Parkview (新城市廣場一期)

营业中

休息中

尋日食個Lunch，見人多仲以為好野，點知叫兩個set都偏咸，鍾意食得有機野梗係清淡好D架喇，食物水準普通，唔值咁既價錢，係最後杯咖啡幾好飲！

Lunch 要等位, 見到佢以有機做selling pt, 所以想試, 一埋到位, 未叫野食, 便拎bread, 好快, 個包幾好味, 熱的, 叫了兩個set lunch, 一個係蒸三文魚炒雜菌配意粉($69), 一個係肉眼扒配薯菜($72), 餐湯我揀o左西蘭花忌廉湯, 好味, 有d d 三文魚醉, 好香, appetizer 係沙律, d 生菜幾fresh, 有d 生果, ok, main course 個三文魚是蒸的, 好健康, d 汁好好味, 好嫩, 個肉眼, 我叫了七成熟, 睇落好似幾生, 但食落o岩o岩好, 但普通d, 個薯菜都係細到離晒普, 好細舊, 同埋唔熱>.< 要意粉好過, 用忌廉炒, 好味, 但都好少, 兩啖都食得晒, 最尾有一粒啫喱做甜品, 好細粒, 但幾有心思, 佢d service speed 都算快, 係recept 個阿叔自己好亂, 都冇人"吹"佢, 自己打亂自己, 真係呆晒, 食物價錢都唔平, 但係o個度食咩都貴lor我食完都唔知食o左d 咩係有機???

Service 非常差. o個個星期六lunch 唔係好多人, 都要我地齊晒人先至可以入去坐. 我地即刻走. 以後都唔會去.

星期6(8/12)返學校test完就去左沙田~要左T骨扒黑椒汁配意粉~牛仔肉粟米五穀飯~~好多野食呢,,,,有湯+包+吞拿魚沙律+甜品仲有野飲~湯有西蘭花忌cream湯or雜菜湯~~塊扒好大塊呀!!!!!!有我塊面咁大呀!!整體上都幾好~~d野都好味道~~好豐富的lunch~~食完就去食街了~

星期日ge new town plaza 多人到傻周圍都要等好耐好似唔使$$6:30 去ruby tuesday 要等到9:30pokka cafe 好多人最後去左parkview 少人d標榜organic food餐包好軟又熱熱地YUMMY!蕃茄周打湯: 一般飲完有d口渴個沙律好味! 好freshd 粟米好甜食左2份salad!二人set牛扒: 好乾又"鞋"口食得好辛苦銀雪魚: 好香good!!舊薯我覺得唔夠淋粟米天使麵ok! 食左兩啖無食因為好飽甜品. 好tiny 不過不失啦其他: 薯條千祈唔好食衰過mcdonald o個d又細條又乾又皺皮..2個auntie 叫dinner set話個main course好鹹總括黎講咁ge price. 我會去隔離pokka cafe

食過幾次，旺日千祈唔好去，試過同澱粉王男友叫過2人set dinner (on sat)，D main 嘅魚呀羊架呀堆哂上同一個碟，情況就好似將尋晚食剩D隔夜餸咁，賣相同味道都唔得，好求其，risotto 濕得滯又無味，最好味喺個面包，熱辣辣，但比呢個價只喺為食個包咩。仲有，勁漏單，要追好多次。唔知喺咪旺日佢地做唔切呢?試過weekday同媽咪食lunch，無乜人，service好好，食物呢，湯、面包、salad、main同dessert都幾好ga，樣靚又好味。同人多嘅時候實在好太分別，如果我喺盲嘅，只有味覺同其他感覺，我會以為你帶咗我去兩間唔同嘅餐廳lor….但喺，做一間中價餐廳，點可以應付唔到多人ga…. 人多D就做唔好? 咁死梗啦。

今晚我同男友諗住去沙田行街&食晚飯,知道呢道有幾間新野,特登揀咗parkview試吓,見佢個環境都幾舒服,我地嗌咗一份安格斯肉眼set($178)&安格斯牛柳set($196),咁佢個set就包一份salad,餐湯(南瓜忌廉湯or蕃茄清湯),餐包一個,餐飲,仲有是日甜品(紅豆糯米滋)!!第一味個湯就唔熱,算la,點知連個扒,意粉.薯菜呀都唔熱,激死人呀,好睇唔好食,而家唔係屋企留飯ma,你估暖暖地易入口咩~~最後係個所謂是日甜品呀,唔凍唔熱都唔緊要,最弊係舊糯米滋硬掘掘,最終撬開個皮食d紅豆就算la!! 下次都係咪攪呀, 又貴又唔好食!!

