Pattern

营业中

休息中

✨呢間係好味到我覺得要特登返黎打篇食評讚下佢的✨重點係有驚喜👏🏻行完山係大埔隨便搵野食，見到呢間好似評價ok 就搵黎試試。到店外面見到Menu 殘殘的，店面又暗暗地冇咩吸引，心諗應該都係麻麻，不過不失食飽算數。叫左兩樣野：千島醬烤菠蘿Pizza $84 諗住佢會係可預料既呢款pizza 味，點知食落好香，啲雞肉有孜然香草🌿味，醬汁有別於一貫普通既味道，餅身唔會太厚，有口感有脆邊，呢隻味道好食過刻板印象既呢款pizza🤤邊食邊讚魚汁魷魚圈意粉 $84 黑色一團既意粉總係驚會好伏，諗住冒險一試，點知係出奇既好味，墨汁香唔會腥，最驚喜係佢啲意粉唔單止有魷魚圈，仲要有其他小海鮮蝦米魷魚之類，好有心，食到好多口感、好香，忍唔住要影返張相表揚下，覺得好難得佢唔止得魷魚圈，仲要有咁多配料，做多左好有心🥺💓（唔好意思係街食太暗影到矇左，但真係太驚喜，想影低佢好多配料）總結：食完覺得CP值高、味道好、有良心、會想走去再食既店！推介！

🍾用餐體驗呢間餐廳喺大埔都開咗好多年，平時lunch或者dinner去都見到有唔少人排隊，我自己就超級鍾意佢哋嘅羊西冷，差唔多次次去都係點呢個set，食物嘅用料同烹調都好用心，絕對值得一試再試！🖼環境餐廳嘅主調係黃色嘅裝潢，靠近門口嗰邊嘅座位有一大塊落地玻璃，採光好足夠，可以舒舒服服歎住咁用餐😌飲料：☕️ 熱茉莉花綠茶 Free呢個茉莉花綠茶係茶包嚟嘅，味道清香，都幾好飲👍🏻主食：🤍 板燒羊西冷配意粉 $88嚟到我差唔多次次嚟都會點嘅羊西冷，我通常都係點七成熟，唔會太生又唔會太熟，切開就見到粉嫩嘅肉質，一啖咬落口，令人著迷嘅羊羶味，好香好正，非常出色🤤😍😋而番茄意粉亦都好好味，好完美嘅一餐👍🏻👍🏻👍🏻

大埔家庭式經營的良心西餐小店，味道不錯而且價錢相宜，性價比非常高！1. 煙三文魚凱撒漢堡配沙律菜🍔（$67）超大份burger，包沙律菜或薯角，再包一杯飲品也只不過是$67，其味道更是高於這個價錢應有的質素，想平平地吃個西餐是個不錯的選擇。漢堡預先搽了牛油烘過，中間夾了兩大塊煙三文魚，啖啖都能吃到煙三文魚👍🏻菜、番茄和洋蔥都很新鮮，洋蔥只有一圈，不愛吃的話可以直接拿走🤣整體而言味道不錯，可惜芝士片上枱時已經變凍變硬，如果是半溶芝士就更美味了！

今個星期日同朋友嚟左大埔人的良心食堂食晏💛，1點幾到，都幾多人等，我地係第四張，大約等左半個鐘，所以大家如果嚟食都要預d時間等位。太餓的話真係要預早少少xdd🤭🤭今次我嗌左lunch set嘅🍝番茄汁煙三文魚意粉(微辣)配熱奶茶，而我個frd就嗌左🐑羊西冷配意粉跟熱玫瑰茉莉花茶。因為我frd嘅意粉都係番茄意粉，但就走辣，所以比較下就更加覺得我嘅微辣非常出色！🤤🤤少少辣令個味更加鮮，連唔食辣嘅我都食到，極力推薦！而且煙三文魚混合咗意粉都好夾，正！朋友嘅羊西冷我都試左dd，有好香嘅羊羶味，不過略嫌7成熟比想像中熟，但都絕對唔會太老，肉質仍然有8分以上。好味道！👍🏻👍🏻👍🏻

雖然行過路過多次呢間餐廳，但今次都係初嘗，主要原因係佢睇落好頹燈光又暗，好似好殘舊🤫不過食完覺得食物質素都唔錯🔆千島醬烤雞菠蘿薄餅$𝟠𝟘批底口感好特別，好似餅乾😂食落咔咔聲🍪芝士同菠蘿份量都好足，烤雞如果細粒d會更易食。另外有點奇怪，就係個pizza茄膏味好明顯好突出🧐🔆帶子黑松露野菌忌廉意粉$𝟠𝟟 黑松露味好香，野菌份量絕對沒有吝嗇，帶子沒有雪味🥰意粉質感偏硬，吃起來較彈牙，不過整體偏油🔆蜜糖芥末雞翼$𝟜𝟘 肉好淋，超多蜜糖🍯感覺係煮完之後再搽蜜糖，所以唔止肉本身吸收左，連表面都被蜜糖浸透🔆士多啤梨朱古力(凍)$𝟜𝟚(跟餐半價)因為我唔飲咖啡，所以平時食西餐都鍾意叫朱古力系列，開心呢度有好多不同口味可以選擇😍今次試左士多啤梨，不過飲落都係朱古力味比較搶🤪整體覺得都唔錯，而且價錢唔貴😚另外佢嘅lunch set同套餐都幾抵食嘅👍🏼

