Pop n’ Grill (已結業)

我從來都未上過黎, 之前聽人講呢個Area有間唔錯既餐廳, 不過都無去過今次朋友們約左上黎, Weekday 用餐, 晚上場內都唔多人, 環境本身一絕, 每張枱都有較多空間, 感覺適合飲野傾計之後望一望餐牌, 我想法係, 咁平咁既環境, 一黎係擔心呢到維唔維持到, 另一方面係可能之後Book唔到位... 食物上幾個都係叫扒餐, 包餐湯/沙律 及飲品, 埋單時用埋恆生enjoy 卡有埋10%off, 每人200蚊鬆啲係超值既。最欣賞係跟餐咖啡, 雖然飲落係一般豆, 但佢跟左杯清水同朱古力(like mini m&m), 成件事就係有heart杯coffee 無影相, 但因為咁所以帶動我上黎寫篇comment 多謝收看  

同幾個好姊妹飲吓啤酒，飲到餓餓哋就燒埋嘢食，由於我哋超懶，餐廳嘅服務員照顧周到，幫我哋燒埋，餐廳經理仲親自燒隻乳豬，超好食。環境一流，outdoor 又可以食煙，交通都好方便，沙田真係好少有呢類嘅餐廳。

今日同朋友去咗沙田大會堂 Pop n' Grill試下間新開嘅燒烤主題西餐🍖雖然個入口唔係好明顯🤔喺美心皇宮隔離條樓梯上，但嚟過一次下次再嚟就易搵啦。環境好正呀😍可以自己燒烤🔥但係又唔使起爐同清潔勁方便💯食物質素又唔差🥩佢仲有個168任飲3個鐘package🍻🍷🍼同埋服務仲好貼心👨‍🍳嗰位叫jackie嘅同事週不時會經過睇下我哋使唔使加碳🌚或者提點我哋啲🐷各種食物⏱燒烤時間，新鮮生蠔原來燒兩分鐘就得🐚我差啲燒乾哂🤣嚟緊同朋友飯聚一定要再來👨‍👩‍👧‍👧

四個人見好耐冇去燒嘢食噉就去試吓呢間地點都算方便嘅有燒烤嘅餐廳。入座過程同環境都好好。坐低咗就同朋友研究吓個餐牌，揀兩個二人餐定一個四至六人餐（因為見佢嘅份量好似好少），最後都決定揀咗兩個二人餐（肉類加海鮮 - 因為四至六人餐冇海鮮），再加咗一份普通魚蛋，一份墨西丸同一隻土匪豬手。飲品就冇揀任飲，因為包嘅都係得平價嘢，要飲到五杯先番本！兩個餐嚟到後，都有啲無言，份量真心少，望住兩條雞尾腸真係O晒嘴… 根本成盤嘢一個人（男士）都食得晒，但要收$298（星期六日公眾假期要$398）。海鮮餐方面帶子就係五蚊銀咁大咁厚，章魚就得薯片咁大片… 菠蘿係酸嘅（呢期酸菠蘿都幾難買架喎），眼見最貴就係龍蝦尾，蠔同大蝦，但噉就要$498（星期六日公眾假期仲要$638）。加多份魚蛋，$18，墨魚丸就$38。未計嘢飲都$852，噉嘅價錢，真心可以食到比較合理嘅好嘢！每個人駛咗$300，我真係唔介紹俾多啲，但食好啲同份量合理囉。失望… 唔會再去喇！

