PizzaExpress (已結業)

一直都有食開， 水準一直不錯 有保證！ 所以今次行apm 唔知食咩好的情況下選擇佢 帶位時已主動告知沒有tea set 我們本身都無諗住食tea set 所以沒關係我們點了一份牛油果沙律 一碟卡邦尼意粉兩杯飲品牛油果沙律上的燒菇超好味 可惜得2粒 唔夠食意粉正常味 其實我本身無諗住特別寫食評 所以無影食物相但我想特別讚讚一位員工 （唔知係咪經理） 因為我食野時 見到隔數左桌是位年輕爸爸及位3-4歲的小朋友小朋友訓左 爸爸便抱起他準備走但因有盒禮物無袋所以爸爸有d難拎 員工見到呢個情況 立刻上前幫手 及給了他一個袋子 讓我感覺到真心是想幫助客人 很好👍🏻

一間英國老牌餐廳自從被弘毅投资(中國公司)購入後, 在香港經營方式開始轉變了.未售出時, 在此店用膳是沒有特惠套餐, 清水一杯亦欠奉, 客人想喝水便要花錢開玻璃樽裝高級清水 (飲下去不又是清水一口).  所以之後我都沒有再幫襯, 直到它轉營, 進駐多區, 友人們開始愛約到此消費聚會.  除了因為食物及環境好外, 主要是餐廳不小氣, 不會要我們1.5-2小時便交回檯, 這樣我們就有足夠時間品嚐食物及閒談.  我自己亦開始愛久不久入內醫肚.由於單叫跟套餐價錢出入都很大, 於是乎每次都是點套餐內食品, 不過套餐menu內的選擇都不少, 尚可. 這晚走進店內是因為有50元coupon, 不過結帳時我才記起應該套餐是不能使用, 一問之下, 所料沒錯.  沒關係, 反正散叫絕不平宜, 所以都是可否50元都一樣.食物味道來說, 每次去都沒有失望, 唯獨是前年臨近聖誕被友人召進去聚會, 才發現當晚只有Xmas Menu, 貴到呢, 雖然好味, 但我們都覺得有點不太值.  所以現在每次在大節日時段, 入內前會必先問是否有日常餐牌套餐供應.這夜, 我們點了2人套餐, over$300, 可以說不是平民價,

繁忙的午餐時間想食得舒服少少，我地今次揀左 pizza express 。 無他的 ，只因為用 APM app 可以遙距拿位而咁啱去到又輪到我地，所以便食佢。午餐 menu 都多花款， 頭盤+ 主菜＋飲品 係一個價錢。遇上大食的可以 +$18 小食 or + $38 double 主菜的份量。我與同事兩個就叫左頭盤焗麵包球，份量很多每人有六粒。熱辣辣脹卜卜配牛油好好味，一粒接一粒唔停到手，放心一定食得曬。推介！主菜是蟹肉白酒汁意粉$78 ，加D檸檬汁好好味！ 蟹肉好多， 未到濃淡適中，反而冇乜白酒味。呢個我下次都會再叫。另一個餐係烤雞肉薄餅$68+$38，我哋upgrade咗全個， 但有少少後悔，因為味道好一般。雞肉鞋鞋地, 個汁又唔突出。我覺得Pizza Hut或者意粉屋嘅Pizza會好味啲。飲品每個餐包一杯，基本上就係果D罐裝飲品,可樂雪碧薑水梳打之類，冇奶茶咖啡好失望！

apm到想食pizza,好似都係得pizza express可以揀hahaha.既然係咁，就入去食食啦。兩個人叫左一個set dinner二人餐，價錢都係200幾。先有一個頭盤，我地叫左個唔記得咩名既包，幾好食 焗包加上蕃茄粒同醬汁，感覺fresh得黎唔會太漏。然後，叫左雞肉沙律，蔬菜幾新鮮。加上啲芝士好香濃。最後，上埋辣肉腸pizza👍🏼呢個好味 芝士味重加上蕃茄醬同薄批既配搭。好快就一啖一啖咁食曬👍🏼👍🏼👍🏼

