PizzaExpress (時代廣場)

营业中

休息中

去做義工前梗係要食返個豐富早餐先啦！義工朋友帶左我黎Pizza Express食早餐，唔講唔知，原來呢度有早餐食的平時多數都係黎食pizza為主我哋太早黎啦早餐都可以叫pizza，岩哂pizza愛好者傳統意式早餐有自家製嘅麵包好有彈性！外層脆脆地，食落好Q彈完全係我鍾意嘅麵包沾上中間肉丸嘅茄汁，好好食呀！好濃嘅蕃茄味，仲有黑椒香！肉丸亦無令我失望，口感好實在！蕃茄湯海鮮螺絲粉呢個螺絲粉真係好抵食有好多蜆&蝦隻，蕃茄湯好fresh好清甜非常原汁原味，啲湯都俾我飲哂 極力推介！番石榴汁係新鮮果汁黎㗎食到果肉，味道好清新，唔會好甜Jasmine tea

難得星期日早了起床，所以去了家附近的時代廣場的pizza express買早餐跟家人一齊分享吃。☺門口長這樣 😀裹面空間挺大，下次想跟朋友或家人來嘗試堂食好啦 傳統意式早餐裹面有摩特黛拉火腿、意式焗肉丸、番茄、雜錦蘑菇、雞蛋、火箭菜跟自家製麵包。這個份量有點多，所以我都跟家人分來吃。 😀火腿比起一般港式早餐的火腿沒那麼咸，所以我挺喜歡。 😍另外餐廳好貼心地把焗肉丸另外分開包。我覺得這裹的早餐調味比較健康，所有食物不會過咸，而且味道剛剛好很好吃。 ☺早餐薄餅這個薄餅裹面肉的份量好多，好適合食肉獸，哈哈。 裹面有意大利煙肉、意式肉腸、雜錦蘑菇、車厘茄、芝士、雞蛋跟白汁。 ☺薄餅的調味剛剛好，白汁不會搶掉其他肉的味道，好好吃喔。 😍加了各15塊就有cappuccino跟latte, 咖啡師畫的圖都很美，不捨得把圖案弄掉。咖啡很好喝，濃濃的奶香跟咖啡味並全，即使怕苦既朋友都可以嘗試看看！！ 😍士多啤利果醬果醬不是死甜的哪種。 😍最後甜品我點了雜莓麵包球，我家人說麵包不用配果醬一起吃都已經很好吃，我覺得可以一半不配跟一半配果醬吃，兩種吃法也不錯。

上次吃完好滿意，今次再帶父母來吃，人多些，可試更多菜式。結果一致認為北京烤鴨薄餅值得一再回味。它比一般薄餅更薄，上桌時已預先幫我們分切成8片，每片有大約一塊半鴨胸肉，配料有青瓜粒、青蔥和辣椒，配以海鮮醬。吃的時候將薄餅對折，非常有吃北京片皮鴨的感覺，而比片皮鴨更優秀的是那薄餅皮比傳統中式餅皮更有味道和口感。初看鴨肉不多，但對折後差不多啖啖都咬到鴨肉，加上配料和配醬，香噴噴，父母都話好食。另一款推介是蟹肉白酒汁意粉，蟹肉應是罐頭產品，但無損美味，而且份量都幾多。白酒汁有蒜香和銀魚醬，鹹鹹香香，味道好夾。意粉煮得啱啱好，整體非常滿意。我們還點了另一款薄餅：薄餅兄弟。它有一半平鋪放了芝士和車厘茄，另一半是捲入辣肉腸、雜菌和芝士。捲起來的部份比另一半好吃，平鋪的那個番茄味和芝士味不足，薄餅亦不夠脆身。眾人一致認為寧願點多一個北京烤鴨薄餅代替這兄弟，可見北京烤鴨薄餅是完全取得所有人的歡心。

