Pizza Maru (海運大廈)

营业中

休息中

謙謙同我一樣都係喜愛韓食，來到尖沙咀的 Pizza Maru 必點選炸雞Pizza，今次點選特別口味刺激一下味蕾⬇️⬇️⬇️🍗 玫瑰炒年糕炸雞 ～ 甜中帶辣，辣味有d d 衝擊，但令你會追住食的感覺， 炸雞外層酥脆，內裡 juicy ，年糕超掛汁煙煙韌韌。🍲 韓式海鮮炒年糕 ～ 有青口、藍青口、魷魚、鮮蝦、煙肉、洋蔥、蘑菇、蒜蓉、韓國年糕、韓國粉絲+韓式辣醬， 又一惹味之選， 材料豐富又新鮮。🍕 韓國烤肉薄餅 ～ 韓式燒牛肉、火腿、蘑菇、燈籠椒、紫洋蔥、馬蘇里拉芝士、意大利香芹，絕對要讚謙謙識貨叫左呢款 Pizza， 個韓國烤牛肉滋味滿分配搭其他材料一口咬落去好滿足芝士好香濃。🍵 Brown Rice Green Tea ~ 玄米茶中有綠茶的香氣亦有糙米的米香，飲完杯茶幫手解下油膩感。

上星期日去咗尖沙咀海港城行街，中午入咗去食pizza，其實個Pizza唔算差，即係比「比殺乞」好少少，我以前響韓國都有食，當然韓國就好食好多。但係個炸雞真係好差！乾淨淨又無入味，外面果一pat醬，真係oh my god！韓國炸雞最基本都要撈下佢，完全冇韓國感覺。我覺得佢應該本身就係做pizza，可能想做啲特色，迫自己做埋炸雞，扮晒韓國餐廳。地方係乾淨，招呼唔算有禮貌，亦都唔算差，反正就係冇靈魂嘅笑容，同冇感情嘅對答。

「炸雞+ 啤酒+ 朋友 = 開心😃時刻」朋友推介了呢間韓式炸雞連鎖店，呢度嘅Pizza都好出名，上網睇到不少好評，所以星期五晚都好多人，都排咗一個鐘。🍗蜂蜜秘製牛油炸雞外皮炸得香脆，表面鋪滿芝士粉，撕開表面皮下，會食到雞肉上的牛油香氣，略嫌雞肉唔夠juicy，但仲算嫩滑，佈滿芝士粉的位置好惹味！🍗甜酸辣炸雞有少少失望，因為一啲都唔辣，似甜酸醬的味道，加咗醬外皮自然冇咁脆，所以我都係鍾意食蜂蜜炸雞多啲。經典薄餅 Pizza 🍕薄餅方面都算用心設計，選擇都算多，除咗有經典薄餅，還有墨西哥薄餅，配合唔同人嘅口味。pizza 仲可以選擇特色手工批邊，Pizza嘅配搭上都算特別，每一款都配合唔同嘅配料食材。🍕韓式海陸使用韓式烤肉配搭香辣蝦，再加上不同配料，例如薯角、青椒、蘑菇，口感上有層次，韓式烤肉味道超惹味但唔會過鹹。另外，最欣賞飲品可以有好多選擇，紅白酒、韓國燒酒、特色調酒.......✨推介： MAKGEOLLI用大米發酵而製成米酒，酒精濃度相對會低少少，呢度有不同款式，例如芒果、荔枝味，配搭生果好適合，飲落去會甜甜地同有米水般的質感。Ps: 由於限時90分鐘，所以最後好齊人先入。推薦指數

海港城 coupon又黎喇😆 好多餐廳商戶都有參加今次推廣，但新開嘅pizza maru就最吸引我哋，香港連鎖炸雞同Pizza店都食到悶，韓國過江龍一於一戰😁打開Menu發現原來除咗Pizza仲有好多選擇，我哋得兩個人未必食得晒Regular size Pizza，就揀咗半份炸雞，一個意大利飯同小食蜂蜜蒜泥炸雞 6件 $123有部份炸雞係連骨，皮脆肉嫩，蜂蜜蒜泥質地較杰，掛喺雞皮上好入味，有蒜泥加落蜜糖唔會得個甜字，所以一人三件都冇問題，仲想再食添😁韓燒烤肉波菜意大利飯 $178喺韓國餐廳食西式意大利飯又幾有驚喜，牛小排好滑，波菜汁加埋重手既黑松露醬同飛魚子好鮮味，飯嘅質地啱啱好唔會太淋Maru紫蘇炸魷魚圈 $126每一條魷魚圈厚度均勻，連埋紫蘇葉一齊食落冇咁漏，另外有個酸椰菜又係清新解膩

