影片
公司搅聚餐，我在网上揾咗呢间到会，见朋友圈嘅朋友都赞好！应该ok! Whatapps沟通为主！ 问咗佢无套餐，系客人在佢嘅相簿拣咗食物，佢再报价！亦可以按客人要求做啲菜色！ok嘅就过数！当日唔系我去攞，同事攞番来！保温锡袋几合尺寸，几企理！因为在同区，所以食物到时都系热嘅！锡纸盘胶盖！1）巴拿马火腿伴哈蜜瓜 $398:卖相靓，哈蜜瓜爽脆微甜，巴马火腿片卖相较哑色，味道咸香，不过就较贵！2）香草多士拼牛油果酱 $188:多士片几多，不过较硬（唔系脆）牛油果酱软滑，又唔会打到无晒打到无晒口感！好味！3）泰式大虾柚子沙律 $358:红柚子肉好多又酸甜，无涩味！去壳虾爽口，捞啲似泰式风味嘅柠檬汁！酸爽好味！4）卤水鸡翼 $258 (40pcs)简单又入味，鸡翼嫩滑！5）秘制泰式猪颈肉 $288（4块）烧得几香口，加埋啲泰式柠檬汁（唔辣）酸爽唔油腻！好味！6）招牌杂锦炒饭 $268 （约5-6lbs)好足料，𩠌菜有火腿粒、粟米、叉烧粒、菜丝！好丰富，饭粒松无结块！炒得唔油腻好味！7）肉酱长通粉 $298 （约5lbs)长通粉弹牙有咬口，通粉有炒过，所以唔会通粉淡茂茂！茄汁肉酱落得多，酸酸地够味！8）香芒布丁杯 $198（12杯）唔记得影相，卖相靓，不过食落较硬！芒果味唔够！一般！9）蒜香蜜糖金沙骨 $288 (25pcs)卖相靓，腌得入味，味道似叉烧酱，甜甜地好味！10）皇牌鲜茄焗猪扒饭 $298:卖相豪华，而且质满晒个盘，大量芝士丝、茄肉、切件猪扒炸过，唔干入味，好食，饭有用粟米等蔬菜粒炒底，有味好食！11） 凉拌青瓜莴笋木耳 $168:呢个本来想叫个菜！不过比预期辣，系川菜𠮶种麻辣！青瓜、莴笋爽脆清甜，平衡了酱汁嘅辣，木耳弹牙嫩口！好味Total: $3000食物真系唔错，菜式又有新意！所以几有惊喜！回覆whatapps嘅同交收时都有礼！回应亦快，店家话唔包餐具！有惊喜嘅到会
继续阅读