Pier Lounge and Pier Bar

营业中

休息中

今晚開完會返到酒店已經八點，攰到邊度都唔想去，所以就響酒店嘅pier lounge 唸住求期點個snack. 点知佢原來有set dinner, 咁所以就揀左iberico ham salad 做頭盤，個ham 好香，配埋芝士同個汁好夾，值得一贊係個無花果同少少伴磲嘅合桃，為整碟頭盤在口感及味蕾上起到畫龍點睛的作用。主菜我揀左西班牙燒春雞，沒諗到隻春雞真係超迷李，係兩隻迷你春雞脾，不過味道唔錯。我仲要左個lobster bisque, 味道都夠濃，不過龍蝦肉就畧為少了點，感覺唔夠豐富。 最後當然唔少得嘅係甜品啦，個心太軟加雪糕水準不過不失，新鮮熱騰騰，最後當然俾我KO哂啦。總括而言，食物水準和服務都不錯，可以再來！

早前在海洋公園萬豪酒店嘗過Marina餐廳的自助晚餐後，覺得相當滿意，所以當知道另一間餐廳Pier現正推出點心主題Brunch後，馬上就訂位了。Brunch的食物種類不算太多，但勝在高質，而且在海洋公園吃，感覺特別悠閒，令人心情靚靚！Pier設有室外及室內座位，景觀開揚，座位亦安排得寬鬆，坐得舒服，不會逼逼狹狹。一、點心雪山义燒包、芋角、春卷燒賣碧絲香茜餃蝦餃喜歡一盅幾件的朋友，又怎可錯過蝦餃、燒賣等經典點心？這裡也做得好，餃皮晶瑩剔透，皮薄餡靚，鮮蝦爽口彈牙，吃得出新鮮。二、熱葷熱葷之中，我特別推薦牛腱，煮得又腍又入味；另外鮑魚雞絲粥亦十分足料，早上吃碗粥，夠正氣！三、Live Station再往內走，有個Live Station，有粉麵檔之餘，更有即煎蔥花蝦米腸、蘿蔔糕、尖椒、墨魚餅等等，煎得金黃香口，尤其喜歡墨魚餅，很有咬口。此外，熱辣辣的鹹菜煲豬雜、牛腩蘿蔔、咖哩豬皮魚蛋魷魚各有特色，充滿港式風味，尤其是鹹菜豬雜湯，已經很久沒飲過了，好懷念的味道。四、冷盤及甜品冷盤有些醃菜和夫妻肺片，前者爽口開胃，後者香辣而不嗆喉，都很不錯。甜品方面，色彩繽紛的馬卡龍很吸引，不會死甜，特別喜歡

經過幾個月的運作，海洋公園萬豪酒店內的餐廳基本上是越見進步。 單是自助餐，比起兩三個月前已經有天淵之別的感覺。上月剛係 Pier Library 參加了「丸山珈琲」班，想不到事隔個零月，跟太太及囝囝再次到訪。趁著復活節假期，踫上放假的日子，正好試試新推出的 Sunday Brunch。大堂一角，另有即煎由總廚自家出品的蘿蔔糕，只可惜今日紅色暴雨下，煎爐由戶外移至室內，明火煎變成電磁爐，欠了少許鑊氣，但蘿蔔糕煎得外層微焦，內裡蘿蔔絲好香，好期待新年時的出品。墨魚餅亦是自家製，外層煎得微脆，咬落滿有彈性，不錯。尖椒半開，釀上了鯪魚肉，微微辛辣好惹味。至於炒腸粉，煎得表面香口，加點麻醬、豉油、甜醬及辣醬，超好食。想不到酒店會反璞歸真，有平民食物咖哩魚蛋豬皮，不過真係幾辣下。另外，有鹹菜豬腸豬肚湯，胡椒味不會太重，陣陣辛香，其實可以用來拌飯，效果幾好。五香牛肚蘿蔔炆得好稔又入味，尤其是另行淥碟菜，淋上牛肚汁，真是人間美味。紅酒燴牛面頰 好稔，而且肉味濃郁。牛油檸檬汁鱲魚 因為有檸檬汁，所以魚肉不覺腥，但略嫌煎得有些少過火，肉質稍微結實。如果想清清地，不妨食蒸雜菜。點心是貴精不貴多，蝦餃