👧🏻😋👅🍽✨人氣韓式健康麵糰pizza🥳-Pizza Maru🇭🇰 尖沙咀廣東道3-27號海港城海運大廈LCX 3樓34號舖 🇭🇰-🇰🇷 平日夜晚7點都未夠已經超多人, LCX人流本身唔算好多, 好多餐廳都冇乜人, 但Pizza Maru都可以排晒長龍, 可想而知韓式pizza有幾吸引; 好在鋪頭多位, 出餐又好快手, 撳左飛一陣就安排到入座🇰🇷 Pizza Maru既麵團係用天然穀物低溫發酵24個鐘, 比一般pizza健康, 係韓國仲攞左健康麵糰國家專利-🍕 薯角炭燒雞肉芝加哥（蜜糖杏仁邊）$223💯芝加哥pizza超級厚身, 拉起有超長拉絲mozerella, 而批邊入面就係忌廉芝士mousse, 勁soft勁香滑!💯所謂薯角其實食落甜甜地更似蕃薯蓉, 再加上BBQ醬雞肉, 番茄同洋蔥, 口感同味道都好豐富, 食落唔會太膩, 但當然多幾個人share試多D款更開心😆-🦀 韓風蟹肉塔 $153✨放左係沙律果版既menu差D miss左佢, 比較似蟹肉他他, 仲配上homemade黑米烤薄餅, 又試到pizza maru健康麵糰, 比pizza脆身, 仲好香黑米味!✨蟹肉溝左椰菜, 青

老朋友從外地回港相約聚舊，去那裏開餐，當然由我決定，畢竟她已經很久沒有回來香港，大概已經不知道美食所在地。深知她愛吃pizza，就約她在尖沙咀LCX的Pizza Maru 試試，這裏的薄餅非常出名，因為粉糰榮獲韓國國家專利，主要用上黑米、綠茶、小球藻、12種天雞穀物，再低溫發酵至少24小時，所以非常健康。而餐廳坐位挺寬敞，空間感十足，遠望遼闊維港海景，感覺開揚。Set Lunch 選擇蠻多，有意粉、意大利飯及pizza等選擇，隨餐奉送本季限定冰茶，亦可加+$18/+$23點選冷熱咖啡，+$15則可享是日餐湯或田園沙律。海螺蒜香牛油意粉意粉真心好吃！意粉掛汁後有濃郁蒜香味，口感富煙韌彈性，海螺肉份量不少，爽口彈牙，內裏還放了煎香的雞肉粒，車厘茄及野菌小粒，口感極度豐富，推介！青醬蒜蝦意粉意粉口感同樣煙韌有彈性，入口有濃郁的羅勒香味，掛上忌廉醬汁後口感變得更順滑，上層放了三隻鮮蝦，全都是大大隻，口感爽口彈牙，讚。Gentleman Lager 點了韓國手工啤酒，酒精度7.6，味道較坊間一般手工啤酒濃郁，口感清爽順喉，苦澀味不重，入口帶有啤酒花香氣，不論男女都會覺得容易入口。群蟹派對薄餅薄餅

之前食過呢間韓國pizza店的pizza後，真的念念不忘。最近餐廳係尖沙咀海港城開咗分店，餐廳環境寬敞舒適，部份位置仲可以望到維港美景。.🍕韓國烤肉芝加哥 $223一場來到，當然要吃最愛的芝加哥系列。香脆的批邊和餅底上都滿佈芝士，有澎湃的拉絲效果。而且配料好豐富，有韓式燒牛肉、火腿、蘑菇、燈籠椒、紫洋蔥、蘑菇，配上番茄醬，感覺不會太膩，而且滋味無窮。.🍗蜂蜜蒜泥炸雞 $123/6件韓式炸雞當然少不了，全部即叫即炸，新鮮熱辣辣。炸雞炸得外脆內嫩，金黃可口，每口都充滿肉汁，加上蜂蜜蒜泥更惹味。.💛Mango passion iced tea $48果味濃郁，感覺清爽，甜度適中，而且都幾大杯。.🧡Yuza tea $28柚子味酸酸甜甜，消滯解膩。.🩷Rosa jasmine green tea $28茶味甘香，帶淡淡玫瑰花香。