🦞 豪情萬里2人套餐 (龍蝦海鮮套餐) ($498) 食材豐富新鲜, 是愛好海鮮燒烤者的選擇 兼且調味料充足 各式口味 任君選擇 自我烹煑 一嘗下㕑之樂 再者地方寬闊空 燒烤也不會弄得一身味道 是愉快的用餐經驗 🍖 韓式牛仔骨 $(268/2) 正宗韓式奄製, 燒起來肉香四谥 入口軟淋適中 五味融合 滋味無窮 食肉者的喜好👅 鹽味牛舌 ($28/2) 原件厚切 平凡燒烤 已享盡原汁原味 大口大口吃 體驗到色香味🍗 蜜糖雞翼 ($25/4) 燒烤食品必備 奄製够味 好吃🥒 芝士翠玉瓜 ($25) 配搭得且 輕燒芝士至略軟 與翠玉瓜一起吃 口感軟淋 細味品嚐 很有幸福感覺🥤 士多啤梨奶昔 ($38) 有水準的奶昔 味道非凡 值得一試🌊 餐廳寬敞開揚 旁臨城門河畔 四週環境幽美, 舒適宜人 是與家人或朋友聚餐 渡過歡樂時光的好去處

食飯前兩日book位，book好左人數電話入面明明就話有位俾我地confrim booking去到食飯嗰日，竟然話冇位俾我地跟住仲話我電話留左言比你地架啦book位個人數仲要少左兩個人態度、服務都實在太差明明book左位竟然serve到好似walk-in客咁，甚至冇安排客人任何選擇。

見到沙田新開呢間燒烤，就喺沙田婚姻註冊處上面，不過要行條比較長嘅樓梯才到達， 老人家行係行得比較吃力。今次試咗個午餐係bbq grill， 有好薄嘅西冷牛扒，雞扒，蜜汁芝士腸 ， 薯條，黑椒汁。$118。水準一般啦，嗰啲牛扒係好薄，茶餐廳咁嘅類型，薯條都比較少，但係呢個價錢差唔多啦， 仲包括煙三文魚沙律 同埋飲品。 好抵㗎喇。我中午來坐咗喺戶外，天氣比較熱，留咗好短時間， 食完就走 。因為開大咗個大風扇，都係比較熱。志在環境比較清幽， 如果黃昏來，可能更適合。服務態度幾好，我覺得唔錯。

朋友在ig book jor 星期五枱，到我地攞枱嘅時候話冇我地record，又話已經滿坐。到我地show埋個booking conversation比佢之後，佢話係"marketing"冇通知佢，話會罵嗰啲同事，我地o哂咀，然後就加多張枱比我地。。。本來以為終於有飯食，點知落左單之後，等左成半個鐘先送到野飲，但我地明明叫左兩樽佢就出左四杯。。。。之後再等左十世先有野食，嗰兩樽野飲都未到，anyways肚餓，開始燒野先，我地見冇乜時間，其他枱有幾個鉗但我地得一個，咪問佢拎多個囉，然後又係得個等字，之後問佢經理攞，佢竟然話燒野食緊係用叉，叫我地攞燒烤叉燒，成場完全冇人用叉，泥得呢間緊係grilling 啦，真係火都泥，最後佢話枱枱都用鉗邊到比你地，好心佢，唔夠人手唔夠架餐就早啲出聲，我地最多去第二到架姐，食左成晚氣。就算地點好，服務禁差，都唔會介紹人去。

收到佢既新開張promotion, 打電話去訂位時佢只係問坐室內定室外，不以為意就㨂左室內。點知去到坐低左，先講話坐室內只可食佢既其他熟食（意粉等西餐），要坐室外先可以BBQ。BBQ booking又full左轉唔到過去，好失望，無食過就走左。

去過幾次，環境很不錯，食物也有水準，很適合情侶去。他們有露天的座位，也有室內冷氣位。招呼十分專業。昨天再去，本來害怕他們疫情下倒閉，發現他們的客人爭不少，而且食物質素亦都保持很好。唯一缺點，就是要自己走樓梯上到平台。

第一次上去飲coffee／冰茶，價錢好平，就這樣渡過愉佚快的黃昏。另有好多drinks n wine等選擇驚喜，好舒服的戶外環境，view好靚，服務體貼！除了BBQ, 其實有set lunch n dinner, 下次會去試下。