今日去左銅鑼灣時代廣場既PizzaExpress下午茶，發現呢道竟然都有Happy hour，飲品買一送一，啤酒、氣酒除返都只係三十幾蚊就有一杯好適合咁熱既天氣坐得舒舒服服嘆下我地除左飲野，當然食埋大餐，午餐晚餐一餐過點餐牌任何主菜就可以送頭盤沙律或焗麵包球！雖然係免費，但個焗麵包球超好食，外脆內軟，配上滑滑既蒜蓉牛油出奇地好味而沙律份量都唔少，有多款不同沙律菜配搭，味道清新開胃意式焗肉丸$68肉丸口感結實彈牙，薄餅外脆內軟，正夏威夷薄餅$158薄餅有兩款，厚既係傳統薄餅，呢款係薄既，食落無咁滯夠脆口好好味，邊位好香脆，配上洋蔥、菠蘿、ham，口感豐富！菠蘿味清新，ham夠咸味蕃茄海鮮意粉$148好惹味而且超足料，有不少元貝、蝦、蜆肉朱古力心太軟$68做到外脆內流心，朱古力味夠濃，配上超滑雪糕，完美餐廳服務好，坐位寬敞舒適及乾淨，整體十分滿意

👁‍🗨PizzaExpress📍銅鑼灣勿地臣街1號時代廣場12樓1203號舖@----------------------假日天氣炎熱，想找個地方歇腳，剛好經過Pizza Express見餐廳環境開揚，座位非常多，決定選依間食個簡單午餐，剛好過了繁忙時間餐廳內食客不算多，入座率4成左右，作為食客當然坐得舒適，食得開心🥳午餐Menu有2人餐，選擇繁多，主食可選沙律/薄餅/意粉，飲品亦可升級另配特飲好食度：✔️✔️✔️< 2人餐 $349 >⚑ 頭盤（1款）➰ 意式焗肉丸肉丸用小砵另上，淋上新鮮蕃茄醬，附加4片小薄餅，肉丸彈牙沒雪味沒騷味，蕃茄醬能提鮮，薄餅相對較硬及韌⚑ 主菜 （2款）➰羽衣甘藍蘑菇松露薄餅最適合素食者的羽衣甘藍薄餅，薄餅底夠焦脆，鋪滿各種餡料，微焦脆的羽衣甘藍加上濕潤蘑菇，淡淡松露味再灑上少量鹽，層次豐富，口感出奇地Match👍🏻➰肉醬闊條麵肉醬偏咸， 肉質嚡亦沒有鮮甜味，闊條麵口感偏硬實，掛汁能力一段⚑ 飲品（2杯）< 加$10升級 >➰ 蜜糖檸檬薑熱飲附上水壺及濃縮膠囊，自己動手沖，蜜糖味香甜檸檬薑比例恰好， 不錯👍🏻➰ 奶泡特濃咖啡 小杯

一排無食又掛住佢個烤鴨pizza, 雖然烤鴨肉唔多（勉強一塊pizza獲得一舊烤鴨）但主要食佢個甜醬同香蔥。人手打手工pizza 香口有彈性，餅邊餅底脆薄，新鮮出爐，用手食別有一番滋味！沙律🥗，配烤雞雞胸唔會硬，面頭蘋果清香香甜，加埋小小堅果同烤面包食沙律都好滿足。下午茶時間人少少坐得舒服，空間感好大，叫左任飲任添檸檬茶🍋，不知不覺坐左一個下午😎最後甜品烤麵包🥯（又是烤的）配榛子醬🌰飽和度十足！

