Plato Cafe & Bistro (吳松街)

難得夜晚行到去佐敦附近，就諗住求其喺附近搵間餐廳試吓，見到呢間評分都好高，又咁啱唔使等位，所以決定食呢間。結果可以話出乎意料之外好食，因為好多時候食Café都覺得味道只係正正常常，但係呢間我覺得係有俾心機落去食材到，所以先特登話係性價比極高。‣ 精選二人套餐 $498· 是日餐湯佢嘅是日餐湯係南瓜忌廉湯，第一啖飲落已經覺得充滿住奶香，但係你仍然會飲得到南瓜嘅甘甜味，飲落去真係覺得喉嚨好舒服，香醇柔滑，兩者平衡得好好。· 日式天婦羅魷魚佢嘅魷魚炸得相當香脆，而且唔會好油膩，食完唔會話覺得好拮口，同埋我諗佢嘅他他醬都幫咗唔少。比起平時嘅他他醬，我覺得佢嘅醬落檸檬汁都落得幾重手，但都正正因為係咁，所以食天婦羅嘅時候先唔會覺得好油膩，我反而都幾鍾意咁重檸檬汁嘅他他醬。而且你會見到佢嘅炸衣有紫菜碎混合喺入面，我覺得真係夠誠意。· 龍蝦汁波士頓龍蝦意大利飯本身我係諗住可能有啲龍蝦肉碎灑喺面，點知上枱嘅時候就見到半隻龍蝦擺喺上面，嗰下真係覺得呢個價錢冇得輸。龍蝦嘅膏好香，肉質算幾彈牙。佢嘅龍蝦汁我覺得都調配得好唔錯，啲飯粒食落幾綿密，每一啖都真係食到龍蝦汁嘅鮮甜味。睇住都幾大兜，但係食吓食吓都覺得幾

自己去開佐敦其實都係食嗰幾間，今日有地頭朋友帶咗我去童軍總會對面嘅一條橫街，原來有間西餐廳。前菜有忌廉蘑菇湯，蘑菇係水粒相，自己比較鍾意一片片嘅蘑菇，不過都不過不失正常嘅忌廉蘑菇湯。菠蘿牛肉漢堡($178): 漢堡包皮顏色係黑色嘅，但係食就食唔出有啲咩特別嘅味道，包皮香煎過所以更脆口，少少心思嘢。牛扒保留到有肉汁，而且新鮮煎出嚟仲係香脆嘅，而且配上菠蘿就冇咁油膩啦。薯條份量都好多架！BBQ汁燒豬肋骨($208): 要講吓汁嘅味道係教得幾好嘅，但但係今次嘅燒豬肋骨就好似有少少失水準，有啲位煎得比較韌，自己本身期待嘅係一切落去就可以即刻分離到嘅個種。飲品就叫咗冰果茶同埋美式咖啡，亦都正正常常，但係冰果茶唔算太甜，自己幾鍾意。總結：係呢個地段，又有一間裝修得幾好嘅餐廳其實已經好好，見到六點幾嘅時候都差唔多滿座。見到佢其實都花咗唔少心思喺裝修上面。我諗呢間餐廳比較適合一大班人食吓嘢傾吓偈，絕對可以坐得耐嘅餐廳。