話說尋日已經打算今日嚟apm 呢間「Pizza Express」度食lunch，跟住諗住上OpenRice 睇吓有冇得定位啦，咁原來冇嘅。跟住我就打電話用傳統方法諗住book位啦，點知佢就指示我上網book位喎😯咁上去佢個網站度揀咗去邊間分鋪度食飯，咩時段，幾多人，然之後佢就會有一個email 俾你作一個Booking reconfirmation。簡單、方便、快捷又省人手！👍🏽呢度嘅lunch set只係＄58起：包一個頭盤、一個主菜、同一杯飲品。頭盤：有佢出名嘅烤麵包球或者沙律俾你揀主菜：有佢好出名嘅Pizza（有有肉嘅或者素嘅選擇）共6款、同埋pasta（同樣都有有肉或者素嘅選擇）共3款，選其一飲品：佢有可樂或者熱茶之外，最特別係佢有喺出邊比較少見嘅乾薑水但唔係好明白，反而飲檸檬茶要加錢upgrade（仲要加＄18）如果想食得豐富啲，可以加錢配餐湯或者甜品。我好鍾意食呢度嘅烤麵包球，外脆內軟❣️另外一個頭盤，為咗均衡飲食，所以就點左沙律，佢唔會有好多沙律醬，感覺真。健康😅主菜方面，我哋點咗蟹肉白酒汁意粉，一啲都冇偷工減料，蟹肉真係唔少，配以白酒汁，清清地唔太膩❣️嚟呢度當然唔少得要食

放工問男朋友想食咩，佢話想食Pizza，咁我就話不如食pizza express啦，我又咁岩好想食佢個焗麵包球😋我同男朋友既晚餐時間都係好早，大概六點幾就食晚餐，去到呢啲時間都係無乜人既😆我係為左焗麵包球而黎食pizza express架🙈之前食過係淨係配蒜蓉牛油，今日我地叫左嗰個焗麵包球就有三種醬，分別係蒜蓉牛油、羅勒香草醬同乾蕃茄醬。而我覺得蒜蓉牛油已經唔錯架啦，但係羅勒香草醬比蒜蓉牛油更出色，有好香既香草味。意粉我地就揀左意羅勒葉醬意粉，淡淡既羅勒葉香味同橄欖油、蒜味既味道撈埋一齊，味道好清新，香口。薄餅就係美國辣味薄餅配墨西哥辣椒，酸酸甜甜咁幾好味道，芝士味都重既，但有啲乾。

自從Pizza Express開到成行成市，已經好幾年未食過Pizza Hut，每人比多二三十，服務同食物水準都遠勝後者。麵包入口有微溫，沙律新鮮開胃，薄餅脆薄料足，埋單三舊幾，起碼感覺到自己食緊西餐😂

下午要帶仔仔去健康院所以同奶奶食午餐 睇到個午餐好抵 頭盤叫咗2款包 之後加咗碟雞翼蟹肉意粉，烤鴨pizza 2杯跟餐檸檬薑茶加錢要多個草莓撻小餐包做得幾好 食得方便 又有咬口依隻香草包 個味唔差 但咬到我好攰 雞翼超勁 味道調得好好 有pepper 味 同埋肉質鮮嫩 夠熱蟹肉意粉 奶奶覺得小小腥 我就覺得味道唔夠出依個超讚我超愛食烤鴨依到既薄餅唔似外國果款 係印度烤餅果隻食落就好似食緊片皮鴨咁 味道豐富 好好食太大食 唔夠飽 所以食咗個甜品 但太失望原來真係只有普通叫貨既撻底 冇咩味既忌廉同酸士多啤梨 不過總括黎講 210蚊食到2個午餐 薄餅又唔細件 都還可以喇

今日來pizza express食set lunch， 有新manu外，原來仲有驚喜就係甜品， 首先講下pizza, 北京填鴨薄餅同瑪嘉麗塔皇后薄餅， 味道不錯， 又不太膩，其他小食/頭盤有雞冀、三文魚、焗蘑菇任君選擇。 至於我就叫左個甜品叫意式無花果乾咖啡蛋糕，味道特別， 有雲呢拿雪糕配咖啡蛋糕外， 有齋啡淋落個蛋糕到，好好食啊。 下次我一定會再叫番哩款甜品。

今日同朋友下午茶，又想坐得好啲，傾吓計。所以就去咗Pizza express 坐下。呢一間Pizza express 環境非常優雅，用嘅係自然光，所以坐得好舒服。一坐低就叫咗個pizza食下，我哋都鍾意食辣野，所以就叫咗墨西哥辣肉腸薄餅，上面有一啲墨西哥辣椒，所以都幾辣，非常惹味！上面仲有啲cream cheese，酸酸地。醬汁佢用咗番茄醬，好香濃嘅蕃茄香味，將佢哋平均塗滿薄餅，食落去真係好滿足。Pizza都考得好香脆，係薄批，所以食多幾件都唔會太濟。

