Plato Cafe & Bistro (裕民坊YM²)

⭐️精選二人套餐 - $458超抵食嘅2人餐，包晒以下咁多嘢都只係人均$200多啲，而且每款都有唔只一個選擇，岩晒唔同人口味！是日餐湯 - 今次係蘑菇湯，飲落好濃好重菇味，同時帶有忌廉嘅奶油香。而且食落都有唔少菇粒，增加咬感。前菜 - 煙三文魚凱撒沙律雖然天婦羅魷魚同酸忌廉薯條好吸引🥹但想健康啲嘅我地最後都係揀咗沙律🤣前菜份量已經好足，一大碟佈滿新鮮嘅生菜，加入風乾火腿粒同芝士，令到食落更脆口！主菜 - 龍蝦汁波士頓龍蝦意大利飯龍蝦大大隻好多肉，煮得啱啱好唔會過靭。意大利飯係偏濕潤，但吸晒啲龍蝦汁超惹味。主菜 - 炭燒澳洲肉眼牛扒我哋嗌咗三成熟，出到嚟都啱啱好，帶點鮮紅色，食落好腍好易咬開。本身牛扒已經調咗味，所以唔使再額外加鹽或胡椒已經好好食，佢仲配咗柚子汁沙律菜同埋焗薯仔，兩個人食好滿足🥰甜品 - 芝士蛋糕作為蛋糕控，真係忍唔住兩件都叫晒芝士蛋糕嚟食，但餐廳勁貼心咁一個配咗草莓醬，另一個配朱古力醬令到味道唔會單一，芝士蛋糕唔會好甜，食落好鬆軟，蘸埋醬食就啱啱好！飲品 - 柚子蜂蜜茶嗌咗少甜，飲落好重柚子味，熱辣辣好養胃💕

Plato Cafe & Bristo 位於裕民坊，餐廳在空中花園樓層，有種放鬆、悠閒的氛圍。食物同環境一流，CP值高，非常推介。 係咁舒服既環境食晏，真係一件賞心樂事！🐄🍷澳洲肉眼牛扒配紅酒燒汁 🥩🍷牛排雙面煎封得很香口，中間的肉溫熱，完美的medium，🐄牛味濃郁。大大塊啖啖肉，令人很滿足！🐄🍷紅酒燴牛面頰肉意大利飯 🍚這個牛面肉非常軟腍，意大利飯🍚煮得軟硬適中，米粒吸滿湯汁，完全是色香味美。🦑日式天婦羅魷魚鬚這個跟餐加配的魷魚鬚，真是超級抵食！粉漿一點都唔厚, 食落好脆又唔油膩, 魷魚鬚又粗亦好易咬，簡直是一流！🍲🍹跟餐的餐湯和飲品也很美味，吃完午餐，心情也特別靚！

觀塘凱匯樓下商場有個花園，花園外圍有間空間闊落、裝潢雅致嘅餐廳 <Plato Cafe & Bistro>🧐 睇餐牌，發現$458嘅<精選二人套餐>好似好正🥸 主菜有得嗌龍蝦🦞 腳就不自主地行咗入去😝<精選二人套餐>好豐富，有齊2人份餐湯、前菜、2款主食、2杯飲品同2人份甜品，絕對令人食得滿足🙌🏻蘑菇忌廉餐湯飲得出真材實料🥄 其中，薯仔味道同質感相當突出，為湯添上濃稠度，而唔會好似輕視食物質素嘅餐廳咁，隨便將麵粉糊當湯俾客人飲😤 從呢點可見<Plato Cafe & Bistro>嘅用心💕為食嘅我哋揀咗<酸忌廉煙肉薯條>前菜，薯條嘅新鮮同味道令人食慾更增，配上酸忌廉、煙肉粒食更滋味😋主食<炭燒澳洲肉眼牛扒>一上菜，陣陣炭燒香直衝鼻孔，當然要立即大快朵頤🍽️ 牛扒食落更為驚艷😍order 5成熟，牛扒外焦內嫩 (pink 🩷)，洋溢牛肉獨有嘅鮮美多汁，搭埋特製醬汁，classic 牛扒風味🥩❤️<龍蝦汁波士頓龍蝦意大利飯>誠意滿分💯龍蝦汁香濃，包裹住每粒彈牙米飯，拌煮到香氣郁馥嘅菇