之前食過呢間餐廳嘅lunch ，味道唔錯，知道佢晚餐嘅二人套餐幾抵食，今日就嚟咗試吓，叫咗個$498精選二人餐，有餐湯，前菜，兩個主食，飲品，仲有甜品，以市區黎講，呢個價錢係幾抵食👍🏻👍🏻餐湯無記錯職員介紹今日既餐湯係椰菜花忌廉湯，係幾香忌廉味，可能有椰菜花嘅關係，飲得出有蔬菜嘅甜味，但冇平時忌廉湯咁滑口冰果茶茶味有，唔會好濃好澀，飲落有少少桃香，甜度係平時叫少甜既水平，杯底仲有幾粒水果肉天婦羅魷魚鬚魷魚酥係新鮮炸，上枱嗰陣仲熱辣辣好香脆，炸衣唔算厚，亦揸得乾身，加上個有少少Wasabi味嘅沙律醬，食唔停口北海道帶子黑松露野菌意大利粉帶子兩面有煎香，生熟程度掌握得幾好，而意粉嘅硬度亦適中，意粉醬汁係忌廉黑松露口味，醬汁濃稠度啱啱好可以掛到意粉，所以每啖意粉都充滿忌廉黑松露嘅味道炭燒澳洲肉眼牛扒牛扒我叫咗五成熟，牛扒上枱切開都好對板，牛扒有肉既紋理，又香牛肉味同有肉汁，碟邊嘅配菜亦有質素，焗薯外表焗到乾身，中間濕潤，好香薯仔味甜品甜品我哋要咗一件蛋糕同朱古力雪糕，蛋糕係芝士蛋糕，都幾香芝士味，同平時餅舖食到嘅芝士蛋糕差唔多，而朱古力雪糕就係Movenpick

去開理大行番出黎食飯，之前都有過呢間的其他分店，呢間餐廳位於吳松街186-188號地舖，突破對面就係，今次就黎呢度食。揀左佢哋嘅$498兩人餐😆 呢間餐廳環境舒適，有2層，坐位闊落傾計一流👍煙三文魚凱撒沙律🐟🥗沙律菜新鮮，煙三文魚片切得厚厚3大片，鹹香味道同凱撒醬好match 🥗配上脆煙肉碎每一口都充滿咗清新+鹹香嘅味道，開胃又野味😆 配上香脆嘅麵包粒，口感豐富👍甘筍湯🥕🍲湯底濃郁，帶有甘筍嘅天然甜味，🥕湯內仲有細細粒嘅甘筍肉，食落去口感豐富，清甜野真係會開胃🤪波士頓龍蝦意大利飯🦞🍚龍蝦肉質彈口，意大利飯煮得剛剛好👍 汁唔淡，然後米粒吸滿咗濃濃嘅龍蝦汁😍 嗯… 係一個好正嘅選擇😆 龍蝦海鮮嘅鮮甜味道同意大利飯嘅香濃👍👍👍澳洲肉眼扒🥩🍽️ （五成熟）牛扒煎得剛好，外層有好靚的梅納反應，內裡嫩同多汁🤪 唔韌唔干唔柴😆 然後個牛扒嘅份量都幾大😍，兩個人分好開心。每一啖牛扒都係一種享受，值得推👍意大利芝士蛋糕🍰🇮🇹蛋糕質地綿密，芝士味道濃郁，但唔會太膩🍰食完主菜再嚟一件芝士蛋糕完美嘅收尾😆熱檸檬柚子茶🍋🍵飲咗熱檸檬柚子茶，🍋清新解渴

星期六晚都有一人晚餐,岩晒突然想食西餐既我。晚餐選擇都算多,我想左個Steak餐。餐湯係椰菜花湯,blend完後飲到椰菜花蓉。個steak都算大塊而且好lean,冇乜多餘既脂肪。比較中意個焗薯,係比較authetic既西式食法,有sour cream又有bacon chips,食到唔同既口味,salad本身既dressing酸酸地,比較開胃。餐飲我叫左個冰果茶,唔算太甜,好refreshing.讚!