下星期就是十一黃金週，於是今晚先行食個豐富晚餐。到了這個位於apm 嘅餐廳，今天商場有個幻彩燈免費比客人觀賞。在商場內，有很多地產Agent 係度sell 新樓盤，十分熱鬧！講番正題，以下兩款pizza 超薄和超好味！這個通粉啱細路仔食：這個似魚蛋，但非魚蛋，很得意：餐廳光線暗暗的，很適合情侶相約食飯談心：

下晝去完醫院大概1300，超級肚餓諗住入apm搵食，點知充積左地產經紀，冇咩心機行，見到pizza express有lunch,就試下佢等左兩分鐘到就有位，坐左響窗邊，好舒適揀左二人餐，冇記錯係$269加一有前菜，沙律，pizza or pasta, 飲品前菜揀左意式肉丸配麵包球，沙律覺得自己成日都食Caesar salad,咁就揀主廚啦意式肉丸偏酸，好開胃，我自己鐘意酸野就好喜歡，加埋麵包點汁好夾不過肉丸同我想像有啲出入，佢個肉丸係好淋，一夾落去就散開既肉沙律都幾有驚喜，因為都好大碟下，菜說不上係勁新鮮不過都算係可以，啲芝士好好味pizza呢，其實想揀芝士但又驚好齋，揀左呢個，係有菠菜同蛋，其他配料唔記得有咩，我自己嫌個蛋有啲漏，同行者就話超好味最鐘意佢個pizza 味道剛剛好，唔係太油同咸，個餅又冇話太濕咁同埋好鐘意佢啲包既質感，好好味，外脆內軟，麵包球同salad個包差啲比我食晒

同老公係觀塘Apm行完outlet後, 就走左入去食左餐。裏面環境氣氛都唔錯, 好多台都擺左蠟燭, 好有情調。侍應過黎推介左啲dinner set, 但係見唔係好肚餓, 之後就隨便散叫左兩個。先來的三文魚沙律外觀都幾靚, 雖然叫左細個既, 但係都幾足料, 蔬菜類配搭得都唔錯, 幾開胃下, 不過就有少少dry,後尾就問了侍應加左啲沙律醬, 就好食好多了。隨後個玫瑰pizza好快就黎到了, 超多芝士, 真係好滿足啊, 再配上火腿肉, 真值得一試。不過, 個餅底始終差少少,好硬同好薄。整體來講, 食物都唔錯既, 員工服務都好好。

觀塘的pizza express 已經開左好幾年，亦食過幾次，但今次，就真係有d失望首先黎個正路的三文魚，配上大量橄欖油，洋蔥，capers, 蘿蔔仔等，味道正常，喜愛橄欖油的我完全係enjoy既，但如果您唔愛，記住同侍應講少油。但d火箭菜就唔凍，只係室溫。。。另外兩款pizza...mmm... 事實上維持到一貫水準，但係，烤焗方面實在強差人意，此店非用上石爐，但pizza的底全部都爐屎呢方面實在不敢恭維！

偷得浮身半日閒，放個平日湊下仔，又順便搵埋家人去APM 食個Lunch! 我地一行三大兩Babies 12:00就到左，安排左梳化大位俾我地 ，仲有Bb 椅，服務員見我地有兩小b 就攞埋Bb 膠杯, 仲有填色紙&顏色筆俾佢地，好貼心！ 午餐選擇有十二款左右，頭盤+主菜+飲料 = $58 起！ 我發板叫左：Set 1: 牛油烤小包包+卡邦尼意粉+可樂呢一款午餐係為兩小B準備，卡邦尼好濃味，又creamy! 意粉口感適中，阿B 都食到，仲好鐘意食！牛油烤小包都好食，好香，比較硬身！Set 2: 煙三文魚沙律+烤雞肉pizza+ Coke Zero煙三文魚沙律其實幾好食，可惜落左超多橄欖油，食落太油，口感唔好！烤雞肉pizza 有點兒遜色，材料太少，好似食緊芝士辣蕃茄醬pizza咁！Set 3: 煙三文魚沙律+海鮮pizza +Ginger Ale海鮮雖少，但味道不俗，加點檸檬汁更好食！呢塊pizza 烤得好香！服務態度就有待改善，攞位時，我站喺門口示意攞位，服務員講緊電話，我企喺度等，當然佢一定係見到我，但佢一收線，有對情侶喺我後面行出黎，服務員直接問佢地幾位！係當見我唔到定係見我帶小朋友