今日同家人去咗觀塘裕民坊「Plato Cafe & Bistro」食晚飯，叫咗佢哋嘅精選二人套餐，性價比幾高~餐廳裝修簡約舒適，燈光柔和，氣氛輕鬆。★是日餐湯★蜆肉忌廉湯★ 湯嘅質地濃稠適中，忌廉味香濃，蜆肉鮮甜，加埋蔥花更加提味。★天婦羅魷魚鬚★魷魚鬚炸得金黃酥脆，外皮薄脆，內裡魷魚肉質彈牙，點埋他他醬更加惹味。★波士頓龍蝦龍蝦汁意大利飯★龍蝦肉質鮮甜彈牙，份量十足，龍蝦汁濃郁鮮美，完全滲入意大利飯中，每一啖都充滿龍蝦嘅鮮味。★澳洲肉眼牛扒（5成）★牛扒煎得火候啱啱好，外層微焦，內裡粉嫩多汁，肉質軟嫩，牛味濃郁。配菜嘅薯蓉香滑綿密，蔬菜都新鮮爽脆。★Dreyer‘s雪糕杯★食完主菜，當然要食返個甜品啦！Dreyer‘s雪糕係比利時朱古力味，好多朱古力碎，口感好好。★芝士蛋糕★芝士蛋糕口感綿密，芝士味濃郁，令人滿足。【Plato Cafe & Bistro】📌 觀塘協和街33號裕民坊YM² 3樓309號舖

今天吃了一客红酒燴牛面頰肉飯套餐，肉很高質和很嫩，肉份量也ok, 有驚喜.當中配菜是洋葱红蘿白，也炆煮得很好軟，汁也好味不太鹹，如果配菜份量可以多些就更完美了。這裹咖啡也很好飲，用心製作keep.it up

昨晚去了觀塘，在裕民坊三樓看到這西餐廳，店內環境給人一種悠閑舒適的感覺。餐牌上有不同款式的晚餐，每款晚餐有一個餐湯及飲品。鮮菠蘿牛肉漢堡配薯條及沙律 ($158)牛肉漢堡充滿肉汁，配以新鮮燒香的菠蘿，令口感、味道更加豐富。而且麵包經過烤焗，外面帶點脆身，而內裏保持軟腍。這沙律份量不少，新鮮的沙律菜加上柚子汁，十分清新美味。薯條熱辣辣，帶點微鹹，再按個人口味加上黑椒粉，感到滿足。澳洲肉眼牛扒 ($238)這肉眼扒很厚身，5成熟的牛扒烹製得剛剛好，牛肉味香濃、有咬口。外層煎得香口。熱熱的焗薯加上沙律醬和煙肉粒，配搭得宜。喜歡這沙律加上柚子汁，味道很清新。開心果麻糬提拉米蘇 (跟餐+$48)抹茶味的冷凍忌廉蓋上鬆軟的蛋糕，微甜煙韌滑滑的麻糬在中間，還有微微肉桂味的脆餅，整體味道口感豐富，不覺太甜，值得一讚。兩個羅宋雜菜湯 (是日餐湯)意大利即磨咖啡 (跟餐) 熱英式奶茶 (跟餐)需加一服務費

🔥隱世高質Cafe✨ 鹹甜胃一次過大滿足！🔥 🐟炸魚薯條即叫即炸脆到啪啪聲！魚肉超厚身又滑溜～薯條仲係粗身勁脆口🍟 點埋他他醬食到停唔到口！#邪惡之最 🥭+🥐香芒牛角窩夫配雪糕必影打卡神品📸！窩夫牛油香爆燈💡，外脆內酥+流心芒果醬🥄 夾住冰火忌廉雪糕🍨，甜酸balance啱啱好💯 🦀🍚軟殼蟹黑松露忌廉意大利飯+是日餐湯 全場MVP‼️ 原隻脆炸軟殼蟹鋪滿成個碗～ 黑松露忌廉汁多到湧出嚟💦 每啖飯都creamy到震🤤 跟餐個南瓜湯易入口，幾開胃～🍹冰果茶（凍）酸酸甜甜勁解膩～ 飲完成個人refresh晒🌿超爽呀！