放工想食個西餐chill下放鬆下，於是就揀咗呢一間鄰近地鐵站嘅西餐廳 - Plato Cafe & Bistro 🩷咁啱同朋友兩個人，可以嗌精選二人套餐$498，或者至尊二人套餐$546。如果同朋友都鍾意扒/肉類嘅話，後者可能更適合。不過我哋就嗌咗✨精選二人套餐✨，包括前菜、扁意粉/意大利飯、主菜、飲品同甜品，真係十分抵食👍🏻前菜中規中矩，蕃茄湯嘅味道濃郁，酸酸甜甜，仲食到少少蕃茄肉👍🏻。天婦羅魷魚香脆，但食落唔膩，值得一試。龍蝦汁波士頓龍蝦意大利飯龍蝦味濃，食落鮮甜彈牙。Risotto吸收咗龍蝦汁，又煮到粒粒分明，十分推薦👍🏻澳洲肉眼牛扒牛扒厚身又juicy，外皮焦香，肉質軟淋好容易入口。搭配埋醬汁揀直一流是日甜品：紐約芝士蛋糕芝士味濃厚，但甜道適中，食落唔會覺得膩。擺盤都好靚🩷另外二人餐仲包飲料，性價比十分高✨凍美式咖啡熱檸檬柚子茶

想食德國炸豬手又唔想去啲酒吧餐廳入面？成日經過佐敦吳松街都會見到呢間西餐廳入面坐咗唔少人，當中不乏唔同年齡嘅外籍人士，想靜靜地感受意式風情可以嚟到呢間Plato cafe and bistro今次我哋一行兩人本來想試吓好吸引嘅二人套餐，但係睇到套餐分量十足怕浪費食物，最後我哋決定叫一個德國脆皮鹹豬手同西班牙海鮮飯就夠喇，雖然得兩個菜式，但係份量一啲都唔輸蝕。德國鹹豬手上菜嘅時候店員已經為我哋切好，等享用嘅時候唔使太論盡，雖然切好咗，擺盤、溫度都依然保持到。通常好脆皮嘅鹹豬手會有一個通病，就係肉質會太乾，但呢度嘅鹹豬手就冇問題喇，咬落去表皮索索聲，配合埋酸菜一齊食中和返油膩感，而且炸到咁脆嘅豬皮下面竟然仲食到煙韌嘅膠質，值得一試。好味指數:🌕🌕🌕🌗🌑第二個菜式係西班牙海鮮飯，見到顏色方面已經同坊間嘅西班牙海鮮飯有所不同，聞落嘅味道充滿蝦油嘅味道，飯身濃稠得嚟唔會好淋，加入咗蕃茄、青椒同蘑菇亦令到海鮮飯清新不少，海鮮飯上嘅蝦肉無論大小同質地都有返咁上下好味指數：🌕🌕🌕🌕🌑食完呢兩碟菜式我哋都未夠喉，仲加咗兩杯特色飲品試吓，我哋分別嗌咗一杯芒果沙冰同埋雜莓奶昔，兩杯都充滿果味而甜味唔會好突出

打完羽毛球🏸速食Plato，坐梳化🛋️位，都舒服😌，餐湯蕃茄🍅忌廉湯🥣，個人❌，主菜share, D6西班牙🇪🇸海鮮飯🥘（$168）,似risottos，有蝦、魷魚🦑、帶子同青口，都好食😋，D5軟殼蟹 🦀 黑松露忌廉意大利🇮🇹飯（$158），好重黑松露味，好食😋，D9BBQ汁燒豬肋骨🩻($208)，BBQ汁酸，個人❌, D10德國🇩🇪脆皮咸豬手（$238），脆，大件，正😄，D11羊架7成熟（$238），冧，正👍🏻餐飲跟$32或下飲品🍸，我揀咗凍果茶少冰，有菠蘿🍍喺入面

🩵Plato🩵朋友生日又想食西餐，揀咗之前食過覺得性價比唔錯嘅西餐廳同佢一齊食😆餐廳嘅環境寬闊，有唔少嘅座位，而且坐得唔迫(⁎⁍̴̛ᴗ⁍̴̛⁎)軟殼蟹黑松露忌廉意大利飯🍚黑松露勁足料，成個飯都係滿滿嘅黑松露同埋菇菌類🍄‍🟫🍄‍🟫!!意大利飯煮得啱啱好，唔會太硬又唔會過林～佢隻軟殼蟹超大隻，仲要入邊係滿滿嘅蟹膏🦀🦀🦀🦀🦀澳洲肉眼牛扒🥩我哋叫咗五成熟，牛扒切開有好多肉汁，不過我覺得佢係熟咗少少，但味道都係好嘅☺️佢旁邊仲有沙律菜，沙律菜好新鮮，用嘅沙律汁都唔會過酸，非常開胃！除咗沙律菜之外，仲有焗薯，焗薯上面仲有沙律醬😚😚我哋嘅晚餐set仲有餐湯，今次食嘅係蕃茄湯，佢感覺係比較濃稠，好飲！

