Pizza Maru (希慎廣場)

营业中

休息中

以前去都要排隊，唔知係疫情關係定餐廳人氣不再呢😂小編差唔多有2年無食，一時心血來潮想食多次個pizza。🌟暑角炭燒雞肉芝加哥薄餅 ($189)係Pizza maru成個menu入面✨小編覺得最特別嘅就係呢個系列嘅薄餅。中間除咗雞肉、薯角(無咩存在感)仲有好多芝士！周圍灑滿杏仁片同糖粉，會愛上食薄餅邊💕🌟蜂蜜牛油秘製炸雞 6件 ($118)無咩驚喜，普通炸雞。啲雞肉質唔算嫩 比較乾。🌟脆炸章魚仔 ($85)章魚仔本身調味不足，單食無咩味，主要靠個醬。唔推薦🧐味道：🌕🌕🌕🌖🌑環境：🌕🌕🌕🌕🌑價錢：🌕🌕🌕🌕🌑

想講銅鑼灣真係好多出名嘅pizza鋪ಠ_ಠ大家有冇試過曬話最鍾意邊間( ；´Д｀)今次去咗食pizza maru一黎就揀咗勁邪惡嘅泡菜海灣芝加哥pizza 黎到啲醬勁澎湃(///▽///)邪惡到一個點雖則咁多醬好難難食😂但食得出佢餅底做得唔錯！勁好食(///▽///)同pizza hut冇得比😂加埋佢啲蜜糖杏仁勁好食🫠🫠不過食兩嚿就有濟 同埋睇返menu半年前平成50蚊即刻有啲心理唔平衡🫠芝士雪山炸雞炸雞都好食同嫩 不過相對普通同冇pizza咁驚艷(⁎⁍̴̛ᴗ⁍̴̛⁎)強烈建議一定要試芝加哥pizza🐷

今晚約埋朋友去希慎搵食，趁人多可以叫pizza類型去食，見到一間韓式fusion嘅餐廳Pizza Maru ，都要等位。我哋星期六8:30pm大約等咗10分鐘就有位唔算耐未叫嘢食，見到隔籬枱嘅美食已經覺得好吸引！好期待😚！火辣海鮮年糕入面有青口 & 魷魚🦑與其話佢係年糕，但我覺得佢更似一個年糕湯，因為年糕唔算多，但佢用咗西式羅宋海鮮湯嘅酸甜去中和年糕汁嘅辣，唔會好辣之餘幾有層次、幾開胃！飲完之後唔係口乾、冇味精嘅味道！好似煲咗好耐咁！好入味。美中不足嘅就係青口煮完縮到好細粒蜂蜜牛油炸雞同我之前食嘅蜂蜜牛油炸雞有啲唔同，呢度竟然用蜂蜜牛油調味粉代替左醬汁，調味粉係食到有甜甜地嘅牛油味，但始終粉係表面要自己撈得均勻都得，好處係唔會好似醬汁令到炸完嘅雞外皮會淋咗。但用粉就可能冇咁入味。另外值得讚嘅係皮脆內軟！入面仲保留到肉汁，所以真係炸得唔錯！時間啱啱好薯角炭燒雞肉芝加哥之前都冇食過呢個組合！幾期待佢個Pizza皮同埋炭燒雞肉！…係唔係真係有炭燒嘅味道？賣相唔錯！最吸引嘅唔係佢嘅餡，而係外皮！因為佢嘅外皮係做到麵包法包既質地，好厚，好鬆軟！ 上面仲有烤脆左嘅杏仁片，增加口感！成個Pizza都

嚟到韓國餐廳 點可以淨係食佢啲Pizza 炸雞一定要有啦上次食咗個蜂蜜蒜泥炸雞🍗不過二百幾蚊得12件 而且每舊嘅size都好細 有啲唔抵但係個味道係好食嘅😋蜂蜜加蒜蓉呢個配搭一定冇得輸！炸雞充滿蜜糖嘅甜味 又有香濃嘅蒜香味 炸雞炸得好脆 雞肉都好嫩滑！

平時呢間餐廳出邊成日排晒長龍今次好好彩等咗15分鐘就入得去我哋四個女仔叫咗三樣嘢，個個食到飽飽的捧住個肚回家。1.韓式海鮮炒年糕有年糕，青口，帶子，魷魚個汁酸酸辣辣，係高級版嘅羅宋湯咁好開胃會令到你想一啖一啖食落去2.蜂蜜牛油秘製炸雞炸粉好香脆，加上甜甜的蜜糖粉，很有牛油香3.薯角炭燒雞肉芝加哥Pizza底十分香脆！爆多芝士！配上甜甜的汁非常有驚喜，推薦

