PEPPER LUNCH EXPRESS PLUS (MegaBox)

营业中

休息中

Pepper Lunch係一間日本連鎖快餐店，主要係食鐵板牛肉飯，係香港各大food court 都好受歡迎。依間Pepper Lunch 位於Megabox 溜冰場隔離，有專屬座位，亦可以買出去類似food court 座位食。我哋今次叫左壽喜燒牛肉鍋、珍寶泡菜黑椒牛肉飯。………………………………………………珍寶泡菜黑椒牛肉飯 ⭐️⭐️⭐️⭐️牛肉都係正常發揮嘅普通肥牛，而白飯加黑椒汁加粟米加泡菜，再加埋用熱辣辣嘅鐵板迫晒出嚟嘅牛油汁，就變得好惹味。所以pepper lunch 真正吸引到我嘅地方係加左黑椒牛肉汁嘅飯。不過由於肥牛太肥，食到尾聲會覺得太油膩。壽喜燒牛肉鍋⭐️⭐️⭐️肥牛都係個啲肥牛啦，有一兜壽喜燒汁可以自己倒落去，幾有儀式感，不過食落就一般。沙律搖搖杯⭐️⭐️⭐️⭐️個概念幾好，打開杯蓋再倒芝麻醬，再蓋返杯蓋搖，啲醬都搖得幾均勻，沙律菜新鮮，唔錯。………………………………………………Pepper lunch 其實都唔平，啲牛肉質素又一般，但係佢個飯係真係好食嘅，所以耐唔耐都會想食一次。

九龍灣返工嘅打工仔有福啦！Pepper Lunch新推出嘅外賣自取優惠簡直超值 - $48就歎到「黑椒雞粒溫泉蛋紫菜拌飯套餐」，仲跟埋涼拌芝麻西蘭花同百事可樂，性價比爆燈！ 黑椒雞粒份量十足，雞肉嫩滑多汁，表面微焦帶出香氣，黑椒味濃郁又唔會太辣。將溫泉蛋篤穿同紫菜、飯撈勻，每一啖都充滿層次感。套餐跟嘅芝麻西蘭花清爽解膩，芝麻醬香濃可口，完美平衡黑椒嘅辛香。 取餐過程好方便，落單後約5分鐘就有得拎。包裝密封性好，保溫效果出色，帶返office都仲熱辣辣。$48就食到咁豐富嘅一餐，絕對係九龍灣打工族嘅午餐救星，慳錢之餘又滿足到味蕾！

今日嚟到MegaBox行街，因為有啲早， 11點幾冇乜餐廳開咗，見到Pepper Lunch開咗所以就去食Pepper Lunch佢係喺溜冰場隔離，如果舖頭冇晒位可以坐出面，都一樣係半自助形式，先出去order，再坐低等攞餐Pepper Lunch我有我嘅must order item就係最common嘅黑椒牛肉飯$59 我一定會加芝士+$6同行朋友嗌咗蒜香黑椒牛肉肉飯$65 再加蛋加芝士+$12 落埋蜜糖芥末汁，簡直係冇得彈！熱辣辣又夠鑊氣，勁香口！

小朋友學校陸運會，完咗之後就去MegaBox搵嘢食，見到有Pepper Lunch就坐低，叫咗一個佢哋新出嘅「澳洲西冷牛扒配龍蝦風味芝士醬」睇個圖就吸引，點知牛扒嚟到又乾又un，絕對對唔上呢個價錢！ 未食過啲咁難食嘅牛扒雖然佢個主角唔好食，但係佢個醬都唔錯！相反小朋友叫咗普通Pepper Lunch招牌牛肉飯, 就好好食，起碼唔會un 到咬唔開，小朋友非常鍾意食，明明牛扒餐係貴幾倍，但估唔到難食程度都加幾倍…佢哋而家有得用手機落單，本來係幾方便，但係落完單之後，會搵唔返個下單記錄，個page renew咗之後，就會冇晒記錄，下次唔會再用手機落單！費事攞餐嘅時候又麻煩職員。

咁啱去MegaBox行街，行完就好餓了，只想食個快lunch，望下有乜食先！正，呢度有pepper lunch，其實以前都有食開嘅，只係返工地方無，所以少咗食！咁多年都品質不變，一直都好鍾情佢嘅黑椒牛肉飯，最緊要係佢可以自選配料，我就最愛佢哋嘅芝士，加埋蜜糖燒汁，成個飯熱辣辣，又香口又有口感，同埋佢嘅牛肉咁多年都可以保持到水準，唔鞋唔硬！中午時間去，好快就有位了，佢嘅餐仲可以係foodcourt位置享受，下次去MegaBox都要去食先！食品：⭐️⭐️⭐️⭐️⭐️服務：⭐️⭐️⭐️⭐️乾淨：⭐️⭐️⭐️⭐️價格：⭐️⭐️⭐️⭐️⭐️

今日約咗朋友過嚟呢一邊，行過溜冰場，唔小心聞到Pepper Lunch嘅香味🤣就走咗過去睇餐牌！竟然喺度見到有壽喜燒😂就已經忍唔住落order😂🌟壽喜燒牛肉鍋($79)可以另加$30 -配飲品，Häagen-Dazs 細雪糕上面中加多隻蛋，有菇，個壽喜燒汁幾好食，加埋落個飯度好好食，唔好加咁多汁，因為會偏鹹😝個牛肉中規中矩，對得住個價錢！呢個價錢食到壽喜燒係幾開心😊*唯一不足之處係個飯，真係實在太凍☹️呢個最好改善一下。如果放個飯落個鐵板度又吸晒啲汁又太鹹😔估唔到係溫度呢個問題，令到成件事差咗🥲🌟黑椒牛肉鐵板 呢個係平靚正之選😃冇諗法想食咩嘅人必食首選😂