這個下午，有幸來到海洋公園萬豪酒店上了一個精品咖啡的課堂。愛咖啡的你和我，又會否知道一杯非常高水準的手沖精品咖啡的味道到底可以點樣好？海洋公園萬豪酒店特別邀請了"丸山咖啡"的丸山大師和於國際咖啡賽得獎手沖咖啡師來港將手沖咖啡的專業知識傳授這個酒廊的駐場咖啡師，來一個crossover。Pier Bar更在3月10日到4月28日期間，推出這個特色下午茶套餐配合這個手沖咖啡的推廣。除了下午茶外，最重要係海洋公園要請到丸山大使過來親自教授手沖咖啡的專業知識，分享咖啡豆的心得，更即場和手沖咖啡師炮製手沖咖啡，你除了可以親自品嘗到丸山先生和Kaoru Kamiyama冲咖啡的水準，還可以學到點沖一杯好嘅咖啡。當天教導了手沖咖啡的特別技巧，原來在水溫，重量，手冲的次數都非常講究，我們不同人炮製的版本都有一定不同的程度，有酸味有果味有茶味，各有風格，而最重要係學到手冲咖啡的秘技，獲益良多。當日除了講解手沖咖啡外，還可以吃到期間限定的tea set。甜點的陣容有雙層芝士蛋糕，柚子軟心朱古力，抹茶紅豆慕絲蛋糕，法式鮮果撻，榛子金磚蛋糕，個人喜歡的是抹茶紅豆慕絲蛋糕，那個抹茶香婉柔細膩，和丸山的咖啡最合適

人生自古誰無伏 今次竟然敗係間都曾經頗為期待嘅新酒店...話哂Marriott出品稱不上好Top 但理應唔差一直留意究竟幾時開幕見佢上年一直延遲又延遲直至年底好多媒體為佢做勢話終於開啦！開啦！我都覺得尚未係時候去其一 想等佢Run熟咗先其二 要數酒店大堂最特別嘅地方一個巨型圓柱水族館根本都未開封同我吹到話有大白鯊都得㗎啦若果特別為此而去嘅話就梗係要等佢全面解封放咗魚入去先至好去朝聖 終於比我等到HT小王子掛住睇🐟🐟Mama就可以放心Tea果日咁啱遇上潛水人員喺度餵魚仲同佢say hi酒店裝潢係幾Interesting但未去到令我拜倒既級數講返令人失望嘅下午茶先大家估吓呢個Tea幾錢Tea Set平日收$588都唔平㗎啦果日嚟到話只有呢個情人節Set何解電話訂位果時完全無提及官方FB/IG亦都無相關嘅Post重點係我去果日又唔係情人節若果早知 一定唔會揀果日去比平時貴咗都唔緊要最弊係一啲都唔值呢個價大家眼見最上層果三兜係Jam同clotted cream唔係以為咁就可以亞緊層成件事會唔會揸流灘咗啲四件鹹點有兩件係叫你食齋Burger入面得兩塊矮瓜青瓜真係沒有最玩嘢只有更玩嘢件芝腿冶更連烘

We stayed at this hotel last Saturday and went down for a couple of drinks after nine. Out of our expectation, there was a live band at this quiet bar, and the performance was good. We enjoyed the music, the complimentary dish of cold cuts as well as our little chat with the friendly staff. This place is going to be one of our choices for an evening out from now on as it is decent, reasonably priced and conveniently located just right outside the MTR station.

萬豪酒店終於喺海洋公園執開幕啦！香港海洋公園其實一早就應該要有一個四正高質嘅酒店去招呼外國遊客啦！酒店開幕一個月，入到去眼見客人唔多，職員都忙於做酒店的執修等工作。今日去完海洋公園後，入酒店lounge抖一抖兼希望避開人群，lounge提供下午茶食物款式嘅選擇並唔多，而且價錢都係屬五星級嘅酒店價錢大概都要二百元左右，不過收得五星級嘅價錢，亦會提供返五星級嘅食物水準同埋酒店嘅質素，招呼係一流，酒店嘅食物亦都係非常衛生，睇起上嚟好靚好新鮮。最值回票價嘅就係個環境，如果想休息下，呢度一定係一個好好非常好嘅選擇。