由大家票選出嚟嘅全港必食炸雞Top 1同必食Pizza Top 2！見啲分店成日都有人龍，我地好outdated而家先第一次食，一場嚟到揀咗幾款網上比較多人討論嘅款式試試佢-👍🏻薯角炭燒雞肉芝加哥 $223最signature嘅芝加哥pizza，主打巨量拉絲mozzarella內餡，賣相一流批底鋪滿mozzarella cheese，比較煙韌偏奶香，一拎起大量芝士拉絲蜜糖杏仁邊有滿滿嘅芝心，少少半溶流心感覺，食到蜜糖甜味入口有好明顯嘅炭燒香味，加上BBQ燒烤醬同爽脆洋蔥絲，但雞肉就稍為乾身咗啲，薯角就正常發揮整體真係幾有特色，嚟到必嗌！味道：9/10性價比：8/10-👍🏻群蟹派對 (轉金芝邊) $193/13”大 + $45味道類似平時個啲千島海鮮批，整體味道帶甜，表面鋪上大量木魚絲，蟹柳肉正常，三色椒味頗重批邊加錢轉咗金芝邊，微微焦脆，芝士味好濃，鹹香重，仲食到少少流沙奶皇味，甜甜地起沙口感，呢下就幾有驚喜呢款都好食，但兩款pizza相比芝加哥pizza較為有特色味道：9/10性價比：8/10-👍🏻蜂蜜蒜泥炸雞 $123/6件三款之中我地最鍾意呢隻味！蒜泥仍然咬到蒜粒口感，香甜中帶有

心目中首屈一指的韓式薄餅店Pizza Maru最近於尖沙咀海港城LCX全新分店開幕，作為忠實粉絲當然要身體力行支持。海港城分店最大特色之一固然是一覽無遺的維港景致，但亦不得不提大韓君主甜辣炸雞薄餅配抹茶曲奇批邊及玫瑰醬炒年糕炸雞兩款限定菜式。9月28日前更有開業優惠，於海港城分店堂食消費滿HK$400並讚好社交平台官方專頁，即可免費獲贈餐飲禮券一套及咖啡杯一隻。玫瑰醬炒年糕炸雞 ($148)炸雞一如既往外脆內嫩，而「玫瑰醬」其實由韓式辣醬、番茄醬及忌廉調配而成，早年在韓國一炮而紅，沾滿炸雞與煙韌韓式年糕酸甜微辣，味道溫潤豐厚。脆炸章魚仔 ($96)章魚仔炸皮有如薯片般鬆脆，肉質彈牙並不過韌，配上MARU凱撒醬蒜香十足更加惹味。泡菜海灣芝加哥 ($223)芝加哥薄餅一如既往裡裡外外均充滿雙重Mozzarella芝士、芝士條及忌廉芝士慕絲，澎湃滿瀉，其他配料包括鮮蝦、蟹肉棒、火腿、菠蘿、炒洋蔥、蘑菇、粟米等。配以牧場醬及泡菜蛋黃醬兩款醬料，味道酸甜並帶一絲辛香；最特別之處在於用上蜜糖杏仁邊，批邊舖上杏仁片再灑上糖霜，烤得香脆之餘更帶濃厚蜜糖甜香。Guava Juice ($38)番石榴汁清

第二次黎呢間分店食叫了Chicago pizza 蟹肉意粉蒜容炸雞同埋八爪魚salad上次食過海鮮味Chicago pizza 覺得好好味今次試左佢個雞肉味既Chicago pizza醬汁太多 ，攪到個pizza 濕哂，失望蟹肉意粉好好食，多蟹肉同埋個汁好出色。個蒜味炸雞好正，個蒜泥夠哂濃味

人氣韓國炸雞pizza店有幾好味？就係好味到要一食再食啊！原來最近佢喺尖沙咀開咗分店，近近地又再去食啦😆✨Rose Toppokki Fried Chicken(6pcs) 尖沙咀海港城分店限定‼️炸雞咬落香脆，而且帶少少辣，非常惹味✨Maru Calamari Twigim用咗新鮮嘅魷魚製成，外層酥脆，內裡嫩滑彈牙👍🏻✨Marinated Deep-Fried Baby Octopus墨魚仔外表金黃酥脆，食落非常有咬口，內裡多汁，好好味😋✨Kimchi Bay Chicago必食芝加哥pizza，我地揀左泡菜海灣芝加哥😌澎湃嘅芝士拉絲已經好吸引🤤未食，已經流晒口水!滿滿嘅海鮮餡料加上香甜嘅批片，味道更有層次！絕對令人一試難忘✨Squid ink seafood risotto滿滿海鮮嘅鮮味，再加上墨魚汁獨特嘅風味，令整道菜層次更豐富✨Mango Grapefruit Ade酸酸甜甜，清爽解喝✨Honey Yuza Ade甜甜的，令人感到愉悅