之前好想來試的餐廳今日有機會同老公一齊來慶祝生日所以叫了一個二人套餐，首先來的餐湯中規中矩，然後再來前菜炸尤魚蘇味道野味，Main clause黑松露意粉和西冷牛扒尚算唔錯，最後上的芝士蛋糕和雪糕泡芙都幾好味，最後叫了咖啡和茶，略嫌咖啡味道偏淡，食物不過不失沒有驚喜，但坐的座位麻麻地；地方比較嘈。相信再次回來食的機會比較微。侍應服務態度都幾好👍🏻，這個是值得讚賞的👍🏻👍🏻👍🏻👍🏻。

訂座後要求預付訂金，照俾。當日用餐，龍蝦湯煮燶左，有濃烈苦味。其他食物不過不失。比起食物，整體服務印象更難忘。坐低不足45分鐘就有人要求調位，係想趕人走？食完付款，店員沒有把預付訂金扣除，要我提醒才知訂金數額，原來唔同客會俾唔同金額訂金，店員都唔知，我講，佢信。離開時，門口有一位客人呼冤，點了菜單上的虎蝦餐，上菜時變成蝦仁，店員無事前知會，客人氣沖沖離開。我慶幸沒有被騙的感受，只感覺物非所值。絕無下次。

呢間已經第二次嚟食，之前係帶埋阿女食今次帶朋友嚟食，地理位置都好方便雖然入面嘅座位唔算多，但係都幾有格調同朋友係到一路傾計一路食dinner好正🙌🏻二人餐有前菜、飯/意粉、主菜，仲有甜品🍰飲品🍹不過我地兩個散嗌😂😂都嗌左三個餐加兩個甜品🤣西班牙海鮮飯評分：👍🏻👍🏻👍🏻👍🏻新鮮的蝦、貝類和魷魚增添了海洋的鮮味，海鮮的鮮嫩與米飯的口感層次豐富色彩。火龍果大蝦沙律🥗評分：👍🏻👍🏻👍🏻👍🏻👍🏻大蝦肉質鮮嫩，沙律色彩繽紛、好fresh，火龍果清甜脆口嘅口感為沙律增添了新鮮感，與蝦肉形成對比，清爽的感受，好適合鍾意海鮮和水果嘅人卡邦尼煙肉意粉評分：👍🏻👍🏻👍🏻👍🏻👍🏻意粉煮得啱啱好，吸收醬汁嘅味道，口感滑順，食材雖然簡單，但可以整得咁creamy好味，每人回味無窮，濃郁的醬汁和煙肉嘅香氣，每啖都充滿享受。開心果白朱古力心太軟評分：👍🏻👍🏻👍🏻👍🏻外層烘焙金黃酥脆，白朱古力心餡質地柔滑，帶來濃郁的甜味，開心果嘅獨特風味口感，為甜品增添層次感，但呢個甜品比較甜。

今日約左個朋友去觀塘食嘢，我揀左間西餐見到佢啲午餐同埋下午茶都好抵食。我叫左個澳洲肉眼牛扒配薯菜，加咗三隻BBQ汁雞翼同一杯水果茶🩷🩷🩷🩷🩷佢個牛扒叫咗五成，煎得啱啱好外脆內軟，而且裏面唔會太熟咬落去好腍，又有肉汁牛味又濃👍🏻正。同埋佢個牛肉燒汁點完都唔會太搶個牛肉味，加埋柚子汁嘅沙律菜同埋薯條都好夠飽，份量又足夠。同埋個BBQ汁雞翼真係好正個汁，勁開胃加埋炸到脆卜卜嘅雞翼撈埋一齊真係好正！同埋配上杯甜滋滋既水果茶真係好解渴。另外我叫左個香烤雞胸西西里意粉加 朱古力心太軟配雲尼拿雪糕同埋一杯芒果沙冰🩷🩷🩷🩷🩷佢個意粉用左番茄醬汁再加埋烤過嫩滑既雞胸肉，同埋啲菇類同蘆筍，酸酸甜甜好開胃。同埋個飯後甜品心太軟食落去勁流心，朱古力味又夠濃。配埋雪糕冰火交加好正。最後飲反杯甜甜地既芒果沙冰解下滯，食得好滿足又夠飽👍🏻餐廳配送個沙律酸酸甜甜好好食🤤