銅鑼灣時代廣場的食通天是美食聚集之道，而且所有餐廳都很多人排隊，於是今晚和朋友訂了座到Pizza Express吃晚餐, 果然很早已經坐满了客。餐廳環境簡約悠雅，座位舒服，職員很有禮貌，服務週到。餐廳正在推廣西西里菜式，款式眾多而創新。西西里肉腸菠菜薄餅即叫即焗，熱辣辣，配料豐富，有西西里肉腸，洋蔥，炒菠菜，香草菲達芝士，巴馬臣芝士，每啖都吃得很滋味，口感層次豐富。薄餅外脆內軟，香甜惹味，西西里肉腸多汁嫩滑，配芝士一起吃很美味。茄子蕃茄寬條麵寬條麵爽滑彈牙，香甜可口，蕃茄汁清甜，滲入麵條當中。焗香草沙甸魚一上檯就香氣撲鼻，魚香味很濃郁，魚肉嫩滑香甜，鮮甜多汁，以銀魚柳醬等多種醬料一起焗，煮得入味，配有香脆的香草包一起吃，味道很配搭。焗麵包球是必點之選，麵包球很煙韌彈牙，帶有少少香脆的口感，焗得剛剛好，香草醬和牛油都和麵包很夾。心太軟配雪糕以熱的鐵板裝上，可以保持心太軟的熱度，朱古力蛋糕軟稔香甜，入面流心滑溜，朱古力味香濃。青檸薄荷梳打解渴之選，味道清新甜美，青檸味酸酸甜甜，帶有淡淡的薄荷味。

在跟朋友約我weekend去PizzaExpress食早餐，我聽就心諗間野有做早餐嘅咩？原來而家喺weekend有做早餐，Menu都幾多選擇朋友揀咗傳統儀式早餐，份量好大，一個人肯定食唔晒，最後我哋喺share一齊食有兩個應該係pizza餅底左嘅麵包，中間有蕃茄肉醬蕃茄醬肉丸，兩隻煎蛋，火腿，煎蘑菇，煎蕃茄，火箭菜。佢嘅食物質素真係不得了，蘑菇十分之香口，咬落啲蘑菇係好有蘑菇味可能用平時嘅cafe all day breakfast都唔會食到咁靚嘅蘑菇中間嘅蕃茄醬香草肉丸先至不得了，有啲啲感覺似IKEA嘅肉丸，但係佢係冇咁多脂肪嘅塊火腿又唔會太鹹，火箭炮加埋一齊食感覺好舒服，個蕃茄都剪得好好。比多幾個肉丸嘅畫面你哋睇啦將個麵包搣開幾舊，然後點落個蛋煎蛋蛋黃度，超級無敵好食。早餐真係有得食pizza 㗎，今次揀咗呢款意大利薄餅：入邊有煙肉，芝士，蘑菇，雞肉，意大利肉腸同雞蛋。好大個，雖然只係早餐，但係我哋兩個人share兩份早餐同全食唔晒，超級飽好大份好抵食佢好想打俾你講同出邊嘅Cafe梗係差天共地，天生麗質果然係做開好食嘅嘢做開連鎖餐廳，質素真係有一定嘅水準。平時嘅Cafe用了邊可能有

lunch宜家叫主菜送頭盤同飲品，揀咗麵包球同橙汁，好味。另叫咗兩個意粉，都好好味，但份量太多，兩個女仔好難食得晒。用咗時代廣場dining coupons, 埋單$210。整體都算滿意，不過人手好似唔多夠，order都要等一陣。

自己非常喜歡食披薩，所以經常要周圍去食，今日去到銅鑼灣時代廣場，加上有現金券食100減50的，就更加不會錯過，因為呢間做緊點餐牌主食，就送雜菜沙律或麵包球和一杯飲品我叫了海鮮披薩，一上枱真你嘩了一聲很大的一个，放了多種海鮮餡料豐富，披薩皮薄而脆，就算這麽大的一個，一個人也可以食清光，實在太滋味。另點了一碟松露小元貝闊條麵，起初以為只有兩三粒小元貝，元來麵底內有十多二十粒很是大方，黑松露加上秘製醬汁的闊條麵簡直絕配.看這店的小麵包，也是我必點之一，麵包鬆軟加上秘製牛油令人一個接一個食不停口。飲品可以喺餐牌內隨意挑選啱自己口味的。

