Pret A Manger (已結業)

had a clayfish sandwich and iced mocha for lunch. the drink has too much ice. not worthy for money. don't know if it is because of the raining, there are many many ppl in lunch time.

成日見到大家講玫瑰小龍蝦三文治有幾好食，我終於留到肚o黎試啦~ 　玫瑰小龍蝦三文治-真係幾好食，龍蝦多、marie sauce都吸引~ 愛食三文治o既我唔捨得狼吞虎嚥，決定慢慢食慢慢品嘗~低脂辣薯角-愛食薯仔o既我點左，諗住試下係咩~ 原來係軟軟o地o既辣味炆薯塊...冇想像中o既香脆可口，麻麻地~Spicy Pork Soup-搭辣薯角買o既，可以話係我飲過o既最差西湯之一...size細細o既橙汁-伴餐o既，冇comment~　環境唔錯但有少少污糟，服務average啦~ 總評都係如題~

之前已聽過唔少朋友推薦呢度o既三文治，尤其係個玫瑰龍蝦仔三文治，似乎係招牌菜。星期三難得可以在六點前收工，就決定o係做gym前過黎試下。六點半左右黎到，人都唔少，似乎確係受歡迎。因為之後要做運動，唔想食太飽，所以只要左半份玫瑰龍蝦仔三文治，配齋啡。三文治用o既係麥包，不過似乎都放左好一陣，質地略有點乾硬；個餡都唔少，可見大大舊龍蝦肉，絕對冇欺場，但一如個麵包，肉質亦有點乾，食落冇咩龍蝦肉o既鮮味；至於玫瑰二字，就實在唔太食倒有玫瑰醬o既味道。反而杯咖啡比想像中好，大大杯，味道都算香濃，係有水準o既美式咖啡。埋單好似係$38，三文治半份係$19，以材料計，如果新鮮整好時黎食，都值o既。

又來開餐，見到有新出的細盒裝煙三文魚薯仔沙律，便買來試試，份量果然一流，keep fit 就最啱，配多半份牛油果雞肉三文治吃，是健康的一餐。

我個次食個個煙三文魚三文治, 因為裡面有好多香草, 而且朝早食可能新鮮的, 好fresh 好香,的香味一路留響我個口腔到, 讚!

20040430 5pm行IFC 順便食個tea, 呢間Pret-A-Manger 特別細, 難搵位.2人食-* 玫瑰小龍蝦三文治($34) - 同男友share 一人一份, 當然係好鬼好食, 男友就話個汁好好味咁lor.* iced mocha x 2 ($24@) - 居然都唔錯wor.* lightly salted chips($8) - 呢個chips 係我另一鐘意響Pret-A-Manger 食o既o野, 夠厚身有薯味得o黎唔會鹹, 好好味~唯一要彈, o的位好逼同埋o的客人食完店員又無即刻清理, 要提先即刻執, 邋遢呀~ 不過o的店員係十分有禮貌的.

3月25日入離島前係呢度買點食和飲的,因為早、午餐都無食嘛,都唔係第一次黎食架喇,今次就買左上次食過番尋味既香芒雞肉三交治,佢有分半伴同成份架,因為我貪心,所以買左成份個隻,拎起都幾重手架!除左三文治,仲買多杯Iced Mocha添.上到船先慢慢食,個三文治依然無變,仲係咁好食,最鍾意係佢加左D杏仁片,咬落去卜卜脆咁,好正呀!本來想食晒成件架,但知道入到去,仲有更多美食等緊我,所以都係食左半伴算喇,剩番個半件就留番返屋企,第二日先食啦,至於杯咖啡呢,其實我都係覺得熱既好飲好多,凍既一來個味唔係好出之餘,D冰溶化都令味道淡上加淡,同埋今次都甜多D啦,不過無計啦,如果係船飲熱野咪攞黎搞!呢度既消費係就係貴左D,不過好食同份量夠大就已經值番晒啦!

凱撒雞肉sandwiches 很普通, not good!

今日去ifc睇戲,得返幾個字時間,諗住食o的野就算。之前見網友講到咁好食,於是就去試下喇~ 1:15p.m. 岩岩撞正lunch hr,都幾多人,要排隊買野~睇黎膠去,都唔知食咩野好,個個都差唔多咁,最後要左半件菠菜蝦仔sandwhich(由於我見唔到rose sauce o個隻,於是就要左呢隻) 半件$19,另外要多杯凍鮮奶咖啡$22。個sandwhich可能因為冇sauce,所以冇咩味,同埋半份係頂唔到肚餓,但係如果成份要30幾又唔係咁特別既話我情願去食其他...個cafe麻麻地,冇starbucks咁好飲( i don't mean starbucks is the best, but better than this shop)不過$22都ok既~試過就算,唔會再黎~冇環境可言,fast food shop

Brie & Rasberries Sauce 有好似鮮油多牛油咁厚o既Brie Cheese. 加Rasberry 醬, 剛好中和番呢隻芝士咁重o既味. 好味.玫瑰龍蝦仔:正如大家所講,龍蝦仔肉爽口,粉紅色玫瑰醬唔會好濃或好稀. 得!羅絲粉沙律:一般啦,唔係太特別.熱Mocha:好味,好香,甜度剛好.

一直見到各食家對這店的讚賞已想試很久了，星期日去麗嘉吃晚餐下午在ifc行街行到有點累和飽故在5時左右來了吃一個晚遲又輕的tea和女朋友兩人share了半份牛油果xx芝士三文治和一杯cappuccino三文治料很足，咖啡的泡沫亦打得不錯大體感覺上非常之好可惜的是人人讚好的龍蝦仔三文治賣光光而且因為快要吃晚餐不能多試一兩種口味相對三文治的價錢，咖啡感覺上好像很平一定會有下次

再來食lunch，買了半份聖誕節特色的火雞三文治，及半份牛油果芝士松子三文治。兩份都很好味！煙三文魚薯仔沙律好足料而且好新鮮。甜品試了Berry Crumble and Custard, 麻麻地，咁細杯十六蚊唔抵食。Mango and nuts Yogurt 就好好味，乳酪好滑，好似雪糕咁好味。

約左朋友睇戲,放工太晏趕唔切食dinner,係度買左半份小龍蝦三文治食,~ 好好味,d龍蝦肉幾甜,又爽喎,十分不俗,要黎做dinner又唔會好溜~~

因為趕時間，所以就快快來這裹吃個quick dinner。買了印度烤雞肉卷，依然好好味，個汁較得好好。現在還出了Gingerbread Latte, 用連卡佛咭有一杯免費的，所以也顧睡着了，也叫了一杯來試。薑味夠，但也很香呢，最開心係因為免費囉！

因為收到通知買任何全份三文治、wrap或主菜沙律時出示連卡佛咭就送一杯特色咖啡，所以今日專誠來這兒開餐。近萬勝節，這兒新出了一個煙鴨胸南瓜手卷，就買來試試，吃落真的很滿足。煙鴨胸有點咸香，又有咬口。南瓜好淋好好味。還有調味嘅黑椒，令整個手卷增添味美。我下次會再吃呢！最抵係仲有一杯免費莫加咖啡，朱古力味好濃。今個下午真係好開心呢！