今日同朋友收工 係觀塘行咗陣 揀咗間西餐試吓試咗餐廳嘅「Special Dinner for Two」真係一次唔錯嘅體驗！🤩🤩 食物質素方面 套餐選擇豐富前菜有日式天婦羅魷魚～超香紫菜味同埋好脆!!啱晒鍾意食炸物嘅我✌🏻主菜嘅波士頓龍蝦意大利飯&香煎澳洲肋眼牛扒都煮得啱啱好👅龍蝦飯濃郁鮮甜 龍蝦肉好厚身牛扒肉質嫩滑 配埋個汁食👍🏻配菜亦唔馬虎 有焗薯同沙律菜🥗整體都算飽肚甜品有我好鐘意嘅 芝士蛋糕👀賣相精緻 芝士味濃 完美收尾🫢環境氣氛方面 餐廳設計簡約溫馨燈光柔和比較適合情侶或小聚 環境又唔會太嘈 收工兩個人食下嘢傾下計幾舒適💛服務質素亦令人滿意 店員態度親切有禮又會主動介紹菜式同飲品嘅選擇上菜速度幾好 唔會一次過上晒 可以慢慢嘆🙊整體黎講 $458嘅套餐都算性價比高無論係食物、環境定服務都畀到人一種貼心嘅感覺 值得一試！不過收工時間都比較多人建議如果食嘅話book咗位先🤣

🔹️今日到觀塘裕民坊 “Plato Cafe & Bistro ” 下午茶🍴店內整潔舒適🌿 食物新鮮有水準👍 店員親切有禮👨‍💼👩🏻‍💼 價錢親民💰💫見5pm前還有午餐🍽 我們便選擇了午餐和下午茶餐📝🔸️餐湯🍵是日餐湯綠豆湯, 入口綿密, 充滿綠豆香🥄🔸️香煎比目魚柳配蕃茄汁🐟🍅比目魚柳外皮煎至十分香脆, 味道鮮香, 肉質嫩滑配酸酸甜甜蕃茄汁, 令味道更有層次😋🔸️北海道帶子沙律🥗帶子厚肉鮮甜, 沙律菜翠綠鮮嫩👍📍日式天婦羅魷魚鬚🦑炸至色澤金黃, 香脆可口, 魷魚鬚肉質彈口🤤🔸️柚子雞翼配薯條🐔🍟雞翼肉質嫩滑, 充滿柚子香, 配份量滿滿的金黃香脆薯條, 熱辣辣十分滋味👍🔸️牛角窩夫伴雪糕🍧🧇甜品選擇了酥脆牛角窩夫, 配香甜雲尼拿雪糕和多忌廉, 甜而不膩😋🔸️榛子朱古力🧋濃郁朱古力味, 配上忌廉、榛子, 質感滑溜💫🔸️蜂蜜柚子茶🍹味道清甜甘香、冰凍解渴🤗

上星期同朋友嚟到「Plato Cafe & Bistro」食晚飯🤩🤩餐廳主打歐陸西餐菜式，包括意粉、pizza、羊架、法國春雞等，質素都唔錯！而且環境闊落舒適，好啱同朋友嚟聚餐🥂🥂🍖露絲瑪莉香草燒羊架 $218✨羊架有三大件，肉質柔軟嫩滑、唔羶🐐～即使揀咗全熟都唔硬，咬落啖啖肉！配菜有焗薯同沙律，食完夠哂飽🤤🤤🥘西班牙海鮮飯 $148✨賣相吸引！面頭鋪滿大蝦、青口、魷魚、蜆、帶子等海鮮🦐～西班牙米粒粒分明、好掛汁，整體口感好豐富❤️❤️🐥BBQ醬雞翼 (+$38)✨雞翼大隻飽滿，配上惹味的BBQ醬🔥，十分開胃！！🍰日式芝士餅 (+$28)✨芝士餅口感綿密濕潤，芝士味濃郁🧀！甜而不膩，作為今餐完結啱啱好😋😋飲品方面，我地揀咗蜂蜜柚子茶(+$8)同榛子朱古力(+$14)～～蜂蜜柚子茶味道酸甜，帶淡淡柚子的清香🍊！榛子朱古力都唔錯，口感順滑、朱古力味香濃👍🏻👍🏻

入到去先發現原來之前係旺角食過同一間水準唔錯 。 Openrice 訂座送左小食薯條 叫左最正路 嘅 意粉同risotto水準仍然保持到！意粉一個人食會有啲“漏”， 因為太creamy.不過兩個人食，無卡位會食得有啲迫。 環境都有少少暗。 但整體都唔錯。