老實說PizzaExpress 在我的印象裡，一直係高質pizza餐廳，想食pizza，或者行過都會幫襯下。隨着分店數量越來越多，質素亦都因應地區而變得參差。今次幫襯，主要係因為有時代廣場的美食現金券，當然要搵一間可以用現金券的餐廳消費。以前我最鍾意就係薄薄脆脆的Margarita，但今次係薄，唔脆。😳 我真係以為自己食緊Pizza Hut。另外個Menu都有改變的，再無Portobello。最好，而又最抵食的，算係個salad，好多superfood，滿滿的一盤。 我未會放棄PizzaExpress 住的，希望下次希改善。

呢間餐廳座位太迫，嗰啲薄餅皮太乾太硬，嗰啲水牛芝士雞翼一陣雪藏味，飲落去啲水就知道完全係差，意粉又係硬過雪條，得個鹹字，食完好口渴要勁飲水先至可以解渴。我朋友叫一個肥胖面口好差嘅尼泊爾女士應斟水，佢大聲呼喝話唔關佢事就行開咗，我當場命令佢翻返嚟，但佢走去服侍一枱歐裔客人扮聽唔到。我就截停一個印度女經理好勞氣話你個夥計喺度歧視香港人，佢以好唔好意思的表情向我們道歉，話我哋會改善，我叫嗰個尼泊爾女人翻返嚟俾我質問！佢用好唔好意思嘅態度話佢未必肯嚟，我堅持時候我朋友話唔好算數啦，咁我唯有放棄。唔明點解經常遇到香港的香港人涉嫌被少數民族種族歧視！思想非常小朋友唔檢點的OpenRice編輯又來河蟹，多次話投訴呢位尼泊爾女侍應歧視香港顧客係唔關食評內容還刪咗篇文，搞到要由頭寫過。

👌🏻環境:窗邊中午好曬，枱與枱較密集，坐沙發位較舒服無咁密集。廁所係餐廳入面，商場廁所最近要去9樓。食物[👍🏻蘑菇燴糙米飯$143]蘑味濃配淡淡蒜蓉味，整體味道香濃。[👌🏻黑松露小元貝扁意粉$143]黑松露味加忌廉味出，會比較漏口，小元貝數量較少。[👌🏻意式野菌螺絲粉$133]味道較淡，淡淡既茹味，反而香味十足。[👌🏻焗麵包球$50]配牛油+香草醬好普通，無之前配芝士醬咁正。[👌🏻烤蘑菇$83]香濃既菇味，size剛好一啖過，加埋火箭吊味，可惜芝士味不重。[👎🏻蒜香新豬肉長通粉$108]注意茴香味十分重，末必人人接受到，味道較怪，不太喜歡。[👎🏻烤焗雞翼$83]雞翼普通，pizza hut雞翼好食好多。

趁住今日唔使wfh，難得有美食coupon就去times square睇下有咩食，上到12樓見冇咩人排隊就揀左pizza express! 一打開個menu真係多野揀到頭暈，因為呢度係冇standard lunch set，你要揀一款main dish再配set，左諗右諗最終揀左margarita pizza🍕，見頭盤隔離枱個麵包幾靚仔就揀埋。等左一陣終於上菜啦🤗 個薄餅係傳統意大利既薄底，超級香脆，加上啲蕃茄同絕對唔吝嗇既芝士真係一絕，好耐冇食過一份好pizza🤣 另外麵包個牛油都好有味，埋單用埋coupon都係$80，真係要下星期再encore多次🤣

Been to a lot of pizza shops but surprisingly we haven’t yet tried PizzaExpress till we had some coupons for dining at Times Square. Pizzas here generally had a rather thin base (almost like tortilla).🍕We liked the salmon tartare and seafood flavours most, the former being exceptionally refreshing. Out of our exception, the crab meat ravioli was of a generous portion and of great taste👍🏻吃遍香港不同的薄餅專門店 唯獨沒吃過有很多連鎖店的PizzaExpress剛好有時代廣場消費劵就來試試看薄餅底好薄 沒有麵粉的咬勁 但勝在吃多幾塊也不會太撐煙三文魚他他和火箭菜到搭配清新沒有油膩感🌱海鮮薄餅是唯一的芝士底