📍太和 Pattern呢間小店都幾受歡迎，全場滿座，特別之處係舖頭出面放咗部扭蛋機，集齊特定數量印仔就可以扭蛋，會有唔同優惠。𓇠 鐵板龍脷柳配煙三文魚墨魚汁意粉 $73 𓇠雖然食墨汁意粉會搞到成個嘴黑曬，但耐無食就會想叫🍝 意粉面灑上芝士粉，有3-4塊龍脷柳同兩小塊煙三文魚，魚柳煎得金黃焦脆。而且食落都有幾多墨魚粒🦑墨汁唔腥，意粉煮得岩岩好，可以掛汁👍🏻𓇠 真係辣菠蘿雞漢堡配薯角 $64 𓇠呢個漢堡材料好豐富！有菠蘿🍍生菜、番茄、紫洋蔥同炸雞。芝麻包用牛油烘過好香🍔酸辣醬令漢堡味道更豐富，配上粗薯角係不敗配搭🍟𓇠 經典朱古力 跟餐價$19 𓇠凍朱古力唧上鮮忌廉同朱古力醬，令飲品賣相更靚之餘，都更邪惡🍫飲落係比平時盒裝朱古力奶再濃啲，唔會死甜。🔺味道：4/5🔹服務：3.5/5🔸環境：3.5/5

Very Tasty food and drinks Very Nice staff Reasonable and Fair pricesI love their Pizza and pasta. A lots special drinks to choose.Very nice dinner set! Must try. Very Good value of money. I would recommend everything from this restaurant. Super yummy

4人餐 $438前菜3款：吞拿魚沙律，焗蘑菇，黑松露溏心蛋沙律正常發揮，焗蘑菇味道很好又juicy，溏心蛋係最有驚喜既，一啖擺落口黑松露充斥住整個口腔，黑松露控大愛😋主菜3款：🍝巴拿馬火腿松露意粉，火腿份量多，本身既咸味中和左濃郁既忌廉醬汁，所以唔會膩口。🍕千島菠蘿雞肉pizza，必食之選👍新鮮即焗，芝士配雞肉，酸甜既千島醬跟大大粒既菠蘿係絕配，好好味😋🍔辣脆雞煙肉burger，料足又大個，煙肉又唔會煎得過火，帶有脆邊，仲有脆薯角伴碟添🐷焗豬仔骨，中規中矩，小妹略嚴太淋身

大埔食pizza都好多選擇，經常經過都見呢間好多人，就試下。環境氣氛唔錯，食物都多種類點咗個焗蘑菇同pizza，就話得返4粒菇（原本共8粒）問一半價錢可唔可以，咁反正唔餓，都好。黎到見到係有1粒切開左當兩粒，照食，一般，菇中又有菇建議用大啡菇，加芝士焗 更好千島醬 雞 菠蘿撇除燶咗既邊邊，整體黎講好食，不過雞可以更細舊，pizza皮薄，唔會好飽肚，邊雖然燶，好脆口個人認為下次可以再試其他食物，唔錯呀，努力

Pattern大埔小店～小小店舖加廚房，內有坐位大慨有20多個。與朋友叫了Set for Two!大慨$200內容都好豐富～前菜選兩款、主食選兩款、兩杯飲品飲品偏大杯好滿足，朋友說凍咖啡也好飲啡味濃！凍檸檬茶茶底多濃，啖啖檸味！前茶芝士西蘭花，西蘭花爽度適中，芝士夠重味！黑松露溫泉蛋 正常發揮。千島海鮮薄餅起初，我跟朋友想會否太多食物，吃不消！最後完全沒有發生，這個薄餅好好食喔～薄身批又脆又易入口，配料海鮮、配菜等足料，芝士與茄汁又均勻。餐主菜之一帶子黑松露野菌忌廉意粉 （這款菜另加十幾蚊，唔算貴）帶子厚肉，野菌豐富，忌廉醬汁貼著意粉份量適合，好怕過份多汁或太稀。，黑松露忌廉味度香滑。

