PizzaExpress (MOKO新世紀廣場)

营业中

休息中

話說我講起好耐無食pizza😌😌條佬突然醒起n年前係pizza express食過既片皮鴨pizza，佢話好食到癲！！佢好少讚啲野食讚到天上有地下無😂吹到話三個片皮鴨pizza 佢自己一個都食得晒喎（下刪一百字）😂😂😂😂講到唔試唔得咁喎🙈咁今餐就由佢帶頭囉😏老實講pizza express開左咁多年，我真係無食過🙈🙈原來有咁多間分店架🤣當日星期六我地去左旺角新世紀呢間分店，11點30左右就到，開舖無耐都坐左五六枱客人。環境好大好寬躺😂座位闊落坐得舒服👍🏻仲有一大塊落地玻璃窗，見到街景感覺都舒服啲😌雖然我坐近開放式廚房，但無咩油煙味喎😂😂睇住啲廚師將啲麵粉拉呀拉扯呀扯😆將啲材料舖滿pizza上，真係邊睇邊流口水囉🤤🤤另外職員服務都好好，會主動介紹食物介紹套餐，表現殷勤有禮👍🏻👍🏻打開餐牌，薄餅種類好多喎😋我地叫左兩樣野食🥰包括係條佬讚到痴左線既北京烤鴨pizza及意式焗肉丸。唔知有無三分鐘😂肉丸就黎到，佢地既肉丸係用豬肉做既，配以少少肉碎既蕃茄蓉微辣且開胃👍🏻最好味係旁邊既麵包球，質感鬆軟又香口🤩🤩沾上蕃茄蓉就更加大讚😍！食食下熱辣辣既pizza都黎到啦😳正確黎講佢地係用急凍左既鴨胸肉，

跟學生一起吃飯，跟他慶祝一下生日。pizza express或許是一個好選擇，因為這既是熱氣食物，價錢也相對便宜，絕對適合我和我的學生。餐廳內外餐廳位於新世紀廣場內，位置十分方便，而且内裡環境也很相當不俗。從照片來看，環境清幽，十分適合聚會，而且沒有用餐時間。餐廳食物要了一個二人套餐，1）先點了1個肉丸；2）主菜則要了兩個$150以下的大薄餅；3）兩杯可樂。食物方面先來了那個肉丸，應是某瑞典名牌子的肉丸來的，而且鋪滿濃濃的蕃茄醬，很是出色，唯一是小編有了飛滋，感覺蠻痛苦的。兩個大薄餅，很大個唷！大塊過大塊田塊臉。先吃了那個1）4重芝士大薄餅；2）羅勒烤三文魚薄餅。那個四重芝士薄餅(羅馬薄餅)，包括了馬蘇里拉芝士、意大利藍芝士、芳提娜芝士、艾曼托芝士，四種芝士互相交融，而且能夠拉絲，值得一吃再吃呀！ 至於那個羅勒三文魚他他薄餅(傳統薄餅)，10寸，是新口味來，其實也很不錯，整體配搭不錯，以前的我不喜歡薄批的，但此個改變了我的觀感，而三文魚他他又是另一驚喜，口感十足。服務態度10分，完！當要求將剩下的薄餅打包，侍應不是給我盒子，而是幫我們親手放進一個盒子內，十分貼心！

今日收工同同事系moko食飯，諗緊食咩之際就經過pizza express。環境氣氛雖然冇海運大廈地下果間甘好feel. 但系有一大片落地玻離睇境色仲可以睇到啲廚師系到煮野食我地一行三人叫左個4人餐2個小食4個主菜4杯飲品如下圖~分量都足夠三人分，個個都感到滿足

朋友同我都係pizza控，上星期就約埋一齊去豪食一餐🤣，今次實在太過份、一人叫左一個pizza🍕，叫左兩個味道share食😋 夏威夷同埋American hot。夏威夷🍕都係一貫菠蘿味重，加埋辣肉腸，呢款夠晒穩陣，一定好味😋 American hot🌶🌶辣肉腸加埋墨西哥辣椒，呢個超級好味，朋友唔係幾食得辣，但都一路叫好辣，一路一淡淡咬入口🤣兩個pizza嘅餅底做得好好，脆口之餘又唔會覺得好乾好乾咁，不過最可惜芝士黎講就唔算多🤔總括嚟講pizza express係我食pizza嘅心水食店👍🏻