.@pizza maru （希慎廣場）😋 韓國烤肉芝加哥$213哇哇哇！ 爆布般既芝士呀！！呢款pizza加左3款芝士例如馬蘇里拉芝士同巴馬臣芝士，食一件邪惡到爆，但係芝士真係好好食🤤🤤 加埋獨家maru蕃茄醬，食落酸酸甜甜，配埋牛小排真係啖啖芝士啖啖肉🥰 😊 韓式海鮮炒年糕$89年糕可以選擇卡邦尼或者韓式辣醬，當中有粉絲，煙肉，青口，蝦，魷魚等，聽落豐富，食落就得幾粒啦🤣 小妹揀左韓式辣醬，食落酸酸辣辣，吾會太辣，岩哂吾食得辣既朋友仔😊 蒜香甜辣秘製炸雞$118/6件炸雞算大件，雖然係炸雞但係吾會炸到好厚身！ 食落少少‘鞋’，不過都有肉汁。醬汁酸甜吾辣，但係蒜香味吾夠，再多啲就會更加惹味！ 😊 Mango grapefruit Ade $48飲落吾會太甜，加埋soda可以清新下口味，食炸雞始終都會偏濃味！ 抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）

今日嚟到朋友介紹嘅pizza Maru 係一間韓國fusion餐廳 裝修服務都尚算幾好 不過不失 今日假期啊過嚟食lunch 咁我同朋友叫咗兩碟嘢 分別係韓式牛骨汁炸雞 泡菜卡邦尼意粉 咁呢兩樣嘢都係未食過嘅 炸雞肉質不過不失 未去到好多肉汁炸得有少少乾身 可以做得更好 醬汁調味都幾好 係食到有啲韓國風味 另外個意粉都唔錯 泡菜加落去變咗有少少辣辣地嘅cream撈意粉fusion菜黎講係夾嘅 未食過嘅朋友仔都可以試吓嘅 講返價錢啦叫咗兩樣嘢買單300幾蚊 分量都正常 唔算話食到好飽 所以性價比有少少偏貴 不過考慮佢係開喺銅鑼灣希慎入邊 呢個價錢都可以接受嘅 整體而言都會有機會再返嚟食 下次會試吓佢個Pizza Overall: 6.8/10

假日兩個人lunch去食，唔需要等位。叫左一個Pizza同埋一碟意粉share食。埋單冇叫野飲每人$150左右，整體味道和質素ok。兩個人食既話就淨係叫到兩款菜就好飽，如果一大班人去食相信可以試埋其他小食就冇錦寡。松露忌廉雜菌意粉賣相一般，意粉有口感，但係份量偏少，菇類同醬汁味道都算香濃。太陽番茄芝加哥薄餅Topping比例比較少，整體味道合格。整個pizza中間夾了一層芝士十分足料，但芝士口感偏硬身偏靭。

不少foodie有介紹依間人氣韓式西餐廳，疫情前長時間爆滿要排隊，兩個人嗌左3個main course帶子泡菜卡邦尼意粉香煎帶子嫩滑，泡菜味唔系特別濃，唔太食得出 更似一個普通嘅卡邦尼意粉，間中會食到細細嘅泡菜，都驚喜地幾夾，但如果增加多啲泡菜會更完美蜜糖柚子花園柚子肉加上醬汁甜甜酸酸，非常清新開胃反而pizza普普通通並沒有特別驚喜，可能由於我地冇嗌到芝加哥pizza(姐係批邊充滿芝士嗰隻)，下次再試

當日好想食韓式炸雞同pizza，就揀呢間pizza maru！之前試過朗豪坊分店已經覺得可以再encore 💂🏼‍♀️《蒜香甜辣秘製炸雞 6pcs》$118好香蒜香味，啲雞炸到好香脆，但咬開仲好多肉汁好juicy！食落去甜甜地，有好香濃蒜香味，嗰醬酸酸甜甜好惹味！越食越開胃兩個人嗌半份食就啱啱好~💂🏼‍♀️《辣雞芝加哥pizza》$183個Pizza脹卜卜，好厚身，好多芝士同雞肉係面一拉開就見到芝士拉絲🍕🧀個醬汁偏韓式，甜甜地！個Pizza邊仲有芝士軟心，鍾意食芝士嘅朋友呢個Pizza一定啱你！兩個人就食唔晒六件，份量好多，比較適合3-4人食。頒發軍階: 上將🎖🎖🎖🎖