平日都好中意食有頂帽嗰間芝士邊pizza，聽講尖沙咀有間韓國餐廳有我中意食嘅 蟹肉pizza，真喺要拉埋嗰大食朋友去試吓。🔸群蟹派對 (加金芝邊) $193/13” + $45厘嗰喺海鮮批，一上枱就有好砝陣蟹肉香味 ，食落甜甜哋，蟹柳喺幾好食，薄餅上面鋪有好多木魚絲，聞落睇落都好想食。整嗰薄餅焗得頗焦脆，好濃芝士咸香味，好食。味道：7/10性價比：7/10🔸薯角炭燒雞肉芝加哥 $223話喺厘道最出名嘅 芝加哥薄餅，有好多mozzarella芝士做餡同鋪底，口感煙韌，味道有蜜糖甜味，而且有炭燒香味，勝在毋須你另加芝士都有好多芝士，不過我中意食蟹肉多過雞肉，所以雖然厘嗰真喺好正，我仍然都喺中意食 群蟹派對 多啲。味道：7/10性價比：8/10🔸蜂蜜蒜泥炸雞 $123/6件蒜泥喺最正嘅，因為生蒜粒仍有些微辛辣味，好香口，辣辣哋配埋蜂蜜甜味，好正。炸雞都唔錯，外脆裡嫩，髀翼部位特別多肉汁，唔駛沾醬汁都好好味。味道：8/10性價比：7/10🔸半半炸雞 (芝士秘製炸雞 & 蒜香甜辣秘製炸雞) $223/12件厘嗰喺咸甜味各半嘅炸雞，份量都好多，最啱一班老友嚟隊啤，所有雞件都腌得入味，整體喺甜甜哋，

今日同朋友去到尖沙咀海港城行街竟然開咗呢間人氣薄餅店Pizza maru就同佢入去食下質素如何下午茶時間嚟到竟然唔使排隊 被安排坐坐窗邊卡位仲可以飽覽維港景色 真係賞心悅目叫咗一份午餐大蜆忌廉汁意大利飯，意大利飯煮得軟硬適中，仲有濃濃嘅忌廉奶香味，加上新鮮大蜆唔錯 薯角炭燒雞肉芝加哥薄餅 芝加哥薄餅，本身裏裏外外已經有海量嘅芝士 所以乃至效果非常澎湃，芝士控必點 上面加咗薯角同埋甜辣嘅雞肉 口感10分豐富芝士炸雞，上面有芝士粉炸雞，外皮香脆入面肉質嫩滑多汁，超級邪惡

Pizza Maru尖沙咀海港城開咗分店啦！窗邊位系維港大海景，座位闊落又舒服！不過真係勁full,所以想坐窗邊位就要提早訂位啦！室內裝修得好有韓風，色彩繽紛，是旦一個位都係打卡位。群蟹派對Regular 10寸💰163HKDLarge 13寸 💰193HKD黎pizza maru必定會食pizza,佢哋pizza款式多到完全唔識點揀好，中午仲有set lunch好抵食。不過我哋就散嗌咗呢款以海鮮為主題嘅群蟹派對pizza.佢用咗番茄醬底整薄餅，餅身薄厚適中，咬落薄餅脆香，上面用咗蟹肉、鮮蝦、紫洋蔥、燈籠椒、粟米、木魚花、BBQ醬，酸忌廉醬、意大利香芹、蘑菇同馬蘇里拉芝士，口感層次非常豐富。地中海墨魚汁海鮮意大利飯💰178HKD非常fusion嘅菜式，意大利飯軟硬適中，加入八爪魚、魷魚、海藻、充滿韓式特色，另外加入青口、飛魚子、洋蔥、蘑菇墨魚汁配搭有講究，色彩出眾又好味。Pineapple Flora Iced Tea💰48HKD清香淡雅，對住海景飲呢杯茶勁嘆。Rose Jasmin Green Tea💰28HKD

已經三訪Pizza Maru，今次去咗新開嘅尖沙咀店，環境闊落仲可以望到維港海景，淨係環境已經加晒分！餐廳主打韓式fusion薄餅同炸雞，pizza餅皮都好特別，有獨特口味嘅自家手工批邊，可以轉成金芝邊🧀、摩卡邊☕️同黑芝麻曲奇邊🍪！佢地嘅麵團主要成份係黑米、綠茶、小球藻以及12種天然穀物🌾，混合後低溫發酵24小時，呢個自家配方更加榮獲韓國專利，口感同平時嘅pizza好唔同，更加煙韌有麥香！------------------------------🧆◖韓式海陸薄餅◗ $193佢有regular同large可以揀，今次叫咗大嘅，有13”，可以分到八大件！用咗牧場醬底，甜酸地帶啲芝士嘅奶香，面頭鋪咗韓式烤肉、香辣蝦同薯角，仲有蘑菇、青椒呢啲配料，加上酸忌廉醬，食落微辣好惹味，又唔會好漏，拉芝效果一流！薄餅批邊都做得好出色，夠晒煙韌，加入多種天然穀物，食到穀物嘅香味，外皮烘烤得微脆，味道有層次口感好正！🍗◖半半炸雞◗ $223/12件有四款口味可以揀，揀咗蒜香甜辣秘製炸雞拼芝士秘製炸雞，幾欣賞佢唔會全部都係乾柴嘅雞件，都有唔少雞鎚呢啲部位，肉質都幾嫩滑，除咗呢幾款，仲有好多其他特色炸雞可