食Megabox 入面既pepper lunch,叫左個芝士汁雞扒飯，要另外加錢先有野飲，加加埋埋都差唔多一百蚊！芝士汁幾好食，鐵板夠熱，雞扒份量少，整體黎講，又貴又細份，一百蚊食咁既野，性價比不高

未行入間舖，就喺門口聞到好香牛油味。本來想食隔離果間，但都被啲油煙吸引咗去pepper lunch。餐廳提供各款食品多以鐵板上枱，夠晒熱辣有鑊氣。叫咗普通版本牛肉鐵板飯，肥牛份量望落有點稀疏，煎一陣已經熟透食得。加埋醬汁炒勻煎香，更加惹味。食落牛肉唔會韌，仲好香牛油味。同時仲有好多甜粟米粒伴碟，食落就唔會太油膩。另外叫咗一碟蒜片牛肉鐵板，多咗蒜片，味道更香濃*食完成身油煙味，如果餐廳可提供除味噴霧給客人餐後使用，就更好了**可能因為啲油彈得太利害，基本上，枱面同醬油架都油淋淋

每次經過pepper lunch都會俾佢既香味吸引，見好耐冇食，就襯今日Megabox睇完戲落去foodcourt幫襯下啦~我地分別叫左個《珍寶黑椒牛肉飯》同《蒜香黑椒牛肉飯》，加左一份包兩個小食同野飲既套餐。食過pepperlunch既朋友都知，基本上經過舖頭附近都已經會聞到好噴噴，當自己個份熱辣辣嘅鐵板牛肉飯上到枱時就更加不得了，我地急不及待落醬汁同加多d黑椒就開餐😋 兩款經典鐵板飯都保持到水準，同以前一樣咁香口野味。食到咁上下再加多少少粗磨黑椒，令成個飯再昇華多d，好味😌。 至於小食方面，第一樣小食我地叫左個黑椒雞粒，本來以為係炸雞粒黎，估唔到上枱見到係好似煎雞扒切左粒咁，食落去粒粒都幾Juicy，加埋落個飯度仲好夾添💕之後第二樣小食就叫左Häagen-Dazs雪糕，小小既一盒雪糕為今晚既晚餐畫上完美左既句號。

pepper lunch係我讀書時期果陣非常中意，自從冇禁就腳之後好耐冇食，好左好多新花樣。今日叫左經典嘅泡菜牛肉飯，泡菜令食落冇禁油膩，泡菜香辣同黑椒原來係禁夾，推薦！

今晚星期二同朋友嚟食飯，服務員非常之親切，入到去餐廳又乾淨，早啲入去食仲唔使等位，嗌完嘢食之後好快就食得，今次我嗌咗蒜香黑椒牛肉飯（見圖片），蒜蓉味道再加埋鐵板黑椒牛肉飯，簡直係絕配！

之前仲未有第四波，去左九龍灣買野，諗緊食咩好，經過pepper lunch.聞到香噴噴，同聽到啲鐵板“滋滋”聲，好吸引，所以決定晏就系果度解決啦**依家系出面落完order之後就會有專人將個“滋滋”鐵板送到你面前我想食三文魚同肉所以就叫左哩個三拼（肥牛/雞肉/三文魚）飯上面有啲黑椒，青葱同粟米（另外加多左$10升級，分量多啲啲）加左醬汁味道豐富啲另外就叫左漢堡扒哩個餐配左洋葱汁哩個飯同汁都系放系旁邊，等客人自己整嘅可以享受一下自己煎熟所有野嘅樂趣每個枱面上都有個小小嘅調味料盤仔外面走廊近門口位置有個自助bar.有膠水杯（提供水比客人）有兩款醬汁比客人選擇（如圖）

話說我都有成一年左右冇食過Pepper Lunch，今日見做完運動減咗啲卡路里就嚟食，少啲罪惡感🤣Megabox呢間店出面係food court，除咗係入面食都可以拎出去邊睇人溜冰邊食嘅⛸ 而我都係喺返入面食算了。啲枱櫈有少少油，所以盡量避免放個人物品上去喇💧我揀咗最經典嘅黑椒牛肉飯加蛋同芝士（$65），大家一定要加，會好食好多！💕因為太心急嘅關係我已經撈好咗😆 除咗油咗少少之外味道很好，幾重黑椒味。牛肉份量都幾多，不過都食得哂。如果係牛魔王嘅話更加可以叫 Jumbo 添！為咗令成個飯再出味啲，各種調味料和醬汁我都加了一些。呢個係我男朋友點嘅壽喜燒牛肉鍋（$73）。壽喜燒汁勁濃！！！餸飯一流😭🧡 下次我都會叫呢個食下，推介！埋單只需 $138（冇加一服務費）一啲都唔貴，係得閒放肆下食餐高 kcal 之選哈哈🥳

經過pepper lunch，menu有好多 items，就直接問店員有冇素食，佢喺櫃桶拎個素食menu比我😆😆都幾多芽菜同粟米，仲有豆腐同菇，都算豐富同幾好味😋

今日下晝去咗MegaBox嘅宜家傢俬買家品，買完野之後都差唔多七八點食晚飯嘅你揀咗MegaBox度食嘢，利苑已經聞到Pepper Lunch嘅香味啦，二話不說我當然即係帶咗個珍寶牛肉鐵板燒餐啦呢個都係我嘅最愛，每次食親Pepper Lunch一定係會係呢一個，因為我真係好鍾意佢㗎牛肉再加粟米再加黑椒再加埋一啲醬汁難咁樣食嘅滋味夠啦哎呀你唔好講嘢住啦真係好好味。