之前去過荃灣嗰間 今次希慎食 唔知係咪因爲疫情所以唔洗排隊😋海鮮Pizza 同之前食一樣出色 牛骨醬炸雞 個醬幾咸下 以為係牛骨湯嘅味道 點知似bbq醬帶子泡菜卡邦尼 帶子嫩到令人驚訝 但係汁比較稀 亦唔係好食到泡菜味韓醬蟹肉芝士波個汁用真蕃茄煮成 好鮮 出色 但芝士波蟹肉太多 有啲乾 冇乜芝士味牛油果蟹肉他他(?)少見會配埋餅 餅好脆好香口 蟹肉都好多 牛油果醬冇乜味 美中不足叫咗三杯野飲 蜜糖柚子梳打👍🏻菠蘿茶士多啤梨mojito最深印象係士多啤梨mojito 藥水咁🤢

之前都聽過話呢間餐廳一到Peak Hour就勁多人排隊，今次我哋趁平日就嚟試試佢💕➼ 煙三文魚鵪鶉蛋早餐薄餅個Pizza係白汁底，都算好食嘅，啲煙三文魚應該係臨上菜之前放上去，老實講唔係特別岀色，可能其他款式會更吸引！➼ 泡菜卡邦尼藍青口意粉抱住個試新嘢嘅心態點咗呢個，都算合格嘅✅醬汁都幾濃又唔會好膩，加埋泡菜就有少少平衡返個口感，令成件事冇咁漏，但整體嚟講都係中規中矩。之前睇過OpenRice都有好多人話炸雞好岀色，不過我今次就冇食到，下次先再試吓啦🙆🏻‍♀

兩個人嚟到Pizza Maru，因為怕食唔哂，所以只係叫咗兩個Main Course，一個意粉加一個Pizza，香港唔多地方食到芝加哥Pizza，試吓依間嘅好唔好食先！第一樣上枱嘅係蒜蓉蕃茄蟹肉意粉，意粉上有一隻炸軟殼蟹，斬開咗一半。先講意粉，食落有少少辣，有蕃茄嘅酸味，但無甜味平衡翻，所以味道有啲單調，或者我會話係偏韓式味道多啲，唔係香港人慣常嘅調味，而軟殼蟹有驚喜，外脆內軟，蟹入面仲有膏，加少少咸味吊味，好食。推介單點炸軟殼蟹小食！之後上枱嘅Chicago Pizza，焗得好香脆，超多芝士，一切開就流哂出嚟，表面加咗糖霜，所以食落係比較甜，同樣都係比較韓式嘅味道，唔係好食得慣，辣肉腸同蕃茄份量少，成個Pizza只有芝士同甜味，味道單調，芝士量太多，即使個Pizza size唔係好大，但兩個人要食哂一個Pizza都好吃力，可能3-4個人嚟一人食1-2塊過吓口癮就啱。整體質素係OK，調味就比較韓式一啲，不過唔同人唔同口味，未食過都可以一試！

📍Pizza Maru #wgz_mk #wgz_tw #wgz_cwb🍕辣雞芝加哥 $183 (8.2/10)🍕差唔多每隻味都試過😝分別其實唔算大，因為主要都係食個瘋狂芝士拉絲🤤芝士控表示超滿意，不過如果唔太好芝士可能會覺得膩😂佢個批邊有啲甜甜地嘅cream cheese同杏仁片好味道😍🧀手工泡菜芝士波 $88 (7.9/10)🧀新鮮炸起脆卜卜，入面有risotto同芝士，好似食緊炸嘅泡菜炒飯咁幾得意🤣隔離有個泡菜蛋黃醬，我就覺得唔點都得😂

.📍 Pizza Maru📍 #饅頭去銅鑼灣 #饅頭食fusion菜------------------------------1️⃣ 泡菜海灣芝加哥Pizza （$189）Pizza嘅批邊包住芝士，面層灑咗蜜糖、杏仁片同埋糖粉，首先要讚佢哋嘅餅底的確做得幾出色，烘到表面金黃微脆，雖然餅底偏厚，但麵筋嘅韌性令到佢變得非常之好咬👍🏻，仲感受到麵粉甘香。不過我食慣鹹pizza，所以蜜糖杏仁邊反而有少少扣分，但不至於話好違和。真正令我失望嘅地方反而係餡料，一開始睇相會覺得佢好似好好食，芝士非常澎湃拉絲， 事實上芝士香味非常之淡😥，而且圖文不符，淨係得青椒、幾條蟹柳(明明張相有蝦㗎嘛) ，同埋酸酸甜甜嘅混合沙律醬，而且完全感受唔到泡菜味😅。雖然味道就絕對唔係難食嘅，但感覺好普通同期望有好大落差，而且佢價錢都收得唔平，我覺得唔值得畀咁多人吹捧。◾餅底：4.1/5◾餡料：2.9/5◾評分：7.0/10------------------------------2️⃣ 南瓜忌廉軟殼蟹意大利飯 ($163)呢個反而有驚喜，飯粒分明半熟，軟硬適中😍，撈埋creamy香甜嘅南瓜忌廉、野菌同提子乾，灑上香料令碟飯香