🍯蜜糖芥末雞翼 聞到好惹味，食落蜜糖唔會太甜。推介。 🍄 焗釀磨菇細細粒一口一粒，面頭有少少芝士，一啲都唔膩。🍝 巴馬火腿黑松露野菌忌廉意粉醬汁香濃，料足，但唔會因為個忌廉已覺滯。🍕 千島醬烤雞菠蘿薄餅即焗，好夠熱！同樣料足，餅式好脆！雞肉嫩滑，咬一口而啲菠蘿汁加上芝士同雞肉，好好味！😊小店約廿個位，樓面嘅兩位小店員親切有禮。

卡邦尼煙肉蘑菇意粉 ($77)帶子黑松露野菌忌廉意粉 ($101)性價比幾高嘅黃店lunchset！今次同朋友試左兩款意粉: 卡邦尼煙肉蘑菇意粉 ($77)，同帶子黑松露野菌忌廉意粉 ($101)兩款意粉煙韌掛汁，我嘅卡邦尼忌廉汁嘅稠度剛好，兩款味道都好好！

呢排想食得冇咁罪惡，出街都會食沙律類既野🙈但小編好少會專登叫走醬，因為有時走醬真係食到唔想食😓🥗 煙鴨胸和風野菜沙律 $49講番個沙律，一上枱望落個份量都幾細下🤣好彩同事有免費雞翼比左2隻我jam先飽😆Btw, 啲菜好新鮮😍 鴨胸其實都有幾塊，份量正常😌不過如果預要食得飽可能就唔好叫咁健康🤣佢lunch set仲送一杯野飲架😍呢間鋪成日都爆場，大家好好支持下😆😆😆

2021年第一篇食譜就係大埔呢間收藏已久既西餐小店，附近其實有唔少餐廳，日式、港式、韓式、泰式等等，而今次呢間餐廳特別最唔起眼，除左因為由外面望入去偏暗之外，佢既招牌亦較為平實，但估唔到佢亦幾受歡迎，係呢個時世lunch時間都能滿座。黎之前做左功課，見唔少食客推介板燒羊西冷，見佢價錢唔算貴，當然要試，而另一款食客推介食品就係龍利柳配煙三文魚墨汁意粉，齋睇個名都覺得食材豐富。餐飲—熱蒸餾咖啡呢個咖啡望落色淡，飲落咖啡唔夠濃，我都係中意茶記既咖啡多d。另外值得一讚既係凍飲唔駛再加錢。板燒羊西冷(7成熟) $88雖然羊西冷只有三件，份量望落唔多，會有唔抵食既感覺，但質素一d都唔差，而且相當有驚喜，就連麻麻地羊既朋友都表示非常中意!! 羊肉質地軟淋、juicy、帶少許羊羶味，一流!!伴碟既沙律菜都新鮮爽脆，只可惜薯⻆相當失敗，一d都唔脆，而且係凍既....龍利柳配煙三文魚墨汁意粉 $73呢個意粉賣相唔錯，望落都幾濕潤，而且仲熱辣辣，咁凍既天氣食佢，當堂暖哂!!龍利柳煎得靚仔，但味道一般，唔會有魚味。每條意粉都沾滿墨汁，入口有少許墨味、蒜味，撈埋煙三文魚一齊食，更多左一份煙燻味，不過一個人食哂成

Pattern 依間唔起眼嘅餐廳真係好多驚喜我幫襯依間餐廳都起碼有10次以上，食物性價比真心好高！基本上意粉、pizza、burger 、排餐都試過曬，全部都食得過價錢仲要唔貴。依篇食評會總結最好食最推介嘅top 3第1名涷朱古力+$19一杯~除咗賣相靚可以打卡之外，佢都好飲到dum一聲！佢朱古力味好濃仲飲到有陣榛子味，飲落係滑身而唔係好水拎粉沖嗰種朱古力奶。我本身都唔食得甜，依杯朱古力嘅甜度我係接受到。但次次都飲唔曬，最後有啲漏。所以今日我叫多左杯無糖無奶嘅咖啡，喺杯朱古力飲到一半嘅時候加落去(變左摩卡)第2名板燒羊西冷可以話我近排去食都係因為佢！係我食過數一數二好食嘅羊！佢煎到好香好嫩好多汁，食落係淋淋地同少少爽口，唔會好鞋同硬。肉質我平時就叫開5成熟，7成熟都食過一次。比較上5成就多汁同淋少少，怕生嘅人可以叫7成其實都係差唔多。重點係每次啲質素都一樣，唔會時好時壞咁。第3名墨汁意粉見好多人都推墨汁意粉，我食過兩次。感覺就係比其他款嘅意粉好食，但未好食到有驚喜。佢係有好香嘅墨汁味同埋都幾多一粒粒嘅墨魚。佢啲意粉軟硬適中，仲啖啖都掛曬墨汁，係幾正嘅。其他其他野食都不過不失，都對得起個