好耐冇食PizzaExpress，今次我哋叫咗個二人餐。會有一個前菜，兩個main course，同埋兩杯嘢飲。我哋要沙律，睇落有啲求其，同埋真係普通到不能再普通。我哋叫咗一個薄批同埋一個螺絲粉，個Pizza比較油不過都好脆不過真係太油。螺絲粉個汁好稀完全掛唔到汁所以冇乜味。

Clean . Service is a bit of a disappointment. Pizza was okay, too much cheese for my liking. We ordered to our hotel and when they arrived we knew we made a mistake by ordering 16” and 14”. The 14” would have been enough for the both of us! The dough balls are really good. Pizza is always delicious and the risotto was excellent. Free WiFi .The restaurant is huge so if you are looking for quaint, quiet or intimate, you will be disappointed. If you’re interested in experiencing how real people go

31/8/2019晩上點了一個四人套餐，份量足夠，點了肉丸及沙律做前菜，點了意粉，螺絲粉及兩款必勝批做主菜，還包四杯飲品。是晩有朋友生日，店長主動送上生日蛋糕，真識做。

行開MoKo，我地就決定去pizzaexpress食個午餐。Moko既Pizzaexpress 環境開揚，唔會好多人，好適合享受一個悠閒既下午。我地選擇左北京烤鴨薄餅既set餐，另單點左卡邦尼意大利粉。set餐會附有餐前小食麵包同飲品，麵包好柔軟，再點少少牛油（牛油帶點咸香），尼個配搭唔錯。北京烤鴨薄餅，岩岩整好，熱辣辣，側邊既位置脆口，烤鴨有肉汁，醬汁香濃，好味。另外，卡邦尼意大利粉，好香芝士味，意粉有口感，但略嫌偏咸左少少。整體都唔會錯，食完飽飽就繼續行街去。

Happy Friday 放工去金魚街睇完水草同蝦仔之後，就行去附近嘅Moko商場搵食。兩小口好耐都無食過pizza了，所以最後去了 pizzaexpress試下佢地嘅手工薄餅。我地點左二人餐，包括自選套餐餐牌內一份頭盤、兩份主菜同兩杯飲品。主菜除了餐廳主打的多款pizza外，仲有幾種意粉同沙律可以揀。頭盤的牛油果沾醬香濃清新，餅仔焗得幾香脆。不過沾醬比較濃稠，醬汁份量少，所以唔夠點哂咁多塊餅仔嚟食，如果醬汁可以調較得無咁稠會更加好。飲品我們選了可口可樂，支裝汽水特別夠氣，如果想要其他果汁或飲品就需另外加錢。蟹肉白酒汁意粉嘅酒味唔算重，反而檸檬酸同黑椒味比較特出。蟹肉份量比得好足，不過可能喺雪藏蟹的關係所以無咩鮮味，亦都比意粉的黑椒味掩蓋。餐廳廚房是開放式的，可以睇住師傅係入面搓薄餅。海鮮薄餅用左薄身餅底，餅邊焗得非常鬆脆，而且帶濃郁蒜香牛油味。各種海鮮鋪滿在薄餅上，有大蝦、魷魚同蜆等等非常豐富。不過略嫌薄餅偏油膩，一路食一路出油。雖然食物味道沒有太大驚喜，但餐廳環境同座位舒適，店員有禮貌，渡過了一個愉快的晚上。

作為一名健身教練, pizza轉個頭就消化左啦又黎moko食lunch, pizza express lunchtime通常唔洗等位, 有時趕時間又唔想食咁頹就會黎依度。Lunch Menu由$78起, 仲要加一, 價錢其實偏貴。餐枱就係簡潔靚靚仔仔咁。餐湯咸左dd, 軟包煙韌不錯, 點湯食都ok。濃郁到有d咸。瑪嘉麗塔皇后薄餅 $78唔錯既, 本身中意食薄批, 依個餅皮都ok唔會好厚好似食緊麵粉咁, 芝士都夠多又夠香, 不過整體都係普普通通。 份量lunch黎講叫做岩岩好, 依個價錢間唔中口痕食下就ok。

