讚👍🏻👍🏻👍🏻👍🏻👍🏻整體印象好好，必定會再去！

係MOKO商場行街，比門口清新簡潔既裝修吸引，入面環境都好舒服，座位都寬闊舒適😊▫️香蔥拖羅蓉牛油果醬壽司塔可🥑新鮮既拖羅蓉配牛油果醬都幾夾，感覺仲好健康咁，覺得幾新穎既配搭，外面用天婦羅紫菜做皮，夠香口👍🏻◾️ 特上壽司盛🍣3件壽司3件加州卷再配個迷你烏冬係正常發揮，個烏冬仔幾好食😋▫️黑松露野菌意粉🍝勁濃郁黑松露味😋上面加左木魚碎，日+西式fusion菜，好好味👏🏻👏🏻◾️彩虹氣泡鮮果芭菲🍹個賣相就好吸引好靚🌈但個泡泡就好易穿，職員拎過黎穿左次，再整左多次，郁一郁隻碟就穿左🙈🙈感覺係普通水果加d配料。

上次食飽飽先經過見到新開張，今次就再返嚟試吓新店。木系裝修風格清新，感覺舒適和諧，入到去心情都relax咗唔少😌 餐廳主打西日fusion菜，選擇都唔少，總有一款啱口味😄 咩都想試吓，所以就叫咗個晚市二人套餐✌🏻晚市二人套餐 $588二人套餐包括小食、意粉/烏冬、主食、沙律、甜品各一 +飲品兩杯。👑黑松露野菌貓耳朵粉 配 木魚絲及帕爾瑪芝士黑松露醬汁十分香濃，加埋野菌令菇菌味道更突出，貓耳朵粉有嚼勁，粒粒煙韌好咬，木魚絲同芝士配搭就更加錦上添花，令整體味道更豐富😋✨脆炸單骨雞翼 配 辛子明太子醬（8件） 雞翼外脆內軟，雞肉肉質嫩滑，單骨方便易咬，明太子醬帶少少辣味更香口👍🏻✨月見燒牛肉意大利飯丼牛肉肉味濃郁，質感軟滑，意大利飯軟硬適中，配埋照燒醬汁+蛋黃就更香更滑😆✨黃金凱撒沙律黃金炸蛋外皮脆脆地，內層蛋黃流心滑溜，蛋白亦好軟滑，一顆炸蛋為沙律加分不小👍🏻✨京都宇治抹茶甜筒抹茶雪糕球+抹茶脆片+抹茶朱古力粉+抹茶醬，抹茶味道超級濃郁，簡直無懈可擊😆🍵✨軟殼蟹壽司塔可 +$48外層包裹嘅係紫菜天婦羅，炸過嘅紫菜又香又脆口，軟殼蟹份量十足，面層亦有不少魚子，中間配蔬菜感覺清新啲，醬汁帶有微

食物美味服務100分等位中，朋友仔血糖低職員非常好，立刻給朋友坐一坐和比左兩粒糖和水讓朋友休息入坐後我地一行五大兩細職員細心地準備了兒童餐具食物精緻而且美味😋五大兩小點了兩份二人餐，份量剛好結帳離開後，職員還送貼紙比小朋友小朋友滿滿喜樂我地都對店鋪職員的服務都給100分謝謝給我們愉快的一晚

 ᮫࣭ ֹ ۬𝓆𝓊𝑒 ⑅ 𓃠 ۬   𓂂今次同幾個朋友叫咗好多嘢食試吓，店內主題係日式咖啡店，仲隱藏咗好多貓貓擺設，食物擺盤幾精緻，有少少出乎意料𓇚 最中意軟殼蟹意粉同鰻魚意大利飯！ 𖥧晚市二人套餐 $588套餐包一個小食、沙律、兩個主食、兩杯嘢飲同埋甜品！ ⑅ 脆炸單骨雞翼比較方便之餘，炸嘅表面多啲、再香脆啲，拆開有成8件唔駛爭 ⑅ 北海道帆立貝羽衣甘藍沙律，帆立貝有輕輕煎過，羽衣甘藍嘅甘澀味唔係個個中意，加酸甜沙律醬中和就啱晒 ⑅ 軟殼蟹意粉𖥶 好鍾意呢個意粉醬入邊都有蟹肉，軟殼蟹好脆！ ⑅ 松葉蟹肉丼，我見到張相好吸引，上面都幾多蟹肉蟹籽，但當撈埋嚟食嘅時候，好容易蓋走蟹肉味 ⑅ 香蔥拖羅蓉牛油果醬&軟殼蟹壽Taco 各+$48 估唔到連個紫菜都炸埋，有心思！入面唔單只有主食材，仲有蔬菜同醬汁作為配料，軟殼蟹嘅醬仲帶微辣，好特別！ ⑅ 香桃富上梳打 +$38 𖠚我同另一位朋友都叫咗，除咗桃味自然，好靚打卡滿分 ⑅ 京都宇治抹茶甜筒，外形好得意，雪糕可能為咗造型質地較硬，抺茶味夠濃，一人一啖好快消失咗  𖥧汁燒鰻魚枝豆意大利飯 $168 另外再加咗呢個主食𓇷 原本仲諗住鰻魚

之前去左QUE，試左個甜品（芭菲），都幾正，打卡一流，中間鏤空設計，上面仲有個泡泡，一整穿個泡泡就有啲煙散開，一切都好夢幻。服務員態度超好，果陣我打緊卡，上面個泡泡突然之間爆左，服務員見我影唔到佢爆果下，超好心咁走埋嚟問我洗唔洗幫我再整個個泡泡，咁我就話好啦，之後佢就攞左個泡泡機出嚟幫我整個個泡泡，咁就比我錄低左佢吹個泡泡出嚟果一刻，好正。之後打完一論卡，我就食個芭菲啦，佢有橙，紅莓，柚子，再有啲懷疑白朱古力碎，果醬，整體酸酸甜甜，幾好食，食哂都仲有啲意猶未盡。

今次去開旺角新世紀行街，經過見到呢間又西式又日式既餐廳裝修幾靚就入去試下啦😆我地叫左個北海道帆立貝羽衣甘藍沙律（$138），睇落幾靚，味道都唔錯，不過帆立貝佢一粒切開幾細粒，份量差左d🫣主食我就叫左角切魚生丼（$148），同樣都係賣相好靚，而且都係好味既，魚生既份量還好，飯就真係小左d😥最後一樣就係軟殼蟹意粉（$158），意粉配軟殼蟹都真係小見，不過我都幾鐘意食佢呢個意粉，問題亦都係一樣，食得幾好味，但份量真係太少🤷‍♂️呢間餐廳我覺得係食環境多過食物，裝修得舒服同幾靚，但係野食份量真係只夠女仔食，而且價錢唔平，睇下大家目的係乜，搵地方hea下坐得耐既絕對係一個選擇，如果想食餐好既，可能要叫多幾樣野食啦😂

年頭時去過圓方分店食lunch覺得唔錯難得新世紀開左分店就當然要約屋企人黎試下😍餐廳卡位好闊落, 所以我地4個人都坐得好舒服上餐方面都算快, 丼基本上落完order 5分鐘就送到分量方面算正常, 我地叫左4碟主菜share黎食都夠飽甜品都有4頁紙選擇, 主要都係蛋糕同雪糕我地就每人叫左一份蛋糕, 個焙茶蛋糕好有茶味😋