佐敦站 D 出口Plato Cafe簡約木系裝飾，環境舒服座位寬敞，餐廳有精選二人晚餐$498 或$548包餐湯/沙律/主菜/甜品/飲品也有Set Dinner 最後揀咗$498/2人餐冰果茶🍹唔會太甜有雜果粒又夠冰凍，是日餐湯羅宋湯足料蕃茄味濃，酸酸甜甜好開胃,🥗煙三文魚凱撒沙律勁大碟香滑煙三文魚，爽口羅馬菜，芝士碎味濃，脆口煙肉粒和面包粒，🦞龍蝦汁波士頓龍蝦意大利飯龍蝦經過煎香，特別香肉質彈牙，意大利飯煮得煙煙韌韌,有香濃蝦湯芝士味，還有紅/青椒,好好味😋🥩炭燒澳洲肉眼牛扒牛排 3成熟外層煎得焦香，肉汁香濃，焗薯香滑和野菜都好大份量，飯後甜品瑞士出品朱古力雪糕或日式芝士蛋糕芝士香滑香濃甜品是一餐完美句號😍

今日黎到佐敦食一間西餐廳, 餐廳既環境幾好, 坐得好舒服, 侍應既服務都好好, 唔會一次上曬D菜, 會等你食完先再下一樣, 呢點幾好呢到主要都係食西式既食物, 我地叫左個2人餐, 都好抵食, 有前菜, 2個主菜, 仲包2個甜品同埋2杯飲品首先前菜我地叫左酸忌廉煙肉薯條, 薯條炸得金黃酥脆, 面頭有一粒粒既煙肉碎增加左個口感, 搭配埋酸忌廉醬, 令到個口感好豐富, 薯條脆卜卜, 加埋煙肉鹹香同埋酸忌廉, 好特別既小吃選擇主菜叫左龍蝦意大利飯, 黎到真係好震撼, 有半邊龍蝦, 仲要好大隻, 食落好彈牙鮮甜, 而且個蝦鉗都幫我地卜開左, 好容易就食到, 意大利飯用左蝦蝦汁去煮, 所以食落個陣都好濃既龍蝦味另一個主菜就叫左肉眼牛扒, 牛扒煎得岩岩好, 外層煎得焦香, 入面仲鮮嫩多汁, 我地叫左7成熟, 煎得都岩岩好, 食落都有牛味同埋肉既口感都好好, 配菜有焗薯同埋沙律菜, 份量黎講都好足夠, 絕對夠食甜品方面佢有得揀雪糕或者芝士餅, 不過我地都食得太飽啦, 淨係叫左雪糕食, 估唔到係movenpick總括黎講, 呢間餐廳既食物同埋服務質素都好好,  絕對推薦下次再黎幫襯