今日有事要去聨運道嘅政府合署，辦完事都接近3點了，lunch都未食兼又落雨，唯有就近醫肚，最近就係Moko Mall, 呢個商場都有唔少選擇，睇完一輪最後揀左Pizza Express，我對呢個品牌嘅餐廳唔算陌生，不過呢間分店就未来過。餐廳環境明顯較我帮趁過嘅又一城或新城市分店好，面積大，枱與枱之間又有足够空間，好舒服😊服務員带入座後放低menu, 除左tea menu仲有lunch menu, 一問之下原来lunch menu係serve到5點嘅，客人可以隨意選擇叫tea或lunch set。因為未食lunch好肚餓，所以我同妈妈就點lunch set。妈妈點嘅係湯+pizza+花茶，而我就order左小麵包做前菜+長通粉+ginger ale😋上菜速度颇快。掛住食漏左pizza唔記得影添😜 妈妈話個湯好飮，够厚身又有好濃嘅蕃茄味，而我嘅小麵包都好香且係热嘅，長通粉就無乜特别，不過不失，塊pizza就好好味，埋單連加一$204，以環境、服務+食物品質来講確係唔錯👍

閒日晚上即興約食飯，餐廳地點好方便。我地三個人研究左一輪，於是叫左個四人餐。因為說算食唔曬都比叫個兩人餐抵。最多食唔曬打包。我地叫左個北京填鴨pizza。好好味！好惹味先啱！又唔會話好肥，一件不留食曬。跟住仲有尼個餅，就算唔點醬，就咁食都好食。尼個最後有打包拎走，第二日整返熱嚟食都仲咁好味。而尼個雞沙律都唔錯。雞肉都好滑，唔會好似食樹皮咁。其實仲有野飲同蒜蓉包,兩個意粉。但就普通，所以唔講啦！最後埋單都係600蚊多d。傾計舒服，野食又ok，又食得飽。不錯👍🏻

Pizza Express 食物水準有保證，這是連鎖店的優點，而MOKO這間Pizza Express 特別之處是有一份悠閒感，不清楚是否因為面積較大還是什麼原因，這陣子連績的兩個星期五中午，我帶著姨甥女來享用pizza大餐，均不見太多食客。每次我們都獲安排近門口，但不是直接在門口的梳化位。我個人是非常喜歡這梳化位的，空間大，在鬧市中很難得。我們選了一個一人餐和一個小童餐。必吃的是焗麵包球，小朋友的至愛。烤焗雞翼也是小朋友的至愛。pizza 方面我們點了Margarita瑪嘉麗塔皇后薄餅，和四式芝士薄餅。由於有大量半熔的芝士，加上脆脆的餅底，不一會我們就把食物掃光了。小朋友餐還有雪糕和熱朱古力飲品。然而服務方面也有不足之處，由於上食品頗慢，而我們當天時間緊迫，我向待應要求把雪糕用外賣抔帶走，侍應答沒有問題，然而後來不是，我向另一待應詢問時，她說不可以這樣安排。前後兩職員答案不一致。最後由於時間關係，小朋友也不可以好好的雪糕了。

姊妹約食飯要搵間坐得耐又舒服既地方不多朋友住大西北我地既中心點當然係旺角搵左好耐，好多都限時而且多人等既情況下一定趕你走新世紀算係多選擇最後去左pizza express人唔算多，揀左個二人餐一個starter,兩個main,兩杯野飲叫左焗磨菇，一個辣肉意粉一個四重芝士pizza磨菇好juicy辣肉意粉味道偏淡四重pizza芝士味濃份量都足夠兩個女仔食唯獨餐桌偏細，二人檯擺一碟就冇哂位而且坐二人檯冇位放袋，未夠貼心

年初三搵個地方兩個人食夜晚飯。 見好耐冇食pizzaexpress 就walk in 入去食下。二人餐，1 starter, 2 main, 2 drinks. 6點時，落左個鴨肉意大利飯，落左個雞肉pizza. stater 好ok, parma ham 麵包條再黎main, 點知將我地個鴨肉意大利飯轉左成pizza 冇同我地講，我地又冇為意。到第二個main黎，咦，又係pizza 嘅？ 先同我地講意大利飯冇哂。食唔到兩個pizza 啦，想生痱滋咩🙄 咁改做鏍絲粉。又等幾個字，咁岩我地兩個輪住去toilet, 我去完wc番， 到我先生去。呢個時間waiter放低碟野，又係pizza!? waiter 話，「係阿，之前改左嘛！」我以為我岩岩唔係度時，改左order：「我先生改ga?」waiter:「哦，係阿」跟住我先生番黎，反左白眼，根本冇改過order做pizza!d單亂到，第一次冇通知改左，第二次仲要推落d客度再好食都唔掂啦🙄