同屋企人去食Dinner, 食物水準十分普通, 其中一塊海鮮竟已變壞, 可能是急凍貨關係所以廚師並無發現, 侍應態度很差, 下次寧願去其他地方等耐d都唔會再去lee間...

今日去沙田, 見到開o左幾間新餐廳, 即管試o下啦~ 叫o左個美式焗豬扖配紅米飯同什菜沙律o既set lunch~ 豬扖幾好食, 又夠厚身~ 唯一可以彈o既係塊扖可以瘦少少, 襯返呢個健康餐! 沙律同飯ok! 餐湯係南瓜忌廉湯, 配法式軟包~ 包包好軟, 個湯又有濃濃o既南瓜味! 仲跟埋餐飲同甜品~ 侍應話個甜品叫"芒果果凍", 味道一般, 不太好食... 最可惡係service! 太差啦, 叫埋單叫o左幾次, 等到火都黎!!overall 食物質素幾好, 但有d貴囉! 連埋加一70蚊, 可以平少少下麻?!

價錢比較貴, 食物一般, 唔會有下次

30/8/07 ~ lunch 一行6人去此食餐, D野食難食到暈. 夠贍死有D餐味道近乎白灼墨魚意粉. 干煎肉醬意粉, 卡拉ok好過佢的俄國雞飯. 其它二款只是好小小可放入口.以後打死都唔幫襯!

新城市廣場一期地下已經開新食市，有日本、西餐、pizza等，所以今日要試！最後，我揀食Parkview。我叫個2人套餐，包餐湯、2個main course、1個飯/ 麵、甜品& 餐飲($220 / set)。免費麵包好鬆軟，原本係熱，但我等埋湯先食，所以凍晒。希望下次可以等湯先上，冇咁快凍嘛！餐湯(有忌廉/ 什菜) 個忌廉湯又幾好飲喎！唔會太稀，味道好夠。主菜1) 紅洋蔥烤雞扒煎得好香，加埋洋蔥，好味！2) 法式燴海鮮有魚、蝦、墨魚、青口、藍貝，加埋白汁，正！(因為我好鍾意食海鮮)白汁磨菇意大利粉勁多磨菇，意粉又爽口，唔錯！餐飲可以揀鮮橙汁，抵！甜品冇得揀！之前我見有果撻& 藍莓蛋糕。我喱個係檸檬蛋糕，口味幾清新，味道唔錯！總括講，間餐廳都唔錯。環境舒適，坐位唔會太迫，侍應做夠爽快，上菜速度都算快。另外，其實間餐廳賣係有機健康食品，佢好多菜式都係跟紅糙米飯、有機蔬菜等，都幾健康！

遲了放工，新城市人山人海，肚子很餓，最少人係呢間，唔想等位就選呢間。點了二人套餐。餐湯係磨姑湯，普通。主菜選擇了西冷扒，炒飯and stew seafood，分量少，味道普通。D Waitress 一直趕著要我們叫餐飲，很煩。主菜碟未收，甜品已丟在我們的薹上，令我們感到莫名其妙。以為很多人在等位，可是還有很多空位。$220+10% 可以有很多更好的選擇。

等埋太太放工食晚飯, 見到新城市地下開了新店. 最少人係呢間, 唔想等位就選呢間.點了豬扒, 太太要了沙律加豆腐蒸蛋加豬肉. 個餐湯係雞肉磨姑清湯, 普普通通, 三樣材料各不相干的樣子, 但以新城市食店水準算一般.主菜算好食, 豬扒話係有機產品, 幾香肉味, 但煎得太乾. 配菜比較普通. 太太話沙律好酸, 其他兩樣試過都可以. 餐飲同送的甜品一般水準.總括而言都好食, 但比較貴.