佐敦星期六爆場意大利餐廳，假日都比較多人，但book左位都唔洗等，如果walkin 就可能要等一陣普通一個set 百幾蚊都好抵，有兩個2人餐，食物款式都唔錯精選二人套餐 - $498酸忌廉煙肉薯條薯條炸至金黃酥脆，搭配上酸忌廉同煙肉，味道鹹香同酸甜交融。薯條的脆口加上酸忌廉的滑順質感，令味道更加豐富波士頓龍蝦汁意大利飯汁料以波士頓龍蝦為基底，配以鮮甜嘅蕃茄、香草同其他香料，味道濃郁而鮮美。意大利飯煮得剛剛好，每粒飯粒都吸收咗汁料嘅滋味，有濃郁嘅龍蝦味同蕃茄嘅酸甜澳洲肉眼扒肉眼扒烤至外表金黃，內部嘅肉質保持嫩滑多汁。每一口都能夠品嚐到牛肉嘅鮮美味道，帶有微微嘅牛油香氣配菜 – 焗薯外層形成一層金黃酥脆的外皮，內裡則保持著軟嫩的口感。薯仔的甜味在烤的過程中更加凸顯出來，。忌廉的香濃口感與薯仔的口感相互融合，有奶香味道- 凍焦糖鮮奶咖啡有一種濃郁嘅咖啡香氣，口感滑順同涼爽，綿密的奶沫覆蓋在濃郁的咖啡上，焦糖的甜味與鮮奶的濃郁相結合，形成豐厚的口感- 熱特濃朱古力朱古力濃稠而香濃，帶有濃厚嘅可可味道，口感十分滑順，奶的比例剛好，亦唔會太甜- 芝士蛋糕呈現綿密柔滑的質地和光滑的表面，口感非常柔軟

今日下午黎到佐敦食晏，係OpenRice 見到呢間食評唔錯，又近地鐵站 ，所以就去左試下。呢間西餐廳係佐敦地鐵站都係都只係幾分鐘，地方非常方便，當日我地12:00就去到餐飯，當時未係好多人，不過一路坐，啲人就一路入黎，見好多上班族都係到食晏，睇黎呢間餐廳真係好受附近的上班族歡迎。雖然係OpenRice 到訂位散點會有75折 但係見佢的set lunch 都好似唔錯甘，所以今次我地叫左佢的午餐試下，分別試左凱撒沙律 同 佢的漢堡飽，味道好好，份量又好足，因為之後要去食甜品，所以冇叫到佢其他食物黎試，不過下次如果黎開佐敦的，都好值得再過黎。

一直都喺佐敦見到呢間餐廳好多年😆但係都冇機會試嗰日我哋7:30先去到已經接近full house，我哋叫咗一個$498二人餐，包咗前菜、兩個主菜、飲品同埋甜品😝以咁多個courses嘅西餐嚟講算係幾抵食當日嘅餐湯係南瓜湯，口感濃稠，明顯食到南瓜嘅纖維感同顆粒感，味道甜甜地都唔錯前菜我哋揀咗三文魚凱撒沙律，沙律撈得幾平均，味道適中🤤三文魚嘅質素就正正常常啦～主菜我哋分別叫咗龍蝦意大利飯同埋牛扒，兩款肉質都唔差，而且份量充足幾有誠意😆值得一讚係意大利飯嘅龍蝦湯味幾突出，不過飯粒口感略嫌偏腍，如果更加粒粒分明會比較好甜品可以揀芝士蛋糕或者雪糕，呢個價位估唔到都仲會有movenpick🙈整體算係幾抵食

奔波了一整日超肚餓，餓得有點hangry結果這家是出乎意料地高質，超開心🥹可以回訪! 🍴加一服務費：✔ ✿ 晚市套餐• 是日餐湯：南瓜湯南瓜控表示幸運😆南瓜沒有完全打蓉，增加口感質地較稀薄，沒有忌廉，不肥膩 • 西班牙黑毛豬鞍 $248超推薦٩(♡ε♡ )۶ 是我吃過的豬鞍排行榜的top3十分厚的豬鞍，分量滿足更厲害的是，裡面生熟度仍可以完全一致，橫切面全是微微粉嫩，剛剛好肉質juicy有咬口，很易切；切時肉汁直接流出😳調味適中，不太鹹，很有黑椒香不過配上的蘋果蓉感覺加了檸檬汁，偏酸，與豬鞍的本身調味沒有很搭；分開吃就可以另一加分為是配焗薯😍比薯條來得健康，個人更喜歡雖然焗薯上配上的檸檬蛋黃醬(?) 太多有點膩，撥開些就可以，不影響 • 餐飲：檸檬水 這天有很多一家大小來吃，頗為熱鬧；多人的話先訂座較好